కార్తీక దీపం నవంబర్ 25, 2025 మంగళవారం ఎపిసోడ్: దశరథ-సుమిత్రలకు పొంచి ఉన్న ప్రమాదం …!!! జ్యోత్స్నతో నిజం బయటపెడతాను అన్న దాసు …!!!
ఎపిసోడ్ ప్రారంభంలో డాక్టర్, “కార్తీక్ గారు తండ్రి కాబోతున్నారు” అని చెప్పగానే, శివన్నారాయణ ఇంట్లో ఆనందం వెల్లివిరుస్తుంది. శౌర్యకు ప్రెగ్నెన్సీ అంటే ఏమిటో అర్ధం కాక, అమాయకంగా అడుగుతుంది. సుమిత్ర చిరునవ్వుతో, “అమ్మ కడుపులో బుజ్జి పాపో, బుజ్జి బాబో ఉంటాడు” అని చెప్పగానే, శౌర్య ఆనందంతో ఉప్పొంగి, అమ్మ దగ్గరకు వెళ్లి, “థ్యాంక్యూ అమ్మా,” అని చెప్తుంది. ఈ శుభవార్త వినగానే కాంచన కూడా కళ్లలో నీళ్లతో “మా అమ్మ నా మనవరాలి రూపంలో ఈ ఇంట్లోనే పుట్టబోతోంది నాన్న” అని శివన్నారాయణతో పంచుకుంటుంది. ఇంట్లో హోమం జరిగింది మంచి జరిగింది అని శ్రీధర్ అంటాడు. షాక్ అయ్యి జ్యోత్స్న లోపలి వెళ్ళిపోతుంది. వెనకనే పారు కూడా వెళ్తుంది. హోమం చెయ్యడం మంచి సూచకమే అయినా, “జరగబోయే ప్రమాదం ఇంట్లోనే ఉంది,” అని గురువుగారు మనసులో అనుకుంటారు.
మరోవైపు జ్యోత్స్న షాక్ లో ఉండిపోతుంది. పారు రాగానే “ఇది నిజంగానే జరిగిందా? లేక నేనే కలగన్నానా?” అని పారిజాతాన్ని అడుగుతుంది. పారు నిర్లక్ష్యంగా, “అది ప్రెగ్నెంట్ అయితే నీకేం?” అని అడుగుతుంది. “బావ దీప ఒక్కటి అవ్వలేదు అనే నేను ఇంకా ఆశలు పెట్టుకుంటుంది. కానీ ఇపుడు వాళ్ళు ఒక్కటి అయ్యారు అని తెలిసాక నా కలలు అన్ని నాశనం అయిపోయాయి” అని చెప్తుంది. పారు “కార్తీక్ గాడు ఎప్పటికీ నీవాడు కాదు. నువ్వు ఇంకొకడిని చూసి పెళ్లి చేసుకో” అని చెప్తుంది. జ్యోత్స్న దాని కంటే ముందు దీప గురించి ఆలోచించాలి అని అనడంతో దానికి అదృష్టం అలా ఉంది అని పారు అంటుంది. దానికి అదృష్టం ఉంటే మనకే నష్టం అని అంటూ “ఇంటి వారసురాలికి మంచి జరుగుతుంది అని గురువుగారు చెప్పారు కదా” అని అంటుంది జ్యోత్స్న. “ఇంటి వారసురాలికి మంచి జరుగుతుంది అన్నారు కానీ దీపకి మంచి జరుగుతుంది అనలేదు కదా. దీప ఏమైనా ఈ ఇంటి వారసురాలా?” అని అంటుంది పారు.
