గుండె నిండా గుడి గంటలు Nov 11th, 2025 మంగళవారం ఎపిసోడ్: బామ్మ ప్రశ్నలకు ఇరుక్కుపోయిన రోహిణి …. మీన బంగారం గురించి అసలు విషయం బయట పడిందా … ????
ఎపిసోడ్ ప్రారంభంలో రవి, శృతి గుడి దగ్గర మౌనికను కలిసి బామ్మ పుట్టినరోజు వేడుకకు పిలుస్తారు. మొదట మౌనికకు సందేహం వస్తుంది — భర్త అనుమతి లేకుండా వెళ్ళాలా వద్దా అని. ఆ సమయంలో ఆమె అత్త సువర్ణ ప్రేమగా “వెళ్ళమ్మా, అంతా సంతోషపడతారు” అని అంటుంది.కానీ మౌనిక అతని పక్కకి తీసుకు వెళ్లి “గుడికి అంటేనే ఎలా మాట్లాడారో చూసారు కదా అత్తయ్య. ఇంకా చెప్పకుంద ఆమె ఇంటికి వెళ్ళాను అంటే గొడవ అవుతుంది ” అని భయపడుతుంది. దానికి సువర్ణ ” వాడు రాత్రికి రాను అని చెప్పాడు కదా ఎం పర్లేదు నువ్వు వెళ్ళు, నేను చూసుకుంటాను” అని చెబుతుంది. దాంతో మౌనిక కాస్త నిశ్చింతగా రవి, శృతి కారు ఎక్కి బామ్మ ఇంటికి బయలుదేరుతుంది.
ఇక ఇంట్లో మీనా, సుశీలమ్మ, ప్రభావతి అదే సమయంలో బాలు గురించి మాట్లాడుకుంటూ ఉంటారు. సుశీలమ్మ మీనాతో బాలుకి ఫోన్ చేయమని అడుగుతుంది. చేసినా లిఫ్ట్ చేయలేదు అని మీనా బదులు ఇస్తుంది. ఎందుకు ఏమైనా గొడవ అయ్యిందా మీకు అని అడుగుతుంది. లేదు అమ్మమ్మ అని మీనా బదులు ఇస్తుంది. అపుడే అక్కడికి వచ్చిన ప్రభావతితో నువ్వు ఏమైనా అన్నావా అంటే నేను ఏం అంటాను వాడి పెళ్ళాంని అడగండి నాకు ఏం తెలుసు అని బదులిస్తుంది ప్రభావతి. దానికి సుశీలమ్మ “నీ కొడుకు గురించి నీకు తెలియదా” అని అడుగుతుంది.
ప్రభావతి “మీ దగ్గరే కదా పెరిగాడు నన్ను అంటారు ఏంటి ?” అని అంటుంది. సుశీలమ్మ “నువ్వు ఎప్పుడు అయిన వాడిని కొడుకులా చూసావా ? తల్లి ప్రేమ లేని వాడిని ప్రేమగా పెంచడం నా తప్పా?” అని అడుగుతుంది. ప్రభావతి ” ఇపుడు నేను ఏం అన్నాను ” అంటుంది. మీనా సమాధానంగా “మీరే కదా మా ఆయనకి సరిగా ప్రేమ చూపించలేదు. అందుకే అమ్మమ్మ ప్రేమగా పెంచితే తప్పు పడుతున్నారు కదా” అని అంటుంది. ప్రభావతి మీనాతో కోపంగా “అయితే నువ్వే ఇవి అన్ని చెప్పి నా మీదకి యెగతోస్తున్నావా? ” అని అడుగుతుంది. సుశీలమ్మ నీ గురించి నాకు తెలీదా ఇన్ని సంవత్సరాలుగా చూస్తున్న కదా అని అంటుంది.
అదే సమయంలో శృతి, రవి, మౌనిక ఇంట్లోకి అడుగు పెడతారు. మౌనికని చూసి అందరూ సంతోషపడతారు. సత్యం, రోహిణి కూడా ఆమెను ఆత్మీయంగా స్వాగతిస్తారు. కానీ సత్యం ఒక్కసారిగా “మౌనికను పిలవలేదు కదా ప్రభా?” అని అడుగుతాడు. దానికి ప్రభావతి “దీపావళికి పిలిస్తే రాలేదు. వాళ్లు కోట్లలో సంపాదించేవాళ్లు, ఇలాంటి చిన్న ఫంక్షన్లకు వచ్చే టైమ్ ఉంటుందా?” అని అంటుంది.
