చిన్ని Nov 21st, 2025 శుక్రవారం ఎపిసోడ్: చిన్నిని త్వరలోనే మ్యాడీ ముందుకు తీసుకు వస్తానని నాగవల్లితో గట్టిగా చెప్పిన మధు …!!!
ఎపిసోడ్ ప్రారంభంలో మధు ఫోన్ లో మాట్లాడుతుండగా స్వప్న, మధును పక్కకు తీసుకెళ్లి, ఆలస్యం చేయకుండా నువ్వే చిన్ని అని మ్యాడీకి చెప్పమని చెప్తుంది. మధు మాత్రం “ఇది మా ఇద్దరికీ చాలా స్పెషల్ కాబట్టి స్పెషల్ గా చెప్తాను. కానీ రేపే చెప్పేస్తాను” అంటూ ఆనందంగా చెబుతుంది. ఇది అంత దూరంగా ఉండి వింటున్న లోహిత షాక్‌ అవుతుంది. ఎలా అయిన మధు ఆ నిజం బయట పెట్టకుండా చూడాలి అనుకుంటుంది.
అంతలో మ్యాడీ ఫోన్ మాట్లాడి మధు దగ్గరికి వచ్చి ఇంటికి వెళ్తాను అని చెప్తాడు. ఇపుడు చిన్ని గురించి ఆలోచిస్తూ ఉన్నావు కదా బాగా ఆనందంలో ఉన్నావు ఈ స్థితిలో బైక్ డ్రైవ్ చేయడం సేఫ్ కాదు అంటూ మధు అతన్ని ఇంటి దగ్గర డ్రాప్ చేయడానికి వెళ్తుంది. అయితే వీరిద్దర్ని ఇంటి దగ్గర చూసిన శ్రేయ, వెంటనే నాగవల్లిని పిలుస్తుంది. మ్యాడీ బై చెప్పి లోపలికి వెళ్తాడు. నాగవల్లి అక్కడికి వచ్చి మధుతో కోపంగా స్తుంది. “నా కొడుకుతో తిరగొద్దు అని వార్నింగ్ ఇచ్చాను కదా. అపుడు చెప్పింది సరిపోలేదా? నేను ఏదయినా ఒక్కసారే చెప్తాను. రెండోసారి హెచ్చరిస్తాను. మూడోసారికి నువ్వు ప్రాణాలతో ఉండవు” అంటూ భయపెట్టేలా మాట్లాడుతుంది.
మధు మాత్రం ఏమాత్రం భయపడకుండా “మీరు తప్పుగా అర్ధం చేసుకుంటున్నారు ఆంటీ. ఇంకా ఆ గుడిలో జరిగిందే గుర్తుపెట్టుకుని నాతో ఇలా మాట్లాడుతున్నారు. మ్యాడీ నా ఫ్రెండ్. చిన్ని విషయంగా అతను డల్లుగా ఉన్నాడు. అందుకే అతనితో ఉన్నాను. ఇలాంటి సమయంలో అతన్ని ఒక్కడినే పంపడం ఎందుకు అని డ్రాప్ చేశా. మీరు పాత కోపాలు తీసేసి చూస్తే ఏది మంచి ఏది చేదు అని చూడగలుగుతారు. చిన్ని కోసం మ్యాడీ చాలా వెతుకుతున్నాడు. త్వరలోనే చిన్నిని అతని ముందు నిలబెడతాను. ఎవరి బెదిరింపులకు నేను భయపడను. ఎలా అయినా చిన్నిని మ్యాడీ ముందు ఉంచుతాను” అని ధైర్యంగా చెప్పేసి వెళ్ళిపోతుంది. నాగవల్లి కోపంతో చూస్తూ ఉంటుంది.
ఇంట్లోకి వెళ్ళగానే దేవా, మ్యాడీని ఆపి చిన్ని గురించి ఏవైనా తెలిసిందా అని అడుగుతాడు. మ్యాడీ మాత్రం దొరకలేదు అని చెప్తూ “ఖచ్చితంగా మీరు పెట్టిన గడువు చివరి క్షణానికి అయినా చిన్ని నా ఎదుటికి వస్తుంది” అని నమ్మకంగా సమాధానం ఇస్తాడు. దేవా పోలిసుల సహాయం తీసుకుందామా అని అడుగుతాడు. మ్యాడీ వద్దు అని చెప్తూ “‘ఎవరు హెల్ప్ చేసిన ఎవరు చేయకపోయినా నా చిన్ని నన్ను చేరుతుంది అనే నమ్మకం నాకు ఉంది డాడీ ” అని చెప్పి లోపలి వెళ్తాడు. దేవా ఆలోచనలో పడతాడు.
