గుండె నిండా గుడి గంటలు Nov 4th, 2025 మంగళవారం ఎపిసోడ్ : ఉక్కిరిబిక్కిరి అవుతున్న ప్రభావతి…!!!
🩶 🎁 బాలు – మీనా: బామ్మ పుట్టినరోజు కోసం కానుక
బాలు ఏదో ఆలోచనలో ఉంటాడు. మీనా అడుగుతుంది ఏంటండీ, ఏదో ఆలోచిస్తున్నారు అని బాలు చెప్తాడు “షీలా డార్లింగ్ (బామ్మ) రాబోతుంది కదా, అందుకే.” మీనా నవ్వుతూ అంటుంది అదేం కొత్త విషయం కాదు కదా? అమ్మమ్మ నగరానికి కొత్త కాదు. దాంతో బాలు అంటాడు “అది కాదు మీనా, ఈ రోజుల్లో 75 సంవత్సరాలు బతకడం గొప్ప విషయం. మనం తినే ఆహారం, తాగే నీరు, ఊపిరి తీసుకునే గాలి అన్నీ మారిపోయాయి. ఇంతకాలం బతకడం అదృష్టం. షీలా డార్లింగ్ 75 సంవత్సరాలు ఎలాంటి అనారోగ్యం లేకుండా బతికింది. అందుకే ఈరోజు గుర్తుండిపోయేలా చేయాలని ఉంది.” మీనా కూడా అంగీకరిస్తుంది.
బాలు చెబుతాడు “ఇంతకాలం అమ్మమ్మ నాకోసం చాలా చేసింది. నేను ఏం చేయలేదు. ప్రతి ఏడాది ఆమెకు గిఫ్ట్ ఇవ్వాలనుకున్నా, డబ్బు లేక చేయలేకపోయా. కానీ ఇప్పుడు ఏదో స్పెషల్‌గా ఇవ్వాలి.” దానికి మీనా “గుర్తుందా ఊరికి వెళ్లినప్పుడు అమ్మమ్మ నాకు బంగారం ఇచ్చింది. మనం కూడా ఆమెకు బంగారం గొలుసు ఇస్తే ఎలా ఉంటుంది?” అని అంటుంది. బాలు వెంటనే అంగీకరిస్తాడు కానీ డబ్బు లేదని చెబుతాడు. “ఏదో చేసి కొంటాను” అంటాడు. మీనా సలహా ఇస్తుంది — “ఆమె పుట్టినరోజునే కొందాం. అవసరమైతే అప్పు తీసుకుందాం.” బాలు అడుగుతాడు “అప్పు తీసుకుంటే నీకు అభ్యంతరం ఉండదు కదా?” అని. మీనా ప్రేమగా చెబుతుంది — “మనమంతా ఇది అమ్మమ్మ కోసం చేస్తున్నాం. ఆమె నన్ను ఎంత ప్రేమగా చూసిందో గుర్తుందా? నీకు ఏం చేయాలనిపిస్తే అది నాకు ఇష్టమే ” అని.
💬 మీనా తెలివైన సలహా
బాలు అప్పు కోసం తన మిత్రులను సంప్రదిస్తాడు. కానీ ఎక్కడ అప్పు పుట్టదు. బాలు బాధతో తిరిగి వస్తాడు.డబ్బు రాకపోవడంతో బాలు నిరాశగా మీనాకు చెబుతాడు — “మా బామ్మకు ఇంతకాలం ఏం చేయలేదు. ఈసారి చేయాలనుకున్నా కూడా ఇంత కష్టం వస్తోంది” అని. దాంతో మీనా తెలివిగా చెబుతుంది — “మన దగ్గర నగలు ఉన్నాయి కదా. వాటిని తాకట్టుపెట్టి బంగారు గొలుసు కొనుక్కుందాం. తర్వాత మెల్లగా విడిపించొచ్చు” అని. బాలు ఆ ఆలోచనను అంగీకరిస్తాడు. కానీ — “ఆ నగలు అమ్మ దగ్గర ఉన్నాయి. ఆమెని నేరుగా అడిగితే చాలా మాటలు చెబుతుంది. కాబట్టి నాన్నతో అమ్మని అడిగించాలి” అని నిర్ణయించుకుంటారు.
👨👩👦 సత్యం మధ్యవర్తిగా
బాలు, మీనా ఇద్దరూ సత్యాన్ని కూర్చోబెట్టి విషయం చెబుతారు. సత్యం వారికి అంగీకరిస్తాడు — “సరే, నేను నీ అమ్మతో మాట్లాడుతాను. కానీ నగలు అమ్మకానికి కాదు కదా?” అని అడుగుతాడు. మీనా చెబుతుంది — “ అది అమ్మమ్మకు గిఫ్ట్ కొనడానికి మాత్రమే కావాలి. దానిని అమ్మం ” అని.
బాలు కూడా స్పష్టం చేస్తాడు “కాదు నాన్న, అమ్మమ్మ పుట్టినరోజు కోసం మాత్రమే. నేను ఆ నగలు అమ్మాలనుకోలేదు. కేవలం తాకట్టు పెట్టాలనుకుంటున్నా” అని.
