గుండె నిండా గుడి గంటలు నవంబర్ 24, 2025 సోమవారం ఎపిసోడ్: మనోజ్ ని చితక్కొట్టిన రోహిణి …!!! ప్రభావతి, మనోజ్, రోహిణి ల మీద సీరియల్ రాస్తున్న శృతి …!!!
ఎపిసోడ్ ప్రారంభంలో గదిలో రోహిణి కోపంతో మనోజ్‌ను “ఎందుకు మోసం చేసావ్? వ్యాపారంలో నష్టపోయిన విషయం నాకు ముందే చెప్పి ఉంటే మనం ఎలా అయిన డీల్ చేసేవాళ్ళము కదా. చెప్పకుండా అందరి ముందు నా పరువు తీసావు. ఇప్పుడు ఏ మొహం పెట్టుకుని ఇంట్లో తిరగాలి? అందరు ఎలా మాట్లాడారో చూసావు కదా. ఎప్పుడు నిన్ను అత్తయ్య ఎంత సపోర్ట్ చేస్తారు అలాంటిది ఇప్పుడు నువ్వు చెప్పలేదు అని ఆవిడ కూడా నిన్ను అందరి ముందు కొట్టారు. ఎందుకు ఇలా చేసావు?” అని ఏడుస్తూ నిలదీస్తుంది.
మనోజ్ “చెప్తే నువ్వు నన్ను వదిలి వెళ్లిపోతావేమోనని భయపడ్డాను. నీ దగ్గర నా మర్యాద పోతుంది అని చెప్పలేదు. కానీ నేను మోసపోయిన విషయం మా అమ్మకు ముందే చెప్పాను. ఇప్పుడు నన్ను అందరి ముందు కాపాడడానికే కొట్టింది” అని చెబుతాడు. అది వినగానే రోహిణి మరింత షాక్ అవుతూ “ఏంటి? మీ అమ్మకు ఈ విషయం ముందే తెలుసా?మరి నాకు చెప్పాలని అనిపించలేదా?” అని రోహిణి ఆవేదనగా అడుగుతుంది. మనోజ్ వెంటనే “నువ్వు ఏం అనను అంటే ఇంకో నిజం చెప్తాను” అంటాడు. రోహిణి షాక్ అవుతూ ఏంటి అని అడుగుతుంది. మనోజ్ నిదానంగా “నేను మణికంఠ దగ్గర నాలుగు లక్షలు అప్పు తీసుకోలేదు” అని చెప్తాడు.
అది విని షాక్ అవుతూ మరి ఆ డబ్బు ఎక్కడిది అని రోహిణి అడగడంతో మనోజ్ “అసలు ఆ డబ్బు నేను అమ్మ కలిసి మీన నగలు అమ్మేసి తెచ్చినవి. ఆ గిల్టు నగలు కూడా మేమే పెట్టాము” అని చెప్తాడు. ఈ మాట విని రోహిణి తట్టుకోలేకపోతుంది. “సొంతింట్లోనే దొంగతనం చేస్తావా? సిగ్గు లేదా నీకు అసలు? చివరికి మీనా డబ్బుతో బతుకుతున్నట్టు చేస్తావా? నా పరువు మొత్తం తీసేశావు” అని కోపం, బాధతో మనోజ్ ని బాగా కొడుతోంది. మనోజ్ మాత్రం “అంత మా అమ్మ చూసుకుంటుంది ఏం కాదు” అని బాధ్యత లేకుండా మాట్లాడతాడు. “బాలుకి ఈ విషయం తెలిస్తే మన పరిస్థితి ఎలా ఉంటుందో” అని రోహిణి భయపడుతూ చెబుతుంది. చివరికి, తనకి నిజం చెప్పిన విషయం ప్రభావతికి చెప్పొద్దు అని మనోజ్‌కు చెప్తుంది.
ఇదే సమయంలో మరో వైపు శృతి సీరియస్ గా కూర్చుని రాసుకుంటూ వుంటుంది. రవి వచ్చి ఎం రాస్తున్నావు అని అడుగుతాడు. దానికి శృతి “మన ఇంట్లో జరిగే సన్నివేశాలు, చార్క్టర్లు అన్నీ కలిపి ఒక సూపర్ హిట్ డైలీ సీరియల్ రాస్తున్నాను” అని అంటుంది. రవి నవ్వుతు “డబ్బింగ్ మానేశావా” అని అడుగుతాడు. శృతి “లేదు అది నా ఊపిరి, ఇది నా శ్వాస” అంటూ ఎదో డైలాగు కొడుతోంది. రవి సీరియల్ గురించి అడగ్గా శృతి “మన ఇంట్లో డైలీ ఒక ఇంటరెస్టింగ్ విషయం జరుగుతుంది. ఇంత ట్విస్టులు, డ్రామా ఈ సీరియల్ లో కూడా ఉండదు. మనోజ్, బాలు మధ్య ఎపుడు ఎదో ఒక రసవత్తరమైన సన్నివేశం జరుగుతూనే ఉంటుంది” అని అంటుంది.
