గుండె నిండా గుడి గంటలు Nov 12th, 2025 బుధవారం ఎపిసోడ్: నగలు గురించి నిజం తెలుస్తుంది అనే భయంలో ప్రభావతి, మనోజ్ …. !!! పార్వతి, సుమతి లను అవమానించిన ప్రభావతి … !!!!
ఎపిసోడ్ ప్రారంభంలో ఇంట్లో సుశీలమ్మ పుట్టినరోజు వేడుకలు ఏర్పాట్లు జరుగుతూ ఉంటాయి. కుటుంబ సభ్యులందరూ సంతోషంగా కనిపిస్తున్నప్పటికీ సుశీలమ్మ మనసులో మాత్రం బాలు ఎక్కడ ఉన్నాడో అనే ఆలోచన తిరుగుతూనే ఉంటుంది.
ఆమె మీన పక్కకు వెళ్లి “బాలు ఎక్కడ? మీ ఇద్దరి మధ్య ఏమైనా గొడవ అయ్యిందా?” అని అడుగుతుంది. మీనా బామ్మతో “అదేం లేదు బామ్మ, మీరు అలా అనుకోకండి. ఎదో ముఖ్యమైన పని ఉంటే తప్ప మీరు ఉన్నపుడు ఆయన బయటికి వెళ్ళరు. వచ్చేస్తారు కేక్ కట్ చేసే టైంకి ” అని బదులిస్తూ “ఆయన మీరిచ్చే బహుమతులకోసం తాపత్రపడే మనిషి కాదు కదా. అతని మనసు మీకు తెలుసు కదా. మీ మీద ప్రేమ ఎప్పటికి అలానే ఉంటుంది” అని అంటుంది. సుశీలమ్మ ఆ మాట విని తల ఊపి “వాడి స్వభావం నాకు తెలుసు” అని చెబుతుంది. తర్వాత మీనాకు “అందరు రెడీ అవుతున్నారు కదా. నువ్ ఒక్కదానివే ఎందుకు వంట చేయడం. ముందు నువ్వు వెళ్లి కొత్త చీర కట్టుకుని రామ్మా” అని చెబుతుంది.
మీనా పైకి వెళ్తుండగా, ప్రభావతి మీనాని ఆపి “ఎక్కడికి వెళ్తున్నావు? వంట ఎవరు చేస్తారు?” అని అడుగుతుంది. పక్కనే ఉన్న సుశీలమ్మ ఆ మాట విని గట్టిగా “నువ్వు కూడా ఆడదానివే కదా? వంట నీకు రాదా? మిగతా కోడళ్లు ఉన్నారు కదా, మీనా ఒకటే ఎందుకు వంట చేయాలి? నువ్వు వాళ్ళ సహాయంతో వంట చెయ్యి లేకపోతే పాయింట్ షర్ట్ వేసుకుని తిరుగు. ఎదో ఒకటి నిర్ణయించుకో” అని చెప్తుంది.
ఆమె మాటలతో ప్రభావతి ఒక్కసారిగా షాక్ అయ్యి వంట చేస్తాను అంటుంది. అంతలో సుశీలమ్మ మీనాకు “నువ్వు వెళ్లి రెడీ అవ్వు, అలాగే ఆ నగలు కూడా వేసుకో. అవి ఎవరి పుట్టింటివాళ్లు చేయించలేదు, నేను నా మనుమరాలికోసం చేయించాను” అని చెబుతుంది. ఆ మాట విన్న ప్రభావతి, మనోజ్ ఇద్దరూ కంగారుపడతారు ఎందుకంటే ఆ నగలు అసలు నగలు కాదు నకిలీ అని ఎక్కడ బయటపడుతుందో అని భయపడుతుంటారు.
ఇదిలా ఉండగా, మరోవైపు మౌనిక తన అత్త సువర్ణకు ఫోన్ చేస్తుంది. “అక్కడ పరిస్థితి ఎలా ఉంది?” అని అడుగుతుంది. సువర్ణ సమాధానమిస్తూ “అనవసరంగా ఇక్కడికి ఫోన్ చేసి టైం వేస్ట్ చేసుకోకు. నువ్వు పుట్టింట్లో సంతోషంగా ఉండు, సంజూ ఫోన్ చేస్తే నేను చూసుకుంటాను. మనసులో ఏం భయం పెట్టుకోకు” అని చెప్పి ఫోన్ పెట్టేస్తుంది. అపుడే సంజూ ఇంటికి వస్తాడు. అతడు “మౌనిక ఎక్కడ?” అని ప్రశ్నిస్తాడు. సువర్ణ ఆందోళనతో “గుడికి వెళ్ళింది, గుడి ప్రతిష్ట రోజు అని పూజలు జరుగుతున్నాయి, మన ఇంటికి పెస్ట్ కంట్రోల్ వాళ్ళు వస్తాను అంటే నేను వచ్చేసాను. ఆమె అక్కడే ఉంది” అని అబద్ధం చెబుతుంది. సంజూ మాత్రం అనుమానంగా “సరే” అని చెప్పి వెళ్ళిపోతాడు.
