చిన్ని Nov 11th, 2025 మంగళవారం ఎపిసోడ్: మ్యాడీ, వరుణ్, లోహిత ని ఇంటికి తీసుకు వెళ్ళడానికి అంగీకరించిన దేవా … !!!
ఎపిసోడ్ ప్రారంభంలో మధు ఆలోచనల్లో మునిగిపోయి ఉంటుంది. ఆమె ఆలోచన అంతా లోహిత గురించే ఉంటుంది. ఇంతవరకు జరిగిన అన్ని సంఘటనలు గుర్తుకు వస్తాయి. లోహిత చేసిన తప్పులు, మోసాలు, అబద్ధాలు అన్నీ తన కళ్ల ముందు తిరుగుతుంటాయి. ఈ విషయం ఇక ఎక్కువ రోజులు దాచలేనని, మ్యాడీకి చెప్పాల్సిన సమయం వచ్చిందని మధు నిర్ణయించుకుంటుంది.
మధు ఆ ఆలోచనతో బయటకు వెళ్లడానికి సిద్ధమవుతుండగా, ఎదురుగా లోహిత వస్తుంది. ఆమె మధును చూసి “ఎక్కడికి అంత తొందరగా వెళ్తున్నావు?” అని అడుగుతుంది. మధు గట్టిగా సమాధానమిస్తుంది “నీ నాటకాన్ని ముగించడానికి వెళ్తున్నాను.” అని.
లోహిత ముఖం ఒక్కసారిగా మారిపోతుంది. “నా విషయాల్లో జోక్యం చేసుకోవద్దని నేను ముందే చెప్పాను కదా,” అని చెబుతుంది. దానికి మధు తడబడకుండా సమాధానం ఇస్తూ “ఎవరైనా తప్పులు చేస్తూ తలదించుకునేలా ప్రవర్తిస్తే, వాళ్ల విషయంలో నేను తప్పక జోక్యం చేసుకుంటాను.” అని అంటుంది.
ఆ మాట విన్న లోహిత కాసేపు షాక్ అవుతుంది. మధు వెంటనే “నువ్వు చేసిన అన్ని మోసాలు, నీ అబద్ధాలు అన్నీ మ్యాడీకి చెప్పేస్తాను” అని అంటుంది. అది వినగానే లోహిత టెన్షన్ పడుతుంది. మధుని ఆపడానికి ప్రయత్నిస్తుంది. అంతలో మ్యాడీ అక్కడికి రావడం గమనించి లోహిత పక్కకు వెళ్ళి దాక్కుంటుంది.
మధు మ్యాడీని చూసి, “నీతో ఒక ముఖ్యమైన విషయం మాట్లాడాలి” అని చెబుతుంది. మ్యాడీ ఆసక్తిగా “ఏ విషయం?” అని అడుగుతాడు. మధు “లోహి గురించి వాళ్ళ పేరెంట్స్ గురించి” అని చెప్పబోతుండగా, మ్యాడీ పూర్తిగా వినకుండా “లోహిత వాళ్ల అమ్మ నాన్న చాల మంచి వాళ్ళ లా ఉన్నారు అందుకే తొందరగా ఒప్పుకున్నారు. మా ఇంట్లో కూడా ఒప్పుకుంటారులే” అని అంటాడు. అంతలో దేవా ఇంటికి వస్తాడు. చంటి వచ్చి విషయం చెప్పడంతో అందువల్ల మధు, మ్యాడీ ఆ టాపిక్ ముగించకుండా వెళ్లిపోతారు.
దేవా ఇంట్లోకి అడుగు పెట్టగానే అందరూ ఆశ్చర్యపోతారు. మధు పరిచయం చేస్తూ “ఈయన మ్యాడీ వాళ్ళ నాన్నగారు” అని చెబుతుంది. అందరూ గౌరవంగా నిలబడి దేవాని పలకరిస్తారు. మ్యాడీ ఆనందంతో పరుగెత్తి వెళ్లి తన తండ్రిని హత్తుకుంటాడు. ఆ దృశ్యం చూసి ఇంట్లో వారందరూ సంతోషపడతారు.
