చిన్ని Nov 18th, 2025 మంగళవారం ఎపిసోడ్: లోహిత తన మేనమామ కూతురు అని తెలుసుకున్న చిన్ని …!!! చిన్ని మీద విషాన్ని కక్కిన లోహిత … !!!
ఎపిసోడ్ ప్రారంభంలో మధు చందు వాళ్ల ఇంటికి చేరి, అదే తన మేనమామ కుటుంబం అని తెలుసుకుని పాత జ్ఞాపకాలు గుర్తు చేసుకుని బాధపడుతూ ఉంటుంది. సత్యంబాబు ఫోటో చూసిన వెంటనే మధు కళ్లలో నీళ్లు తిరుగుతాయి. అదే ఇంట్లో, చిన్నప్పుడు తనతో ఆడుకుని కలిసి తిరిగి తనతో పాటు కలిసి చదువుకున్న చందునే ఈ చంద్రశేఖర్ మాస్టారు అని ఆమెకు అర్ధం అవుతుంది.
ఆమె గుండె భారంగా అవుతుంది. “నేను ఎన్నాళ్లుగానో వెతుకుతున్న నా మేనమామ కుంటుంబం ఇదేనా?” అని ఆమె తనలో తాను అనుకుంటుంది. మధుకు తన సొంత రక్తం ఉన్న కుటుంబం ఎక్కడుందో తెలియడంతో కొంత ఆనందంగా అనిపిస్తుంది.
ఇక మ్యాడీ మాత్రం బయట చిన్ని కోసం వెతకడానికి బయటికి వెళ్తుండగా దేవా, అతన్ని ఆపాలని, డైవర్ట్ చేయాలని చాలా ప్రయత్నిస్తాడు. చిన్ని నిమ్మకాయ దీపం పెట్టిన గుడి సీసీటీవీ ఫుటేజ్ తెప్పించాను అని చెప్పడంతో మ్యాడీ ఆగిపోతాడు. దీపం పెట్టిన సీసీటీవీ ఫుటేజ్ లేకపోవడంతో అది రిపేర్ లో ఉంది అని చెప్పడంతో సరే అని మ్యాడీ ఫ్రెండ్స్ తో కలిసి బయట వెతుకుతాను అని వెళ్ళిపోతాడు.
నాగవల్లి నిజంగా సీసీటీవీ ఫుటేజ్ పని చేయడం లేదా అని దేవాని అడుగుతుంది. దేవా నాగవల్లితో “నిజంగా అది పని చేయడం లేదు. లేదంటే ఇంత నాటకం ఎందుకు. వాడు చూసి గుర్తు పడతాడు ఏమో అని ఇదంతా ప్లాన్ చేశాను. ఆ ఫుటేజ్ ఉండి ఉంటే చిన్ని ఎవరో తెలుసుకుని మన దారికి అడ్డు లేకుండా తప్పించేవాడిని ” అని చెప్తాడు.
అంతలో మధు తన మేనమామ కూతురు లోహిత ఎక్కడ ఉంది అని ఇంట్లో వెతుకుతూ ఉంటుంది. అదే సమయంలో మధు ఇంట్లో ఉన్న సంగతి తెలియని లోహిత, తండ్రి ఆబ్దికానికి ఇంటికి వస్తుంది. ఇంటి బయట ఉన్నపుడే తాళిని కనిపించకుండా లోపలి వేసుకుని ఇంట్లోకి వస్తుంది. సరళ ఆమెను చూసి, “రావే లోహి రా. నీకు తండ్రి ఆబ్దికానికి రావడానికి ఇపుడు తీరిక దొరికిందా?” అని కోపంతో అంటుంది. లోహిత “కష్టపడి ఎలానో వాళ్ళు చూడకుండా వచ్చాను కదా” అని అంటుంది. సరళ అనుమాన పడగానే లోహిత “పీజీలో హాలిడే రోజు బయటికి వెళ్లనివ్వరు. అందుకే వాళ్ళు చూడకుండా వచ్చాను” అని కవర్ చేస్తుంది.
