గుండె నిండా గుడి గంటలు Nov 5th, 2025 బుధవారం ఎపిసోడ్ : నకిలీ నగలతో బాలు, మీనాలను మోసం చేసిన ప్రభావతి
బంగారం కోసం చర్చ
ఎపిసోడ్ ప్రారంభంలో బాలు, మీనా తమ బంగారం గురించి అడిగారని మనోజ్ చెప్పడంతో ప్రభావతి, మనోజ్ కలిసి నకిలీ నగలు తీసుకుని ఇంటికి వస్తారు. వారు ఇంట్లోకి రాగానే రోహిణి ప్రభావతి, మనోజ్ లను “మీరు ఎక్కడికి వెళ్లారు?” అని అడుగుతాడు. మనోజ్ “నేను డీలర్‌ దగ్గరకి వెళ్లాను.” అని సమాధానం ఇస్తాడు. రోహిణి వెంటనే ప్రశ్నిస్తుంది “మరి అత్తయ్య?” అని. “ఆమె బయట ఉంది,” అంటాడు మనోజ్.
ప్రభావతి స్వరం కొంచెం పెంచుతూ “ఎందుకు అడుగుతున్నారు?” అని అడిగినప్పుడు సత్యం మాట్లాడుతూ “సరే వదిలేయండి, నేను నిన్ను ఒక విషయం అడగాలనుకుంటున్నాను,” అంటాడు. “ఏంటో అడగండి ,” అని ప్రభావతి చెబుతుంది. వెంటనే మీనా బంగారం గురించి అడుగుతాడు సత్యం. దానికి ప్రభావతి, మనోజ్ ల మొఖాలు మారిపోతాయి. బాలు గమనించి ఏంటి మీ ముఖచిత్రాలు మారిపోయాయి అని అడుగుతాడు. ప్రభావతి చిరాకు పడుతుంది. బాలు “ఏంటి? మీనా బంగారం గురించి అడిగితే నీకు ఎందుకు అంత కోపం వస్తుంది?” అని ప్రశ్నిస్తాడు.
అంతలో సత్యం “ప్రభా! నిన్నే అడుగుతున్నాను. మీనా బంగారం గురించి. ఎక్కడ ఉన్నాయి?” అని అంటాడు. ప్రభావతి కాస్త వ్యంగ్యంగా “ఆభరణాలు ఎక్కడ ఉంటాయి? వాటికి రెక్కలున్నాయా, కాళ్లున్నాయా?” అని తిప్పి అడుగుతుంది. ప్రభావతి స్పష్టతతో “నేను వాటిని అల్మారాలో ఉంచాను,” అని చెప్పగానే సత్యం “సరే, వెళ్లి వాటిని తీసుకురా” అని ఆదేశిస్తాడు.
ప్రభావతి ఆశ్చర్యంగా “ఇప్పుడు ఎందుకు?” అని అడుగుతుంది. సత్యం సమాధానంగా బాలు మీనా అడిగారు అని చెప్తాడు. తిరిగి ఇపుడు ఎందుకు అంట అని ప్రశ్నిస్తుంది ప్రభావతి. అది నీకు ఎందుకు వాళ్ళ నగలు వాళ్ళకి తెచ్చి ఇవ్వు అని అడుగుతాడు సత్యం. అంతలో మనోజ్ “అదేంటి వేసుకోను అని శపథం చేసారుగా ఎందుకు అడుగుతున్నారు ” అని అంటాడు. శృతి మీరు ఎందుకు మాటాడుతున్నారు మనోజ్ మీకు ఆ నగలకు ఏంటి సంబంధం అని అడుగుతుంది.
