బ్రహ్మముడి Nov 13th, 2025 గురువారం ఎపిసోడ్: భార్యలకు ప్రేమలేఖ రాసిన సుభాష్, ప్రకాశం, రాజ్ … !!! మంచివాడిలా నటిస్తున్న రాహుల్ … !!!!
ఎపిసోడ్ మొదట రుద్రాణి, రాహుల్ మధ్య చర్చతో ప్రారంభమవుతుంది. రాహుల్ తన ఫ్రెండ్ తో డీల్ కి నో చెప్పడంతో రుద్రాణి అసహనం వ్యక్తం చేస్తుంది. రాహుల్ మనసును మార్చడానికి ప్రయత్నిస్తోన్న రుద్రాణిని స్వప్న వచ్చి తిడుతుంది. ఆమె స్పష్టంగా “మీరు ఎప్పటికీ మారలేరు, కానీ ఇప్పుడు మారుతున్న మీ కొడుకు దారిలో మాత్రం అడ్డం రావొద్దు” అని హెచ్చరిస్తుంది.
స్వప్న గట్టిగా మాట్లాడుతుండగా రుద్రాణి “నాకే వార్నింగ్‌ ఇస్తున్నావా?” అని అడుగుతుంది. దానికి స్వప్న “వార్నింగ్‌ కాదు, నిజం చెబుతున్నాను. మీ దారికి నేను అడ్డొస్తే, బుల్డోజర్‌లా తొక్కుకుంటూ వెళ్తాను. రాహుల్, రా” అని చెబుతుంది. రాహుల్ “వస్తాను, పద” అని సమాధానం ఇస్తాడు.
వాళ్లు లోపలికి వెళ్లిన వెంటనే రాహుల్ చిరునవ్వుతో “నా పర్ఫార్మెన్స్‌ ఎలా ఉంది, అమ్మా?” అని అడుగుతాడు. రుద్రాణి ఆశ్చర్యంగా “పర్ఫార్మెన్స్‌ ఏంటి?” అని అడుగుతుంది. దానికి రాహుల్ “నా పెళ్లాన్ని నా దారిలోకి తిప్పుకోవడానికి చేసిన యాక్టింగ్‌ మామ్” అని చెప్తాడు.
రాహుల్ మాటలు విన్న రుద్రాణి కాసేపు సైలెంట్‌ అవుతుంది. ఆ తర్వాత “నేను అనుకున్నా నువ్వు వాళ్ల మాటలకు కరిగిపోయావేమోనని. ఇంత పెద్ద ట్విస్ట్‌ ఇస్తావని ఊహించలేదు” అని చెబుతుంది.
రాహుల్ “మామ్ రాజ్ నటించి, కోర్టులో నన్ను శిక్ష నుండి కాపాడినట్టు చేసి, నన్ను వాళ్ల కాళ్ల దగ్గర ఉంచుకోవాలనే ప్రయత్నం చేస్తున్నాడు. అలాంటి మాటలను నేను నమ్ముతానని అనుకున్నావా?” అని అంటాడు. “స్వప్నకు ఎదురు వెళ్లడం కంటే ఆమె దారికి మనం వెళ్తున్నట్లు నటిస్తే ఆమె మన దారిలోకి వస్తుంది. ఇప్పుడు చూడు, నన్ను ఎంతగా సపోర్ట్‌ చేయడం మొదలుపెట్టిందో. ఇకపై నేనేం చేయాల్సిన అవసరం లేదు. ఆమే నా దారికి వస్తుంది. ఒక్క అవకాశం దొరికితే చాలు అమ్మా, సూర్యుడిని రాహువు మింగినట్లుగా ఈ కుటుంబాన్ని నేనూ మింగేస్తాను” అని చెబుతాడు.
రాహుల్ మాటలు విన్న రుద్రాణి సంతోషంగా “ఇప్పుడే నాకు నమ్మకం వచ్చిందిరా. నువ్వు నీ దారిలోనే వెళ్లు, నేను నా దారిలో చేసేది చేస్తాను. త్వరలోనే నిన్ను ఈ సామ్రాజ్యానికి రాజుని చేస్తాను” అని చెబుతుంది. ఇద్దరూ నవ్వుకుంటారు.
ఇక సీన్‌ మారుతుంది. రాజ్ శృతితో ఫోన్‌లో మాట్లాడుతుంటాడు. శ్రుతిపై రాజ్ తీవ్రంగా కోప్పడతాడు. “ఇప్పటిదాకా ఆ కొటేషన్‌ ఎందుకు పూర్తి కాలేదు? క్లయింట్లు నన్నే అడుగుతున్నారు. రేపు సాయంత్రం లోపు పూర్తిగా తయారుచేసి మెయిల్‌ చెయ్యాలి. రాత్రంతా మేల్కొని అయినా పని పూర్తి చెయ్యి” అని గట్టిగా ఆర్డర్‌ ఇస్తాడు.
శ్రుతి కంగారు పడి “రెండు రోజులు టైమ్‌ ఇవ్వండి సార్‌” అని అడుగుతుంది. రాజ్ “అంత సమయం లేదు. క్లయింట్లు రేపటిలోగా కావాలని చెప్పారు. ఏదైనా సపోర్టింగ్‌ స్టాఫ్‌ సహాయం తీసుకో, కానీ రేపు ఈవెనింగ్‌ లోపే పూర్తి చెయ్యాలి” అని చెబుతాడు.