ఇంకా మరుసటి రోజు మ్యాడీ తన పెద్దమ్మ ప్రమీలతో కలిసి ఇంట్లో జరగబోయే పూజ కోసం అవసరమైన సామాగ్రి కోసం బయటికి వెళ్తాడు. ప్రమీల పూజకి మధు వస్తుందా అని అడుగుతుంది. మ్యాడీ లేదు మనం పిలవలేదు కదా అని చెబుతాడు. ప్రమీల పిలవమని చెప్తుంది కానీ మ్యాడీ ఆలోచిస్తుండగా ప్రమీల “మీ అమ్మకి నచ్చదు అని ఆలోచిస్తున్నావా? పర్లేదులే పిలువు. ఆ అమ్మాయి చాల మంచిదానిలా ఉంది. మీ ఇద్దరి మధ్య ఉన్న స్నేహం చూస్తే చిన్నపుడు నీకు చిన్నితో ఉన్న స్నేహం గుర్తు వస్తుంది. అలాంటి అమ్మాయిని పూజకి పిలవకుండా ఉండడం బాగోదు” అని చెప్తుంది. మ్యాడీ సరే అని మధు వాళ్ళ ఇంటికి తీసుకు వెళ్తాడు.
మరోవైపు, మధు ఇంట్లో దేవుడికి నమస్కరిస్తూ తనకి మంచి కుటుంబాన్ని ఇచ్చినందుకు, కోల్పోయిన బంధాలని మళ్లీ చూపించినందుకు థాంక్స్ చెప్తూ లోహిత మారాలని, మహికి తానే చిన్ని అని త్వరగా చెప్పాలని అలానే తన మేనమామ కుటుంబానికి కూడా తాను ఎవరో చెప్పాలని దేవుడిని ప్రార్థిస్తుంది. అంతలో ఆమె తమ్ముడు ప్రసాదం తెచ్చి ఇస్తాడు. మధు తాను ఉపవాసం అని చెప్తుంది. కానీ ఆమె తండ్రి ఉపవాసం అయిన కూడా ప్రసాదం తీసుకోవచ్చు అని చెప్పడంతో తింటుంది. అదే సమయంలో మ్యాడీ పెద్దమ్మతో కలిసి మధు ఇంట్లోకి వస్తాడు. ఆమె కుటుంబాన్ని పూజకు ఆహ్వానిస్తారు. మధు తల్లిదండ్రులు గుడికి వెళతాము అని చెప్పడంతో మ్యాడీ మధుని అయిన రమ్మని అడుగుతాడు. సరే అని మధు వాళ్ళతో బయల్దేరుతుంది.
ఇక నాగవల్లి ఇంట్లో పూజ ఏర్పాట్లు అవుతుంటాయి. అందరూ మ్యాడీ కోసం ఎదురు చూస్తూ ఉంటారు. మ్యాడీ కోసం శ్రేయ ఫోన్ చేస్తుండగా మ్యాడీ మధుతో కలిసి ఇంట్లోకి వస్తాడు. అది చూసి శ్రేయ షాక్‌ అవుతుంది. వసంత ఇంకా నాగవల్లికి చూపిస్తుంది. మధుతో “నిన్నెవరు పిలిచారు? ఎందుకు వచ్చావు?” అని పొగరుగా అడుగుతుంది. మధు ప్రమీల ఆంటీ పిలిచారు అని చెప్పినా, నాగవల్లి మాత్రం కోపంతో ఆమెను చూస్తూనే ఉంటుంది. మ్యాడీ మన ఫ్రెండే కదా ఎందుకు అలా అంటావు అని శ్రేయతో అనగా నాకు ఎం ఫ్రెండ్ కాదు అని శ్రేయ అక్కడి నుంచి విసురుగా వెళ్లిపోతుంది. నాగవల్లి సరే నువ్వు రెడీ అవ్వు అని మ్యాడీకి చెప్పడంతో మ్యాడీ గదిలోకి వెళ్తాడు.
ఇక నాగవల్లి ప్రమీలను పక్కకు పిలిచి, మధుని ఎందుకు పిలిచావు అని అడుగుతుంది. ప్రమీల భయంతో ఇంట్లో పూజ ఉంది కదా ఏదయినా పని చేస్తుంది అని వెళ్లి తీసుకు వచ్చాము అని చెప్తుంది. అయితే మీరు వెళ్లి పిలిచి మేథో తీసుకు రావాలా, ఫోన్ చేస్తే సరిపోతుంది కదా అని అడుగుతుంది నాగవల్లి. నేను అదే చెప్పాను కానీ మ్యాడీనే వాళ్ళ ఇంటికి వెళ్దాం అని ఉత్సాహంగా ఉన్నాడు అని చెప్తుంది ప్రమీల. వాడి సంగతి సరే నువ్వు అత్యుత్సాహం చూపించి నేను చెప్పకుండా ఎం చేయకు అని అక్కడ నుండి వెళ్తుంది నాగవల్లి. మధు మంచిది అని పిలిచాను అయిన తిడుతుంది ఏంటి అనుకుంటుంది ప్రమీల.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “చిన్ని” (JioHotstar). This is a personal written recap and interpretation
