చిన్ని Nov 17th, 2025 సోమవారం ఎపిసోడ్: మేనమామ కుటుంబాన్ని చేరుకున్న చిన్ని … !!! వరుణ్ ప్రయత్నాలకు అడ్డుకట్ట వేస్తున్న దేవా…!!!
ఎపిసోడ్ మొదట్లో లోహిత వరుణ్‌తో బాధగా మాట్లాడుతుంది. “మీ అమ్మ, అత్తయ్య ఎవరూ నాతో సరిగా మాట్లాడట్లేదు” అని అంటుంది. వరుణ్ ఆమెను ఓదారుస్తూ “బాధపడకు లోహీ నాలుగు రోజుల్లో వాళ్ళ కోపం తగ్గిపోతుంది” అంటాడు. లోహిత మాత్రం “తప్పంతా నాడే వరుణ్ . మధు మనకి పెళ్లి చేస్తా అన్నపుడు పెద్దలను ఒప్పించకుండా పెళ్లి వద్దు అని మనం అడ్డుకోవాల్సింది. అప్పుడీ పరిస్థితి వచ్చేది కాదు” అంటుంది. వరుణ్ వెంటనే అడ్డుకుంటూ “ఎలా అలా అంటావ్ లోహీ. మధు, మ్యాడీ బావ సపోర్ట్ చేయకపోయే ఉంటే మన పెళ్లి ఈ జన్మలో జరిగేది కాదు” అని ఆమెను శాంతింపజేస్తాడు.
అప్పుడే ఇంటికి వచ్చిన మహిని చూసి వరుణ్ “బావ, ఎక్కడికి వెళ్లావ్?” అని అడుగుతాడు. మహి బాధతో “మధుతో కలిసి చిన్ని కోసం వెతికాం. కానీ తన జాడ దొరకలేదు. మాతో పాటు చదువుకున్న ఒక ఫ్రెండ్ అడ్రస్ దొరికింది. కానీ అక్కడికి వెళ్లే లోపు నాన్న వేరే అడ్రస్ చెప్పారు. నేను అక్కడికి వెళ్లి కాలనీ మొత్తం వెతికినా ఏ సమాచారం దొరకలేదు” అని అంటాడు. వరుణ్ ఓదారుస్తూ “ఎదో ఒకరోజు చిన్ని నిన్ను తప్పకుండ కలుస్తుంది” అని అంటాడు.
మ్యాడీ చాలా టెన్షన్‌తో క్యాలెండర్ చూస్తూ “ఇంకా 20 రోజుల్లో ఎలా అయినా చిన్ని నన్ను కలవాలి. లేకపోతే ఆమె నాకెప్పటికీ దూరం అయిపోతుంది,” అని మనసులోనే అనుకుని లోపలి వెళ్తాడు. వరుణ్ కూడా మ్యాడీ తో కాసేపు మాట్లాడతాను అని మ్యాడీ దగ్గరికి వెళ్తాడు.
అంతలో సరళ, లోహితకు ఫోన్ చేసి “రేపు ఎప్పుడు వస్తావ్? రేపు నీ నాన్న ఆబ్దికం. అది కూడా మర్చిపోయావా?” అని అడుగుతుంది. లోహిత “లేదు గుర్తుంది. ఆలోచిస్తున్నాను” అని చెప్పగానే సరళ బాధగా “ఏంటి ఆలోచించేది? మీ నాన్న ఆబ్దికం రోజు కూడా నువ్వు రాకపోతే మీ నాన్నతో పాటు నేను చనిపోయానని అనుకో” అని కన్నీళ్లతో చెబుతుంది.
సత్యంబాబు ఆబ్దికం కోసం పంతులుతో అన్ని ఏర్పాట్లు చేయిస్తారు చందు, సరళ. చందు తన తండ్రి ఫోటో చూస్తూ చిన్ననాటి జ్ఞాపకాల్లోకి వెళ్లిపోతాడు. సరళ లోహిత కోసం ఎదురు చూస్తూ “చందు ఒకసారి లోహితకి ఫోన్ చేయరా” అని అడుగుతుంది. కానీ చందు కోపంగా “రాత్రి చెప్పావుగా చాలు బొట్టు పెట్టి పిలిచే పని లేదు. నాన్న మీద ప్రేమ ఉన్న వాళ్ళని నాన్నే రప్పిస్తాడు” అని అంటాడు. కానీ సరళ “ఒక 10 నిమిషాలు ఆగుదాం రా ” అని చెబుతుంది.చందు కోపంగా చూస్తాడు కానీ సరళ ఆగమని పంతులుతో అంటుంది.