దాంతో సత్యం చిరాకు చెంది “నువ్వు పిలిస్తే ఎందుకు రారు?” అని కోపంగా అడుగుతాడు. మౌనిక మధ్యలో “నేనిక్కడికి ఇపుడు పిలవకపోయినా వచ్చాను. బామ్మ కంటే ముఖ్యమైనది ఇంకేముంటుంది” అని సమాధానమిస్తుంది.
ఇంతలో మీనా మౌనికను కిచెన్‌కు తీసుకెళ్తుంది. “నువ్వు వస్తావని అనుకోలేదు. నీ భర్త అనుమతించడు అనుకున్నా” అని చెబుతుంది. దానికి మౌనిక “ఇప్పుడూ ఆయన పంపలేదు. కానీ అత్తయ్య అనుమతించింది కాబట్టి వచ్చాను” అని చెబుతుంది.
మీనా అడుగుతుంది — “బాలు ఎక్కడ?” దానికి “బయటికి వెళ్ళాడు. కేక్ కటింగ్ టైమ్‌కి వస్తాడు” అని సమాధానమిస్తుంది. కానీ తనలో తాను మీనా “బాలు ఎక్కడో బంగారం విషయం బయటపడిపోతుందేమోనని ఇంట్లో ఉండడం లేదు” అని ఆలోచిస్తుంది.
తర్వాత సుశీలమ్మను రోహిణి తీసుకెళ్లి మేకప్ చేస్తుంది. సుశీలమ్మ మొదట అంగీకరించదు కానీ మనవరాళ్ల ఒత్తిడితో కూర్చుంటుంది. మేకప్ చేస్తున్నప్పుడు సుశీలమ్మ రోహిణి కుటుంబం గురించి రకరకాల ప్రశ్నలు వేస్తుంది — ఆమె తల్లిదండ్రులు ఎక్కడ ఉంటారు, మీ నాన్న జైలు నుండి వచ్చారా, మామయ్య ఎక్కడ ఉంటారు, మీ మామయ్యని అయిన రమ్మని చెప్పు అని అడుగుతుంది. రోహిణి ఇబ్బందిగా అబద్ధాలు చెబుతూ తప్పించుకుంటుంది.
కనీసం మీ అమ్మ నాన్న ఫోటో అయిన ఉంటుందిగా చూపించు అని అడుగుతుంది సుశీలమ్మ.దానికి రోహిణి మా నాన్న మీద కోపంతో అక్కడ నుండి వచ్చే అపుడు ఏమి తెచ్చుకోలేదు ఇంకా అమ్మ ఫోటో చూస్తే నేను ఏడుపు ఆపుకోలేను అందుకే ఫోటో కూడా నా దగ్గర లేదు అంటుంది. అపుడు సుశీలమ్మ ఫోన్ చేసి ఇవ్వు నేను మాట్లాడతాను అని అడగ్గా తర్వాత చేస్తాలే అని సమాధానం ఇస్తుంది రోహిణి.
కొద్ది సేపటికి మేకప్ పూర్తవుతుంది. బామ్మ అందంగా రెడీ అవుతుంది. అదే సమయంలో మౌనిక రూంలోకి వచ్చి ఆమెను చూసి ఆశ్చర్యపోతుంది. “నానమ్మా, నువ్వు అచ్చం హీరోయిన్‌లా ఉన్నావు” అని చెబుతుంది. ఇద్దరూ కలిసి సెల్ఫీ తీసుకుంటారు.
ఇంతలో శృతి సరదాగా “బామ్మా, ఇప్పుడు మీరు జీన్స్ వేసుకుంటే ఇంకాస్త మాడర్న్‌గా కనిపిస్తారు” అని ఆటపట్టిస్తుంది. రవి కూడా సరదాగా “బామ్మకు జీన్స్ షర్ట్ కొనుక్కురానా?” అని అడుగుతాడు ఆటపట్టిస్తూ. అందరూ నవ్వుకుంటారు. రోహిణి సత్యంని అమ్మమ్మ మేకప్ వేసాక అందంగా ఉన్నారు కదా అని అడగ్గా సత్యం కూడా అవును అని చెప్తాడు. మీనా “అమ్మమ్మ మాములుగా కూడా చాల అందంగా ఉంటారు ఎందుకు అంటే ఎపుడు నవ్వుతు ఉంటారు కాబట్టి ” అని అంటుంది. సత్యం వెంటనే “అవును మా అమ్మ ఎపుడు అందంగా ఉంటుంది నేను చూసిన అందమైన మొఖం మా అమ్మదే” అని అంటాడు. దానికి మనోజ్ “అంటే మా అమ్మ అందంగా ఉండదా నాన్న ” అని అడుగుతాడు. సత్యం ఎవరైనా మా అమ్మ తర్వాతనే అంటాడు. ప్రభావతి మనోజ్ ని నేను అడగమన్నానా అని తిడుతుంది.