సరళ సరేలే వెళ్లి దండం పెట్టుకో అని అంటుంది. అప్పుడు మధు లోహిని చూసి “ఈ లోహినే నా మేనమామ కూతురు లోహితానా?” అని అనుకుంటుంది. అంతలో లోహి కూడా మధుని చూసి షాక్ అవుతుంది. లోహిత మనసులో మాత్రం “ఇది డైరెక్ట్‌గా ఇంటికి వచ్చేసింది. నాన్న ఫోటో చూసేసింది. నేనే లోహిత అని తెలిసిపోయింది. ఇక నేను ఏం చేయాలి?” అని అనుకుంటుంది.
సరళ “మీకు లోహిత ముందే తెలుసా?” అని అడుగుతుంది. మధు వెంటనే కవర్ చేస్తూ “చాలా బాగా తెలుసు ఆంటీ. మీ కంటే నాకు ఎక్కువగా తెలుసు ఒకే కాలేజీ కదా” అని అంటుంది. సరళ లోహితతో కూర్చోమని చెప్తుంది . ఆబ్దికం సమయంలో మధు కళ్ళలో నీళ్లు చూసి సరళ “ఏమైంది అమ్మా? ఎదో సొంత వాళ్ళు అయినట్టు నువ్వు బాధ పడుతున్నావు” అని అడుగుతుంది. లోహిత వెంటనే “తన వాళ్లు గుర్తొచ్చినట్లున్నారు” అని చెబుతుంది. మధు కూడా అవును అని అంటుంది.
కార్యక్రమం పూర్తి అయ్యాక చందు మధుతో “నేను ఇపుడే వస్తాను. నువ్వు ఇక్కడ భోజనం చేసి వెళ్ళాలి. మా నాన్న గారి ప్రసాదం తినాలి ” అని అడుగుతాడు. మధు సంతోషంగా అంగీకరిస్తుంది. ఆ సమయంలో లోహిత అందరినీ బయటకు పంపి, తలుపులు మూసి, మధుతో ఒంటరిగా మాట్లాడుతుంది.
లోహిత మధుతో “వాళ్ళని బయటికి ఎందుకు పంపానో తెలుసా” అని అడుగుతుంది. మధు నాతో మాట్లాడటానికి అని చెప్తుంది. లోహిత కోపంగా “చిన్నపుడు నుండి ఎందుకు నన్ను ఇలా బాధ పెడుతున్నావ్ అని అంటుంది. మధు ఆశ్చర్యంగా చిన్నపుడు నుండి ఏంటి అని అడుగుతుంది. లోహిత ఆవేశంగా “నువ్వు చిన్ని అన్న విషయం నాకు చాలా కాలం నుంచే తెలుసు” అని చెప్పేస్తుంది. మధు షాక్ అయిపోతుంది.
లోహిత ఇంకా కొనసాగిస్తూ “మ్యాడీ అంటే మహి అని కూడా నాకు తెలుసు. మీ ఇద్దరికీ ఒకరికి ఒకరు ఇష్టం అనే విషయం కూడా నాకు తెలుసు” అని అంటుంది. మధు పూర్తిగా అవాక్కవుతుంది. అప్పుడు మధు, “మరి ఇవన్ని తెలిసి కూడా నువ్వు నా మేనమామ కూతురు అని ఎందుకు చెప్పలేదు?” అని అడుగుతుంది.
లోహిత బాగా కోపంగా “ఎందుకు చెప్పాలి? చిన్నప్పటి నుంచే నువ్వంటే నాకు అసహ్యం. నీ వల్లే, మీ నాన్న ,మీ అమ్మ వల్లే మా కుటుంబం నాశనమైంది.” అని అంటుంది. మధు కంగారుగా, “నేను నీకు ఏం అన్యాయం చేశాను?” అని అడుగుతుంది. లోహిత దుఃఖంతో, ఆగ్రహంతో “మా కళ్ల ముందునే నవ్వుతూ ఉండాల్సిన మా నాన్న అలా చనిపోవడానికి మీరే కారణం. మా జీవితాలు ఇలా అవ్వడానికి కారణం మీరు కాకా ఇంక ఎవరు ” అని అంటుంది.