అంతలో బాలు కూడా మనోజ్ తో నీకు ఎందుకు రా అని అంటాడు. రోహిణి కూడా మనోజ్ ని సైలెంట్ గా ఉండమని చెప్తుంది. సత్యం ప్రభావతి తో ఎందుకు ఆలా అంటున్నావు అని అడగగా ప్రభావతి ” నేను ఏం అంటునాన్ను. అదేగా వద్దు అని తీసి ఇచ్చి శపథం చేసింది. ఇపుడు ఏం మొహం పెట్టుకుని అడుగుతుంది” అని అంటుంది. మీనా సమాధానమిస్తూ ” నా మొహం పెట్టుకునే అడుగుతున్నా. ఇపుడు కూడా నేను వేసుకోవడానికి కాదు. నేను శపథం చేసినట్టు మా ఆయన తెచ్చినపుడే వేసుకుంటాను” అని అంటుంది.
అంతలో బాలు మనోజ్ ని ఉద్దేశించి “వీడేంటీ తేలుకుట్టిన దొంగలా చూస్తున్నాడు? ఇద్దరూ కలిసి ఏమైనా చేశారా?” అని అనుమానంగా అంటాడు. ప్రభావతి ఒక్కసారిగా బిత్తరపోతుంది. మనోజ్ ఆందోళనగా “రేయ్, నన్ను ఎందుకురా కలుపుతావ్?” అంటాడు. బాలు చురకగా “నిన్నే అనుమానించాల్సింది. నా భార్య బంగారం మింగేశావేమోనని నా డౌట్,” అని అంటాడు. వెంటనే మనోజ్ కోపంగా “అమ్మా, వీడు నన్ను అనుమానిస్తున్నాడు. వెళ్లి ఆ బంగారం తీసుకురా,” అని అంటాడు.
ప్రభావతి కోపంగా, కానీ లోపల భయపడి, “మీకు బంగారమే కదా కావాల్సింది, ఇప్పుడే తెస్తాను,” అని చెబుతుంది. కొద్ది సేపటికి ప్రభావతి నకిలీ నగలు తెచ్చి అందిస్తుంది.
మీనా అనుమానం – ప్రభావతి మాయ మాటలు
మీనా ఆ నగలను గమనించి “ఇవి ఇంత కొత్తగా మెరిసిపోతున్నాయేంటీ?” అని అనుమానంగా అడుగుతుంది. ప్రభావతి అతి సున్నితంగా కవర్ చేస్తూ “నీ వొంటి మీద నుండి తీసి ఇచ్చావు కదా టూత్ పేస్ట్ తో శుభ్రంగా కడిగి ఉంచాను,” అని సమాధానం ఇస్తుంది.
బాలు త్వరగా “సరే, పదా మీనా వెళ్దాం,” అంటాడు. ప్రభావతి కంగారుగా “బంగారం తీసుకుని ఎక్కడికి?” అని అడుగుతుంది. వెంటనే సత్యం కోపంగా “కరిగించి టాబ్లెట్స్‌లా మింగేస్తారు, నీకు దానికీ సంబంధం లేదు” అని, “మీరు వెళ్ళండి బాలు” అని అంటాడు.
బాలు, మీనా అక్కడినుంచి బంగారం తీసుకుని బయటకు వెళ్తారు. ప్రభావతి భయంతో వారిని చూసి నిశ్చేష్టంగా నిలబడిపోతుంది. శ్రుతి దానిని గమనించి “ఏమో, ఏదైనా ఫంక్షన్ ఉండి ఉంటుంది,” అని అంటుంది. కానీ మనోజ్, ప్రభావతీ మాత్రం ఒకరినొకరు చూసుకుంటూ గుసగుసలాడుతూనే ఉంటారు. గేటు దగ్గర కాపలా కాస్తూ, బాలు, మీనా ఎప్పుడు వస్తారో అని ఎదురుచూస్తూ కంగారుగా ఉంటారు.
