చిన్ని Nov 14th, 2025 శుక్రవారం ఎపిసోడ్: మధుని బెదిరించిన నాగవల్లి… !!! చిన్ని ని వెతకడానికి మధు సహాయం అడిగిన మహి …. !!!
ఎపిసోడ్ ప్రారంభంలో ఉదయాన్నే మ్యాడీ మధుని కలవడానికి బయటకు బయలుదేరుతుంటాడు. నాగవల్లి అతన్ని ఆపి ఇప్పుడు మధుని ఎందుకు కలవాలి అని ప్రశ్నిస్తుంది. మ్యాడీ మాత్రం కారణం చెప్పకుండా “ఫ్రెండ్స్ అంటే చాల ఉంటాయి మమ్మీ, ఇది పెద్ద విషయం కాదు” అని చెబుతూ అక్కడినుండి వెళ్లిపోతాడు. అలా అనడంతో నాగవల్లి ఇంకా కోపంతో రెచ్చిపోతుంది.
ఆమె కోపంగా ఉన్నట్టు చూసిన లోహిత తనదైన స్టైల్లో ఆమెను కూల్ చేయాలనుకుంటుంది. వరుణ్ వద్దన్నా వినకుండా కాఫీ తీసుకొని నాగవల్లిని శాంతపరచడానికి వెళ్తుంది. లోహిత ప్రేమగా “పిన్ని, మీకు కాఫీ అంటే ప్రాణం కదా… నా చేతి కాఫీ తాగితే మీరు కూల్ అవుతారు” అని కప్పు అందిస్తుంది.
కానీ అప్పటికే మండిపోతున్న నాగవల్లి లోహితను చూసి ఆగ్రహంతో కాఫీని ఆమె పైనే పోసేస్తుంది. లోహిత నొప్పితో వెనక్కి తగ్గుతుంది. వెంటనే శ్రేయ వచ్చి లోహితకు “అత్తయ్య గురించి నీకు ఇంకా తెలీదు… ఇకపై ఇలాంటి పనులు చేయకు” అని గట్టిగా చెబుతుంది. వరుణ్ లోహితను తీసుకెళ్లి ఐస్ పెట్టమని అంటాడు.
ఇక మ్యాడీ మధు కోసం ఓ ప్రదేశంలో వెయిట్ చేస్తుంటాడు. అదే సమయంలో మధు కూడా మ్యాడీ దగ్గరకు వెళ్లేలోపు నాగవల్లి ఆమెను అడ్డుకుంటుంది. మధు ఆత్మీయంగా “ఆంటీ…” అని పిలవగానే నాగవల్లి కోపంగా “నేను నీ ఆంటీనా? నా తమ్ముడి కూతురా నువ్వు? నా భర్త చెల్లెలి కూతురా?” అని దూకేస్తుంది.
నాగవల్లి మధుపై ఆరోపిస్తూ “నువ్వు నా కొడుకుని ప్లాన్ ప్రకారమే కలుస్తున్నావ్… వాడిని పట్టేయాలని చూస్తున్నావ్” అని అంటుంది. మధు షాక్ అవుతూ “అలా ఏమీ లేదు ఆంటీ, మేం క్లాస్‌మెట్స్ మాత్రమే” అని చెబుతుంది.
నాగవల్లి దురుసుగా “మీ క్లాస్‌లో ఇంకెవరూ లేరా? నా కొడుకే ఉన్నాడా?” అని అడుగుతుంది. వెంటనే లోహితను ఉదాహరణగా చూపిస్తూ “లోహి వరుణ్‌ని ప్రేమించి మా జీవితాల్లోకి వచ్చి మమ్మల్ని ఎంత డిస్టర్బ్ చేసిందో నీకు తెలుసా? నువ్వూ అదే చేయాలనుకుంటున్నావా?” అని ఆమెను భయపెడుతుంది.
మధు “నాకు అలాంటి ఆలోచనలు లేవు” అని చెప్పినా నాగవల్లి ఆగదు. ఆమె బెదిరిస్తూ—“నీ పీక కట్ చేయమంటావా? నీ కుటుంబం పీకలు కట్ చేయమంటావా? ఏది ఎలా చేయాలో నాకు తెలుసు. ఇక నుంచి మ్యాడీకి దూరంగా ఉండు.” అని స్పష్టంగా వార్నింగ్ ఇస్తుంది.
