గుండె నిండా గుడి గంటలు Nov 7th, 2025 శుక్రవారం ఎపిసోడ్: షీలా డార్లింగ్ ఇచ్చే రిటర్న్ గిఫ్ట్ కోసం కుటుంబ సభ్యుల ప్లాన్లు… !!!!
సుశీలమ్మ పుట్టినరోజు ఏర్పాట్లు
సత్యం, ప్రభావతి కుటుంబం సుశీలమ్మ పుట్టినరోజు సందర్భంగా పెద్ద ఏర్పాట్లు చేస్తారు. ఇంట్లో అలంకరణలు, కేక్, బెలూన్లు అన్నీ సిద్ధం అవుతాయి. ఇంటికి చేరుకున్న సుశీలమ్మకు హారతి ఇచ్చి ఇంట్లోకి ఆహ్వానిస్తారు. మీనా సుశీలమ్మను లోపలికి తీసుకెళ్లి డెకరేషన్ మొత్తం చూపిస్తుంది.
ఇది చూసి సుశీలమ్మ సంతోషంగా ఉంటుంది. కానీ ప్రభావతి పక్కనే “ఇది నేనే చేయించాను” అని చెప్పుకుంటుంది. దానికి సుశీలమ్మ తేలికగా “ఎక్కడో వరదలు వచ్చేలా ఉన్నాయి” అని సెటైర్ వేస్తుంది. బాలు కూడా ప్రభావతిని చూసి వెటకారంగా నవ్వుతాడు.
సుశీలమ్మ అందరికి సవాల్
ఈ ఏర్పాట్లు అన్ని ఎందుకు అని సుశీలమ్మ అడగగా సత్యం “నీకు ఇపుడు 75 సంవత్సరాలు. జీవితంలో ఎన్నో చూసి ఉంటావు. అలాంటి నీకు ఈ మాత్రం వేడుక జరపడం మాకు ఎంతో సంతోషం” అని చెప్తాడు.
శృతి అపుడే “గ్రానీ నీకు 75 సంవత్సరాలు అంటే నమ్మలేము. ఇప్పటికి ఎంతో అందంగా ఉన్నావు ఏంటి నె అందం రహస్యం ” అని అడుగుతుంది. సుశీలమ్మ ఎప్పుడూ సంతోషంగా ఉండటం, ఇది అందం కాదు మనసు ఆనందంగా ఉండటం వాళ్ళ మొహంలో ఉండే కళ అని చెప్తుంది. దానికి రోహిణి మీరు చాలా చలాకీగా కూడా ఉంటారు అమ్మమ్మ దాని రహస్యం ఏంటి అని అడుగుతుంది. నేను తిని కూర్చోకుండా ఇంటి పని, వంట పని ఇంకా పొలం పనులు కూడా చేస్తుంటాను అందుకే ఇంకా ఆరోగ్యంగా ఉండగలుగుతున్నాను అని చెప్తుంది. లేదంటే మీ అత్త లా అయ్యేదాన్ని అని ప్రభావతి మీద సెటైర్ వేస్తుంది.
అంతలో సత్యం అమ్మ మీ కోసం మీ మనవాళ్ళు మనవరాళ్లు వేడుకలు బాగా ఘనంగా ప్లాన్ చేసారు అని చెప్తాడు. అందరినీ పక్కకు కూర్చోబెట్టి సుశీలమ్మ చెబుతుంది, “మీకోసం నేను ఒక ప్లాన్ చేశాను. మీరు అందరూ నాకు బహుమతి తెస్తారని నాకు తెలుసు. కానీ నా మనసుకు నచ్చిన బహుమతి ఇచ్చిన వారికి నేను ఊహించని బహుమతి ఇస్తాను. అలా అని కొండమీద కోతిని తెమ్మని అనడం లేదు. నా మనసుకి నచ్చేది, మీ మనసు తెలిసేలా చేసేది ఏదో ఒకటి ఇవ్వండి” అని చెబుతుంది.
