ఇల్లు ఇల్లాలు పిల్లలు Oct 31st, 2025 శుక్రవారం ఎపిసోడ్ : సివంగిలా మారిన శ్రీవల్లి… ధీరజ్ ని కాపాడిన అత్త కోడళ్ళు …. !!!!
ఈ ఎపిసోడ్‌లో ధీరజ్‌ని కోర్టుకి తీసుకెళ్లడానికి సిద్ధమవుతారు. కానీ శోభ ఇంకా కనిపించకపోవడంతో ప్రేమ చాలా బాధపడుతుంది. దాంతో శ్రీవల్లి ధైర్యం చెబుతూ, “ఆ కిడ్నాప్ చేసిన వాళ్లు ఎక్కడికీ వెళ్లలేరు, ఖచ్చితంగా ఇక్కడే దాక్కున్నారు,” అంటుంది. వేదవతి “అలా ఎలా చెబుతున్నావు?” అని అడుగుతే, శ్రీవల్లి “ఇంత పట్టపగలు ఒక అమ్మాయిని ఎవరికి తెలియకుండా తీసుకెళ్లడం కష్టం. వాళ్లకు మనం వెతుకుతున్నామన్న విషయం తెలిసిపోయింది, అందుకే ఇప్పుడు బయటికి రావడంలేదు. చీకటి పడ్డాక తప్పించుకోవాలని చూస్తున్నారు” అని చెబుతుంది.
ఆ మాటతో అందరికీ కొంత నమ్మకం వస్తుంది. “ఇక ఏడవకుండా వెతికేస్తే దొరుకుతుంది” అని శ్రీవల్లి చెబుతుంది. కానీ నర్మద వ్యంగ్యంగా “ఏదో లోకాన్ని కాపాడే దేవతలా మాట్లాడుతుంది” అని అంటుంది. దాంతో శ్రీవల్లి “నన్ను ఆటపట్టిస్తే మీ కర్మ తప్పదు” అని అంటుంది. వేదవతి “ఇక గొడవలు వద్దు, ముందు వెతుకుదాం” అంటుంది.
నర్మద “ఇళ్లలోకి వెళ్లి వెతికితే దొంగతనానికి వచ్చారని కొడతారు” అని భయపడుతుంది. వేదవతి “నా దగ్గర ఐడియా ఉంది — ఇంటింటికి పాలు వేద్దాం” అంటుంది. దాంతో నర్మద నవ్వుతూ “మధ్యాహ్నం పాలు వేశాం అంటే మిల్క్‌షేక్ అయిపోతుంది” అంటుంది. వేదవతి “అయితే పేపర్ వేద్దాం” అంటుంది. చివరికి శ్రీవల్లి “జనాభా లెక్కలు రాసేవాళ్లలా ఇంటింటికి తిరుగుదాం” అని చెబుతుంది.
వాళ్లు జనగణన టీంలా తయారై ఇంటింటికి వెతుకుతారు. కానీ అసలు జనగణన టీం ఎదురుపడుతుంది. “మేమే అసలైన వాళ్లం, మీరు ఎవరు?” అని అడుగుతారు. తడబడి సమాధానం చెప్పలేకపోతే, వాళ్లు “దొంగతనానికి వచ్చారు” అని అరిచి దాడి చేయడానికి వస్తారు. దాంతో వేదవతి, శ్రీవల్లి, నర్మద, ప్రేమ—అందరు కలిసి పరుగెత్తి పారిపోతారు.
కొంతసేపటి తర్వాత దాక్కొని ఊపిరి పీలుస్తారు. “ఇది అంతా నీ ఐడియా వల్లే జరిగింది” అని నర్మద కోప్పడుతుంది. కానీ శ్రీవల్లి “ఇంకా ఒక ప్లాన్ ఉంది” అంటుంది. “ఇప్పుడే ఫుడ్ డెలివరీ బాయ్ వచ్చాడు. వాళ్ల అడ్రస్ సరైనది కాదు అంటున్నాడు. ఫుడ్ తీసుకోవడానికి తప్పకుండా వాడు వస్తాడు. వాడిని ఫాలో అయితే వాళ్ల దగ్గరికి వెళ్ళొచ్చు” అని చెబుతుంది.
మిగతావాళ్లు “ఇక మాకు ఓపికలేదు” అని వదిలేయమని చెబుతారు. కానీ అదే సమయంలో ఆ కిడ్నాపర్ కనిపిస్తాడు. “అతడే!” అని శ్రీవల్లి చెబుతుంది. అందరూ పరుగెత్తి పట్టుకుంటారు. వాడు తప్పించుకోవడానికి ప్రయత్నిస్తాడు కానీ శ్రీవల్లి పట్టేస్తుంది. వాడిని కొడుతూ “నన్ను పంది అంటావా?” అని కేకలు వేస్తుంది. దాంతో నర్మద “వాడు ఒక్కసారి అన్నాడు, నువ్వు పది సార్లు చెప్పుకున్నావు” అని నవ్వుతుంది.
తర్వాత పోలీసుల దగ్గర వాడిని నిలబెడతారు. వేదవతి “నా కొడుకు కిడ్నాపర్ కాదు, వీళ్లు చేశారు” అని చెబుతుంది. శోభ కూడా నిజం చెబుతుంది — “ధీరజ్ నన్ను కాపాడాడు” అని. దీంతో పోలీసులు నిజమైన దోషులను పట్టుకుంటారు.
చివర్లో శోభ తండ్రి క్షమాపణలు చెబుతాడు. ధీరజ్ నిర్దోషిగా బయటపడతాడు. ప్రేమ కన్నీళ్లు పెట్టుకుని అతన్ని కౌగిలించుకుంటుంది. శ్రీవల్లి తెలివైన ప్లానింగ్ వల్ల నిజం బయటపడుతుంది, కిడ్నాపర్ పట్టుబడతాడు, ధీరజ్ విముక్తి పొందుతాడు.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
