ఇల్లు ఇల్లాలు పిల్లలు Nov 18th, 2025 మంగళవారం ఎపిసోడ్: ప్రేమ పోలీస్ కలను అడ్డుకున్న రామరాజు …!!! బాధతో ప్రేమని నిందించిన సేనాపతి …!!!
ఎపిసోడ్ ప్రారంభంలో రామరాజు ఇంట్లో ధీరజ్ ప్రేమని పోలీస్ చేయాలి అనుకున్న విషయం గురించి టెన్షన్ కొనసాగుతూనే ఉంటుంది. ప్రేమ పోలీస్ ఉద్యోగం చేయాలనుకోవడం, ధీరజ్ ఆమె కల నెరవేర్చాలని పట్టుబడటం ఇవి మొత్తం రామరాజు కోపానికి కారణం అవుతాయి. అంతలో వల్లి దూరి పాత విషయాలన్నీ గుర్తు చేసి రామరాజు కోపాన్ని మరింత రెచ్చగొడుతుంది.
వల్లి మాట్లాడుతూ “ఇంతక ముందు కూడా వాళ్ళు మామయ్య గారిని నానా రకాలుగా అవమానించారు. కోడలు సొమ్ము తినడానికి సిగ్గు లేదని అంటారు, నడిరోడ్డు మీద మళ్లీ షర్ట్ చింపేసి అవమానించొచ్చు” అని రామరాజుని రెచ్చగొట్టేలా అన్ని గుర్తు చేస్తుండటంతో ధీరజ్ వల్లిని ఆపి “అవి ఏమి జరగవు వదిన” అని అంటాడు. రామరాజు కలగజేచుకుని “తాను సరిగానే చెప్పింది. వాళ్ళతో మాటలు పడే అవసరం లేదు ” అని అంటాడు.
వేదవతి అలా ఏమి జరగదు అంటుండగా రామరాజు మీ వాళ్ళ గురించి తెలిసి కూడా అలా ఎలా మాట్లాడుతున్నావు అని “నర్మదా వాళ్ళ అక్రమ ఆస్తులు సీజ్ చేయడంతో నేనే చేయించాను అని తప్పు పట్టారు. అన్యాయంగా తప్పుడు కేసులో ఇరికించి నర్మదా జాబ్ పోయేలా చేయాలి అనుకున్నారు. ఇపుడు ప్రేమ మళ్లీ జాబ్ చేస్తే మళ్లీ అలానే జరుగుతుంది. అందుకే ప్రేమ ఉద్యోగం చేయకూడదు, పోలీస్ అయ్యే ప్రశ్నే లేదు” అని తేల్చేస్తాడు.
ధీరజ్ ప్రేమ కల గురించి తనని పోలీస్ చేయడం తన కల నిజం చేయడం నా బాధ్యత నేను తనని పోలీస్ చేయాలి అని నిర్ణయించుకున్న అని రామరాజుకి ఎంతగా నచ్చ చెప్పడానికి ప్రయత్నించినా రామరాజు వినకుండా తన నిర్ణయానికి ఎదురు వెళ్తే పరిణామాలు తీవ్రంగా ఉంటాయి అని హెచ్చరించి అక్కడ నుండి వెళ్ళిపోతాడు.
ఇదిలా ఉంటే, శ్రీవల్లి బులెట్ మీద పాటలు పాడుకుంటూ పుట్టింటికి వస్తుంది. ఇడ్లీబాబాయ్ ఆమెను చూసి డాన్స్ చేస్తూ “మిర్చిలాంటి నా కూతురు వచ్చింది! ఇంక మన దిశే మారుతుంది!” అని ఉత్సాహపడతాడు. భాగ్యం కారణం అడిగితే, శ్రీవల్లి నవ్వుకుంటూ, “మామయ్య ప్రేమను ఫుల్‌గా తిట్టాడు” అని జరిగినదంతా చెప్పేస్తుంది. ఆమె ఇంకా సరదాగా, “ప్రేమ అడ్డంగా ఇరుక్కుపోయింది… నర్మద కూడా ఏదో ఒక దానిలో ఇరుక్కుంటే, ఇద్దరినీ జోడుగుర్రాల్లా స్వారీ చేస్తా!” అని మరింతగా గంతులేస్తుంది. అందరు కలిసి ఆనందంగా పాటలు పాడుకుంటూ డాన్స్ చేస్తారు.