అది వినగానే జ్యోత్స్న షాక్ అవుతుంది. జ్యోత్స్న కవర్ చేస్తూ “నువ్వు మరీ ఎక్కువ ఆలోచిస్తున్నావు. ఆ దీప పక్కన బావ లేకపోయుంటే దాని జీవితంలో వెతికి చూసిన కొంచం కూడా వెలుగు ఉండేది కాదు” అని అంటుంది. ఆ సమయంలో దాసు వచ్చి “ఎదుటివారిని తక్కువ అంచనా వేస్తే నాశనం తప్పదు. మనం చెడు కోరుకున్నా మంచే జరుగుతుంది.” అని జ్యోత్స్నకి హెచ్చరికలా చెప్తాడు. పారు మేము ఎవరి చెడు కోరుకోవడం లేదు కానీ నువ్వు దీన్ని ఏమనకు అని చెప్తుంది దాసుతో. దాసు జ్యోత్స్నకి అర్ధం అయ్యేలా ఇది ఒక పుట్టుక ఒక చావు ఒక బ్రతుకు మధ్య జరుగుతుంది అని అంటాడు. జ్యోత్స్న టెన్షన్ పడుతుంది. వచ్చి దీపకి విష్ చేయమని చెప్పి వెళ్తాడు. పారు కూడా మనం ఇపుడు విష్ చేయకుంటే మీ తాత మనల్ని వదలడు, ఇష్టం లేకపోయినా కొన్ని చేయాలి తప్పదు అనేసి జ్యోత్స్నని తీసుకుని కిందకి వెళ్తుంది.
దశరథ మాట్లాడుతూ “అమ్మ మళ్లీ మనింట్లో పుట్టడానికి కారణం నాన్నే. నాన్న అమ్మ గుర్తుగా దాచుకున్న తాళిని దీపకి ఇచ్చారు కదా” అని గుర్తు చేస్తాడు. పారు వచ్చి దీపకి శుభాకాంక్షలు చెప్తుంది. అంతలో కాంచన వాళ్ల అమ్మే పుడుతుంది అని సంతోషంలో ఉండగా పారిజాతం మాత్రం ఎగతాళిగా “మీ అమ్మ దీప కడుపులో పుడుతుందని చెప్పిందా? జ్యోత్స్న కదా వారసురాలు. జ్యోత్స్న కడుపులో పడుతుంది” అని అంటుంది. కార్తీక్ ఒక్కసారిగా కౌంటర్ ఇస్తూ “మరి మా అమ్మమ్మ జ్యోత్స్న కడుపులో పుడుతుందని నీ కలలోకి వచ్చి చెప్పిందా” అని అంటాడు. అది వినగానే జ్యోత్స్నకి, పారుకి మాటలు రావు. కార్తీక్–దీపలు గురువుగారి దగ్గర ఆశీర్వాదం తీసుకుంటారు. గురువుగారు దీపతో “నీ సమస్యలు తీరే రోజు దగ్గరలోనే ఉంది” అని చెప్పి వెళ్తూ వెళ్తూ “మీ దంపతులిద్దరూ కొంచెం జాగ్రత్తగా ఉండాలి” అని సుమిత్ర-దశరథలతో చెప్పడంతో అందరు షాక్ అవుతారు.
శివన్నారాయణ భయంతో, “ఇది ఎవరికీ? ఏ రూపంలో? ఎప్పుడు?” అని మనసులోనే భయపడుతుంటారు . గురువుగారితో పాటు బయటికి వెళ్లి “హోమం జరిగింది కదా గురువుగారు ఇంకా ప్రమాదం ఉందా” అని అడగడంతో “హోమం జరగడం కేవలం ఉపశమనమే కానీ, ప్రమాదాన్ని పూర్తిగా తొలగించదు” అని గురువుగారు చెప్పడంతో అతని మనసు మరింత కలత చెందుతుంది. ఎవరికీ ఎలా అని ప్రమాదం గురించి అడగ్గా “అది నేను చెప్పలేను. హోమం వాళ్ల ప్రమాదం స్థాయి తగ్గింది కానీ అది ఎపుడైనా, ఎవరికైనా, ఎలా అయినా రావొచ్చు” అని చెప్పి గురువుగారు వెళ్ళిపోతారు.