లోహిత బయటకు వెళ్లబోతుంటే దేవా ఆపి “ఎక్కడికి?” అని అడుగుతాడు. లోహిత తడబడుతూ తన ఫ్రెండ్ ఇంటికి వెళ్తున్నా అని చెప్తుంది. ఆ సమయానికే నాగవల్లి కూడా వచ్చి “ఎవరికీ చెప్పి వెళ్తున్నావ్? వరుణ్‌కి చెప్పావా? వసంతకి చెప్పావా? నాకు చెప్పావా? ఇదేనా మీ అమ్మ నేర్పిన సంస్కారం?” అని అడుగుతుంది. అంతలో దేవా తెలియక చేసిందిలే వదిలేయ్ అని నాగవల్లితో చెప్తూ లోహితాని తన తల్లిదండ్రులు గురించి అడుగుతాడు.
లోహిత అబద్ధాలు చెబుతూ “మా తల్లిదండ్రులు దేశం దేశం తిరుగుతూ ఉంటారు. చాలా బిజినెస్‌లు ఉన్నాయి. మెయిన్ టీ పొడి బిజినెస్. మా నాన్న పేరు కుక్కుటేశ్వర రావు” అని డబ్బా కొడుతోంది. దేవా ఆమె మాటల్లో చాలా డౌట్ పడతాడు. మీ వాళ్లు వచ్చినప్పుడు ఒకసారి మా ఇంటికి రమ్మని చెప్పు అని అంటాడు. లోహిత తప్పించుకుపోతూ ఫ్రెండ్ ఇంటికి వెళ్తానని వెళ్లిపోతుంది.
మరో వైపు, మధు చందు ఇంటికి వెళ్తుంది. చందు తన తండ్రి ఫోటోకి నమస్కారం చేస్తూ “చిన్ని ఎక్కడ ఉన్నా మా ఇంటికి వచ్చి చేరేలా ఆశీర్వదించు నాన్న” అని ప్రార్థిస్తాడు. ఇంతలో మధు వారి ఇంట్లో అడుగు పెడుతుంది. అక్కడ శేఖర్ ని చూసి ఇతను కూడా మా స్కూల్ లోనే చదివాడా అని అనుకుంటుంది.
మ్యాడీ బయటకు వెళ్తుండగా దేవా ఆపి ఎక్కడికి అని అడుగుతాడు. చిన్నిని వెతకడానికి అని సమాధానం ఇస్తాడు. కానీ దేవా వరుణ్ ని ఆపడానికి “ఎక్కడికీ వెళ్ళకు. చిన్ని నిమ్మకాయ దీపం పెట్టిన రోజు ఆలయం సీటీవీ ఫుటేజ్ తెప్పిస్తున్నా. దాంతో ఎవరు చేసారో తెలుస్తుంది” అని చెబుతాడు. మనసులో మాత్రం “ఇక వాడిని బయటకి వెళ్లనివ్వకూడదు” అని నిర్ణయించుకుంటాడు.
అంతలో శేఖర్ చూసి తన తండ్రి ఆబ్దికం గురించి చెప్పి కూర్చోమని చెప్తాడు. మధు లోపలికి వెళ్లి తన మేనమామ సత్యంబాబు ఫోటో చూసి స్థంభిస్తుంది. “అయితే ఇదేనా నా మామయ్య ఇల్లు? ఇతను నా చిన్ననాటి చందునా?” అని ఆశ్చర్యపోతూ అన్ని జ్ఞప్తికి తెచ్చుకుంటుంది.
సరళ మధు ముఖం చూస్తూ “ఈ అమ్మాయి ఎవరు రా చందూ?” అని అడగగానే చందు “మా కాలేజ్‌లో చదువుతుంది అమ్మా నాతో పని ఉంటే వచ్చింది” అని చెప్తాడు. మధు సరళకి నమస్కారం పెట్టి కూర్చుంటుంది.
మ్యాడీ, తన తండ్రితో కలిసి ఆలయం సీసీటీవీ ఫుటేజ్ చూస్తుంటాడు. “చిన్ని నిమ్మకాయ దీపం పెట్టిన ప్లేస్ లో ఉన్న సీసీటీవీ ఫుటేజ్ రిపేర్‌లో ఉంది కానీ మిగతా ఫుటేజీలు వచ్చాయి. మిగిలిన దగ్గర ఎక్కడ అయినా చిన్నిని చూసి నువ్వు గుర్తు పడతావేమో అని తెప్పించాను” అని దేవా చెబుతాడు. దేవా మాత్రం లోలోపల “చిన్ని ఎవరో ఇప్పుడే తెలుస్తుంది. ఇక అన్నీ నా చేతిలోనే” అని భావిస్తాడు.
ఎంత వెతికిన చిన్ని గురించి తెలియకపోవడంతో మ్యాడీ తన ఫ్రెండ్స్ దగ్గరికి వెళ్తాను అని వెళ్ళిపోతాడు. అంతలో నాగవల్లి నిజంగా ఫుటేజ్ లేదా అని దేవాని అడుగుతుంది. దేవా “లేదు నిజంగానే రిపేర్ లో ఉంది అంట. లేదంటే ఈపాటికే మనకి ఆ అమ్మాయి ఎవరో తెలిసేది. అడ్డు తప్పించేవాడిని” అని అంటాడు.
అక్కడితో ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
