బ్రహ్మముడి Nov 1st, 2025 శనివారం ఎపిసోడ్ : రాజ్, కావ్య ల నాటకం కుయిలీ గుట్టు బయట పెడుతుందా…???
కావ్య, రాజ్ ఇద్దరూ మంగతాయారు, లింగరాజుగా రాహుల్ కి బామ్మా తాతయ్యలుగా మారు వేషాల్లో కుయిలీ ఇంటికి వెళ్తారు. కావ్య “మన ఆస్తి అంతా అనాథాశ్రమానికి రాసి ఎక్కడో ప్రశాంతంగా జీవిద్దాం” అంటుంది. రాజ్ కూడా “పదా మంగతాయారు” అని అంగీకరిస్తాడు. అదే సమయంలో కుయిలీ వారిని ఆపుతూ, “బామ్మగారు, ఎక్కడికీ వెళ్లకండి. మీకు ఇక్కడ ఏ లోటు ఉండదు” అని చెబుతుంది.
అప్పుడు రాహుల్ కోపంగా వచ్చి, కుయిలీకి కాఫీ తీసుకురమ్మని చెబుతూ, రాజ్, కావ్యలను బయటకు తీసుకెళ్లి మాట్లాడటం మొదలుపెడతాడు. వారిని గార్డెన్‌కి తీసుకెళ్లి, “ఏమిటి ఈ డ్రామా?” అని ప్రశ్నిస్తాడు. రాజ్ నవ్వుతూ, “గుర్తుపట్టావా?” అని అంటాడు. కావ్య కూడా ఎగతాళిగా “బ్రెయిన్ ఇంకా షార్ప్‌గానే ఉంది ” అని అంటుంది. రాహుల్ మాత్రం కోపంగా, “ముందు మీరు ఎందుకు వచ్చారో చెప్పండి” అని అడుగుతాడు.
దాంతో రాజ్, కావ్యలు రాహుల్‌కి మాటలతో బుద్ది చెప్తారు. “ఇలాంటి అమ్మాయి కోసం వచ్చావా?” అంటూ రాహుల్‌ను నిలదీస్తారు. రాహుల్ కోపంతో, “మీరు ఏం చేసిన నేను మీతోనే రాను. ఆ ఇంట్లో నాకు విలువ లేదు. నేను కుయిలీతోనే ఉంటాను. ఆమెతో ఉంటే నేను సంతషంగా, గౌరవంగా ఉంటాను” అని చెబుతాడు. అప్పుడు రాజ్, కావ్యలు అతనితో “తను నీ అందం చూసి నీ వెంట పడలేదు నువ్వు ఇచ్చిన బిల్డప్ కి నీతో ఉంది నీ దగ్గర ఇప్పుడు డబ్బు లేదని కుయిలీకి చెబితే నీ పరిస్థితి ఎలా ఉంటుందో చూడు” అని అంటారు.
ఇంతలో కుయిలీ వస్తుంది. రాహుల్ కంగారుపడి మాట మార్చేస్తాడు. రాజ్, కావ్యలను బామ్మ, తాతలుగా గౌరవిస్తూ మాట్లాడతాడు. కుయిలీ వారితో మంచిగా మాట్లాడుతూ, “రాహుల్ అలానే మాట్లాడుతాడు కానీ పట్టించుకోవద్దు. ఇక్కడ హ్యాపీగా ఉండండి. భోజనానికి ఏం కావాలో చెప్పండి” అని అడుగుతుంది. దాంతో రాజ్, కావ్య ఆనందంగా చిల్లీ చికెన్, తందూరి చికెన్ ,చికెన్ 65, బిర్యానీ అని పెద్ద లిస్ట్ చెబుతారు. కుయిలీ ఇబ్బందిగా “సరే, అన్నీ తెప్పిస్తాను” అని ఒప్పుకుంటుంది.
