చిన్ని Oct 30th, 2025 గురువారం ఎపిసోడ్ : మ్యాడీని ఆట పట్టించిన చిన్ని … !!! మ్యాడీ తెలుసుకుంటాడా…???
మధు మనసులో మ్యాడీ తన తల్లిదండ్రుల దగ్గరకి వెళ్లి వారితో కలవాలని అనుకుంటుంది. అందుకే మహిని కొంచెం రెచ్చగొట్టేలా మాట్లాడుతుంది. మధు మ్యాడీతో “నువ్వు ముందు మీ ఇంటికి వెళ్లి, తర్వాత వరుణ్, లోహిని ఎలా తీసుకెళ్లాలో ఆలోచించు. మాది మధ్య తరగతి కుటుంబం, మాకు పరువు ముఖ్యం. మీ అమ్మానాన్నలు కూడా బాధ పడకూడదు, మాకు కూడా సమస్యలు రాకూడదు. అందుకే నువ్వు ఇపుడు మీ ఇంటికి వెళ్లిపోవడం మంచిది” అని అంటుంది.
మధు మాటలు విని మహి బాధపడతాడు. కన్నీళ్లతో “సరే, నేను వెళ్తాను. నీకు నేను భారం అయితే వెంటనే మీ ఇంటి నుంచి వెళ్లిపోతాను” అంటాడు.
అది విని మధు మనసులో “ఇది ఏమిటి, నేను కోప్పడ్డాను అని అతను నాకు భారం అనుకుంటున్నాడు” అని అనుకుంటుంది.
మ్యాడీ మధుతో “నేను మీ ఇంటి నుంచి వెళ్లిపోతాను కానీ మా ఇంటికి మాత్రం వెళ్లను. మా ఇంటికి తిరిగి వెళ్లడం అనేది వరుణ్, లోహితోనే జరుగుతుంది” అని అంటాడు.
ఇక ఈ సీన్‌ తరువాత దేవా వైపు కథ వెళ్తుంది.
ఆఫ్ టికెట్ తన మనిషిని దేవా దగ్గరకి పంపి, అతనికి “దేవా ఇంట్లో కలిసిపోయి బాలరాజు ఎక్కడ ఉన్నాడో తెలుసుకో. జాగ్రత్తగా ఉండు, దేవా అనుమానిస్తే ప్రమాదం ఉంటుంది” అని చెప్తాడు.
దేవా ఇంట్లో టీవీ చూస్తుంటాడు. అప్పుడు టీవీలో మహి మీడియాతో మాట్లాడిన వార్త వస్తుంది. దాన్ని చూసి దేవా కోపంతో వస్తువులు విసిరేస్తాడు. నాగవల్లి వాళ్లు ఏమైందని అడిగితే, “టీవీ చూడండి” అంటాడు. టీవీలో “దేవా తన కొడుకును కంట్రోల్ చేయలేకపోతున్నాడు, ఇలాంటి వాడు ప్రజలను ఎలా నడిపిస్తాడు” అంటూ న్యూస్ వస్తుంది. అలాగే “దేవా రాజకీయ జీవితానికి ఇది ముగింపు కావచ్చు” అని కూడా చెబుతారు.
దేవా ఆ మాటలు విని మరింత కోప్పడతాడు . “నా రాజకీయ జీవితాన్ని నా కొడుకు చెడగొడుతున్నాడు. నేను ఏం చేయాలి?” అని కోపంగా అంటాడు. నాగవల్లి శాంతింపజేస్తూ “నేను వెళ్లి మ్యాడీని తీసుకొస్తాను” అంటుంది. కానీ దేవా అడ్డుకుంటాడు — “వాడు సులభంగా రాడు. వాడు మళ్ళీ మన ఇంటికి రావడానికి ఒకే మార్గం ఉంది — చిన్ని మన చేతిలో ఉంటే వస్తాడు. ఆ బాలరాజును కనుక్కొని, చిన్ని ఎక్కడుందో తెలిసేలా చేస్తాను” అని చెబుతాడు.
ఇక మరోవైపు వీధిలో పిల్లలు దీపావళి పటాకులు కాలుస్తుంటారు. అప్పుడే ఒక మూలలో మ్యాడీ చిన్ని ఫోటో చూసుకుంటూ కూర్చుంటాడు. అతను తన మనసులో మధు, చిన్ని గురించి ఆలోచిస్తుంటాడు.
మధు మ్యాడీని వెతుక్కుంటూ రోడ్లలో తిరుగుతుంది. “ఇంటికి వెళ్లిపోయాడేమో” అని అనుకుని చంటికి కాల్ చేస్తుంది. చంటి “ఇంకా రాలేదు” అని చెబుతాడు. దాంతో మధు “నా మీద కోపంతో ఎక్కడికో వెళ్లిపోయాడు” అని అనుకుంటుంది.