దేవా నవ్వుతూ మధువైపు తిరిగి “మీ ఇంటికి వచ్చా కదా, టీ, కాఫీ ఏం లేదా?” అని అడుగుతాడు. మధు చిరునవ్వుతో లోపలికి రమ్మని అంటుంది. దేవా మాట్లాడుతూ “మీరు చాల మంచి అమ్మాయిని కన్నారు అండి. అదృష్టవంతులు” అని అంటాడు. అలానే ఇంట్లోకి వచ్చి ” మీ అమ్మాయి చెప్పింది మ్యాడీతో మాట్లాడమని, అందుకే వచ్చాను. అతనితో పర్సనల్‌గా మాట్లాడాలి.” అని చెప్తాడు.
మ్యాడీ మాత్రం కఠినంగా స్పందిస్తాడు. “మీరు ఏం మాట్లాడతారో నాకు తెలుసు. మీరు వరుణ్, లోహి ని కూడా అంగీకరిస్తేనే నేను వస్తాను,” అని స్పష్టం చేస్తాడు. దేవా ఎంతో సమాధానంగా మాట్లాడినా, మ్యాడీ ఒప్పుకోడు. దాంతో మధు మధ్యలోకి వస్తుంది. ఆమె మ్యాడీని పక్కకు తీసుకెళ్లి చెబుతుంది — “మీ నాన్న గారు అంత దూరం నుంచి వచ్చారు. నువ్వు అలా ఆయనతో మాట్లాడటం ఏం బాగోలేదు. నీ కోసం ఆయన ఇంత దూరం వచ్చారు. నువ్వు ఇలా మొండిగా ఉండటం ఏం బాలేదు” అని అంటుంది. దానికి మ్యాడీ “ఆయన ఏం చెప్తారో నాకు తెలుసు మధు. ఆయన మొండిగా ఉంటే నేను ఆయన కొడుకుని నేను మొండిగా ఉండటం తప్పా” అని అంటాడు. మధు నెమ్మదిగా “ఆయన ఏం చెప్పాలనుకుంటున్నారో ముందు అది విను. ఒకవేళ ఆయన అంగీకరించకపోతే అపుడు నువ్వు నీ మాట మీద ఉండు. కానీ మాట్లాడకుండా ఇలా చేయడం కరెక్ట్ కాదు ” అని అంటుంది.
మ్యాడీ మొదట ఇష్టపడకపోయినా, మధు మాట విని ఆలోచిస్తాడు. చివరికి “సరే, మాట్లాడతాను” అని ఒప్పుకుంటాడు. మధు దేవాకి చెబుతుంది “మ్యాడీ వస్తున్నాడు, మీరు మాట్లాడండి” అని. దేవా మనసులో “నువ్వు చెప్తే కానీ నా కొడుకు నాతో మాట్లాడటానికి కూడా ఒప్పుకోవడం లేదు” అని అనుకుంటాడు.
ఇద్దరూ బయటకు వెళ్లి మాట్లాడటం ప్రారంభిస్తారు. దేవా నేరుగా అడుగుతాడు “మన కుటుంబ పరువు తీసిన వాళ్లని వదిలేసి రావడం నీకు కష్టమా?” అని. మ్యాడీ ప్రశాంతంగా “వాళ్ల పెళ్లి నేను చేసాను కాబట్టి వదిలి రాలేను.” అని అంటాడు.
దేవా కొంచెం కఠినంగా “మా బాధ నీకు పట్టదా?” అని అడుగుతాడు. మ్యాడీ సమాధానంగా “మీ బాధ నాకు తెలుసు డ్యాడీ, కానీ నా బాధ మీరు ఎప్పుడైనా ఆలోచించారా? మీకు దూరంగా ఉంది నేను ఎంత బాధ పడుతున్నానో మీకు తెలీదు. నేను కడుపు నిండా భోజనం చేసి ఎన్ని రోజులు అయిందో మీకు తెలీదు. వాళ్ళు ఇష్టపడ్డారు అని దూరం అయితే బ్రతకలేరు అని పెళ్లి చేశాను. మీరు పరువు పక్కన పెట్టి ఆలోచించండి. మీకు పరువు ముఖ్యమా, లేక నేను ముఖ్యమా?” అని మనసు విప్పి మాట్లాడతాడు..
