బ్రహ్మముడి నవంబర్ 25, 2025 మంగళవారం ఎపిసోడ్: R కంపెనీ రాహుల్ కోసం అని ట్విస్ట్ ఇచ్చిన రాజ్, కావ్య …!!! తప్పు తెలుసుకుని క్షమించమన్న స్వప్న …!!!
ఎపిసోడ్ ప్రారంభంలో ఇంట్లో అందరు అపర్ణ-సుభాష్ ల పెళ్లిరోజు వేడుకల్లో ఉండగా, స్వప్న రాహుల్ వద్దకు రాజ్ ఫోన్ తీసుకుని వస్తుంది. ఆ ఫోన్‌లో ఉన్న సమాచారం చూసి తన అనుమానం నిజమే అంటూ “ఆర్ అని పేరుతో కొత్త కంపెనీ స్టార్ట్ చేస్తున్నారు… స్వరాజ్ కంపెనీ నుండి బంగారం, డబ్బు లెక్కల్లో చూపించకుండా అక్కడికి పంపించారు” అని రాహుల్ అంటాడు. రాహుల్ మాటలు విన్న స్వప్న కోపంతో రగిలిపోతుంది. “ఇప్పుడే వెళ్లి అడగాలి… ఈ ప్రశ్నలకు సమాధానం వాళ్లే చెబుతారు” అని అంటుంది. రాహుల్ మాత్రం ఇంట్లో అంతా ఆనందంగా ఉన్నారు అని, గొడవ చేయొద్దు అని చెప్పినా, స్వప్న వినకుండా వెళ్ళిపోతుంది, రాహుల్ కూడా ఆమెను ఆపకుండా నాకు కూడా అదే కావాలి అనుకుంటూ వెనకే వస్తాడు.
ఇక ఇంట్లో మాత్రం అపర్ణ-సుభాష్ పెళ్లి రోజు వేడుకలో అందరూ డ్యాన్స్ చేస్తూ, నవ్వుతూ, ఆనందంగా ఉంటారు. మ్యూజిక్, డ్యాన్స్, ఫ్యామిలీ అంతా కలిసిమెలిసి ఉన్న ఆ వాతావరణంలో స్వప్న కోపంగా వచ్చి రాజ్‌ను పిలుస్తుంది. ఎవ్వరూ పట్టించుకోకపోవడంతో సమీపంలో ఉన్న ఫ్లవర్ వాజ్‌ని పట్టుకుని నేల మీదకి విసిరి కొడుతుంది. ఆ శబ్దం వినగానే అందరూ షాక్ అవుతారు. ఇందిరాదేవి “దీనికేదో దెయ్యం పట్టింది అనుకుంట. నిన్న నుండి ఇలానే తేడాగా ప్రవర్తిస్తుంది” అని అంటుంది. కానీ స్వప్న మాత్రం గట్టిగానే, “నాకు దెయ్యం పట్టలేదు… మీ మనవడు ఏం చేశాడో తెలిస్తే మీకే పిచ్చి పడుతుంది,” అని చెబుతుంది.
రాజ్ ముందుకు వచ్చి “నేను ఏమి చేశాను?” అని అడుగుతాడు. అప్పుడు స్వప్న ఆర్ పేరుతో ఉన్న కంపెనీ రికార్డులు, డబ్బు తరలింపుల వివరాలు చూపిస్తుంది. “స్వరాజ్ గ్రూప్‌కి సంబంధం లేకుండా సీక్రెట్‌గా కొత్త కంపెనీ ఎందుకు పెడుతున్నారు?” అని నిలదీస్తుంది. సీతారామయ్య కూడా ఆందోళన చెంది రాజ్ వైపు చూసి, “మాకు చెప్పకుండా కొత్త కంపెనీ పెడుతున్నావా?” అని ప్రశ్నిస్తాడు. సుభాష్, ప్రకాశం మాత్రం రాజ్‌కి సపోర్ట్ చేస్తూ, “అతను ఎవరికి సమాధానం చెప్పాల్సిన అవసరం లేదు,” అని అంటారు. కానీ స్వప్న మాత్రం అలాగాకుండా “ఉమ్మడి కుటుంబం అంటారుగా? అయితే ఇంట్లో చెప్పే పని లేదా? R అంటే రాజ్ అనే కదా ” అని మళ్లీ ప్రశ్నలు మొదలుపెడుతుంది.
