గుండె నిండా గుడి గంటలు Nov 18th, 2025 మంగళవారం ఎపిసోడ్: ప్రభావతి, మనోజ్ ల మోసాన్ని బయటపెట్టిన బాలు … !!! మీనా పై నిందలేసిన ప్రభావతి … !!!
ఎపిసోడ్ ప్రారంభంలో సుశీలమ్మ తనకు మనసుకి నచ్చిన కానుక ఇచ్చినందుకు బాలు-మీనా లకు తన తరతరాల నుంచి వస్తున్న బంగారు ఆభరణాన్ని రిటర్న్ గిఫ్ట్‌గా అందిస్తుంది. ప్రతి సంవత్సరం ఆ నగలను ఊరి గుడిలో పూజకు తీసుకెళ్లాలని, ఎలాంటి పరిస్థితుల్లోనూ తాకట్టు పెట్టడం కానీ అమ్మడం కానీ చేయకూడదని బామ్మ చెప్తుంది. అది తనకి తన అత్తగారు ఇచ్చారని ఆమెకి వాళ్ళ అత్తగారు ఇచ్చారని దాని గొప్పదనం చెప్తుంది. ఈ గౌరవం తమ చేతుల్లోకి రావడం మీనాకు గర్వంగా, ఆనందంగా అనిపిస్తుంది. అయితే పక్కనే ఉన్న ప్రభావతి, మనోజ్, రోహిణిల ముఖాల్లో మాత్రం అసహనం, అసూయ స్పష్టంగా కనిపిస్తుంది. మిగిలిన అందరు సంతోషిస్తారు.
అదే సమయంలో మౌనిక ఇంక ఇంటికి వెళ్తాను అని అంటుంది. అందరు భోజనం చేసి వెళ్ళమని అడగడంతో తన భర్త తన కోసం భోజనం చేయకుండా ఎదురు చూస్తూ ఉంటాడని వెళ్ళాలి అని చెప్తుంది. మీనా కూడా తనకి మద్దతుగా నిలుస్తుంది. తనని ఇంటి దగ్గర దిగబెడతాము అని బాలు రవి ముందుకు వసాత్రు. సైలెంట్ గా ఉన్న మనోజ్ ని రోహిణి నువ్వు కూడా తీసుకువెళ్తాను అని చెప్పమనడంతో మనోజ్ “నా దగ్గర కూడా కార్ ఉంది అని మర్చిపోయాను రా మౌనిక ఎసి కార్ లో తీసుకు వెళ్తాను” అని బయటికి వెళ్లారు.
తరువాత బాలు గదిలోకి వచ్చి మీనా బంగారాన్ని చూసుకుని మురిసిపోవడం చూసి మీనా కూడా బంగారం చూసి మురిసిపోతుంది అని సెటైర్ వేస్తాడు. దానికి మీనా గర్వంగా, ఇది బంగారం కాదు—అమ్మమ్మ గారి ప్రేమ, గౌరవం అని చెబుతుంది. బాలు మాత్రం ఈ కానుక దక్కడం అంతా మీనా వల్లేనని, బామ్మ కోరికను మీనా చెప్పకపోయి ఉంటే స్నేహితుల్ని తీసుకురాగలిగేవాడిని కాదని, మీనా చేసిన పనితో బామ్మ మనసు నిండిపోయిందని ఆమెను ప్రశంసిస్తాడు. దీన్ని మనం ఎప్పటికి జాగ్రత్తగా ఉంచుకోవాలి అని ఇంట్లో కూడా దొంగలు ఉన్నారు అని అంటాడు.
అయితే వెంటనే బాలు మనసులో ఉన్న నకిలీ బంగారం విషయం గుర్తుకు తెచ్చుకుంటాడు. బామ్మ ఊరికి వెళ్లిన వెంటనే ఈ ఇంట్లో పెద్ద యుద్ధమే జరగబోతుందని, ఇలాంటి ద్రోహం చేసిన వాళ్లకి జీవితంలో ఎప్పటికీ గుర్తుండిపోయేలా బుద్ధి చెప్పాలని నిర్ణయించుకుంటాడు. ఇది విన్న మీనా, బాలు ఇప్పుడే ఇలా కోపంగా ఉంటే రేపు ఏం చేస్తాడో అని టెన్షన్ పడుతుంది.
