గుండె నిండా గుడి గంటలు Oct 31st, 2025 శుక్రవారం ఎపిసోడ్ : మీనా నగలను మాయం చేసిన మనోజ్ …!!!!
ప్రభావతి బీరువా తలుపు తెరిచి లోపల ఉన్న బంగారాన్ని తీసుకుంటుంది. ఆ సమయంలో సత్యం అక్కడికి వచ్చి ఆమెను ఆపుతాడు. అతను “నీ చేతిలో ఉన్నది ఏమిటి?” అని అడుగుతాడు. ప్రభావతి భయంతో “ఇది నా బ్లౌజ్ ముక్క, కుట్టించుకోవడానికి మనోజ్‌కి ఇవ్వాలనుకున్నాను” అని చెబుతుంది. సత్యం కొంత అనుమానంగా ఉన్నా ఆమె మాటలు విని “సరే, వెళ్ళు” అని అనుమతిస్తాడు. ప్రభావతి కవర్ చేతిలో పట్టుకుని బయటికి వెళ్తుంది.
అపుడే బయట నుండి వస్తున్న మీన కార్ తుడుస్తున్న బాలుతో “మీ కాళ్లు నొప్పిగా ఉన్నాయని చెప్పారు కదా, ఇప్పుడు ఎందుకు పని చేస్తునాన్రు రెస్ట్ తీసుకోకుండా?” అని అడుగుతుంది. బాలు “ కొద్దిగా నిద్రపోవాలని ప్రయత్నించాను, కానీ ఇల్లు, డబ్బు గురించి ఆలోచన పోవడం లేదు అందుకే లేచాను” అని సమాధానమిస్తాడు. అంతలో బాలు మీనానీ “చేపలు తెచ్చావా?” అని అడుగుతాడు తన చేతిలో ఉనన్ కవర్ చూసి. మీన “తెచ్చాను, ఇవి చాలా ఆరోగ్యానికి మంచివి అంట” అని చెప్తుంది. ఇద్దరూ వంట గురించి మాట్లాడుకుంటారు. మీనా “నేను చేపలు వండుతాను” అని చెప్పి ఇంట్లోకి వెళ్తుంది.
అదే సమయంలో అటుగా వచ్చిన ప్రభావతి మీనాని చూసుకోకుండా గుద్దుకుంటుంది. ఇద్దరి చేతుల్లో ఉనన్ కవర్లు కింద పడిపోతాయి. ఇద్దరు చెరొక కవర్ తీసుకుని వెళ్తారు కానీ కవర్లు మారిపోయిన సంగతి తెలుసుకోరు. మీన వెళ్లి కవర్ వంట గదిలో పెట్టి పని చేసుకుంటుంది. ప్రభావతి వెళ్లి కవర్ మనోజ్ కి ఇస్తు బంగారం జాగ్రత్త నేను అరుస్తాను అని అమ్మేయకు ఎవరికీ తెలియక ముందే బంగారం తేసు వచ్చి నాకు ఇవ్వాలి అని హెచ్చరిస్తుంది.మనోజ సరే అని బంగారం కవర్ అనుకుని చేపలు తీసుకుని బయటికి వెళ్తాడు.
ప్రభావతికి వంటగదిలో ఏదో కవర్ కనిపిస్తుంది. ఆమె ఆశ్చర్యపోతుంది — “ఇది నేను మనోజ్‌కి ఇచ్చిన కవర్‌లా ఉంది” అని అనుకుంటుంది. దాన్ని తెరిచి చూస్తే అందులో బంగారం ఉంటుంది. అదే సమయంలో మనోజ్ బంగారం షాప్‌కి వెళ్తాడు. సేటుతో “నాకు నాలుగు లక్షలు కావాలి” అని చెబుతాడు. సేటు కవర్ తెరిచి చూస్తే, అందులో చేపలు ఉంటాయి. సేటు ఆశ్చర్యపడి “ఇది బంగారం కాదు, చేపల కవర్ కదా!” అని అంటాడు. మనోజ్‌కి అర్థమవుతుంది కవర్లు మారిపోయాయని. సేటు “నీ కవర్‌లో చేపలు ఉన్నాయి, బంగారం లేదు” అని అంటాడు. మనోజ్ “తప్పు జరిగింది సార్, కవర్లు మారాయి” అని చెబుతాడు. సేటు “నీకు డబ్బు కావాలంటే నిజమైన బంగారం తీసుకురా” అని అంటాడు.
