చిన్ని Nov 12th, 2025 బుధవారం ఎపిసోడ్: ఇంటికి చేరుకున్న మ్యాడీ, వరుణ్, లోహిత…. !!! వరుణ్, లోహితాలను అనుమతించని నాగవల్లి …. !!!!
ఎపిసోడ్ ఆరంభంలో దేవా మహి కోసం వరుణ్, లోహితల్ని అంగీకరిస్తాడు. ఈ నిర్ణయం విన్న తర్వాత మధు ఇంట్లో అంతా సంతోషిస్తారు.
ఇంతలో మ్యాడీ తన లగేజ్ సర్దుకోవడానికి గదిలోకి వెళ్తాడు. వెళ్ళే సమయం దగ్గరపడుతున్నందున అతని ముఖంలో బాధ స్పష్టంగా కనిపిస్తుంది. కొద్ది సేపటికి మధు అక్కడికి వస్తుంది. “ఏంటి సార్, ఇంకా రెడీ అవ్వలేదే?” అని అడుగుతుంది. దానికి మ్యాడీ బాధగా సమాధానమిస్తూ “మధు, ఈ ఇంటిని వదిలి వెళ్ళాలి అనిపించడం లేదు. ఏ సంబంధం లేని నన్ను, వరుణ్ వాళ్లని మీరు ఎంత జాగ్రత్తగా చూసుకున్నారు… మీ అందరి మంచితనం గుర్తుకొస్తుంది. ఇదంతా మిస్ అవుతానని అనిపిస్తోంది” అని చెబుతాడు.
మధు మనసులో మ్యాడీపై మమకారం పెరుగుతుంటుంది. మధు మనసులో “నేను నిన్ను మిస్ అవుతాను మ్యాడీ” అని అనుకుంటూ బయటికి మాత్రం నవ్వుతూ చెబుతుంది — “మనమేమైనా శాశ్వతంగా విడిపోతున్నామా.. లేదు కదా. కాలేజీలో కలుస్తాం. మీ ఇంటికి మీ నాన్నగారు భోజనానికి పిలిచారు కదా, అలా అప్పుడప్పుడు వస్తూనే ఉంటాను కదా” అని చెప్తుంది.
మ్యాడీ వెళ్లిపోవడానికి సిద్ధమవుతాడు. మ్యాడీ “మధు మా ఇంటికి ఇప్పుడు రా” అని అడుగుతాడు కానీ మధు తిరస్కరిస్తూ “వద్దు మ్యాడీ. ఇప్పుడు నేను రాకపోతేనే మంచిదేమో. నేను వస్తే నీ అమ్మకి కోపం పెరుగుతుంది” అని చెప్తూ “నువ్వు ఇంటికి వెళ్లగానే మీ అమ్మకి సారీ చెప్పి హగ్ చేసుకో. ఇన్ని రోజులు ఆమె పడిన బాధ అంతా పోతుంది. ఆమె నవ్వగానే నీకు నేను గుర్తు రావాలి” అని చెబుతుంది. అలా చెప్పగానే మ్యాడీ చిన్నగా నవ్వుతాడు.
ఆ తర్వాత మ్యాడీ బాధగా బయటికి వస్తాడు. మధు తల్లిదండ్రులతో మాట్లాడుతూ — “ఇంతవరకు మమ్మల్ని ఇంతగా చూసుకున్నందుకు థ్యాంక్స్” అని గౌరవంగా చెబుతాడు. మధు తల్లిదండ్రులు మ్యాడీతో “మేము అంత పెద్ద సహాయం ఏం చేయలేదు. ఏదో మాకు చేతనైనది చేసాము. ఇది కూడా చేయలేకపోతే మనుషులుగా ఎందుకు ఉండటం” అని అంటారు. చివరగా లోహిత మనసులో “నేను కూడా ఒక డైలాగ్ కొట్టాలి ” అని అనుకుంటూ మధు దగ్గరకు వచ్చి చిన్నగా నవ్వుతూ “నీ లాంటి ఫ్రెండ్ దొరకడం నా అదృష్టం” అని అంటుంది. అలానే మధుని హగ్ చేసుకుని “నా గురించి నీకు నిజం తెలియడం నా దురదృష్టం” అని అంటుంది. దానికి మధు “ఇపుడు అయినా నువ్వు మ్యాడీ వరుణ్ కి నిజం చెప్తే నీకు మంచే జరుగుతుంది. నేను చెప్పాల్సి వస్తే అది నిజంగా నీకు దురదృష్టమే అవుతుంది” అని అంటుంది. లోహిత వెంటనే “నేను ఎపుడు చెప్పాలో నాకు తెలుసు. నువ్వు మా విషయాల్లో దూరంగా ఉండు” అని అంటుంది.