తర్వాత సత్యం ఒక పెద్ద సర్ప్రైజ్ ఇస్తాడు. తన తల్లి పుట్టినరోజు ప్రత్యేకంగా ఉండాలని వేదపండితులను పిలిపించి పూజ చేయిస్తాడు. పూజ సందర్భంగా పండితులు సుశీలమ్మకు అమ్మవారి పట్టుచీరను కానుకగా ఇస్తారు. అది చూసి సుశీలమ్మ చాలా సంతోషపడుతుంది.
ఈ దృశ్యం చూస్తూ ప్రభావతి కుళ్ళుకుంటుంది. మనోజ్ వైపు తిరిగి “నీ తల్లి కోసం నీ తండ్రి ఎంత చేస్తాడో చూశావా? నువ్వు ఎప్పుడైనా నా కోసం ఏమైనా చేశావా?” అంటుంది.
తర్వాత అందరూ బామ్మ దగ్గర ఆశీర్వాదం తీసుకుంటారు. రోహిణి, మనోజ్, మీనా, రవి, శృతి – అందరూ ఒక్కొక్కరుగా ఆమెకు నమస్కరిస్తారు. మీనాని కూడా ఆశీర్వాదం తీసుకోమని అడగ్గా బాలు వచ్చాక తీసుకుంటాను అంటుంది. మనోజ్ బాలు రాడు అని వెక్కిరిస్తాడు. ఇంకా శృతి అందరితో కలిసి సెల్ఫీలు తీసుకుంటుంది.
అంతలో ప్రభావతి మనోజ్ తో ” మీ నాన్న ఎదో గట్టిగానే ప్లాన్ చేస్తున్నాడు. మీ బామ్మకి ఈ పూజలు అంటే ఇష్టం కదా అందుకే ఆలా ప్లాన్ చేసాడు. అయితే మీ బామ్మ ఇచ్చే గిఫ్ట్ మీ నాన్నకి ఇస్తే బాగుండు అపుడు అది ఎలానో నాకే వస్తుంది” అని సంబరపడుతుంది.
సుశీలమ్మ మళ్లీ కిచెన్ లో ఉన్న మీన దగ్గరకు వచ్చి ఏం చేస్తున్నావు అని అడుగుతుంది. మీన వంట చేస్తున్న అని చెప్పడంతో మిగిలిన వాళ్ళు ఎవరు చేయరా, వాళ్ళు అంత ముందే రెడీ అయ్యి వస్తారా, నువ్వు ఎపుడు రెడీ అవుతావు, నువ్వు కూడా వెళ్లి రెడీ అవ్వు అని చెప్తుంది. మీన నేను తొందరగానే రెడీ అవుతాయి అని చెప్పడంతో “అమ్మా మీనా, బాలు ఎక్కడ? నా పుట్టినరోజు రోజు అలా బయటికి ఎందుకు వెళ్లిపోయాడు? ఎపుడు నేను వచ్చిన నా చుట్టూనే తిరుగుతాడు కదా” అని అడుగుతుంది. మీనా తడబడి సమాధానం ఇవ్వలేకపోతుంది.
అంతటితో ఈ ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో సుశీలమ్మ పుట్టినరోజు వేడుకకు శృతి తల్లి శోభన వస్తుంది. ఆమె మీనా వేసుకున్న నగలు చూసి “బాలు ఇంకా బంగారు నగలు కొనలేదు అని గిల్ట్ నగలు వేసుకున్నావా ” అని అడుగుతుంది. ప్రభావతి వెర్రిగా నవ్వుతూ “అవి బంగారం నగలే వదినగారు” అని సర్దుకోవడానికి ప్రయత్నిస్తుంది.
శోభన మాత్రం ధైర్యంగా “నాకు బంగారం గిల్డ్ తేడా తెలియదనుకుంటున్నారా? ఇవి గిల్డ్ నగలే. ఏదో పొరబాటు జరిగిందేమో” అని చెబుతుంది. ఆ మాట విన్న వెంటనే ప్రభావతి, మనోజ్ ముఖాలు తెల్లబడతాయి. మీనా సైలెంట్‌గా ఉంటుంది. సుశీలమ్మ మాత్రం వారిని అనుమానంగా చూస్తుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