ఈ సమయంలో రుద్రాణి ముందుకు వచ్చి, రాజ్-కావ్యల పేరు పోగొట్టుకోకుండా, ఇంట్లో ఎవరికీ అనుమానం రాకుండా, స్వరాజ్ కంపెనీ డబ్బుని కొత్త కంపెనీకి మళ్లించి సంపాదన పెంచుకోవాలన్న ప్లాన్ చేస్తున్నారు అని చెబుతుంది. అది అంతా రాహుల్ మీద పడుతుంది కాబట్టి అందరు వాడినే తప్పు పడతారు లేదంటే చెప్పకుండా ఇది అంతా ఎందుకు చేస్తారు అంటూ కొత్త అనుమానాలు రేకెత్తిస్తుంది. అందుకే వాళ్ళు అంతా సడన్ గా నా కొడుకుని నమ్మినట్టు నటించి అంతా పెద్ద పోస్ట్ రాహుల్ కి ఇచ్చారు అంటుంది. ఈ మాటలకు స్వప్న కూడా అవును అంటూ కావ్య, రాజ్ లను నిలదీస్తుంది.
ఇంతలో రాహుల్ వచ్చి, “నువ్వు ఇంకెప్పుడు మారతావ్ మామ్, ఎప్పటివరకు ఇలా రాజ్ మీద నిందలు వేస్తావ్,” అని కోపంగా నటిస్తాడు. అది విని రుద్రాణిని కూడా మరింత రెచ్చిపోతూ “నీ చేతిలో బెల్లం పెట్టి, వాళ్లు మాత్రం సామ్రాజ్యాలు కడుతున్నారు… నిన్ను బలి పశువుని చేస్తున్నారు!” అని తిట్టడం మొదలుపెడుతుంది . అపర్ణ మాత్రం గట్టిగా, “నా కొడుకు ఎప్పుడూ అలాంటి పనులు చేయడు! కొత్త కంపెనీ పెడితే దానికి బలమైన కారణం ఉంటుంది,” అని చెబుతుంది. అందరూ రాజ్ ఎందుకు మౌనంగా ఉన్నాడో అడుగుతారు. చివరకు రాజ్ మాట్లాడుతాడు—“అవును, ఆర్ పేరుతో కంపెనీ స్టార్ట్ చేశాను. కానీ ఆర్ అంటే రాజ్ కాదు… రాహుల్,” అని చెబుతాడు.
ఈ మాట వినగానే అందరు అవాక్కు అవుతారు. రుద్రాణి, స్వప్న మరింత కోపంగా, “రాహుల్ ని మోసగాడిని చేయడానికి ఆర్ అని పెట్టి ఇప్పుడు ప్లేట్ మార్చేశావ్!” అని అరుస్తారు. అప్పుడే కావ్య ముందుకు వచ్చి గట్టిగా సమాధానంగా “రాహుల్‌ను ఇరికించడానికి కాదు… తన గౌరవం పెరగడానికి చేశాం. స్వప్నక్కా ఒకటి రెండు రోజులు పని చేస్తేనే తెగ ఫీల్ అయిపోయావ్ కదా మరి జీవితం అంతా మా ఆయన కింద పని చేయగలడా? అతను ఎప్పటికీ ఇతరుల కింద పనిచేస్తూ ఉండలేడు. అందుకే అతనికి తనకంటూ ఒక కంపెనీ ఉండాలి. తనలో ఉన్న బాధ పోయి, తన సత్తా నిరూపించుకోవాలి అని ఇంట్లో అందరు కూడా తనని నమ్మి తనకి గౌరవం ఇవ్వాలి అని ఇదంతా చేశాం,” అని చెబుతుంది. రాజ్ కూడా, “స్వరాజ్ గ్రూప్ లో ఎంత పెద్ద పోస్ట్ ఇచ్చిన రాహుల్ అది తన కంపెనీ అనుకోడు. అందుకే స్వరాజ్ గ్రూప్‌కి సంబంధం లేకుండా, పూర్తిగా అతని పేరుతో ఉండే కంపెనీ కావాలి… అతను నిలబడిన తర్వాతే ఈ సీక్రెట్ బయటపెట్టాలి అనుకున్నాం,” అని చెప్పడంతో స్వప్న కళ్లలో పశ్చాత్తాపం కనిపిస్తుంది.
“మీ మంచితనం తెలిసి కూడా మిమ్మల్ని అనుమానించి తప్పు చేశాను. క్షమించమని అడగడానికి కూడా సిగ్గు పడుతున్నాను” అని స్వప్న క్షమాపణ చెబుతుంది. రాహుల్ కూడా, “ఇది జరిగిందంతా నా వల్లే… నేను స్వప్నకు చెప్పకూడదని అనుకున్న కానీ నేను కంపెనీ బాధ్యతలు తీసుకున్న వెంటనే ఇలా జరగడంతో నా మీదకి వస్తుంది అని భయంతో చెప్పాను. స్వప్న గురించి తెలిసిందేగా ఆగలేక వచ్చి అడిగేసింది” అని అంటాడు. రాజ్, కావ్య స్వప్న-రాహుల్ ని క్షమిస్తారు.
అంతటితో ఈ ఎపిసోడ్ ముగుస్తుంది.
Source inspiration: Original story from “బ్రహ్మముడి” (JioHotstar). This is a personal written recap and interpretation.