ఆ మాటలు విన్న మధు ఆశ్చర్యంగా నిలబడిపోతుంది. మ్యాడీ మాత్రం బాధతో వెళ్లిపోతాడు. కారు బయలుదేరుతుండగా మధు కళ్ళలో నీళ్లు కదులుతాయి. మ్యాడీ వెళ్తున్న దిశగా చూస్తూ నిశ్శబ్దంగా ఏడుస్తుంది. గదిలోకి వెళ్లి ఒంటరిగా కూర్చుని వాళ్ళ మధ్య జరిగిన ప్రతి క్షణం గుర్తు చేసుకుంటుంది. మహి ఇచ్చిన పెళ్లికొడుకు బొమ్మను చేతిలో పట్టుకొని “మ్యాడీ, నువ్వు మహిగా నాకు దూరంగా ఉన్నావ్… ఇప్పుడు నువ్వే మహి అని తెలిసాక మళ్లీ దూరమయ్యావ్. కానీ ఈ దూరం శాశ్వతం కాదని నాకు తెలుసు. నిన్ను నీ ఇంటికి చేర్చానుకదా, ఇక నేనే చిన్ని అని నీకు చెబుతా” అని మనసులో అనుకుంటుంది.
ఇంతలో చంటి గదిలోకి వస్తాడు. “అరే, ఆ అబ్బాయి వెళ్లిపోయాడని ఇంత ఫీలవుతున్నావ్ అంటే మీ ఇద్దరి మధ్య ఏదో ఉందని అనిపిస్తోంది” అని సరదాగా చెబుతాడు. మధు మాత్రం సైలెంట్‌గా ఆ బొమ్మను గట్టిగా పట్టుకొని “ఐ లవ్ యూ” అని అంటుంది.
మరోవైపు, మ్యాడీ ఇంటికి చేరుకుంటాడు. శ్రేయ అక్కడ నిలబడి “అత్త మామయ్య మ్యాడీని తీసుకువచ్చారు” అని చెబుతుంది. నాగవల్లి మ్యాడీని చూసి ఎంతో ఆనందపడుతుంది. “నా బిడ్డ వచ్చాడు” అంటూ హగ్ చేసుకుంటుంది.
కానీ ఆమె కళ్ళు వెంటనే వరుణ్, లోహితల మీద పడతాయి. వారిని చూసి ముఖం కోపంగా మారుతుంది. ఇద్దరూ లోపలికి వస్తుండగా “ఆగండి!” అంటూ అరిచి ఆపేస్తుంది. “మా పరువు తీసి కూడా సిగ్గు లేకుండా మా ఇంట్లోకి అడుగు పెడతారా? వెంటనే వెళ్లిపోండి!” అని గట్టిగా అంటుంది.
వాళ్ళు వెనక్కి తిరిగి బయలుదేరుతుండగా దేవా వెంటనే ముందుకు వచ్చి పరిస్థితిని సర్దుబాటు చేద్దామని “వాళ్లను నేనే రమ్మని చెప్పాను. ముందు మాట్లాడుకుందాం, ఆ తర్వాత ఏం చేయాలో నిర్ణయిద్దాం” అని చెబుతాడు. కానీ నాగవల్లి ఇంకా కోపంగా “వాళ్లకి ఈ ఇంట్లోకి రావడానికి హక్కే లేదు” అని అంటుంది.
వసంత కూడా అదే అభిప్రాయం చెబుతుంది — “వాళ్లు ఈ ఇంట్లోకి రావడం తప్పు, రాకూడదు” అని. దేవా “వాడు నే కొడుకు ” అని అంటాడు. దానికి వసంత “కొడుకు అయినా భర్త అయిన నాకు మా అన్నయ్య తరవాతే” అని అంటుంది. ప్రమీల కూడా కోపంగా “వాళ్ల వల్లే ఎంతో గారాబంగా పెంచుకున్న నా కొడుకు దూరమయ్యాడు. బావగారికి అవమానం జరిగింది. ఎవరు క్షమించినా నేను వాళ్లని క్షమించను” అని అంటుంది.
దేవా మాత్రం ప్రశాంతంగా “నేనేం చేసినా ముందుగా ఆలోచించి చేస్తాను. తర్వాత అంతా వివరంగా చెప్తాను. ముందు వాళ్లను లోపలికి రానివ్వు” అని నాగవల్లికి నచ్చచెప్తాడు. దేవా కళ్ళలోకి చూసిన నాగవల్లి చివరికి “సరే బావా, నీ ఇష్టం” అని చెబుతుంది. వరుణ్, లోహిత సంతోషంగా ఇంట్లోకి వస్తారు.
లోహిత ముందుకు వచ్చి నాగవల్లి కాళ్లపై పడుతూ ఆశీర్వదించమని చెబుతుంది. కానీ నాగవల్లి చిరాగ్గా “ఇలాంటి ఓవర్ యాక్షన్లు నా దగ్గర పనికిరావు” అని చెబుతుంది. ఆ మాటలతో అందరూ సైలెంట్‌గా ఒకరినొకరు చూస్తారు.
ఇదే దృశ్యంతో ఈ రోజు ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