బాలు, మీనా కి బంగారం షాపులో అవమానం
మరోవైపు బాలు, మీనా బంగారం షాప్‌కి వెళ్తారు. ఒక షాప్ కి వెళ్తూ బాలు మీనా తో ఇది మంచి షాపేనా, మంచి డిజైన్స్ ఉంటాయా అని అడుగుతాడు. మీనా దానికి బదులిస్తూ మనకి తెలిసిన వాళ్ల షాపు ఇది, నేను మన పెళ్ళికి ఇక్కడే బంగారం తీసుకున్నాను అని చెప్తుంది. అలానే నేను వేళ్ళకి పూలు కూడా వేస్తున్నాను అంటుంది. బాలు మీనాతో “బాగుంది. వీళ్ళ దగ్గరే కొని వీళ్ళ దగ్గరే తాకట్టు పెడుతున్నాము” అని అంటాడు. లోపలకి వెళ్ళగానే, ఓనర్ బావమరిది వారిని పలకరిస్తూ “ఓనర్ మా బావగారు బయటకి వెళ్లారు, కానీ మీరు కూర్చోండి,” అంటాడు.
బాలు, మీనా బామ్మకి గొలుసు సెలెక్ట్ చేయడం మొదలుపెడతారు. సెలెక్ట్ చేసాక మీనా షాపు వాళ్ళకి చెప్తూ “డబ్బు లేదు కాబట్టి మా దగ్గర నగలు ఉన్నాయ్ అవి కొదవు పెడతాము” అని అంటుంది. బాలు వెంటనే మీనా బంగారం అతడికి ఇస్తాడు. అతను విలువ చూసేందుకు చెక్ చేయిస్తాడు. కొద్ది సేపటికి జువెలరీ వర్కర్ వచ్చి “సార్, ఇవి అసలు బంగారం కావు. కవరింగ్ జువెలరీలాగా ఉన్నాయి” అని చెప్తాడు.
అది విని బాలు, మీనా ఆశ్చర్యపోతారు. బాలు “ఏమంటున్నారు మేము మా ఇంట్లో నుండి బంగారమే తెచ్చాము” అని అంటాడు. షాప్ ఓనర్ బావమరిది తీవ్రంగా “మీరు నకిలీ నగలు తెచ్చి బంగారం తాకట్టు పెట్టాలని ప్రయత్నిస్తున్నారా?” అని అడుగుతాడు. మీనా తడబడుతూ “మేము మోసం చేయడం లేదు. ఇవే మా బంగారం,” అని చెబుతుంది. “అవీ కవరింగ్ జువెలరీలు. మీరు పెద్ద బిల్డ్ అప్ ఇచ్చి మోసం చేస్తున్నారా?” అని జువెలర్ కఠినంగా అంటాడు. బాలు కోపంగా “మేం తెచ్చిన అసలు బంగారాన్ని మార్చేసి మమ్మల్ని దొంగలుగా చేస్తున్నావు!” అని అంటాడు. జువెలర్ హెచ్చరిస్తూ “పోలీసులకు కాల్ చేయండి,” అంటాడు. మీనా భయపడుతూ “దయచేసి వేచి ఉండండి. మేము మోసం చేయాలనుకోలేదు,” అని చెబుతుంది. బాలు ఆవేశం తో షాపు వాళ్ళతో గొడవ పడుతుంటే మీనా ఆపుతుంది.
ఇంతలో షాప్ ఓనర్ వస్తాడు. అతను బాలు, మీనాలను చూసి అసలు విషయం తెలుసుకుని “వీళ్ళు నాకు తెలుసు. వీళ్లు అలాంటి వారు కారు. ఎక్కడో పొరపాటు జరిగి ఉంటుంది,” అని చెబుతాడు. అతని మాటలు విని జువెలర్ పోలీసులకు కాల్ చేయకుండా వదిలేస్తాడు. షాపు ఓనర్ మీనాతో ఈసారి చూసుకుని అసలు బంగారం తీసుకు రమ్మని చెప్తాడు. అది విని సరే అనుకుని మీనా, బాలు షాపు నుంచి బయలుదేరుతారు. బాలు తట్టుకోలేక నేను షాపు కి వెళ్లి మనోజ్ కి నాలుగు తగిలించి అసలు విషయం తేలుస్తాను అని అంటాడు. మనోజ్ ని ఎందుకు కొడతారు అని మీనా అడిగితే మన ఇంట్లో ఇలాంటి పనులు చేసేది వాడే, కాబట్టి వాడే మా అమ్మ దగ్గర నుండి మన నగలను మాయం చేసేసి ఇవి పెట్టేసి ఉంటాడు అని చెప్తాడు.
