బ్రహ్మముడి Nov 10th, 2025 సోమవారం ఎపిసోడ్: నిజం నిరూపించిన రాజ్, కావ్య … ! బయటపడిన రాహుల్ …. !!!!
ఎపిసోడ్ జైలులో ఉన్న రాహుల్ సన్నివేశంతో ప్రారంభమవుతుంది. రాహుల్ నిరాశగా కూర్చుని ఉంటాడు. ఆ సమయంలో స్వప్న, రుద్రాణి ఇద్దరూ అతన్ని చూడటానికి జైలుకి వస్తారు. రాహుల్ వారిని చూసి తాను ఏ తప్పు చేయలేదని, తనపై వేసిన హత్య ఆరోపణలు తప్పు అని బాధతో చెబుతాడు.
స్వప్న మాత్రం కోపంగా మాట్లాడుతూ — “నువ్వు మగాడివి అనే మత్తులో మనిషివి అనే విషయాన్ని మరిచిపోయావు. మంచి మాటలు చెప్పినవారిని వదిలేసి, అబద్ధాలతో బతకడం నేర్చుకున్నావు. మీ అమ్మ చెప్పిన అబద్ధాలనే నమ్మి జీవితం చెడగొట్టుకున్నావు. ఇప్పుడు చూడు, జైల్లో కూర్చొని చిప్పకూడు తినాల్సి వచ్చింది” అని మండిపడుతుంది.
ఆ మాటలు విన్న రుద్రాణి మాత్రం సహించలేక, “నువ్వు వాడిని చూడటానికి వచ్చావా లేక అవమానించటానికి వచ్చావా? వాడిని నువ్వు తిట్టినా, నేను నా కొడుకును కాపాడతాను. ఎంత ఖర్చయినా సరే, నేను రాహుల్‌ను బయటకు తీసుకొస్తాను” అని చెబుతుంది.
స్వప్న మాత్రం రుద్రాణిని చూసి, “నువ్వు ఎప్పటికీ మారవు. నీ కొడుకు తప్పు చేసినా, తనని రక్షించడమే నీ పని. ఈ దారి తప్పు అని తెలిసినా, నువ్వు నడిచేది అదే దారిలోనే” అని ఎద్దేవా చేస్తుంది.
రాహుల్ మాత్రం తల్లి మరియు భార్య ఇద్దరి మాటలు వింటూ కళ్లలో కన్నీళ్లతో, “నేను నిజంగా ఈ హత్య చేయలేదు. నన్ను ఎవరూ నమ్మకపోయినా, నువ్వు నమ్మితే చాలు స్వప్నా” అని చెబుతాడు. తాను గతంలో ఎన్నో తప్పులు చేశానని, డబ్బు కోసం తప్పు దారిలో నడిచానని ఒప్పుకుంటాడు. కానీ తాను ప్రేమించిన ఆ అమ్మాయిని చంపడం తన వల్ల కాదని స్పష్టం చేస్తాడు. “నేను తప్పు చేశాను కానీ హత్య మాత్రం చేయలేదు” అని చెప్పి తన నిర్దోషిత్వాన్ని నిరూపించమని స్వప్నను వేడుకుంటాడు.
అప్పటికే రుద్రాణి బయటికి వెళ్లి రంజిత్‌కు కాల్ చేస్తుంది. రంజిత్ ఆమెకు, “మీ దగ్గర సాక్ష్యాలు లేవు కానీ నా దగ్గర అన్ని ఆధారాలు ఉన్నాయి” అని బెదిరిస్తాడు. రుద్రాణి డబ్బు గురించి అడగగా, “నా దగ్గరున్న వీడియో, ఫోటోలు అన్ని ఉన్నాయి. మీరు నా మాట వింటేనే మీ కొడుకు బయటపడతాడు. లేదంటే పోలీసులకు చూపిస్తా” అని రంజిత్ చెప్పేస్తాడు. ఆమె “నా దగ్గర రెండు కోట్లు లేవు” అని చెప్పగానే, రంజిత్ “అయితే నేను పోలీస్ స్టేషన్‌కి వెళ్తాను” అని బెదిరిస్తాడు.
