చిన్ని Nov 19th, 2025 బుధవారం ఎపిసోడ్: లోహితకి వార్నింగ్ ఇచ్చిన మధు … !!! త్వరలోనే చిన్ని ని కలుస్తావు అని మహితో చెప్పిన సోదెమ్మ … !!!
ఎపిసోడ్ ప్రారంభంలో మ్యాడీ మధుని మాట్లాడాలి అని బయటికి తీసుకు వస్తాడు. మ్యాడీ మధుని “మధూ నువ్వు చిన్ని గురించి అడగటానికి వెళ్లావు కదా. అప్పటి నుంచి ఇప్పటి వరకు నువ్వు నాకు ఒక్కసారైనా కాల్ చేశావా? మాట్లాడావా?” అని అడుగుతాడు. మధు బదులిస్తూ “చిన్ని గురించి ఏం చెప్పలేదని కోపంగా ఉన్నావా?” అని అడుగుతుంది. దానికి మ్యాడీ “అది కాదు మధు. ఉదయం నుంచి నువ్వు బయట ఉన్నావ్. ఫోన్ స్విచ్ ఆఫ్ వస్తుంది. ఒకసారి కూడా మాట్లాడలేదు. ఏం అయిందో తెలియక టెన్షన్ పడుతున్నాను” అని చెప్తాడు.
మధు మ్యాడీతో “సారీ మ్యాడీ, నిన్న అక్కడ వెళ్ళాక ముందు ఉన్న వాళ్ళు ఖాళీ చేసి వెళ్లారు అని తెలిసింది. కొత్తగా వచ్చిన వాళ్ళకి ఏమి తెలియదంటే. ఇంకా అలా ఇంటికి వచ్చేసరికి లేట్ అయింది. అందుకే కాల్ చేయలేదు. పొద్దున్న ఫోన్ స్విచ్ ఆఫ్ అయింది. నేను ఆన్ చేయలేదు బిజీ గా ఉండి” అని వివరిస్తుంది.
మధు తన తప్పు తెలుసుకుని మ్యాడీని కూల్ చేసేందుకు ఐస్ క్రీమ్ తీసుకొస్తుంది. “కోపంగా ఉన్నావ్ కదా చల్ల చల్లని ఐస్ క్రీం తిను మ్యాడీ కూల్ అవుతావ్.” అని ఇస్తుంది. మ్యాడీ కాసేపు బెట్టు చేసిన చివరికి తీసుకుంటాడు. అలా ఇద్దరూ ఐస్ క్రీం తింటూ మాట్లాడుతుంటారు. మధు చెప్తుంది “వెళ్లిన చోట చిన్ని విషయం దొరకలేదు. కానీ నీకు ఉన్న ప్రేమే మీ ఇద్దరినీ మళ్లీ కలుపుతుంది. నువ్వు నీ చిన్ని కలిసి ఇదేలా చంద్రుణ్ని చూస్తూ ఐస్‌క్రీం తింటారు ఒక రోజు.” అని.
మ్యాడీ నవ్వుతూ “అప్పుడు నిన్నూ కూడా పిలుస్తా మధూ” అని అంటాడు. మధు చిరునవ్వుతో చూస్తూ “నేనూ వస్తాను” అని చెప్తుంది.
మరుసటి రోజు ఉదయం చందు కొత్త బట్టలు పట్టుకుని ఉంటాడు. సరళ చూసి ఏంటది అని అడుగుతుంది. చందు “ప్రతీ సంవత్సరం నాన్న ఆబ్దికం రోజు చిన్ని వయస్సు ఉన్న పిల్లలకు బట్టలు పెట్టడం నాకు అలవాటు కదా. నిన్న ఇవ్వడానికి గుడికి వెళ్లాను కానీ అక్కడ ఎవరు కనిపించలేదు. అందుకే ఇవాళ వెళ్తున్నా” అని చెప్తాడు.