ఇంటి దగ్గర ప్రేమ బయట కూర్చొని రామరాజు మాటలు తలుచుకుని ఏడుస్తుంటుంది. దీరజ్ వచ్చి పక్కనే కూర్చొని “ఏంటి చాక్లెట్ పోయిందా? అలిగి పుట్టింటికి వెళ్లిపోతావా?” అని సరదాగా అడుగుతాడు. ప్రేమ ఏడుస్తూ “నా వల్ల మీ నాన్నతో ఎందుకు గొడవ పడ్డావు?” అని అడుగుతుంది. దీరజ్ సీరియస్‌గా, “నీ కల నెరవేర్చడం తప్పేముంది? ఆయన మొండిగా ఉంటున్నారు. రేపు ఏదో జరుగుతుందని భయపడి ఈరోజే నిన్ను ఆపేయడం సరైనది కాదు” అని చెప్తాడు.
ప్రేమ కన్నీళ్లతో “నా వల్ల నీకు మీ నాన్నకు గొడవ అవడం, దూరం పెరగడం నాకు ఇష్టం లేదు. నాకు పోలీస్ జాబ్ వద్దు ఏం వద్దు” అని అంటుంది. ధీరజ్ వెంటనే, “అలా అయితే నేను ఓడిపోయినట్లే. నువ్వు నా భార్యవి. నా భార్య కల నెరవేర్చడం నా బాధ్యత” అని చెప్పి అక్కడ నుండి వెళ్ళిపోతాడు. అంతలో ధీరజ్ వెళ్లిపోగానే నర్మద వచ్చి ప్రేమను ఓదారుస్తుంది.
ప్రేమ నర్మదతో “చూడు అక్క ఎలా చేస్తున్నాడో. అంతక ముందు తానే జాబ్ చేయొద్దు అన్నాడు. ఇపుడు నేను చేయను అంటే వినడం లేదు” అని అంటుంది. నర్మద ప్రేమతో “దాన్నే ప్రేమ అంటారు. నీ కోసమే తండ్రిని ఎదిరిస్తున్నాడు. ధీరజ్ నీ గురించి ఆకాశం అంత ప్రేమ పెంచుకున్నాడు” అని చెప్తుంది. ప్రేమ కొంచెం తేలికపడుతుంది.
రాత్రి అందరూ బయట కూర్చొని నవ్వుకుంటు ఉంటారు. తిరుపతి ఒకటి వదులుతానని, కవిత్వం చెబుతానని అంటే అందరూ చేతులు జోడించి “వద్దు వద్దు” అని ఆపేస్తారు. సరదాగా సాగుతున్న వాతావరణంలోనే సేనాపతిని బెయిల్ మీద తీసుకొని భద్రావతి అక్కడికి చేరుకుంటుంది.
భద్రావతి రామరాజుకి వినిపించేలా “మన ఇంట్లో వచ్చే ప్రతి బాధకి వాళ్లే కారణం. న చెల్లిని తీసుకు వెళ్లడం దగ్గర నుండి ఈరోజు నిన్ను పోలీస్చే స్టేషన్ కి పంపడం వరకు అన్ని చేసింది వాళ్ళే. వాళ్ళు చేసిన అన్నింటికీ వడ్డీతో సహా చెల్లిస్తాను” అని హెచ్చరికగా చెబుతుంది.
సేనాపతి ఇంట్లోకి వెళ్తూ వెనక్కి తిరిగి ప్రేమను పిలుస్తాడు.ధీరజ్ కూడా వెనకాల వెళ్తుండగా రామరాజు అతన్ని ఆపేస్తాడు. ప్రేమ, తన తండ్రి దగ్గరకు వెళుతుంది. సేనాపతి ఏడుస్తూ “నువ్వు మీ అమ్మ కడుపులో ఉన్నప్పుడు నువ్వు అడ్డం తిరిగావు. నువ్వు పుట్టాక కూడా మీ అమ్మ సంవత్సరం రోజులు బాధపడింది. ఇప్పుడేమో నువ్వు పొడిచిన వెన్నుపోటుకి నేను ఈ జీవితంలో కూడా కోలుకోలేను. నాకు కొడుకు పుట్టినప్పుడు కూడా ఇంత సంతోషం లేదు. నువ్వు పుట్టినప్పుడు మహాలక్ష్మి పుట్టిందన్నారు. అంత ప్రేమ పెట్టుకున్న నేను. నువ్వు నాకు శత్రువు అవుతావని అనుకోలేదు. నీ తండ్రిని అరెస్ట్ చేయించే స్థాయికి నువ్వు ఎదుగుతావని ఊహించలేదు” అని బాధతో చెప్తాడు.
ప్రేమ కూడా కన్నీళ్లు ఆపుకోలేక ఏడుస్తుంది.
అంతటితో ఈ ఎపిసోడ్ ముగుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
