చిన్ని Nov 15th, 2025 శనివారం ఎపిసోడ్: చిన్ని కోసం వెతుకుతున్న మధు, మ్యాడీ … !!! మధు చందుని కలవకుండా చేసిన లోహిత … !!!
ఎపిసోడ్ ప్రారంభంలో శ్రేయ, మ్యాడీతో మధు గురించి మాట్లాడుతూ ఉంటుంది. మధుతో ఎక్కువగా మాట్లాడొద్దని, కలవొద్దని, దూరంగా ఉండాలని చెబుతుంది. కానీ మ్యాడీ మాత్రం శ్రేయ మాటలు వినడు.
“నేను ఎవరితో మాట్లాడాలి, ఎవరితో ఉండాలి అని నువ్వు చెప్పే హక్కు లేదు. నేను నీకు ఎప్పుడైనా అలా చెప్పానా? నా విషయాల్లో నువ్వు కూడా జోక్యం చేసుకోకు,” అంటూ కఠినంగా సమాధానం ఇస్తాడు.
శ్రేయ ఆ మాటలతో షాక్ అవుతుంది. లోహిత దగ్గరకు వెళ్లి ఇదంతా చెప్పగానే, లోహిత మరింత నిప్పు పోస్తుంది “ఇలా ఈరోజే మాట్లాడుతున్నాడు… ఇక మధు నీ బావని గద్దలా తన్నుకుని పోతుంది. చాలా జాగ్రత్తగా ఉండు,” అని హెచ్చరిస్తుంది. పక్కనే ఉన్న లోహిత మనసులో “ఇప్పటికే పది రోజులు గడిచాయి. మిగతా 20 రోజులు కూడా ఇలాగే పోతే బాగుంటుంది,” అని ఆనంద పడుతుంది.
ఇక దేవేంద్ర వర్మ మహిని పిలిచి కొన్ని అడ్రస్ పేపర్లు ఇస్తాడు. “ఇవి చిన్ని ముద్దుపేరుతో ఉన్న అడ్రస్‌లు. మన వాళ్లు చాలా చోట్ల వెతికారు… ఎక్కడా ఆచూకీ లేదు. ఇంకా మిగిలిన అడ్రస్‌లను కూడా ఈరోజు వెతికిస్తున్నాం. చిన్ని దొరికితే నీ అంత అదృష్టవంతుడు ఉండడు,” అని ప్రేమతో చెబుతాడు.
మహి తండ్రిని హత్తుకుని “థాంక్స్ డాడీ కొడుకు ప్రేమకి ఇంతలా నిలబడే తండ్రి ఎక్కడా ఉండరు,” అని భావోద్వేగంతో అంటాడు. దేవా ఆ పేపర్లు మహికి ఇస్తాడు. మహి వాటిని తీసుకుని “నేనే వెతుకుతా. చిన్నిని ఖచ్చితంగా కనుగొంటా,” అని నమ్మకంగా బయలుదేరుతాడు. లోహిత, శ్రేయ ఇద్దరూ ఇదంతా దూరంగా చూస్తూ అసూయగా ఉంటారు.
మహి వెంటనే మధుకి కాల్ చేస్తాడు. “అర్జెంటుగా రావాలి… మనం చిన్ని కోసం బయలుదేరాలి,” అని చెబుతూ మధుని కాలేజ్ దగ్గరకు రమ్మని పిలుస్తాడు. లోహిత శ్రేయతో “మీ మామయ్య ఇలా సపోర్ట్ చేస్తే, నీకు మ్యాడీకి పెళ్లయినట్టే. మధు కూడా ఇంత సైలెంట్‌గా ఉంది అంటే ఏదో జరుగుతోంది,” అని మరోసారి విషం నింపుతుంది.
శ్రేయ నేరుగా దేవాని ఎదిరించి “మీరేంటి బావకి చిన్ని విషయంలో ఇలా సపోర్ట్ చేస్తున్నారు?” అంటూ ప్రశ్నిస్తోంది. అప్పుడే నాగవల్లి కోపంగా “మామయ్యకి ఎప్పుడు ఏం చేయాలో తెలుసు. నువ్వు అనవసరంగా జోక్యం చేయకు. ఆయన్ని ఇబ్బంది పెట్టకు,” అని మందలిస్తుంది.