ఇంట్లో మీనా చేపల కవర్ కోసం వెతుకుతుంది. అక్కడే ఉన్న ప్రభావతిని అడుగుతుంది. అంతలో సత్యం వచ్చి ప్రభావతి చేతిలో ఉన్న కవర్ ని చూసి చెప్తాడు. అపుడు ప్రభావతి ఇది చేపలు కాదు నా బ్లౌజ్ పీసెస్ ఉన్న కవర్ ఇందాక కవర్లు మారిపోయాయి అని చెబుతుంది. మీనా ఆశ్చర్యపడి “మనోజ్ కవర్ తీసుకున్నాడు కాబోలు” అని అంటుంది. అంతలో బాలు వచ్చి నేను వెళ్లి ఇచ్చేసి చేపల కవర్ తెస్తాను అని ఎంత చెప్పిన ప్రభావతి ఇవ్వదు మనోజ్ వస్తాడు అని అంటుంది.
అంతలో మనోజ్ వచ్చి కవర్ తీసుకుని మరోసారి సేటు దగ్గరికి వెళ్తాడు. ఈసారి సరైన కవర్ తీసుకువెళ్తాడు. సేటు కవర్ తెరిచి బంగారం చూస్తాడు. “దీని విలువ రెండు లక్షల పది వేల రూపాయలు మాత్రమే” అని చెబుతాడు. మనోజ్ “నాకు నాలుగు లక్షలు కావాలి, ఇది చాలా అత్యవసరం” అని వేడుకుంటాడు. సేటు “అమ్మితే ఇస్తాను” అని చెబుతాడు. మనోజ్ ప్రభావతి మాటని పక్కన పెట్టేసి అమ్మడానికి అంగీకరిస్తాడు. సేటుని అడిగి బంగారం ఫోటో తీసుకుని, డీల్‌ పూర్తి చేస్తాడు.
ఇంట్లో మీనా చేపల కూర చేస్తుంది. వాసనతో అందరూ వంటగదికి వస్తారు. బాలు సరదాగా “మా అమ్మ వండిన చేపల కూరలో చేపలు కూడా ఏడుస్తాయి” అని అంటాడు. అందరు నవ్వుతూ ఆకలితో తినడానికి డైనింగ్ టేబుల్ దగ్గర కూర్చుంటారు. ప్రభావతి పక్కనే నిశ్శబ్దంగా ఉంటుంది. అంతలో మనోజ్ ఇంటికి వస్తాడు.
ఇక్కడితో ఎపిసోడ్ ముగుస్తుంది — కవర్లు మారడం వల్ల ఏర్పడిన సమస్యతో అందరూ గందరగోళంలో పడతారు, కానీ ఎవరికీ అసలు నిజం ఇంకా పూర్తిగా తెలియదు.
రేపటి ఎపిసోడ్ లో బాలు మీనాతో మాట్లాడుతూ “శీలా డార్లింగ్‌కి బర్త్‌డే గిఫ్ట్‌గా గొలుసు ఇవ్వాలని ఉంది, కానీ డబ్బు లేదు” అని అంటాడు. మీనా “నా బంగారు నగలు ఇంట్లో ఉన్నాయి, వాటిని తాకట్టుపెట్టి డబ్బు తెచ్చుకుందాం” అని చెబుతుంది. ఆ మాటలు మనోజ్ వింటాడు, ప్రభావతికి చెబుతాడు. ప్రభావతి భయపడుతుంది. ఆ నగలు ఎలా అయినా తీసుకురా అని మనోజ్ కి చెప్తూ ఆందోళన పడుతుంది.
రేపటి ఎపిసోడ్ లో బాలు మీనాకి అసలు నిజం తెలుస్తుందో లేదో చూడాలి.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