సరళ బాధగా “మీ నాన్న కూడా ఉన్నన్నాళ్ళు చెల్లి, మేనకోడలు అంటూ చనిపోయాడు. ఇప్పుడు నువ్వు కూడా ఆ చిన్నిని ఇలానే గుర్తు చేసుకుంటున్నావు” అని చిన్నగా కోప్పడుతుంది. చందు నెమ్మదిగా “నాన్నని ఎలా గుర్తు చేసుకుంటానో చిన్నిని కూడా అలానే గుర్తు చేసుకుంటా అమ్మా. జరిగిన దానిలో చిన్ని తప్పు ఏముంది” అని అంటాడు.
అప్పుడే అక్కడికి మధు వస్తుంది. మీరు ఎదో పనిలో ఉన్నట్టు ఉన్నారు నేను మళ్లీ వస్తాను అంటుండగా సరళ చెబుతుంది “ప్రతీ సంవత్సరం చందు తన మామయ్య కూతురు చిన్నికి గుర్తుగా బట్టలు ఇస్తుంటాడు. అందుకే గుడికి వెళ్దాం అనుకుంటున్నాడు” అని చెప్తుంది. అది విని మధు లోపల సంతోషిస్తుంది. అంతలో సరళ “ఈ అమ్మాయికి కూడా చిన్ని వయసే ఉంటుంది కదా తనకే ఇచ్చేసేయ్ చందు బయటికి వెళ్లడం ఎందుకు” అని అనడంతో మధు ఏమైనా అనుకుంటుంది ఏమో అని చందు ఇబ్బంది పడతాడు.
మధు అది గమనించి కళ్ళల్లో సంతోషంతో “మాస్టారు. నేను ఏమి అనుకోను. నేను మీ చిన్ని అనుకోండి. ఆ బట్టలు నాకు ఇస్తే బాధపడను. చాలా సంతోషంగా తీసుకుంటాను” అని అంటుంది. చందు కూడా సంతోషంగా ఆ బట్టలు మధుకి ఇస్తాడు. అంతలో అక్కడికి వచ్చిన లోహిత ఇదంతా చూస్తూ మనసులో అసూయతో “ఇది ఇంటికి వస్తూనే బట్టలు పెట్టించుకుంటుంది. ఇంకా ఏం చేస్తుందో దేవుడికే తెలుసు!” అని కోపంతో అనుకుంటుంది.
చందు చూసి “ఎందుకు అలా చూస్తున్నావ్ లోహి?” అని అన్న వెంటనే, లోహిత అక్కడికి వస్తుంది. చందు మధుని తనతో పని ఏంటో చెప్పమని అడుగుతాడు. మధు లోహిత ఉంది అనే ఉద్దేశ్యంతో “ఏమి లేదు మాస్టారు నాకు ఒక సబ్జెక్టు కష్టంగా ఉంది. మీ సబ్జెక్టు చెప్పేది మీ ఫ్రెండ్ కదా నాకు ట్యూషన్ చెప్పమని చెప్తారా” అని అడుగుతుంది. చందు సరే అనడం మధు థాంక్స్ చెప్పి అక్కడ నుండి వెళ్ళిపోతుంది.
మధు వెళ్లిన తర్వాత చందు లోహితను తాను ఉండే PG అడ్రస్ చెప్పమని అడుగుతాడు. లోహిత వెంటనే కంగారుగా ఎందుకు అని అడుగుతుంది. చందు నువ్వు ఎక్కడ ఉంటున్నావో మాకు తెలియాలి కదా, ఎపుడు అయినా కలవాలి అంటే మాట్లాడాలి అంటే రావడానికి అని చెప్తాడు. లోహిత కోపంతో “అవసరం లేదు. నేనే వస్తాను. నన్ను ఇబ్బంది పెట్టొద్దు. నా చదువుకు డిస్టర్బ్ అవుతుంది!” అని చెప్తూ హడావిడిగా వెళ్లిపోతుంది. అది చూసి సరళ, చందు బాధపడుతూ మధులా మంచిగా ఉండొచ్చు కదా అనుకుంటారు.
