చిన్ని Nov 10th, 2025 సోమవారం ఎపిసోడ్: లోహిత గురించి నిజం తెలుసుకున్న మధు … !!!
ఎపిసోడ్ ప్రారంభంలో వరుణ్ మరియు లోహితల నల్లపూసల తంతు పూర్తవుతుంది. పూజారి కార్యక్రమం ముగిసిందని చెబుతాడు. అందరూ శుభాకాంక్షలు తెలుపుతుండగా, లోహిత తల్లిదండ్రులుగా వచ్చిన నటులు “ఇప్పుడు స్టిల్స్ టైం” అని అంటారు. అదేంటి అని అడిగితే ఫొటోస్ తీసుకుందామా అని కామెడీగా అడుగుతున్నారు అని లోహిత కవర్ చేస్తుంది. ఆ మాట విని మధుకు కొద్దిగా అనుమానం కలుగుతుంది — వాళ్ల ప్రవర్తన ఏదో యాక్టింగ్ లా అనిపిస్తుంది.
తరువాత లోహిత పంతులుగారికి తాంబూలం ఇస్తుంది. అది అవ్వగానే మ్యాడీ “ఇప్పుడు స్టిల్స్ తీయొచ్చు” అని చెబుతాడు. కానీ లోహిత తల్లిదండ్రులుగా నటిస్తున్న వారు “మా ఫుల్ పేమెంట్ ఇస్తేనే ఫోటోలు తీస్తాం” అని అంటారు. ఒక్కసారిగా అందరూ అవాక్కవుతారు. దాన్ని కవర్ చేయడానికి వారు “మా ఇంటి ఆచారం ఇది — పెళ్లి పూర్తయిన తర్వాత అబ్బాయి వాళ్లు మాకు కొంత డబ్బు ఇవ్వాలి” అని అంటారు.
దాంతో మ్యాడీ వెంటనే తన దగ్గర నుంచి డబ్బు తీసి ఇవ్వబోతే, వాళ్లు మొత్తాన్ని ఒక్కసారిగా లాగేసుకుంటారు. అందరూ షాక్ అవుతారు. తర్వాత ఫోటోలు, సెల్ఫీలు తీసుకోవడం మొదలవుతుంది.
ఈ సమయంలో మధు, మ్యాడీ దగ్గరగా నిలబడి ఉంటుంది. ఆమె భుజం అనుకోకుండా మ్యాడీ భుజాన్ని తాకుతుంది. ఆమె ముఖంలో సంతోషం కనిపిస్తుంది. ఇద్దరూ ఒకరిని ఒకరు చూసి చిన్నగా నవ్వుకుంటారు.
ఇక మధు, పెళ్లి కొడుకు బొమ్మ పట్టుకొని మాట్లాడుతుంటుంది. పక్కన గదిలో మ్యాడీ పెళ్లి కూతురు బొమ్మ పట్టుకొని మాట్లాడుతాడు. ఇద్దరూ తమ మనసులో ఉన్న మాటలను బొమ్మలతో చెప్పుకుంటారు. ఇద్దరు వరుణ్, లోహిత వాళ్ళ పెళ్లి లోహిత పేరెంట్స్ ఒప్పుకున్నందుకు సంతోషంగా ఉన్నాము అని ఇపుడు వరకు వాళ్ళకి ఉన్న టెన్షన్ అంత పోయింది అని మాట్లాడుకుంటారు. అలానే వాళ్ళ పెళ్లిని మ్యాడీ ఫ్యామిలి కూడా ఒప్పుకుంటే మన ప్రాబ్లెమ్ సాల్వ్ అవుతుంది అనుకుంటారు. మ్యాడీ మనసులో చిన్ని గురించి ఆలోచనలు వస్తాయి. “లోహిత, వరుణ్‌ల సమస్య పరిష్కారం అయిన తర్వాత, నేను నిన్ను ఎక్కడ ఉన్నా వెతికి మా ఇంటికి కోడలిగా తీసుకువస్తా. నిన్ను కలిసిన తర్వాత మధు అనే మంచి ఫ్రెండ్ గురించి చెబుతాను. మీరు ఇద్దరు మంచి స్నేహితులు అవుతారు” అని బొమ్మతో చిన్నితో మాట్లాడినట్టు మాట్లాడుతాడు.