మౌనిక ఇంటికి చేరుకునే సరికి సంజయ్ అసహనంగా ఆమె ఎక్కడికి వెళ్లిందో ఆరా తీస్తాడు. మౌనిక ఆలయానికి వెళ్లానని చెప్తూ సంజయ్ ని భోజనం చేసారా అని అడుగుతుంది. కానీ సంజయ్ కోపంగా—తనకు ఆకలి తీరడం ముఖ్యం కాదని, తన అనుమానం తీరడం ముఖ్యం అని చెబుతాడు. తిరిగి అదే ప్రశ్న వేస్తాడు.మౌనిక మళ్లీ గుడికే వెళ్లానని చెప్పినా, సంజు తన తల్లి నిజం చెప్పింది అని నువ్వు పుట్టింటికి వెళ్లావు అని ట్రిక్ ప్లే చేస్తాడు.
అప్పుడు సంజు తల్లి వెంటనే వచ్చి, మౌనికను కాపాడుతూ— గుడికి వెళ్లిందని నేను చెప్పినప్పుడు, ఆమెను మళ్లీ మళ్లీ అడిగితే సమాధానం మారుతుందా? అని అంటుంది. దాంతో సంజు కొద్దిగా శాంతిస్తాడు కానీ ఎదో ఒక రోజు దొరుకుతావు అని హెచ్చరిస్తూ అక్కడ నుండి వెళ్ళిపోతాడు. సంజు వెళ్లిపోయాక మౌనిక సంజు తల్లితో ఫంక్షన్ బాగా జరిగిందని, అక్కడి వాళ్లు తనను ఉండమని కూడా అడిగారని చెబుతుంది. చివరగా తనను కాపాడినందుకు అత్తయ్యకి థ్యాంక్స్ చెప్పి లోపలికి వెళ్లిపోతుంది.
మరుసటి రోజు ఉదయాన్నే బాలు బామ్మను బస్టాండ్ కి తీసుకు వెళ్తుంటాడు. దారిలో సుశీలమ్మ బాలు ముఖం డల్ గా కనిపిస్తోందని గమనించి, మీనా–బాలు మధ్య ఏదైనా గొడవ జరిగిందా? లేక మీ అమ్మ ఏమైనా అనిందా? అంటూ అనుమానాలు వ్యక్తం చేస్తుంది. కానీ బాలు ఏమీ లేవని చెప్తాడు. బామ్మ గట్టిగా ఎదో ఉంది చెప్పు అని అడగడంతో నీకు బంగారు గొలుసు ఇవ్వాలి అనుకున్న కానీ ఇవ్వలేకపోయాను అదే బాధగా ఉంది అని చెప్తాడు.
సుశీలమ్మ తనకి ఈ వయసులో బంగారం అవసరం లేదు అని బాలు ఇచ్చిన గిఫ్ట్ జీవితం అంత గుర్తుండిపోతుంది అని సంతోషంగా చెప్తుంది. అలానే వెళ్లే ముందు మీనా కుటుంబం గురించి నువ్వే పట్టించుకోవాలి, సుమతికి మంచి సంబంధం చూసి పెళ్లి చేయాలి అని బాలుతో చెప్తుంది. బాలు కూడా భరోసా ఇస్తాడు.
బామ్మ బస్సులో వెళ్లిన వెంటనే బాలు ఇంటికి వచ్చి ఇంట్లో ఉన్నవాళ్లంతా బయటకు వెళ్లకుండా తలుపులు తాళాలేస్తాడు. మనోజ్, రోహిణి బయటకు వెళ్లబోతుంటే బాలు వారిని అడ్డుకొని, నేడే నిజాన్ని బయటపెడతానని చెబుతాడు. రోహిణి కోపంగా బాలు ఎందుకు ఇలా చేస్తున్నాడని అరుస్తుంది. ఇంట్లో ఉన్నవాళ్లు హాల్లోకి చేరుకుంటారు.