మధు భయంతో “మ్యాడీని కలవను” అని చెబుతుంది. కానీ నాగవల్లి తెలివిగా “ఇప్పుడు మాత్రం కలవాలి… లేకపోతే వాడు నిన్నే వెతుక్కుంటూ వస్తాడు. ఈరోజే చివరి సారి కలిసిపో. ఆ తర్వాత పూర్తిగా కట్ చేయ్” అని ఆర్డర్ ఇస్తుంది. మధు భయంతో అంగీకరిస్తుంది. మధు మనసులో “ఆంటీ ఎందుకు ఇలా ఆలోచిస్తున్నారు నా గురించి? నేనే చిన్ని అని మ్యాడీకి చెప్పాలనుకున్నాను… కానీ ఇప్పుడు చెప్పకూడదు” అని బాధపడుతుంది.
తర్వాత మధు మ్యాడీని కలుస్తుంది. మ్యాడీ వెంటనే “నీతో చిన్ని విషయం గురించి మాట్లాడాలి… చిన్ని నా జీవితం. ఇంతవరకు ఎక్కడుందో ఆచూకీ లేదు” అని ఆవేదనగా చెబుతాడు. మధు అతని బాధ విని మనసులోనే బాధపడుతుంది. మ్యాడీకి ధైర్యం చెబుతూ “నీ ప్రేమే చిన్నిని నీ దగ్గరకు తీసుకొస్తుంది. మీ ప్రేమ గెలుస్తుంది” అని అంటుంది. మ్యాడీ కూడా నమ్మకంతో “చిన్నిని వెతికేందుకు కొన్ని అడ్రస్‌లు ఉన్నాయి… నువ్వు నాతో రావాలి” అని చెబుతాడు. మధు అంగీకరిస్తుంది.
ఇదిలా ఉండగా ఆఫ్ టికెట్ దూరం నుంచి మ్యాడీ – మధు కలిసి ఉండటం చూస్తాడు. అతను వెంటనే మధుకి కాల్ చేసి “నా దగ్గరకు రా… ముఖ్యమైన విషయం ఉంది” అని పిలుస్తాడు. మధు దగ్గరకు వచ్చాక అతను మ్యాడీని చూసి “ఆ అబ్బాయి ఎవరు?” అని అడుగుతాడు. మధు “దేవేంద్రవర్మ గారి కొడుకు మహి” అని చెబుతుంది. మరి ఆమె మహితో సహా దేవేంద్రవర్మ గురించి మాట్లాడుతూ ఉండడం చూసి ఆఫ్ టికెట్ షాక్ అవుతాడు.
మధు “మ్యాడీ వాళ్ల నాన్నకి మా నాన్న గురించి చెప్దాం. ఆయన నాతో కూడా బాగా క్లోజ్ గా ఉంటారు. చాల మంచివారు” అని అంటే ఆఫ్ టికెట్ భయంతో “ఎప్పటికీ చెప్పొద్దు! పోలీస్‌, రాజకీయ నాయకులకి విషయం తెలిసినా అన్న ప్రాణాలకే ప్రమాదం. ఎవరితోనూ—ఫ్రెండ్స్ దగ్గర కూడా—మీ నాన్న సంగతి చెప్పకు” అని గట్టిగా చెబుతాడు. మధు కూడా అతని మాట వింటుంది.
మరోవైపు లోహిత శ్రేయతో “మధు మ్యాడీకి చాలా దగ్గరైంది. చిన్ని దొరక్కపోయినా మ్యాడీ నిన్ను చేసుకుంటాడా? లేక మధునే చేసుకుంటాడా? అని సందేహంగా ఉంది నాకు” అని చెబుతుంది. శ్రేయ ఇది విని షాక్ అవుతుంది. అప్పుడే మ్యాడీ అక్కడికి వస్తాడు. లోహిత వెంటనే “బావ, నీతో మధు గురించి మాట్లాడాలి. అత్తయ్యకి మధు నచ్చదు కదా… కానీ నువ్వు ఆమెతో అంత క్లోజ్ ఎందుకు? మధుతో మాట్లాడటం మానేయొచ్చు కదా. అత్తయ్యని ఎందుకు బాధ పెట్టడం” అని అడుగుతుంది.
మ్యాడీ స్పష్టంగా “నేను ఎవరితో స్నేహం చేయాలో నువ్వు చెప్పొద్దు. అది నా వ్యక్తిగత విషయం” అని కట్ చేస్తాడు.
ఇక్కడితో నేటి ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