అక్కడినుంచి బయటికొచ్చిన మధు, లోహిత ఒకరికి ఒకరు ఎదురుపడతారు. లోహిత గట్టిగా “నువ్వు ఇవన్నీ ఎందుకు చేస్తున్నావ్?” అని అడుగుతుంది. మధు కూల్‌గా నవ్వుతూ “ఇపుడు నీకు ఒక ట్విస్ట్ ఇస్తా లోహి. నేను చాలా లక్కీ. నేను అత్తని, చందుని కలుసుకోవాలి అని ఎన్నో ఏళ్ళ నుండి ఎదురు చూస్తున్నాను. చిన్నప్పటి నుండి నా బెస్ట్ ఫ్రెండ్, నన్ను చాలా ప్రేమించే మహి, నా కోసం ఇంకా నా ప్రేమ కోసం ఎదురు చూస్తున్నాడు. సమయం వచ్చినప్పుడు, నేను మ్యాడీకి చిన్ని అని చెప్పేస్తాను. నా ఉద్దేశ్యం, నేను మహికి చెబితే, మేము ఇద్దరం ఈ భూమి మీద చాలా చాలా లక్కీ అవుతాము” అని అంటుంది.
దానికి లోహిత కోపంగా “నాగవల్లి ఆంటీ దృష్టిలో నువ్వు ఒక చెత్త. ఆవిడకి నువ్వు అసలు నచ్చని మనిషివి” అని గుర్తు చేస్తుంది. దానికి మధు “నాకు తెలుసు. ఆమె నాపై ఎంత కోపంగా ఉందో నాకు బాగా తెలుసు. ఇపుడు చిన్ని అని చెప్పడం కొంచం కష్టమే. కానీ ముందు నువ్వు నీ అబద్దాలు మ్యాడీకి చెప్పు. ఇప్పటి వరకు నీ పెళ్లి చేశాను అని నీ పట్ల బాధ్యతగా ఉన్నాను. ఇపుడు ఆ భాద్యత ఇంకా పెరిగింది” అని అంటుంది. దానికి లోహిత “నా పట్ల నీ బాద్యత ఏంటి. ముందు నీ సంగతి చూసుకో” అని పొగరుగా అంటుంది.
మధు లోహితకి గట్టిగా వార్నింగ్ ఇస్తూ “నువ్వూ నీ అబద్ధాలు నాగవల్లి ఆంటీకి ఇప్పుడే చెప్పేయ్. రిచ్ అని చెప్పి నువ్వే పెద్ద గొయ్యి తవ్వుకున్నావ్. అందులో పడిపోకముందే నిజం చెప్పు. తర్వాత కాళ్లపై పడినా నేను నిన్ను కాపాడలేను.” అని చెప్తుంది. అది విని లోహిత షాక్ అయిపోయి తడబడిపోతుంది.
మధు అక్కడినుంచి వెళ్లిపోతుంది.
మ్యాడీ ఒంటరిగా ఒక చోట కూర్చొని బాధపడుతూ ఉంటాడు. అపుడే మధు అక్కడికి వస్తుంది. మ్యాడీ “చిన్ని నా చుట్టూనే ఉన్నట్లు అనిపిస్తోంది కానీ దొరకడం లేదు మధూ” అని మధుతో బాధగా చెబుతాడు. మధు ఓదారుస్తూ “చిన్ని తొందరలోనే నీ కళ్ల ముందుకి వస్తుంది మ్యాడీ” అని అంటుంది. సరే అని అక్కడ నుండి వెళ్లబోతుండగా అప్పుడే అక్కడికి సోదమ్మ వస్తుంది.
ఆవిడని చూసి వాళ్ళు ఆమె దగ్గరికి వెళ్తారు. ఆమె మ్యాడీని చూసి ఇలా చెప్తుంది “నువ్వు వెతుకుతున్న ‘కూన’ నీ దగ్గరే ఉంది. నీ చుట్టూ తిరుగుతుంది నీతో దోబూచులాడుతుంది” అని. మ్యాడీ షాక్ అయి లేచి “నా చిన్ని ఎక్కడ ఉంది సోదమ్మ?” అని అడుగుతాడు. సోదమ్మ నవ్వుతూ మధు వైపు చూస్తూ “త్వరలోనే ఆమె నీ ముందుకు వచ్చి ‘నేనే చిన్ని’ అని చెప్తుంది” అని అనడంతో మ్యాడీ కళ్ళు ఆనందంతో వెలిగిపోతాయి.
అంతటితో ఈ ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