ఇక మ్యాడీ చిన్ని ఫోటోతో మాట్లాడినట్లు చెబుతాడు — “మధు నన్ను తిట్టింది, మేము వాళ్లకి భారం అని అనుకుంది. కానీ ఆమె కోపంతో మాత్రమే అలా చెప్పింది. నిజంగా నన్ను దూరం చేయాలనుకోలేదు. ఇప్పుడు ఆమె నా కోసం వెతుకుతుంటుంది. నేను కూడా కోపం తగ్గినట్లు నటించి తిరిగి ఆమె దగ్గరికి వెళ్తాను” అని అనుకుంటాడు.
అప్పుడే పక్కన పిల్లలు చిచ్చుబుడ్డులు వెలిగించలేక భయపడుతుంటారు. అక్కడికి మధు వస్తుంది. పిల్లలు ఆమెని “అక్కా వెలిగించండి” అంటారు. మధు చిచ్చుబుడ్డులు వెలిగిస్తుంటే, మ్యాడీ దూరంగా చూసి నవ్వుతాడు. ఇద్దరూ ఒకరినొకరు చూసుకుంటారు. మధు మనసులో “అతనికి నా మీద కోపం పోయిందేమో” అనుకుంటుంది, మ్యాడీ కూడా అదే ఆలోచిస్తాడు.
మ్యాడీ చిన్ని ఫోటోను చూస్తూ “నా బాధ చిన్ని దగ్గరే చెబుతాను” అంటాడు.మధు నవ్వుతూ “అలాగా? ఎవరి మీద కోపం వచ్చినా, గొడవ పడినా చిన్ని దగ్గరే చెబుతావ్ కదా. మరి చిన్ని తోనే గొడవ అయితే ఎవరికి చెబుతావ్?” అని అడుగుతుంది. మ్యాడీ “చిన్ని తో గొడవ అయినా, చెప్పేది ఆమెకే. చిన్ని నా ప్రాణం” అని అంటాడు.
తర్వాత మ్యాడీ ఇంటి దగ్గర కూర్చొని చిన్ని కోసం కవితలు రాస్తుంటాడు. మధు అక్కడికి వచ్చి “ఎప్పుడూ చిన్ని గురించే ఆలోచిస్తావా?” అని అడుగుతుంది. మ్యాడీ “నా జీవితాశయం ఆమెను కలవడమే. ఆమె గురించి ఆలోచించకుండా ఎలా ఉంటాను?” అని చెబుతాడు. మధు “తొందర్లోనే కలుస్తావ్ మ్యాడీ” అని చెప్పి అక్కడి నుంచి పక్కకు వెళ్తుంది.
ఆమెకు ఒక ఆలోచన వస్తుంది — “మహిని డైవర్ట్ చేయాలి” అని. అందుకే కొత్త సిమ్‌ నుంచి ప్రైవేట్ నంబర్‌తో కాల్ చేస్తుంది. మహి “ప్రైవేట్ నంబర్? ఎవరు అయ్యి ఉంటారు?” అని అనుకుంటాడు. మధు వాయిస్ మార్చి “హలో బాస్, నేను మీ ఫ్యాన్‌ని” అంటుంది. మ్యాడీ “నాకు ఫ్యాన్స్ ఏంటి?” అంటాడు. ఆమె “మీరు మంచి సింగర్ కదా, అందుకే” అంటుంది.
మ్యాడీ “ఎవరు నువ్వు, నన్ను ఆటపట్టించడానికి కాల్ చేస్తున్నావా?” అని కోపంగా చెబుతాడు. మధు నవ్వుతూ “అలా కాదు బాస్, నేను నిన్ను చూసి లవ్‌లో పడిపోతానేమో అని భయంగా ఉంది” అంటుంది.
మ్యాడీ “అలా జరగదు, నేను లవ్‌లో పడను” అంటాడు. మధు సరదాగా “నీకు హనుమంతుడు అంటే ఇష్టం కదా” అంటుంది. మ్యాడీ ఆశ్చర్యపడి “అది నీకు ఎలా తెలుసు?” అని అడుగుతాడు. మధు “ఒకరిపై ఇష్టం ఉంటే వాళ్ల గురించి అంతా తెలిసిపోతుంది” అని చెబుతుంది. ఆ వెంటనే ఫోన్ కట్ చేస్తుంది. మ్యాడీ ఆశ్చర్యంగా “ఇది ఎవరు? నా ఇష్టాలు ఆమెకు ఎలా తెలుసు?” అని అనుకుంటాడు.
ఇక రాత్రి లోహిత బాధగా కూర్చుంటుంది. మ్యాడీ అడుగుతాడు “ఏమైంది?” అని. లోహి “మధు మీ ఇంటికి వెళ్లి అలా మాట్లాడితే మనం ఎప్పుడు వెళ్తాం?” అని అంటుంది. మ్యాడీ “మధు మన కోసమే ఆలోచిస్తుంది, నువ్వు తప్పుగా అనుకోకు, వెళ్లి పడుకో” అంటాడు. ఇంతలో మధు వస్తుంది. లోహితో “నేను నీకు ద్రోహం చేస్తున్నట్లు మ్యాడీతో ఎందుకిలా మాట్లాడుతున్నావు?” అని అడుగుతుంది.
ఇక్కడితో ఆ రోజు ఎపిసోడ్ ముగుస్తుంది.