మ్యాడీ మధుతో కలిసి చిన్ని ఫోటో పట్టుకొని అడ్రస్‌కి వెళ్తాడు. ఇద్దరూ జనాలని అడుగుతూ శోధన మొదలుపెడతారు. లోహిత దూరంగా వారిని ఫాలో అవుతూ “తనే చిన్ని అయితే ఎందుకు మ్యాడీకి చెప్పడం లేదు? ఏదో జరుగుతుంది…” అని అనుమానపడుతుంది.
అదే సమయంలో ఓ టీచర్ కనిపిస్తుంది. ఇద్దరూ పరుగెత్తి చిన్ని గురించి అడుగుతారు. టీచర్ “చిన్ని కనిపించలేదు కానీ శేఖర్ కనిపించాడు,” అని చెబుతుంది. మధు వెంటనే “శేఖర్ అంటే చంద్రశేఖరేనా?” అని అడుగుతుంది.
టీచర్ “తెలీదు ఇదిగో అడ్రస్,” అంటూ ఒక చిరునామా ఇస్తుంది.
మ్యాడీ దేవాకు కాల్ చేసి వివరాలు చెబుతాడు. దేవా ఒక్కసారిగా ఆందోళన చెంది “మ్యాడీ అక్కడికి వెళ్లొద్దు” అని అంటాడు. వెంటనే ఒక నకిలీ అడ్రస్ చెబుతూ “అది నీ చిన్ని అయ్యే అవకాశం ఉంది… నువ్వే వెళ్లి చెక్ చేయి,” అంటూ మ్యాడీని దారి మళ్లిస్తాడు. మ్యాడీ నమ్మి “మధు… నువ్వు శేఖర్ ఇంటికి వెళ్లు. డాడీ ఇచ్చిన ఈ అడ్రస్‌కి నేను వెళ్తా,” అని చెబుతాడు.
మధు శేఖర్ అడ్రస్‌కి వెళ్లకుండా అడ్డుకోవాలంటే ఏదైనా చేయాలి అని లోహిత నిర్ణయం తీసుకుంటుంది.
సూటిగా శేఖర్ ఇంటికి వెళ్లి శేఖర్ బయటికి వెళ్ళగానే ఇంటి దగ్గర ఉన్న సరళను చూసి ఆమెను మేనేజ్ చేయడం మొదలుపెడుతుంది.
సరళ బట్టలు ఆరేస్తుంటే ఒక నెక్లెస్ తెచ్చి ఇచ్చి పొగుడుతూ “అరే మెడలో ఈ నెక్లెస్ పెట్టుకున్నావ్ అనుకో గ్లామర్ అన్నమాట. పద, పార్లర్‌కి వెల్దాం,” అని నటిస్తూ నెక్లెస్ గిఫ్ట్ ఇస్తుంది. సరళను నమ్మబలికేలా చేసి ఇంటికి తాళం వేసి ఆమెను తీసుకువెళ్తుంది.
మధు శేఖర్ అడ్రస్‌కి రాగానే, లోహిత ముందే ఏర్పాటు చేసిన ఒకావిడ బయటికి వచ్చి “ఇంట్లో వాళ్లు ఎప్పుడూ ఉండరు… ఇప్పుడూ లేరు,” అని అబద్ధం చెబుతుంది. మధు నిరాశతో తిరిగి వెళ్తుంది.
లోహితకు కాల్ చేసి వివరాలు చెప్తుంది. లోహిత వెంటనే సరళను బండి నుంచి దింపేసి “నీ ముఖానికి ఏ పార్లర్… ఇంటికి పో,” అని పంపిస్తుంది. సరళ లోహితని తిట్టుకుంటూ తాను ధరించిన నెక్లెస్ ఎక్కడి నుంచి వచ్చిందో, అది నిజంగానే బంగారమో కాదో అనుమానపడుతుంది.
మధు ఇంటికి వచ్చి కావేరి ఫోటో ముందు నిలుచుని “అమ్మా, ఆ ఊరు వెళ్లొద్దు, ఆ మనుషుల్ని చూడొద్దు అన్నావ్ కానీ అదే జరుగుతుంది. నేను ఆగలేకపోతున్నా, వాళ్ళని చూడాలి కలవాలి అనిపిస్తుంది అమ్మ” అంటూ ఏడుస్తుంది. రేపు తిరిగి శేఖర్ ఇంటికి వెళ్లాలని నిర్ణయించుకుంటుంది.
ఈ ఎపిసోడ్ ఇక్కడితో ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