ఇక మరోవైపు రాజ్, కావ్య ఇద్దరూ రాహుల్ నిర్దోషి అని నిరూపించేందుకు ప్రయత్నం చేస్తారు. వాళ్ళు కుయిలీ ఇంట్లో కెమేరా పెట్టింది గుర్తు చేసుకుని, ఆ కెమేరాలో ఉన్న వీడియోతో నిజం బయటపడుతుందని భావించి, ఇద్దరూ అక్కడికి వెళ్తారు. కానీ ఇంటి చుట్టూ పోలీసులు కాపలాగా ఉంటారు. అందువల్ల వారు వెనుక వైపు కిటికీ దారిగా లోపలికి దూకి, కెమేరాను తీసుకొస్తారు.
ఆ వీడియోను ల్యాప్‌టాప్‌లో కనెక్ట్ చేసి చూస్తే, రాహుల్ కోపంతో కుయిలీని కొట్టిన తర్వాత ఆమె కిందపడిపోతుంది కానీ కొంతసేపటికి కదలడం మొదలుపెడుతుంది. అంటే ఆ సమయంలో ఆమె చనిపోలేదని స్పష్టమవుతుంది. ఆ తర్వాత ఏం జరిగిందో చూస్తే అసలు విషయం బయటపడుతుంది — కుయిలీని చంపింది రాహుల్ కాదు, రంజిత్ అని తెలుస్తుంది.
వీడియోలో రంజిత్, కుయిలీ మధ్య జరిగిన ఘర్షణ పూర్తిగా కనిపిస్తుంది. రాహుల్ వెళ్లిపోయిన తర్వాత రంజిత్, కుయిలీని లేపి “నువ్వు చేసిన పనికి నా ప్రపంచం తలకిందులయింది” అని కోపంగా అంటాడు. కుయిలీ మాత్రం “మనిద్దరం కలిసి ప్లాన్ చేశాం, రాహుల్ వద్ద డబ్బు ఉంది, వాడిని ట్రాప్ చేస్తే మనకి కోట్లు వస్తాయి, మన అప్పులు తీరతాయి అని అనుకున్నాం” అని చెబుతుంది.
రంజిత్ కోపంతో “నీ వల్లనే ఇది అంత జరిగింది. మనకి డబ్బులు వస్తాయి అన్నావ్ ఏం రాలేదు కానీ రాహుల్ ని ట్రాప్ చేయడానికి లక్ష రూపాయలు అప్పు అయింది” అని అంటాడు. దానికి కుయిలీ “నువ్వు తప్పులు చేసి జైలుకి వెళ్తే నేను అప్పులు చేసి మరి నిన్ను బయటకి తీసుకు వచ్చాను కదా. ఇపుడు మన అప్పులు పోవాలి అంటే ఒక కోటి రూపాయలు అయిన కావాలి” అని అంటుంది.
రంజిత్ కోపంతో “నీ వల్ల నా జీవితం పాడైంది, ఇప్పుడైనా డబ్బు రావాలి” అని వీడియో చూపిస్తాడు. అది చూసి కుయిలీ “ఈ వీడియోతో మనకి ఎలా డబ్బులు వస్తాయి” అంకి అడుగుతుంది. రంజిత్ వెంటనే నీకు రావు నాకు వస్తాయి అని కర్ర తీసుకుని వస్తాడు. కుయిలీ భయంతో “నన్ను చంపొద్దు” అని వేడుకున్నా, రంజిత్ వినకుండా కర్రతో కొట్టి చంపేస్తాడు. ఈ వీడియోని చూసిన రాజ్, కావ్య ఇద్దరూ పోలీస్ స్టేషన్‌కు వెళ్తారు.