ఆ మాటలు దేవాని కదిలిస్తాయి. ఒక్క క్షణం ఆలోచించకుండా చెబుతాడు “ఈ ప్రపంచంలో నాకు నువ్వే ముఖ్యం. నీకోసం వరుణ్, లోహితలను అంగీకరిస్తాను.”
మ్యాడీ సంతోషంతో తన తండ్రిని హత్తుకుంటాడు. “థ్యాంక్స్ డ్యాడీ” అని చెబుతాడు. కానీ దేవా ఆ వెంటనే ఒక షరతు పెడతాడు. “నువ్వు చిన్ని కోసం వెతుకుతున్నావ్ అని నాకు తెలుసు. నువ్వు చిన్ని కోసం అడిగిన గడువు కి ఇంకా నెల రోజులే ఉంది. నువ్వు చిన్ని దొరక్కపోతే డిప్రెషన్లోకి వెళ్లి బాధ పడుతూ ఉంటే నేను తట్టుకోలేను. చిన్ని మనకి దొరికితే నువ్వు హ్యాపీగా ఉంటావ్, కానీ దొరకకపోతే నువ్వు తట్టుకోలేవు. అందుకే ఒక గడువు ఇస్తున్నాను. డిసెంబర్ 10లోపు చిన్నిని తీసుకురా. ఆలోపు చిన్ని దొరికితే డిసెంబర్ 11 నుండి నీకు చిన్నికి పెళ్లి పనులు మొదలవుతాయి. 10లోపు చిన్ని కనుక దొరకపోతే 11న నీకు శ్రేయతో పెళ్లి పనులు మొదలవుతాయి. ఇదే నా మాట,” అని చెబుతాడు.
మ్యాడీ కాసేపు మౌనంగా ఉండి మనసులో “వరుణ్, లోహితల కోసం నా ప్రేమని పణంగా పెడుతున్నాను. మీ మాట ప్రకారం వ్యవహరిస్తాను” అని అనుకుంటాడు. తర్వాత సరే అని దేవాకి మాట ఇస్తాడు.
దేవా సంతోషంగా తల ఊపుతాడు. ఇద్దరూ ఇంటికి తిరిగి వస్తారు. ఇంట్లోకి వచ్చిన తర్వాత దేవా నవ్వుతూ “మ్యాడీ నాతో వస్తున్నాడు మధు” అని చెబుతాడు. వరుణ్ వాళ్ళతో మీరు కూడా వస్తున్నారు అని చెప్తాడు. మధు సంతోషపడుతుంది. లోహిత, వరుణ్ ఇద్దరూ ఆనందంతో ఊపిరి పీలుస్తారు. దేవా మధువైపు తిరిగి “నీ వల్లే ఇది సాధ్యమైంది, థ్యాంక్స్” అని చెబుతాడు. అందరిని బాగ్స్ సర్దుకోమని చెప్పగానే మ్యాడీ లోపలి వెళ్తాడు.లోహిత నాకు తెలుసు అంకుల్ మీరు ఒప్పుకుంటారు అని అందుకే ముందే సర్దుకున్న అని చెప్తుంది.
మధు దేవాని భోజనం చేసి వెళ్ళమని అడుగుతుంది. ఇపుడు అర్జెంటు పని ఉండి కుదరదు అని సమాధానం ఇస్తూ మధు కుటుంబంతో “ఒకరోజు మీరంతా మా ఇంటికి భోజనానికి రండి” అని ఆహ్వానిస్తాడు. అందరూ చిరునవ్వులతో అంగీకరిస్తారు.
ఇంతటితో ఆ రోజు ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation.