తర్వాత కుయిలీ తన భర్త షణ్ముఖ్‌తో గదిలో బాధగా మాట్లాడుతుంది. “ఇంత పెద్ద లిస్ట్ చెప్పారు, ఒక్క పూటకే రూ.30 వేల వరకు ఖర్చు అవుతుంది. ఇలానే ఉంటే రోజుకి ఒక లక్ష అవుతుంది” అని చెబుతుంది. షణ్ముఖ్ కూడా “ఇప్పటికే అప్పులు చాలా అయ్యాయి , వీళ్లను చూస్తుంటే వారం రోజులు ఇక్కడే ఉండేలా ఉన్నారు. ఆ సేఠ్ వారం రోజుల్లో డబ్బు ఇవ్వకపోతే చంపేస్తానని బెదిరిస్తున్నాడు” అని అంటాడు. కుయిలీ “వాళ్లను ఎక్కువ రోజులు ఉండనివ్వకూడదు. వాళ్ల దగ్గరే డబ్బు లాగేయాలి” అని నిర్ణయిస్తుంది.
ఇదిలా ఉండగా, కావ్య, రాజ్ గదిలోకి వెళ్లి విగ్‌లు తీసి చెమట తుడుచుకుంటారు. కావ్య “ఈ వేషాలు వేయడం కష్టంగా ఉంది. ముసలివాళ్లలా నడవడం, మాట్లాడడం కష్టమవుతోంది” అని చెబుతుంది. రాజ్ నవ్వుతూ “ఇది కొద్ది రోజులే, రాహుల్ మేల్కొనే వరకు ఈ నటన కొనసాగించాలి” అంటాడు. ఇద్దరూ “అక్క జీవితం సర్దుకుంటే మనం బయటకు వెళ్లిపోతాం” అని మాట్లాడుకుంటారు.
తరువాత కావ్య “ఆ రంజిత్ (షణ్ముఖ్) మావయ్య కాదు అనిపిస్తోంది, భర్త అయ్యి ఉంటాడు” అని చెబుతుంది. రాజ్ “అవునా? అయితే ప్లాన్ మార్చాలి” అంటాడు. అప్పుడే షణ్ముఖ్ ఆ గది పక్కగా వెళ్తూ వాళ్ల గెటప్‌ చూసి అనుమానం వస్తుంది. కిటికీ దగ్గర నుండి చూస్తాడు. రాజ్ గమనించి వెంటనే విగ్ వేసుకుని కావ్యను హగ్ చేసుకుంటాడు. షణ్ముఖ్ “అయ్యో! రొమాంటిక్ సీన్” అనుకుని వెళ్లిపోతాడు.రాజ్, కావ్య ఊపిరి పీల్చుకుంటూ, “ఈసారి తప్పించుకున్నాం, ఇక జాగ్రత్తగా ఉండాలి” అని అనుకుంటారు.
ఇంకా మరోవైపు, స్వప్న ఒంటరిగా కూర్చుని బాధపడుతుంటుంది. ఆమె దగ్గరికి అప్పూ వచ్చి ధైర్యం చెబుతుంది. “అక్కా, బావ వెళ్లారు కదా. ఇంకా ఎందుకు బాధ? రాహుల్ డబ్బు ఉన్నవాడని ఆ అమ్మాయి వెంటపడుతోంది. త్వరలోనే నిజం తెలిసి వెళ్తుంది. దిగులు పడొద్దు” అని ఓదారుస్తుంది.
ఇదంతా జరుగుతుండగా, డైనింగ్ టేబుల్ దగ్గర దిగులుగా ఉనన్ రంజిత్ ని రాహుల్ ఏమైంది అని అడుగుతాడు. పొరపాటున మీ బామ్మా తాతయ్యలని మైంటైన్ చేయడానికి 25 వేలు ఖర్చు ఐంది అని అంటాడు. అంతలో కుయిలీ కాస్టలీ వాచ్ కనిపించడం లేదు అని కవర్ చేస్తుంది.
అంతటితో ఈ ఎపిసోడ్ ముగుస్తుంది
మరుసటి రోజు ప్రోమోలో గోల్డ్ బాబుని అంటూ ఒక వ్యక్తి ఎంట్రీ ఇస్తాడు. తన దగ్గర చాలా ఆస్థి ఉంది అని చెప్తుంటే కుయిలీ అతనికి కనెక్ట్ అవుతుంది. అది చూసి రాహుల్ షాక్ అవుతాడు. రాజ్ కావ్య వాళ్ళ ప్లాన్ సక్సెస్ అవుతుంది అని నవ్వుకుంటారు.
తర్వాతి భాగంలో కథ ఎలా మలుపు తిరుగుతుందో చూడాలి.
Source inspiration: Original story from “బ్రహ్మముడి” (JioHotstar). This is a personal written recap and interpretation.