ఇంతలో మ్యాడీ చేతిలో ఉన్న బొమ్మ కింద పడిపోతుంది. మధు వెంటనే దానిని పట్టుకుంటుంది. “థ్యాంక్స్, మధు” అని మ్యాడీ అంటాడు. “బొమ్మ గురించి అంత కంగారు ఎందుకు?” అని మధు అడుగుతుంది. దానికి మ్యాడీ “ఇది బొమ్మ కాదు, నా హార్ట్. ఇది పగిలితే నా హృదయం పగిలిపోతుంది” అని చెప్తాడు. దాంతో మధు చిరునవ్వు చిందిస్తూ “నీ హార్ట్ పగలకుండా నేను చూసుకుంటా” అని చెబుతుంది. మ్యాడీ ఆశ్చర్యపోతే, “అంటే, బొమ్మ పడిపోతే పట్టుకుంటా అని” అని సర్దుకుంటుంది.
ఇక లోహిత తల్లిదండ్రులుగా నటించిన వారు లోహిత దగ్గరకు వచ్చి అదనంగా డబ్బు అడుగుతారు. “మేము చిన్న బడ్జెట్ సినిమాకి వచ్చాం అనుకున్నాం, కానీ ఇది పాన్-ఇండియా సినిమా అయిపోయింది. కాబట్టి రెమ్యూనరేషన్ పెంచాలి. చెరొక 50 వేలు ఇవ్వండి” అని చెబుతారు. లోహిత నోరెళ్లబెడుతుంది. ఆమె నిరాకరిస్తే, “మాకు ఇవ్వకపోతే అందరిముందు గోల చేస్తాం” అని బెదిరిస్తారు.
లోహిత బయటికి వెళ్లి వాళ్లను బతిమాలుతుంది. ఆ సన్నివేశం మధు దూరంగా ఉండి చూస్తుంది. వాళ్లు ఆమెను బంగారు గాజులు ఇవ్వమని డిమాండ్ చేస్తారు. లోహిత బలవంతంగా తన చేతుల నుంచి గాజులు తీసి ఇస్తుంది. వాళ్లు తీసుకుని వెళ్లిపోతారు. ఇది అంత చాటు నుండి మధు గమనిస్తుంది.
వాళ్లు వెళ్లిపోయాక, మధు లోహిత దగ్గరకు వస్తుంది. “అద్దె పేరెంట్స్ వెళ్లిపోయారా?” అని అడుగుతుంది. దానికి లోహిత “వాళ్లు నా సొంత పేరెంట్స్” అని చెబుతుంది. కానీ మధు “నీ ఫ్రెండ్ నాకు నిజం చెప్పింది” అని చెబుతుంది. లోహిత షాక్ అవుతుంది.
మధు చెబుతుంది, “వాళ్లు నీ తల్లిదండ్రులు కాదని మాత్రమే కాదు, నీ ఫ్యామిలీ రిచ్ కాదని కూడా తెలుసుకున్నా. నువ్వు చెప్పినట్లు వాళ్లు బిజినెస్‌మెన్ కాదు, ఎయిర్‌పోర్ట్ కూడా చూడలేదు అని నీ ఫ్రెండ్‌నే చెప్పింది.” లోహిత కంగారుపడుతుంది. లోహిత ఫ్రెండ్ “నన్ను నాలుగు పీకింది అందుకే చెప్పాను” అని తన అంటుంది. తర్వాత మధు వైపు తిరిగి, “మేము రిచ్ కాదని నిజం. కానీ ఇది అంతా నీ వల్లే జరిగింది. నువ్వు మాకు పెళ్లి చేయకపోతే ఇలా ఉండేది కాదు. మేము అడక్కపోయినా మాకు పెళ్లి చేసావు. ” అని అంటుంది.