అప్పుడే సరళ వచ్చి, “ఆ దుర్మార్గురాలు గురించి ఎందుకు మాట్లాడుతున్నారు?” అని అంటుంది. లోహిత వెంటనే కవర్ చేస్తూ “నాన్న ఎలా చనిపోయారో అని మధు అడుగుతుంటే చెప్తున్నాను అమ్మ” అని అంటుంది. అంతలో సరళ కూడా కన్నీళ్లతో “నా భర్త చావుకి నా ఆడపడుచు, ఆమె మొగుడు, ఆమె కూతురే కారణం. నా భర్తని నా ఆడపడుచు మొగుడే కత్తితో పొడిచి చంపేశారు.” అని చెప్తుంది.
అది విని మధు తట్టుకోలేకపోతుంది. అంతలో చందు వచ్చి సరళను ఆపుతూ, “ఇవి చెప్పి మధుని ఎందుకు బాధపెడుతున్నారు?” అని అడుగుతాడు. అంతలో మధు “పర్లేదు మాస్టారు చెప్తే అయినా వాళ్ళ బాధ కొంచం తగ్గుతుంది ఏమో” అని అంటుంది. కానీ లోహిత ఏం చేసిన మా బాధ పోదు అనడంతో చందు అయితే ఇంకా దాని గురించి మాట్లాడొద్దు అంటాడు.
అందరు కలిసి భోజనాలకి కూర్చుంటారు. మధు కూడా వాళ్ళతో కలిసి భోజనం చేస్తుంది. భోజనం చేస్తూ చాలా బాధ పడుతుంది. భోజనం అయిపోయాక చందు “పని మీద వచ్చావని అన్నావు కదా ఏంటది?”
అని అడుగుతాడు. మధు తన మనసులోని బాధతో “ఏమీ లేదు మాస్టారు. చిన్న పనే. కానీ అది మాట్లాడే సందర్భం కాదు ఇది. మళ్లీ వస్తాను” అని చెప్పి వెళ్లిపోతుంది. లోహిత కూడా వెళ్తాను అనడంతో చందు నీతో మాట్లాడాలి అని ఆపడానికి ప్రయత్నిస్తాడు, కానీ లోహిత “నాకు టైం లేదు” అని వినకుండా అక్కడ నుండి వెళ్ళిపోతుంది.
ఇంటికి చేరుకున్న మధు కావేరి ఫోటో పట్టుకుని ఏడుస్తూ “ఈరోజు మామయ్య ఫ్యామిలీని కలిసాను అమ్మ. ఇవాళ మామయ్య ఆబ్దికం. ఎన్నో రోజుల నుండి వాళ్ళని వెతుకుతున్న కానీ ఇవాళ కలిశారు. అన్ని గుర్తు వచ్చాయి అమ్మ” అని జరిగింది అంతా చెప్తుంది.
అపుడే స్వరూప, సుబ్బు అక్కడికి వచ్చి మధుని చూస్తారు. తాను ఫోటో పట్టుకుని ఏడవడం చూసి తన దగ్గరికి వచ్చి “ఏమైంది అమ్మా? గతం గుర్తొచ్చిందా?” అని అడుగుతారు. సుబ్బు ప్రేమతో “మళ్లీ ఆ గతం తవ్వకు అమ్మ. గతం ఆలోచించిన కొద్దీ, నీ భవిష్యత్ ప్రమాదంలో పడుతుంది” అని చెబుతాడు. మధు కన్నీరుతో వాళ్లను చూస్తూ తల దించుకుంటుంది. అంతలో మ్యాడీ వచ్చాడు అని మధు తమ్ముడు వచ్చి చెప్పడంతో మధు ఆనందంగా బయటికి వెళ్తుంది. స్వరూప కూడా మధు బాధగా ఉన్నపుడే అమెరికా అబ్బాయి వచ్చాడు ఇంకా తన బాధ పోతుంది అని అంటుంది.
అంతటితో ఈ ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