ఇక కార్తీక్ ఇంట్లో అనసూయ, తన తమ్ముడి ఫోటో ముందు కన్నీళ్లు పెట్టుకుంటూ, “నీ కూతురు తల్లి కాబోతుంది. అమ్మలా ఆదుకోవాల్సిన నేనే దీపని రోడ్డుమీద వదిలేసాను. దేవుడిలాంటి కార్తీక్ బాబు దీపకి నీడని ఇచ్చాడు. ఇప్పుడు దీప మా అందరికి ఎంతో సంతోషాన్నిచ్చింది” అని బాధతో చెబుతుంది. కాంచన ఆమెను ఓదారుస్తూ, “ఇది మనం సంతోషంగా ఉండాల్సిన సమయం. బాధపడొద్దు అక్క” అని అంటుంది. అనసూయ “నా తమ్ముడికి దీప అంటే ఎంతో ప్రేమ. ఆడపిల్ల తల్లి అయింది అంటే తల్లిదండ్రులకి ఎంతో సంతోషంగా ఉంటుంది. కానీ ఇప్పుడు వాడు లేడు కదా. దీపకి తల్లిదండ్రులు లేరు అని అని బాధ అంతే” అని చెప్తుంది.
కార్తీక్ వెంటనే “దీపకు తల్లిదండ్రులు ఉన్నారుగా” అని అనడంతో అందరు ఆశ్చర్యంగా చూస్తారు. కార్తీక్ సమాధానంగా “సుమిత్ర అత్త, దశరథ మావయ్య ఉన్నారు” అనడంతో అనసూయ “మాట వరసకి అమ్మ నాన్న అంటే నిజంగా తల్లిదండ్రులు అవుతారా” అని అంటుంది. కానీ కార్తీక్ మరింత స్పష్టం చేస్తూ, “దశరథ మామయ్య గురించి నాకు తెలుసు. దీప నాన్న అని పిలిచినందుకు మావయ్య దీపని తండ్రిలానే చూస్తారు” అని అంటాడు.
ఇంతలో దాసు జ్యోత్స్నని కలిసి మాట్లాడుతుంటాడు. దాసు మాట్లాడుతూ నేను నిజం చెప్తాను అని అంటున్న నువ్వు మారడం లేదు అలానే తప్పులు చేస్తున్నావు అని అంటాడు. జ్యోత్స్న “నువ్వు నీ పిల్లల భవిష్యత్ గురించి అందరిలా కష్టపడే పని లేదు. నువ్వు దీప గురించి నిజం బయట పెట్టకపోతే చాలు ” అని కఠినంగా అంటుంటే, దాసు ప్రశాంతంగా, “నా తల్లి పాపం చేసింది, నేను తప్పు చేశాను. రెండింటినీ నేను సరిచేస్తా,” అని చెబుతాడు. నేను అన్నిటికి తెగించాను నాన్న అని జ్యోత్స్న అంటే దాసు శివన్నారాయణకు నిజం చెప్తాను అని లోపలికి వెళ్తుండగా, జ్యోత్స్న భయంతో ఆపేస్తుంది. “ఎవరైనా వింటే నా జీవితం కూడా కాశీలాగా అవుతుంది. కనీసం వాడికి అత్తగారి ఇల్లయినా ఉంది, నేను నీతో పాటు గుడులు తిరగాలి,” అని జ్యోత్స్న భయంతో చెబుతుంది.
దాసు వెంటనే “దీప నిన్ను వదిలేయదు నీకు ఈ ఇంట్లో ఉండే అవకాశం ఇస్తుంది” అని అనడంతో అప్పుడు నేను పనిమనిషిని అవుతాను అంటుంది జ్యోత్స్న. దాసు మాత్రం బలంగా “నువ్వు వారసురాలినే పనిమనిషిని చేసావు. నువ్వు పనిమనిషి అయితే తప్పేంటి? అయినా నిజం బయటపడకుండా ఎవరూ ఆపలేరు. దీప కడుపులో మరో వారసురాలు వచ్చింది. దీప గొప్పింటి బిడ్డగా పుట్టింది కానీ పేదింటి పిల్లలా పెరిగింది. కానీ దీప బిడ్డ మాత్రం పెద్ద ఇంటి పిల్లలాగా ఈ భూమ్మీద అడుగుపెడుతుంది” అని చెప్పడంతో జ్యోత్స్న గుండె ఒక్కసారిగా ఆగినట్టవుతుంది.
అంతటితో ఈ ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