మధు ఆశ్చర్యంతో “నేను చేసిన తప్పు ఏంటి? వరుణ్ కి వేరే పెళ్లి అయితే మీరు ఏం అయిపోతారో అని పెళ్లి చేశాను” అని అంటుంది. లోహిత “నువ్వే మాకు పెళ్లి చేయించావు. దొంగ చాటుగా గుడిలో పెళ్లి జరిగిపోయింది. అందుకే మా పేరెంట్స్ ఎవరో చెప్పుకోలేకపోయాం. నీవల్లనే ఈ నాటకం ఆడాల్సి వచ్చింది” అని అంటుంది.
మధు ప్రశాంతంగా “వరుణ్‌కి ఎంత బాధ కలుగుతుందో ఒక్కసారి అయినా ఆలోచించావా? మ్యాడీ ఎలా ఫీలవుతాడో?” అని అడుగుతుంది. లోహిత కోపంగా “అది నా తలనొప్పి. నేనే చూసుకుంటా. నేను మాకు పెళ్లి చేయమని అడగలేదు, నీ ఇష్టంతో చేసావు. కాబట్టి ఇప్పుడు దానిని సరిదిద్దడం నీ పని. మా ముగ్గురిని ఆ ఇంటికి తీసుకెళ్లే పరిష్కారం చూపించి నీ తప్పు సరిదిద్దుకో. లేదంటే నోరు మూసుకో. నువ్వు ఏదైనా చెప్పి విషయం బయట పెడితే పరిస్థితి ఎలా ఉంటుందో నీకు తెలీదు. నా గురించి నిజాలు వాళ్ళకి ఎపుడు చెప్పాలో నాకు తెలుసు. నువ్వు ఎదో మాకు సహాయం చేసావు అని అధికారం చెలాయించి మా విషయాల్లో తలా దూర్చాలి అని ట్రై చేయకు” అని బెదిరిస్తుంది. మధు నిశ్శబ్దంగా నిలబడి “లోహి ఇలా మాట్లాడుతుంది ఏంటి. తను తప్పు చేసి నేను ఎదో తప్పు చేసినట్టు మాట్లాడుతుంది” అని తనలో తను అనుకుంటుంది.
ఇక మరో వైపు దేవేంద్రవర్మ బాలరాజు, ఆఫ్‌టికెట్‌ల దగ్గరికి వస్తాడు. “చిన్నీ ఎక్కడుంది?” అని అడుగుతాడు. వాళ్లు చెప్పడానికి ఇష్టపడరు. దేవా కోపంతో బాలరాజు జుట్టు పట్టుకుంటాడు. “మనం చిన్నప్పటి నుంచి కలిసే పెరిగాం. ఒకే దగ్గర తిరిగాం. ఎందుకు ఇలా అయ్యావ్? నువ్వు అలాగే ఉంటే మనం సంతోషంగా ఉండేవాళ్లం కదా” అని అంటాడు.
బాలరాజు గట్టిగా “నువ్వు నా భార్య, నా పిల్లల జోలికి వచ్చావు. అందుకే నువ్వు నాకు శత్రువు అయ్యావు” అని చెబుతాడు. దాంతో దేవా అతనిపై చేయి చేసుకుంటాడు. చుట్టుపక్కల వాళ్లు భయపడతారు. దేవా తన మనుషులకి “ఆఫ్ టికెట్ చాలా డేంజర్. వాడి ప్లేస్ మార్చేయండి” అని ఆదేశిస్తాడు. రౌడీలు “సరే సార్” అని చెబుతారు.
దేవా కోపంతో అక్కడినుంచి వెళ్లిపోతాడు. చివరగా సన్నివేశం అతను కార్ ఎక్కి “మధు ఇంటికి పోనివ్వండి” అని చెప్పడంతో ముగుస్తుంది.
ఇంతటితో ఈరోజు ఎపిసోడ్ పూర్తవుతుంది.
Source inspiration: Original story from “చిన్ని” (JioHotstar). This is a personal written recap and interpretation.
