బ్రహ్మముడి Nov 11th, 2025 మంగళవారం ఎపిసోడ్: అందరి ముందు మారినట్టు నటిస్తున్న రాహుల్ … !!!
జైలు నుంచి విడుదలైన తర్వాత రాహుల్ మొదటిసారిగా దుగ్గిరాల ఇంటి లోపల అడుగు పెడతాడు. అతన్ని చూసిన కుటుంబ సభ్యులందరూ ఒకరి తర్వాత ఒకరు బుద్ధి చెప్తారు. కావ్య ముందుకు వచ్చి మాట్లాడుతూ — “నువ్వు చేసిన తప్పులన్నీ ఇపుడు నీకు తెలిసి వచ్చాయి. కానీ నిన్ను నమ్మిన నీ భార్య, నీ కూతురు నిన్ను నమ్మాలి. నీలో మార్పు వచ్చినట్లు మేము మాటలతో కాదు, నీ పనులతో చూడాలి.”
ఆ మాటలు విన్న రాహుల్ తల వంచుకుంటాడు. అందరి ముందు నిలబడి తన మనసులోని బాధను బయటపెడతాడు. “నేను చేసిన తప్పులు ఎంత పెద్దవో ఇప్పుడు తెలుసుకుంటున్నాను. ఈ కుటుంబం నా వల్ల ఎంత కష్టపడిందో, ముఖ్యంగా స్వప్న ఎంత బాధ పడ్డదో నాకు తెలుసు. ఇప్పుడు నేను మారి మనిషిగా నిలబడటమే నా లక్ష్యం. నాకు ఒక్క అవకాశం ఇవ్వండి, ఇక మీదట తప్పు చేయను,” అని చెబుతాడు.
స్వప్న మాత్రం గట్టిగా “నమ్మకం అనేది మాటలతో రాదు రాహుల్, అది మనసుతో నిరూపించాలి. ఇది 10 మంది మనుషులు ఉండే ఇల్లు కాదు, ఇది ఒక గుడిలాంటిది. ఇక్కడ ఎవరు తప్పు చేసిన అందరూ బాధపడతారు. నువ్వు ఆ బాధను అర్థం చేసుకోవాలి. భార్యాభర్తల మధ్య క్షమాపణలతో సంబంధం నిలబడదు, నమ్మకంతో మాత్రమే నిలుస్తుంది. ఆ నమ్మకాన్ని నీ చేతలతో నిరూపించు.” అని చెప్పి నిశ్శబ్దంగా వెళ్లిపోతుంది.
ఆమె మాటలతో రాహుల్ ఒంటరిగా నిలబడి బాధపడుతుంటాడు. అప్పుడు రుద్రాణి అక్కడికి వస్తుంది. రాహుల్‌ను చూసి ఆశ్చర్యంగా, కాస్త అసహనంతో అడుగుతుంది “ఏంట్రా వాళ్లంతా అన్న మాటలకు ఇంత బాధపడుతున్నావా? నువ్వు తప్పు చేసినట్టు ఎందుకింతగా కుమిలిపోతున్నావు?”
రాహుల్ మృదువుగా సమాధానమిస్తాడు “నేను చేసిన తప్పులు నాకే భారంగా మారిపోయాయి మమ్మీ. కనీసం ఏడ్చి అయినా ఆ భారాన్ని దించుకోవాలనిపిస్తోంది.”
రుద్రాణి సూటిగా చెబుతుంది “సిగ్గు లేదా ఆ మాటలు చెప్పడానికి? తప్పు చేసిన మగాడు ఏడవకూడదు. ఈ కుటుంబం చేసిన తప్పుల వల్లే నువ్వు ఇలా అయ్యావు. నీకు తప్పు చేయాల్సిన పరిస్థితి ఎవరు తెచ్చారు? వీళ్ళే కదా! నీకు విలువ ఇవ్వలేదు, నీకు ఆస్తిలో వాటా ఇవ్వలేదు. నిన్ను మనిషిగా గుర్తించలేదు. వాళ్లే నీ జీవితాన్ని నాశనం చేశారు. ఇప్పుడు నీలోని కోపం మళ్లీ బయటికి రావాలి. ఈ అమ్మ చెప్పినట్లే చెయ్ రాహుల్, మనం అనుకున్నది సాధిద్దాం.”
రాహుల్ మౌనంగా వింటూనే ఉంటాడు. ఆమె ఇంకా చెబుతుంది “ఆస్తిలో మన వాటా మనకి వచ్చే దాకా నీకు ఎలాంటి బంధం అవసరం లేదు. నీ భార్య, నీ బిడ్డ, ఈ ఇంట్లో వాళ్లందరినీ లెక్క చేయకు. నిన్ను నువ్వుగా ఉంచుకో.”
రాహుల్ ఆ మాటలన్ని విన్నాక ఒక్కసారిగా గట్టిగా మాట్లాడుతాడు “చాలు మమ్మీ. నాకు ఈ ప్రతీకారం వద్దు. నేను నీచుడిని అయినా సరే, నా భార్యను, నా బిడ్డను, నా కుటుంబాన్ని కాపాడాలనిపిస్తోంది. నా జీవితాన్ని సరిచేసుకోవాలని ఉంది. మనిషిగా మారి నా భార్య కన్నీళ్లను తుడవాలి అనిపిస్తోంది. ఇక నీ ప్లాన్లలో నేనుండను.”