అప్పటికే అక్కడ రంజిత్ రుద్రాణి ని బ్లాక్ మెయిల్ చేస్తుంటాడు. మీరు డబ్బులు ఇస్తే తప్ప మీ కొడుకు ని మీరు కాపాడుకోలేరు అని అంటాడు. రుద్రాణి నువ్వు డబ్బు తీసుకుని మాట మారిస్తే ఎలా అని రంజిత్ ని అడుగుతుంది. మీకు ఆప్షన్ లేదు మీరు నన్ను నమ్మాల్సిందే అని అంటాడు రంజిత్. అంతలో కావ్య, రాజ్ ఎంట్రీ ఇచ్చి మాకు ఇంకో ఆప్షన్ ఉంది. నిన్ను నాలుగు పీకి నిజం చెప్పించడం అని రంజిత్ ని తీసుకుని పోలీస్ స్టేషన్ లోకి వెళ్తారు.
అక్కడ వీడియోని ఎస్ఐకి చూపిస్తారు. ఎస్ఐ వీడియోను చూసి వెంటనే రాహుల్‌ను విడుదల చేయమని, రంజిత్‌ను అరెస్టు చేయమని ఆదేశిస్తాడు. రాహుల్ బయటకు వచ్చి రాజ్‌కి ధన్యవాదాలు చెబుతాడు. రాజ్ “సమయం నీకు కలిసొచ్చింది కాబట్టి బయటపడ్డావు, కానీ ఇకపై తప్పు చేస్తే ఎవ్వరూ కాపాడలేరు” అని చెబుతాడు. కావ్య కూడా “ఇప్పటికైనా మంచి భర్తగా, మంచి తండ్రిగా మారి చూపించు” అని సలహా ఇస్తుంది.
రాహుల్ మనస్ఫూర్తిగా “ఇకనుంచి మారి చూపిస్తాను” అని చెబుతాడు. రుద్రాణి లోపల తిట్టుకుంటూనే పైకి రాజ్, కావ్యలకి కృతజ్ఞతలు తెలుపుతుంది. “మీరు మా కొడుకుని కాపాడారు. నేను మర్చిపోలేను” అని నటిస్తూ చెబుతుంది. స్వప్న కూడా కావ్యను చూసి “ఇది అంతా నీ వల్లే సాధ్యమైంది” అని చెబుతుంది.
రాహుల్ ఇంటికి వచ్చిన తర్వాత కుటుంబ సభ్యులు అతనిపై కోపంతో మాట్లాడుతారు. అపర్ణ, “నీ వల్ల రాజ్, కావ్యలు కూడా ప్రమాదంలో పడేవారు. ఇక ఇలాంటి తప్పు మళ్లీ చేయకూడదు” అని హెచ్చరిస్తుంది. సుభాష్ “సాక్ష్యం దొరకకపోతే జీవితాంతం జైలులో ఉండేవాడివి” అని చెబుతాడు. ఇందిర కూడా “ఇప్పటికైనా మారిపో. లేదంటే దేవుడే కాపాడలేడు” అని అంటుంది.
రాహుల్ తాను చేసిన తప్పులను అంగీకరిస్తూ, “నా భార్యను, నా బిడ్డను ప్రేమగా చూసుకుంటాను. ఇక నుంచి కుటుంబం గౌరవాన్ని కాపాడుతాను” అని చెబుతాడు. కావ్య అతనికి “నీ భార్య, నీ బిడ్డను కాపాడితేనే ఈ కుటుంబం మళ్లీ నిన్ను నమ్ముతుంది” అని చెబుతుంది.
ఇక ఎపిసోడ్ చివర్లో కుటుంబం కొంత సమాధానపడినట్టు కనిపిస్తుంది. రాహుల్ తన పశ్చాత్తాపాన్ని చూపిస్తూ, “ఇకపై తప్పు చేయను, మనిషిగా బతుకుతాను” అని అంటాడు. అందరూ నిశ్శబ్దంగా నిలబడి ఉంటారు.
ఇంతటితో ఈరోజు ఎపిసోడ్ ముగుస్తుంది.
Source inspiration: Original story from “బ్రహ్మముడి” (JioHotstar). This is a personal written recap and interpretation.
