చిన్ని – Oct 29, 2025 బుధవారం ఎపిసోడ్ : మ్యాడీ కోసం మధుకి జరిగిన అవమానం!!!! మధు మ్యాడీని తన కుటుంబం తో కలుపుతుందా???
source: jiohotstar
ఇవాళ్టి చిన్నీ ఎపిసోడ్ మధు నాగవల్లి ఇంటికి వెళ్ళడం తో ప్రారంభమవుతుంది. ఆమెను చూసిన నాగవల్లి వెంటనే “ఎందుకు వచ్చావు? మా కుటుంబంలో ఇంకెవరిని విడదీయడానికి వచ్చావు?” అని కోపంగా అడుగుతుంది. దాంతో మధు తల వంచి “నన్ను క్షమించండి ఆంటీ. నేను ఎవ్వరినీ వేరు చేయాలని అనుకోలేదు” అని అంటుంది. నాగవల్లి “కానీ నువ్వు చేసావు కదా?” అని ప్రశ్నిస్తుంది. మధు సమాధానం ఇస్తూ “వారు ప్రేమించుకున్నారు కాబట్టి అలా చేశాను, కాని మీలో విభేదాలు రావడానికి నేను కారణం కాదు” అంటుంది.
తర్వాత మధు చెబుతుంది, “గుడిలో మొదటిసారి కలిసినప్పటి నుండి మీరు నాపై కోపంగా ఉన్నారని నాకు తెలుసు. నేను చేసినది కోపంతో మాత్రమే. మా అమ్మను అవమానించారన్న బాధతో అలా మాట్లాడాను, కానీ మిమ్మల్ని అవమానించాలని నా ఉద్దేశం కాదు. అయినా దాంతో మీరు ఇతరుల చేత అవమానించబడ్డారు, కాబట్టి అది నా తప్పే. నేను అంగీకరిస్తున్నాను. ప్రేమించుకున్న లోహి, వరుణ్‌లకు పెళ్లి చేయడం వల్ల మీకు అవమానం జరిగింది అది కూడా నా తప్పే నేను చేసిన తప్పు వల్ల మ్యాడీకి, వరుణ్‌కి శిక్షించొద్దు ప్లీజ్” అని బతిమాలుతుంది. మధు మాటలు వింటూ అందరూ మౌనంగా ఉంటారు.
ఇంతలో మ్యాడీ ఫోన్ చేస్తాడు. మధు కాల్ కట్ చేస్తుంది. మళ్ళీ మ్యాడీ తిరిగి కాల్ చేస్తాడు మధు కాల్ కట్ చేస్తుంది కానీ కట్ అవకుండా ఫోన్ ఆన్ అవుతుంది. మ్యాడీ అక్కడ జరిగేది అంతా వింటూ ఉంటాడు.
మధు లోపలికి వెళ్ళి దేవేంద్రవర్మ గారిని కలుస్తుంది. “నేను చేసిన తప్పు కోసం ఎలాంటి శిక్ష అయినా స్వీకరిస్తాను. కానీ దయచేసి మ్యాడీ, వరుణ్, లోహిని తిరిగి ఇంటికి రానివ్వండి. మ్యాడీకి ఇది మొదటి దీపావళి, వరుణ్ పెళ్లి తర్వాత ఇదే మొదటి దీపావళి. వాళ్లు మీతో కలిసి దీపావళి జరుపుకోవాలని కోరుకుంటున్నారు” అని చెబుతుంది. అయితే నాగవల్లి కోపంగా “నోరు మూసుకో, మాకు సలహా ఇవ్వడానికి నువ్వెవ్వరు? నువ్వు చేయాల్సింది అంతా చేసేసి ఇప్పుడు ఏమి తెలియనట్టు మాట్లాడుతున్నావు. మ్యాడీ నిన్ను కలవకపోతే మా జీవితం బాగుండేది. నువ్వు మా జీవితాల్లో శనిలా వచ్చావు” అని తిడుతుంది. పక్కన ఉన్న ప్రమీల కూడా “వెళ్ళిపో, లేకపోతే నా చిన్నమ్మాయి కోపంతో ఏం చేస్తుందో తెలియదు” అని హెచ్చరిస్తుంది. మధు “నన్ను కొట్టండి, తిట్టండి, ఎలాంటి శిక్ష అయినా భరిస్తాను కానీ మ్యాడీ, వరుణ్‌ను ఇంట్లోకి రానివ్వండి” అని వేడుకుంటుంది. నాగవల్లి కోపంతో “ఇక్కడి నుండి వెళ్ళిపో” అని గట్టిగా బయటికి లాగేస్తుంది.
అపుడే మ్యాడీ వస్తాడు మధు ని పట్టుకుంటాడు. మధు ఏడుస్తూ ఉంటే, అతను “నన్ను ఇంట్లోకి రానివ్వమని చెప్పడానికి ఇంత అవమానించుకోవాలా?” అని అడుగుతాడు. మధు “నీతో, నీ తల్లిదండ్రుల చేత అవమానించబడడానికి నేను సిద్ధమే మ్యాడీ, మీరు మళ్లీ కలవాలని కోరుకుంటున్నాను” అని చెబుతుంది. మ్యాడీ తన తల్లితో “చూడండి, మన కోసం అవమానం భరిస్తుంది. మధు తో ఇలా ప్రవర్తించడం తప్పు” అని చెబుతాడు. కానీ నాగవల్లి అది మనకి చెడు చేసింది అంటుంది.