సత్యం ఏం జరిగిందని అడగగానే, బాలు రెండు రోజుల నుంచి ఓపిక పట్టి ఉన్న నిజాన్ని బయటపెట్టే సమయం వచ్చిందని చెబుతాడు. రవి కూడా ఏం జరిగిందని అడుగుతాడు. బాలు వెంటనే మీనాకు “ఆ నగలను తీసుకురా!” అని చెప్తాడు. మీనా కవరింగ్ నగలని తీసుకుని ప్రభావతి ముందు పెడుతుంది. అప్పుడే మనోజ్, ప్రభావతి ముఖం మారిపోతుంది. వారి దొంగతనం బయటపడిందని అర్థమవుతుంది. సత్యం ప్రభావతిని ఏమైంది అని ప్రశ్నిస్తే, ఆమె మాయమాటలు చెబుతూ ‘నేనేం చేశాను? నేను కూడా వాళ్ళని కన్నట్టే వీడిని కన్నాను ఇదే నా తప్పు’ అని అంటుంది.
దాంతో బాలు ఆ రోజు జరిగిన మొత్తం సంఘటనను వివరిస్తూ మీనాకు చెందిన బంగారు నగలు ప్రభావతి వద్ద నుంచి తీసుకుని బామ్మకు గిఫ్ట్ కొనడానికి పణంగా పెట్టటానికి వెళితే, నగల షాపు వాళ్లు అవి నకిలీ నగలని చెప్పారని, తమను దొంగల్లా చూసారని, ఆ క్షణం చాలా అవమానంగా అనిపించిందని చెబుతాడు.
సత్యం ఎందుకు ఆ రోజు చెప్పలేదని అడిగితే మీనా, “బామ్మ పుట్టినరోజున గొడవ రాకూడదని నేను ఆపాను” అని చెబుతుంది. సత్యం ప్రభావతిని గట్టిగ నిలదీస్తాడు. దాంతో ప్రభావతి వెంటనే కథ రాసి, మీనాపైనే నిందలు వేయడానికి ప్రయత్నిస్తూ ‘నాకు ఏం తెలుసు? మీనా ఇచ్చినప్పుడే నకిలీవి ఇచ్చి ఉండొచ్చు. తన బంగారాన్ని వాళ్ళ పుట్టింటి కోసం వాడి ఉండొచ్చు’ అని అంటుంది.
అంతే కాకుండా మీనా పుట్టింటి వారి మీద కూడా నిందలు వేస్తుంది. ఇంత వరకు ఓపికగా ఉన్న మీనా ఎప్పుడూ లేనంత ఆవేశంతో “అత్తయ్య అని గౌరవంతో ఉన్నాన కానీ నా పుట్టింటి మీద నిందలు వేయొద్దు. మీ మర్యాదని పోగొట్టుకుంటారు” అని హెచ్చరిస్తుంది.
కానీ ప్రభావతి మాత్రం తప్పును దాచడానికి మరిన్ని అబద్ధాలు చెప్తుంది. బాలు ఈ విషయాన్ని ఇక్కడితో వదిలిపెట్టనని నిజం ఎలాగైనా బయటకు తీసుకు వస్తానని చెబుతాడు. ప్రభావతి–మనోజ్ ఇద్దరూ తీవ్రంగా టెన్షన్ పడతారు.
ఇంతటితో ఈ ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో బాలు–మీనాలు రవి–శృతి దగ్గరకు వెళ్లి జరిగిన మోసం గురించి మాట్లాడుతూ, ప్రభావతి–మనోజ్ అసలు మోసం ఎలా చేసారో బయటపెట్టడానికి పెద్ద ప్లాన్ వేస్తారు.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