😨 ప్రభావతి, మనోజ్ ఇబ్బందుల్లో
ఈ సంభాషణ మొత్తం మనోజ్ చెవిలో పడుతుంది. అతను బాలు కేవలం నగలు అడుగుతున్నాడని మాత్రమే అనుకుంటాడు. వెంటనే పరుగెత్తి కామాక్షీ ఇంట్లో ఉన్న ప్రభావతికి చెబుతాడు. ప్రభావతి ఆశ్చర్యపోతుంది — “ఆమె వేసుకోనని శపథం చేసింది కదా! ఇప్పుడు బాలు నగలు అడుగుతున్నాడా?”
ఆందోళనతో చెబుతుంది — “ఇప్పుడే ఇంటికి వెళ్తే నీ నాన్న కచ్చితంగా నగలు అడుగుతాడు. నేను ఇవ్వకపోతే గొడవ పడతాడు. ఏమైనా చేసి వాటిని తీసుకురా.” దాంతో మనోజ్ తడబడుతూ చెబుతాడు — “అమ్మా, నేను ఆ నగలు అమ్మేశాను.”
ప్రభావతి షాక్ అవుతుంది — “అమ్మేశావా? నువ్వు నన్ను ముంచేశావ్ రా!” తరువాత అతనిని కొడుతూ — “వెంటనే ఆ షాప్‌కి కాల్ చెయ్! తిరిగి తీసుకురా!” అంటుంది. మనోజ్ షాప్‌కి కాల్ చేస్తాడు. సేటు చెబుతాడు — “ఆ నగలు అప్పుడే కరిగించేశాం” అని. అదే విషయం తిరిగి చెబుతాడు మనోజ్. ప్రభావతి తల పట్టుకుని కూర్చుంటుంది. కామాక్షీ కూడా అంటుంది — “ఇప్పుడు ఏమి చేస్తావ్ వదినా?” అని.
మనోజ్ చెబుతాడు — “అమ్మా, అమ్మే ముందు ఫోటో తీశాను.” ప్రభావతి ఊపిరి పీలుస్తుంది. కామాక్షీ “ఇప్పుడు ఏం చేస్తావ్ వదినా? కొత్తగా బంగారు నగలు చేయిస్తావా?” అని అడుగుతుంది. ప్రభావతి సమాధానమిస్తుంది — “అంత ధైర్యం లేదు. అవి అసలు వేసుకోవడానికి కాదు. కేవలం కవరింగ్ నగలు చేయిస్తాను. మీనా వేసుకుని వెంటనే తీసేస్తుంది. ఆమె శపథం చేసింది కదా.” దాంతో మనోజ్‌ని పంపిస్తుంది — “వెళ్ళి అదే డిజైన్‌లో కవరింగ్ నగలు తెచ్చి పెట్టు.” తెచ్చాక నాకు కాల్ చెయ్యి ఔదే ఇంటికి వస్తాను అని.
తర్వాత ఇంట్లో అందరు భోజనం చేస్తూ ఉండగా బాలు మనోజ్, ప్రభావతి లేరు అని వాళ్ళ మీద సరదాగా జోక్స్ వేసి అందరిని నవ్విస్తూ ఉంటాడు. అది రోహిణికి కోపం తెప్పిస్తుంది. అదే సమయంలో ప్రభావతి మనోజ్ ఇంట్లోకి వస్తారు. మనోజ్ కవరింగ్ నగలను ప్రభావతికి ఇస్తాడు. ఎవరికి తెలియకుండా నగలను ప్రభావతి యథాస్థానంలో పెట్టేస్తుంది.
🏠 రేపటి సన్నివేశం: నిజం బయటపడే సమయం
రేపటి ఎపిసోడ్ ప్రోమోలో బాలు, మీనా ఆ నగలు తీసుకుని బంగారం షాప్‌కి వెళ్తారు. అమ్మమ్మకు గొలుసు సెలెక్ట్ చేస్తారు. తాకట్టు వేయాలనుకుంటే, షాప్‌వారు ఆ నగలు చెక్ చేస్తారు. వెంటనే అంటారు — “ఇవి అసలు బంగారం కావు. కవరింగ్ నగలు!” బాలు, మీనాలను అవమానంగా చూస్తారు — “ఇలా ఎన్ని మందిని మోసం చేస్తున్నారు?” అని నిలదీస్తారు. బాలు, మీనాలు షాక్ అవుతారు. అప్పుడే వారికి అవి నిజమైన నగలు కాదని అర్థమవుతుంది.
బాలు కోపంతో ఇది ఎవరి పని తేలుస్తా అని అంటూ మీనాను తీసుకుని ఇంటికి వెళ్తాడు.
అప్పటికే ప్రభావతి, మనోజ్‌లు భయంతో వణికిపోతుంటారు. “కారు వచ్చి ఆగింది” అంటాడు మనోజ్.
ప్రభావతి వణుకుతూ — “నా చావు వచ్చిందిరా!” అంటుంది.
ఇక్కడే సీన్ కట్ అవుతుంది.
ఇక ముందు బాలు ఏం చేయబోతున్నాడు, ఇంట్లో ఎలాంటి రచ్చ జరుగుతుందో తదుపరి భాగంలో తేలుతుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