తర్వాత సన్నివేశం మీడియా ముందు జరుగుతుంది. రిపోర్టర్లు దేవేంద్రవర్మని ప్రశ్నిస్తూ “మీ మేనల్లుడు మీకు తెలియకుండా పెళ్లి చేసుకున్నాడు కదా? మీ కొడుకు కూడా ఇంటి నుండి వెళ్లిపోయాడు కదా?” అని అడుగుతారు. దేవేంద్రవర్మ తడబడి “నాకు తెలియదు” అంటాడు. అప్పుడే మ్యాడీ ముందుకు వచ్చి “ఇది మా వ్యక్తిగత విషయం, దయచేసి ప్రశ్నించవద్దు” అంటాడు. మీడియా ప్రతినిధులు “మీ నాన్న రాజకీయ నాయకుడు కదా, ప్రజలకు ఆయన జీవితం తెలుసుకోవాలి” అంటారు. మ్యాడీ కోపంగా “ప్రతి కుటుంబానికి సమస్యలు ఉంటాయి. సెలబ్రిటీలకు కూడా ఉంటాయి. వ్యక్తిగత విషయాలు ప్రజలకు ఎందుకు తెలుసుకోవాలి?” అని ప్రశ్నిస్తాడు. దేవేంద్రవర్మ “మాట్లాడకు” అని గట్టిగా అంటాడు, కానీ మ్యాడీ ఆగడు. మధు దగ్గరికి వచ్చి “మ్యాడీ, దయచేసి సైలెంట్‌గా ఉండు” అని చెబుతుంది. వెంటనే అతను ఆగిపోతాడు.దేవా మనసులో “నేను చెప్పినా వినడు, కానీ ఆ అమ్మాయి చెబితే ఆగిపోయాడు” అని అనుకుంటాడు.
దేవేంద్రవర్మ మీడియాను ఉద్దేశించి “నా కొడుకు చిన్నపిల్లాడిలా మాట్లాడాడు, దయచేసి తప్పుగా అనుకోవద్దు. నేను ప్రెస్ మీట్‌లో అన్నీ వివరిస్తాను” అంటాడు. కానీ ప్రెస్ మీట్‌లో దేవేంద్రవర్మ మాట రాక మౌనంగా నిలబడతాడు. తనలో తనే “ఇది మొదటి సారి మీడియా ముందు ఓడిపోయా” అని బాధపడుతాడు.
మ్యాడీ దగ్గరికి వెళ్లబోతే దేవా కోపంతో “నన్ను తాకే హక్కు నీకు లేదు. నువ్వు తప్పు చేసిన వాళ్లను వదిలి వచ్చుంటే అర్హత ఉండేది, కానీ నువ్వు చేసింది సరి అనుకున్నావు. ఇప్పుడు ఆ హక్కు నీకు లేదు” అంటాడు. మ్యాడీ ఆశ్చర్యంగా తల్లిని అడుగుతాడు “నాన్న ఇలా ఎందుకు మాట్లాడుతున్నారు? నన్ను పరాయి వాడిలా ఎందుకు చూస్తున్నారు?” అని. తల్లి నాగవల్లి కన్నీరు కారుస్తూ “ఇప్పటికైనా మా ప్రేమ అర్థం చేసుకో. ఆ అమ్మాయి (మధు) కారణంగా అందరూ మనల్ని దూరం చేస్తున్నారు. ఆమెని వదిలేయ్ రా” అని చెబుతుంది. నాగవల్లితో పాటు కుటుంబ సభ్యులు కూడా “ఆమెను వదిలేస్తే మనం సంతోషంగా ఉంటాం” అని చెబుతారు. కానీ మ్యాడీ మ్యాడీ ఒక్కమాట కూడా మాట్లాడకుండా మధు చేయి పట్టుకుని బయటకు వెళ్తాడు.
ఇంతలో శ్రేయ ఫోన్‌లో లోహితతో మాట్లాడుతూ “ఆ మహాతల్లి ఇక్కడికి మళ్లీ రావొద్దని చెప్పు” అంటుంది. లోహిత “మధు ఎక్కడ ఉన్నా సమస్యే, ఆమె మనల్ని ఇంటి నుండి పంపించాలనుకుంటుంది” అంటుంది. కానీ వరుణ్ మాత్రం “నెగెటివ్‌గా ఆలోచించకు, ఆమె మనల్ని కలపడానికి ప్రయత్నిస్తోంది” అని చెబుతాడు.
చివరగా మధు మ్యాడీని ప్రశ్నిస్తూ “నీ వల్ల ఎన్ని సార్లు అవమానపడాలి? ప్రతిసారి నీ వాళ్ల చేత అవమానించబడుతున్నా. మా ఇంట్లో తెలిస్తే నా తల్లిదండ్రులు ఎంత బాధపడతారో ఆలోచించావా?” అని అంటుంది. మ్యాడీన మౌనంగా ఉంటాడు. మధు “మధ్యతరగతి కుటుంబం గౌరవం కోసమే జీవిస్తుంది. మన ఊరిలో ఈ విషయం తెలిస్తే ఎవరెవరు ఏమంటారో ఆలోచించావా?” అని బాధతో చెబుతుంది. ముందు నువ్వు మీ ఇంటికి వెళ్తే తర్వాత వరుణ్ లోహితాలని తీసుకు వెళ్లొచ్చు అని ఎందుకు ఆలోచించవు అని అడుగుతుంది. కోపం చూపిస్తే మ్యాడీ వాళ్ళ ఫ్యామిలీతో కలుస్తాడు అని ఆశతో మధు కావాలి అని మాట్లాడుతుంది.
ఈ మాటలతో ఎపిసోడ్ ముగుస్తుంది — మధు తన తప్పుని సరిదిద్దగలదా? మ్యాడీ కుటుంబం తిరిగి కలుస్తుందా? అనే ప్రశ్నలు మిగులుతాయి.