ఇదిలా ఉంటే, మౌనిక బామ్మతో “సారీ నానమ్మ. నేను నీకోసం ఏమి గిఫ్ట్ తీసుకు రాలేదు. అందరు ఎదో ఒకటి తీసుకు వచ్చారు. కానీ నేను అనుకోకుండా గుడి దగ్గర నుండి రవి శృతి తో కలిసి వచ్చాను కదా కొనడానికి కుదరలేదు” అని బాధగా చెప్తుంది. వెంటనే సుశీలమ్మ “నాకు మీరు ఇచ్చే గిఫ్ట్స్ ఏం వద్దు నేను మీ నుండి అవి ఏమి ఆశించడం లేదు. అందరు నా కాళ్ళ ముందు ఇలా సంతోషంగా ఉంటే అది చాలు” అని చెప్తూ “నువ్వు సంతోషంగా ఉన్నావా ? మీ ఆయన నిన్ను బాగా చూసుకుంటున్నాడా?” అని అడుగుతుంది.
అదే సమయంలో మౌనిక ఫోన్‌కు సంజూ వరుసగా కాల్స్ చేస్తాడు కానీ ఆమె భయంతో లిఫ్ట్ చేయదు. ఫోన్ మోగుతూనే ఉండటంతో అతనికి అనుమానం మరింతగా పెరుగుతుంది. “అమ్మ అబద్దం చెప్పి దాన్ని ఎక్కడికి అయినా పంపించిందేమో” అని అనుకుంటాడు. ఆ సమయంలో సువర్ణ మళ్లీ మౌనికకు కాల్ చేసి “సంజూ వచ్చేశాడు. మీటింగ్ కాన్సుల్ అయింది అంట. నువ్వు ఇంకా గుడిలో ఉన్నావు అని చెప్పాను. నువ్వు వెంటనే వచ్చిన అనుమానం వస్తుంది. చూసుకుని కాసేపు ఆగి రా” అని చెబుతుంది. మౌనిక ఆ మాట విని కాస్త కంగారు పడుతుంది.
ఇక అంతలో కామాక్షి ప్రభావతికి మాట ఇచ్చినట్టుగా ఒక టీవీని మోసుకొచ్చి హాల్లో ఉంచుతుంది. కొత్త టీవీ లాగా ప్యాక్ చేసి తీసుకువస్తుంది కామాక్షి. దాన్ని చూసిన సత్యం ఆశ్చర్యపోతాడు. అంతా ఆ టీవీ గురించి “ఇది కొత్త టీవీనా?” అని అడుగుతారు. ప్రభావతి వెంటనే “నేనే అత్తయ్య బర్త్‌డేకి కొన్నాను” అని చెబుతుంది. పక్కనే ఉన్న మీనాక్షి “నేనే మోసుకువచ్చాను” అని చెప్తుంది. రోహిణి మనోజ్ తో ” మీ అమ్మగారు అసలు చెప్పకుండా టీవీ కొనుక్కుని వచ్చారు మీ నానమ్మ కోసం. రిటర్న్ గిఫ్ట్ తనకే రావాలి అని మనతో చెప్పలేదు” అని అంటుంది.
ఇంట్లో అందరు టీవీ గురించి ఎక్కడ కొన్నారు, ఎంత అయింది అని రకరకాల ప్రశ్నలు వేస్తుండగా ఏదేదో చెప్పి మేనేజ్ చేస్తుంది ప్రభావతి. ప్రతిసారి మీనాక్షి “నేనే మోసుకువచ్చాను” అని చెప్తుండటంతో అందరికి అనుమానం వస్తుంది. మనోజ్ కూడా “మన షాపులో కూడా టీవీలు అమ్ముతున్నాము కదా మరి నా షాప్‌లో తీసుకుని ఉంటే బాగుండేది కదా” అని ఫీల్ అవుతాడు. రవి ఏమో నువ్వు ఏమి డిస్కౌంట్ ఇవ్వవు కదా అలాంటపుడు ఎక్కడ అయితే ఏముంది అని అంటదు.
సుశీలమ్మ ఆశ్చర్యంగా “ఇది నిజంగానే కొత్తదా? ఎప్పుడూ ఇంత ప్రేమ చూపించలేదుగా?” అని అంటుంది. సత్యం కూడా సరదాగా “నేను కూడా పొద్దున్న నుండి మీ కోడలు ప్రేమకి తట్టుకోలేకపోతున్నా అమ్మ” అని అంటాడు. ప్రభావతి మాత్రం “అత్తయ్యకు పెద్ద టీవీ కావాలి అని అనిపించింది. చిన్నదానిలో సీరియల్స్ చూడటం కష్టమవుతోంది” అని కొత్తది కొన్నాను అని అంటుంది. శృతి “ఇది పాత మోడల్ లాగా ఉంది” అని అనగా ప్రభావతి “అత్తయ్యకు కొత్త టీవీ ఆపరేట్ చేయడం రాదు కదా, అందుకే పాతది కొన్నాను” అని సమర్థించుకుంటుంది.