బాలు ఆవేశానికి బ్రేక్ వేసిన మీనా
మీనా ఆపి “బామ్మగారి పుట్టినరోజు ముందు గొడవ మంచిది కాదు, ఇవాళ ఇంట్లో ఏం గొడవ చేయొద్దు అమ్మమ్మ బాధ పడతారు” అని చెబుతుంది. బాలు కొంత సేపు మౌనంగా ఉంటాడు. మీనా చేతిపై చెయ్యి పెట్టి “ఒట్టు పెట్టండి, మీరు ఇప్పుడే వెళ్లి ఎవరినీ ఏమి అడగను” అని అంటుంది. బాలు సమాధానంగా “నువ్వు ఒట్టుపెట్టుకున్నావ్ కాబట్టి రెండు రోజులు ఆగుతాను. బామ్మ వెళ్లిపోయాక వాళ్లను నేను వదిలిపెట్టను, ఈ విషయంలో నిజాన్ని బయటికి రాబట్టాల్సిందే ” అని చెబుతాడు. మీనా ఊపిరి పీల్చుకుంటుంది.
భయంతో వణికిపోతున్న ప్రభావతి
ఇక ఇంట్లో అందరు అమ్మమ్మ పుట్టిన రోజు కోసం ఏర్పాట్లు చేస్తూ ఉంటారు. ప్రభావతికి మాత్రం మనసులో భయం పెరుగుతూ ఉంటుంది. బాలు, మీనా ఎప్పుడు తిరిగి వస్తారో అని గుమ్మం దగ్గరే అటు ఇటు తిరుగుతూ కంగారు పడుతుంది. మనోజ్ వచ్చి ఏమైంది ఇక్కడ ఉన్నావ్ అని అడుగుతాడు. నీ వల్లనే నాకు ఈ గతి పట్టింది అని, ఇపుడు బాలు అసలు విషయం తెలుసుకుని వస్తే నన్ను రోడ్ మీద నిలబెడతాడు అని మనోజ్ ని తిడుతుంది ప్రభావతి. దానికి మనోజ్ ఆందోళనతో “వాళ్లు వస్తే ఏం చెబుతాం?” అని అడుగుతాడు. ప్రభావతి మాత్రం మనోజ్ ని తిడుతూ భయాన్ని తట్టుకోలేక గేటు దగ్గర కాపలా కాస్తూనే ఉంటుంది.
ఇంతటితో ఈ ఎపిసోడ్ ముగుస్తుంది.
రేపటి ఎపిసోడ్ ప్రోమోలో బామ్మ పుట్టినరోజు కోసం ఇంటిని అలంకరిస్తూ ఉంటారు. ప్రభావతి బయటికి వెళ్లకుండా లోపలే ఉంటుంది. కార్ లో బామ్మ రాగానే హారతి ఇవ్వడానికి మీనా ముందుకు వస్తుంది. కానీ దారిలో ప్రభావతి అడ్డుపడుతుంది. “మీనా, హారతి రోహిణీ ఇవ్వాలి. నువ్వు వెనక్కి ఉండు,” అని ప్రభావతి ఆదేశిస్తుంది. మీనా కంగారుగా నిలబడిపోతుంది. గుమ్మం దగ్గర మీనా లేదని గమనించి బామ్మ మీనా గురించి అడుగుతుంది. ప్రభావతి రోహిణి, శృతి హారతి ఇస్తారు అని చెప్తుంది. బాలు వెంటనే ఈ హారతి పళ్లెం మీనానే సిద్ధం చేసి ఉంటుంది. మధ్యలో మా అమ్మే అది తీసుకుని వీళ్ళకి ఇచ్చేసి ఉంటుంది అని అంటాడు. సుశీలమ్మ కూడా నాకు తెలుసురా అది అని అంటుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