రవి సీరియల్ టైటిల్ ఏంటి అని అడుగుతాడు. శృతి గొప్పగా “గయ్యాళి గంగమ్మ” అని చెప్తుంది. రవి వెంట షాక్ అయ్యి వింటే మా అమ్మ నిజంగానే గయ్యాళి అవుతుంది అని అంటాడు. శృతి “ఇపుడు ఏమైనా తక్కువ? నా జోలికి రావడం లేదు కానీ మీనని రోజు కష్టపెడుతూనే ఉంటుందిగా” అని అంటుంది. రవి అయిన అది వద్దులే అనడంతో అయితే “పార్లర్ మింగిన పెళ్ళాం, లక్షలు మింగిన మొగుడు” ఎలా ఉంది అని అడుగుతుంది. రవి భయపడిపోయి “వామ్మో ఇది మరి డైరెక్టుగా ఉంది. అయిన మనకి ఎందుకు ఇపుడు ఇవి అన్నీ. మనం ప్రశాంతంగా ఉన్నాము కదా” అని అంటాడు. శృతి మాత్రం “మీన నగల విషయం మీ అమ్మకి మనోజ్ కి ఖచ్చితంగా తెలుసు. బాలు ఎదో ఒకరోజు నిజాన్ని బయట పెడతాడు అప్పుడు ఇంట్లో యుద్ధమే” అని గట్టిగా చెప్తుంది.
ఇక ప్రభావతి, రోహిణి కలిసి కార్తీక పౌర్ణమి కోసం ఒత్తులు తయారు చేస్తూ కనిపిస్తారు. శృతి “ఇంట్లో కుటీర పరిశ్రమ ఏమైనా పెట్టారా?” అని సెటైర్ వేస్తే, ప్రభావతి కార్తీక పౌర్ణమి రోజు 365 వొత్తులు వెలిగించాలి అని చెబుతుంది. “అంటే రోజు దీపం వెలిగించాల్సిన అవసరం లేదా?” అని శృతి అమాయకంగా అడగగా, ప్రభావతికి ఏం చెప్పాలో తెలియక మాటలు తడబడతాయి. అదే సమయంలో మీనా వచ్చి, “సంవత్సరంలో మనం కొన్ని రోజులు పూజ చేయడం కుదరకపోవచ్చు. అందుకే ఈరోజు 365 వొత్తులు వెలిగిస్తే ఏడాది అంతా చేసిన పుణ్యం వస్తుంది. అంతే కానీ రోజు చేయడం మానేయాలి అని కాదు ” అని చెప్పి అందరిని ఇంప్రెస్ చేస్తుంది. తర్వాత అత్త–కోడళ్ళు కలిసి వత్తులు చేస్తూ సరదా నవ్వుతు కలిసి ఉండటంతో, అప్పుడే ఇంట్లోకి వచ్చిన బాలు అది చూసి ఆశ్చర్యపోతూ ఇది మా ఇల్లేనా అంటూ సెటైర్ వేస్తాడు. మీనా పూజ కోసం గుడికి వెళ్ళాలి అని ఉపవాసం ఉండాలి అని పుణ్యం వస్తుంది అని చెప్పడంతో బాలు “పుణ్యం మాట దేవుడు ఎరుగు గాని, నగలు తీసిన దొంగ బయటపడితే అదే చాలు” అంటూ సెటైర్ వేసి వెళ్లిపోతాడు.
ఇదిలావుంటే మౌనిక గుడికి వెళ్లడానికి సిద్ధమవుతుంటే, సంజు వెటకారంగా మాట్లాడి ఆమెను ఇబ్బంది పెడతాడు. సంజు తల్లి “దంపతులు ఇద్దరు కలిసి కార్తీకం మాసంలో దీపాలు వదిలితే పుణ్యం వస్తుంది” అని చెబుతుంటే, సంజు “ఎవరికి మంచి? నేను పెళ్లి చేసుకున్న రోజే దీనికి మంచి జరిగింది” అని అహంకారంగా అంటాడు. సంజు తల్లి నీకు అలా అనిపిస్తుందా అనడంతో మౌనికని భయపెడుతూ నువ్వు నాతో సంతోషంగా లేవా అని అడుగుతాడు. ఉన్నాను అని బదులిస్తుంది మౌనిక. చివరికి, “గుడికి మాత్రమే వెళ్లు, బాలుని కానీ మీ ఇంట్లో వాళ్లని కలవకూడదు” అని వార్నింగ్ ఇస్తాడు.
మరో వైపు ప్రభావతి కొత్త చీరలో మెరిసిపోతే సత్యం పొగుడుతూ రొమాంటిక్ గా మాట్లాడుతాడు. అప్పుడే అందంగా రెడీ అయ్యి వచ్చిన కోడళ్ళు కూడా ఆమెను పొగుడుతారు. ముగ్గురు కోడళ్ళని చూసి సత్యం లక్ష్మి , పార్వతి ఇంకా సరస్వతి లా ఉన్నారు అని మెచ్చుకుంటాడు. తర్వాత బాలు, రవి, మనోజ్ పంచలు కట్టి హీరోల్లా దిగుతారు. మీనా “మా ఆయన బాలరాజులా ఉన్నాడు” అంటే, శృతి “మరి రవి?” అని అడగగానే “నలభీమరాజు” అని బదులిస్తుంది. రోహిణి మాత్రం “మా మనోజ్ మన్మధరాజు” అని ప్రేమగా అంటుంది. ఇలా కుటుంబమంతా కలిసి పండుగ రోజు ఆనందంగా గుడి వెళ్లడానికి సిద్ధమవుతారు.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