శ్రుతి “సార్‌, సోమవారం మీరు ఆఫీస్‌కి వస్తారా?” అని అడుగుతుంది. రాజ్ “ఎందుకు?” అని సీరియస్‌గా అడుగుతాడు. శ్రుతి “సాహితీ గ్రూప్‌ వాళ్లతో మీటింగ్‌ ఉంది కదా, మరిచిపోయారా?” అని అడుగుతుంది. రాజ్ “అది డాడీ చూసుకుంటారు, నువ్వు పని పూర్తిచేసి మెయిల్‌ చెయ్యి” అని సమాధానం ఇస్తాడు.
రాజ్ ఫోన్‌ కట్‌ చేసేసరికి పక్కనే ఉన్న కావ్య సీరియస్‌గా అతనివైపు చూస్తుంది. రాజ్ “ఏంటి అలా తినేస్తున్నట్టుగా చూస్తున్నావ్‌?” అని అడుగుతాడు. కావ్య “పండుగ రోజు చేసిన పాయసం మీరు ఎలా తినాలో చూస్తున్నాను” అని వ్యంగ్యంగా చెబుతుంది.
రాజ్ “కారణం లేకుండా అలగడం మీ ఆడవాళ్లకు జన్మహక్కు” అంటాడు. కావ్య “దెప్పిపొడవడం మీ మగవాళ్ల హక్కా?” అని తిరిగి అంటుంది. రాజ్ నవ్వుతూ “ఇంతకీ విషయం ఏంటి చెప్పు?” అని అడుగుతాడు.
కావ్య “మీరు నాకు ఇచ్చిన మాటేంటి? నా కోరికల లిస్ట్‌లో ఉన్నవి ఒక్కటి కూడా పూర్తి చేయడం లేదు. ఆఫీస్‌ పనులు తప్ప ఇంకేమీ కనిపించడంలేదు” అని అసహనంగా అంటుంది. రాజ్ “నిన్న రాత్రే నీ కోసమే చికెన్‌ చేసిపెట్టాను కదా” అని చెబుతాడు. కావ్య “నాలుగు చికెన్‌ ముక్కలు వండితే చాలు అనుకుంటున్నారా?” అని సీరియస్‌గా అడుగుతుంది.
రాజ్ నవ్వుతూ “మరి ఇంకేమిటి చేయాలి?” అని అడుగుతాడు. కావ్య “నా లిస్ట్‌లో ఉన్నట్టు ప్రేమలేఖ రాయాలి” అని చెబుతుంది. రాజ్ “సరే, రాస్తాను” అని చెప్పి గార్డెన్‌లోకి వెళ్తాడు.
అక్కడ ప్రకాశం, సుభాష్‌లు కూడా పేపర్‌ పట్టుకుని ఏదో రాస్తూ కూర్చుని ఉంటారు. వారిని చూసి రాజ్ ఆశ్చర్యపోతాడు. “మీరు ఇక్కడ ఏం చేస్తున్నారు?” అని అడుగుతాడు. ప్రకాశం నవ్వుతూ “మీ భార్య పెట్టిన ఫిట్టింగ్‌ మా ఆవిడలూ పెట్టారు. నువ్వేం చేస్తే మమ్మల్ని అదే చేయమన్నారు” అని చెబుతాడు.
సుభాష్ “బోర్డు మీటింగ్‌లో కూర్చునే వయసులో ప్రేమలేఖలు రాయమంటున్నారు” అని బాధగా అంటాడు. ముగ్గురూ నవ్వుకుంటూ ఒక్కొక్కరు తల పట్టుకుంటూ రాయడం మొదలుపెడతారు. రాజ్ గార్డెన్‌లో కూర్చుని “ప్రేమలేఖ ఎలా రాయాలో కూడా గుర్తు రావడం లేదు” అని ఆలోచిస్తాడు. కొద్ది సేపటికి ఆ ముగ్గురూ ప్రేమలేఖలు రాసి తమ భార్యల చేతుల్లో పెడతారు.
కావ్య, అపర్ణ, ధాన్యలక్ష్మిలు వాటిని చదువుతారు. చదువుతూనే షాక్‌ అవుతారు. రాజ్ రాసిన లేఖలో ప్రేమకన్నా ఆఫీస్‌ టర్మ్స్‌, ప్రాజెక్ట్‌, టార్గెట్‌ మాటలే ఉంటాయి. కావ్య “ఇవి ప్రేమలేఖలా?” అని ఆశ్చర్యపడుతుంది.
అదేవిధంగా సుభాష్ రాసిన లేఖలో వంటలు, పిండి వంటలు, కిచెన్‌ పనుల గురించి మాత్రమే వుంది. అపర్ణ నవ్వుతూ “ఇది కవితా, కిచెన్‌ గైడ్‌నా?” అని అడుగుతుంది. ప్రకాశం రాసిన లేఖలో కూడా అదే తరహా హాస్యం ఉంటుంది.
మొత్తానికి ముగ్గురూ ప్రేమలేఖలు రాసినా, వాటిలో ప్రేమ కనిపించదు. అందుకే భార్యలు నవ్వుకుంటూ తల ఊపుతారు. కావ్య “మీకు ప్రేమంటే ఆఫీస్‌, ప్రాజెక్టులు, వంటలేనా?” అని సరదాగా అంటుంది.
ఆ సన్నివేశంతో ఎపిసోడ్ ముగుస్తుంది.
Source inspiration: Original story from “బ్రహ్మముడి” (JioHotstar). This is a personal written recap and interpretation.