ఇంతలో మీనా పట్టు చీర కట్టుకొని, నగలు వేసుకొని కిందికి వస్తుంది. సుశీలమ్మ ఆనందంగా “మహాలక్ష్మిలా ఉన్నావమ్మా!” అని మెచ్చుకుంటుంది. ఆ సమయంలో కామాక్షి “ఇవి ఆ నగలేనా వదిన?” అని అడుగుతుంది. అది విని ప్రభావతి గందరగోళంలో పడుతుంది. సుశీలమ్మ “ఏ నగలు?” అని ప్రశ్నిస్తుంది. ప్రభావతి వెంటనే “అదే పెళ్లి రోజున మీనాక్షి కోసం చేయించినవేనా అని అడుగుతుంది” అని తప్పించుకునే ప్రయత్నం చేస్తుంది.
ఇంతలో మీనా తల్లి పార్వతి, చెల్లెలు సుమతి బామ్మ పుట్టినరోజు వేడుకలకు వస్తారు. వాళ్లను చూసి ప్రభావతి “మిమ్మల్ని ఎవరు పిలిచారు?” అంటూ అవమానపరుస్తుంది. వెంటనే సుమతి “ఇంటికి వచ్చిన వాళ్లతో మర్యాద లేకుండా మాట్లాడే మీ ఇంటికి పిలవకుండా మేము ఎందుకు వస్తాము.తినడానికి ఏం రాలేదు. మా అక్కని ఇచ్చాము కాబట్టి చూడటానికి వస్తుంటాము. ఇపుడు అయితే బామ్మ ఆశీర్వాదం తీసుకోవడానికి వచ్చాం. పిలిచింది మామయ్య” అని చెబుతుంది. ఆ సమాధానంతో అక్కడ ఉన్నవారందరూ నిశ్శబ్దంగా మారిపోతారు. పార్వతి కూతురుని మందలిస్తుంది.
సుశీలమ్మ కూడా సుమతిని సమర్థిస్తూ “సంస్కారం లేని వాళ్లకు అలా సమాధానం ఇవ్వడమే కరెక్ట్” అని చెబుతుంది. ఆ మాటలకు ప్రభావతి ఒక్కసారిగా మూగబోతుంది.
సుశీలమ్మ తర్వాత సుమతిని పిలిచి “ఇంత చిన్న బొట్టు ఎందుకు పెట్టుకున్నావమ్మా?” అని అడుగుతుంది. సుమతి “పెద్ద బొట్టు పెట్టుకుంటే కాలేజీలో స్నేహితులు ఎగతాళి చేస్తారు” అని నవ్వుతూ చెబుతుంది. సుశీలమ్మ మీనని కుంకుమ తీసుకు రమ్మని చెప్పి సుమతికి బొట్టు పెడుతుంది. సుమతి బామ్మ దగ్గర ఆశీర్వాదం తీసుకుంటుంది. సుశీలమ్మ మరి “పెళ్లెప్పుడు?” అని అడుగుతుంది. సుమతి “ఇపుడే కాదు బామ్మా, ముందుగా జాబ్ సంపాదించి నా కాళ్ల మీద నిలబడి తర్వాత చేసుకుంటాను” అని చెబుతుంది.
ఆ సమాధానం విని శృతి చప్పట్లు కొడుతుంది. సుశీలమ్మ కూడా మెచ్చుకుంటూ “చాలా బాగా చెప్పావమ్మా. ఈ రోజుల్లో ఆడపిల్లలు ఉద్యోగం చేస్తేనే గౌరవం ఉంటుంది. లేకుంటే నా కోడలిలా ఇంటికి, వంటింటికి పనికి రాకుండా పోతారు” అని అంటుంది. ఆ మాట విన్న ప్రభావతి ముఖం ఎర్రబడుతుంది.
పార్వతి మధ్యలో “మంచి సంబంధం వస్తే తప్పకుండా పెళ్లి చేస్తాం” అని చెబుతుంది. దానికి ప్రభావతి వెటకారంగా “మీ పెద్దకూతురిలా చిన్నకూతురికి కూడా పెళ్లి జరగాలంటే ఎవరో ఒకరికి యాక్సిడెంట్ కావాల్సిందే” అని చెబుతుంది. ఆ మాట విని అక్కడున్నవారందరూ షాక్ అవుతారు. సుశీలమ్మ కళ్ళతోనే ప్రభావతిని ఆపుతుంది.
ఇంతటితో ఈ రోజు ఎపిసోడ్ ముగుస్తుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