రుద్రాణి ఆశ్చర్యపడి చూస్తుంది. “నిజంగానే మారిపోయావా నువ్వు?” అని అడుగుతుంది. రాహుల్ సమాధానంగా “అవును, ఇది నటన కాదు. నాకు మరో అవకాశం ఇచ్చారు. ఇప్పుడు కూడా నేను మారకపోతే, నా భార్య స్వప్నకు కూడా నేను అన్యాయం చేసినట్లే అవుతుంది. అప్పుడు ఈ ఇంట్లో నన్ను ఎవ్వరూ అంగీకరించరు. పురుగు కన్నా హీనంగా చూస్తారు,” అని చెబుతాడు.
రుద్రాణి చిరాకు తో “వాళ్లందరి మాటలకు మతిపోయిందురా నీకు. ఆ మాయమాటలకి లోనవ్వకు. వాళ్లను నమ్మి అడుక్కు తింటావా” అని అంటుంది.
రాహుల్ ప్రశాంతంగా సమాధానమిస్తాడు — “జైలులో కూర్చుని చిప్ప కూడు తినడం కంటే, నా భార్యను, నా కుటుంబాన్ని నమ్మి అడుక్కుని తినడం నాకు గౌరవంగా ఉంటుంది మమ్మీ. ఈ రోజు రాజ్, కావ్యలు లేకపోయి ఉంటే నా ప్రాణం పోయేది. వాళ్లే నా మీదున్న నిందని పోగొట్టారు. నన్ను కాపాడి, తిరిగి ఈ ఇంట్లోకి తీసుకొచ్చారు. వాళ్ల కోసం నా ప్రాణం కూడా ఇచ్చేస్తాను. కానీ నువ్వు ఇంకా వారికీ ద్రోహం చేయమంటావ్. అది తప్పు మమ్మీ.”
ఆ మాటలు బయట ఉన్న స్వప్న కూడా నిశ్శబ్దంగా వింటుంది. ఆమె కళ్ళలో నీళ్లు వస్తాయి. రుద్రాణి మాత్రం అయోమయంగా చూస్తూ “రాహుల్ ఇంత మారిపోతాడని ఊహించలేదు” అనుకుంటుంది.
రాహుల్ అలా వెళ్లిపోతాడు. ఆ రాత్రి రాజ్ తన గదిలో ఒంటరిగా కూర్చుని బాధతో గోడ మీద ఉన్న బాబు ఫోటో చూస్తూ ఉంటాడు. అప్పుడు కావ్య రూంలోకి వచ్చి తన కోరికల జాబితా చూపిస్తుంది. అందులో “చికెన్ మంచూరియా తినాలి” అనే కోరికను చూసి రాజ్ సైలెంట్‌గా కిచెన్‌కి వెళ్తాడు. లైట్ ఆఫ్ చేసి తలకి టార్చ్ లైట్ పెట్టుకుని వంట ప్రారంభిస్తాడు.
ఇంతలో ప్రకాశం బయట నుండి చూస్తూ ఇంట్లోకి దెయ్యం వచ్చిందని అనుకుంటాడు. వెంటనే ధాన్యలక్ష్మీని పిలిచి అందరినీ లేపుతాడు. అందరూ కిచెన్ వైపు వస్తారు. కావ్య వారిని ఆపుతూ “దెయ్యం కాదు, రాజ్ వంట చేస్తున్నాడు” అని చెబుతుంది.
రాజ్ వంట పూర్తిచేసి చికెన్ మంచూరియా కావ్యకి ఇస్తాడు. కానీ వంట చేస్తూ ఇంట్లో ఉన్నవాళ్ల గురించి తన మనసులోని అసహనం బయటపెడుతాడు. అప్పుడు వెనుక వైపు నుంచే అందరూ కిచెన్‌లోకి వస్తారు. లైట్లు వెలిగిన వెంటనే రాజ్ కంగారు పడతాడు. అందరూ అక్కడ ఉండటాన్ని చూసి షాక్ అవుతాడు.
ఇంతటితో ఆ రోజు ఎపిసోడ్ ముగుస్తుంది.
తదుపరి ఎపిసోడ్ ప్రోమోలో రాహుల్ బయట గేట్ దగ్గర ఒక వ్యక్తిని కలుస్తాడు. అతను ఈ బంగారం మీ కంపెనీలో పెడితే 20 లక్షలు నీకు వాటాగా వస్తుంది అని అంటాడు. రాహుల్ నేను చేయను అని చెప్పి వస్తాడు. అది అంత రుద్రాణి చూసి అంత ఈజీగా డబ్బులు వస్తుంటే ఎలా వదులుకుంటున్నావ్ రా అని అడుగుతుంది. అంతలో ఇది అంత గమనించిన స్వప్న వచ్చి నీ కొడుకుని ఇంకా చెడగొట్టకు. ఇపుడే మారి మనిషిగా అవుతున్నాడు అనేసి వెళ్తుంది. స్వప్న వెళ్ళగానే రాహుల్ ఎలా ఉంది మమ్మీ నా యాక్టింగ్ అని అంటాడు. రుద్రాణి షాక్ అవుతుంది.
Source inspiration: Original story from “బ్రహ్మముడి” (JioHotstar). This is a personal written recap and interpretation.