ఆమె మాటలు విన్న వెంటనే అందరూ ఆలోచనలో పడతారు. రోహిణి, మనోజ్ ఉత్సాహంగా మాట్లాడుకుంటారు. ప్రభావతి మాత్రం ఆ రిటర్న్ గిఫ్ట్ తనదే కావాలని మనసులో నిర్ణయించుకుంటుంది. బాలు నవ్వుతూ “మనసు లేని వాళ్లకు మనసుకి నచ్చే బహుమతి ఏం తెలుస్తుందిలే” అని అంటాడు.
ఇంకా అందరు ఆ బహుమతి కోసం రక రకాలుగా ప్లాన్ చేసుకుంటారు.
సత్యం – ప్రభావతి
ప్రభావతి ఆ బహుమతి ఏం అయ్యి ఉంటుంది అని గదిలో పచార్లు చేస్తూ ఆలోచిస్తుంటుంది. ఎలా అయినా అది నేనే పొందాలి అని అనుకుంటుంది. అపుడే గదిలోకి వచ్చినా సత్యంతో “మీ అమ్మగారికి ఏం బహుమతి ఇస్తున్నారు?” అని అడుగుతుంది. సత్యం “మా అమ్మ గురించి నువ్వే మాట్లాడుతున్నావా?” అని సెటైర్ వేస్తాడు. దానికి ప్రభావతి “ఎంత అయినా మీకు జన్మనిచ్చిన తల్లి కదండీ. అందులోను 75 వ పుట్టినరోజు కదా. మనం మంచి బహుమతి ఇవ్వాలి అండీ ” అని లేనిపోని ప్రేమని చూపిస్తుంది. సత్యం ప్రభావతి మనసుని తెలుసుకొని “ఇది అంత మా అమ్మ ఇచ్చే రిటర్న్ గిఫ్ట్ కోసమే అని నాకూ తెలుసు. లేదంటే ఎపుడు అయినా ఒక ఫోన్ చేసి ఎలా ఉన్నావు అయినా అడిగావా” అని అంటాడు. మళ్లీ తానే “ఆమె ఎక్కువ ఖర్చు చేయొద్దని చెప్పింది కదా,” అని జోడిస్తాడు.
ప్రభావతి “అయినా నేను ఏదైనా సొంతంగా కొంటాను” అని చెబుతుంది. సత్యం “నిజంగానే చెబుతున్నావా?” అని చమత్కరిస్తాడు. ప్రభావతి మాత్రం గంభీరంగా “అత్తగారికి ఖరీదైన బహుమతి ఇస్తాను” అని మనసులో నిర్ణయించుకుంటుంది.
మనోజ్ – రోహిణి
మరో వైపు మనోజ్ కూడా బామ్మ ఏం ఇస్తుందా అని అదే పనిగా ఆలోచిస్తుంటాడు. రోహిణి దేని గురించి ఆలోచిస్తున్నావు అంటే బామ్మ ఏం ఇస్తుందా అని చెప్తాడు. రోహిణి నాకు ఏం తెలుస్తుంది మీ బామ్మ కదా నీకే తెలియాలి అనడంతో ఆలోచించి మనోజ్, “మా బామ్మ చిన్నప్పటి నుంచే పోటీలు పెట్టి గెలిచినవారికి బహుమతులు ఇస్తుండేది” అని గుర్తు చేసుకుంటాడు. రోహిణి “నువ్వు ఎప్పుడూ గెలవలేదు కదా” అని అంటుంది.
మనోజ్ “ఈసారి గెలుస్తా. ఆవిడ మనసుకి నచ్చే బహుమతి ఇస్తా” అని చెబుతాడు. రోహిణి “బామ్మను నేను అందంగా మేకప్ చేసి రెడీ చేస్తే ఎలా ఉంటుంది?” అని అడుగుతుంది. మనోజ్ “ఆవిడకు నచ్చుతుందా?” అని అనగానే రోహిణి “ఇప్పట్లో పల్లెటూర్లవాళ్లే బాగా రెడీ అవుతున్నారు, నగరాల్లో ఐతే రోజు అంత జుట్టు ముడేసి నైటీతో ఉంటారు” అని నవ్వుతుంది.
మనోజ్ తలుచుకుంటూ “ఆవిడ చిన్నప్పుడు తన భర్త ఇచ్చిన పగడాల దండ పోయిందని బాధపడింది. అదే దండ మళ్లీ ఇస్తే సంతోషపడుతుంది” అని చెబుతాడు. రోహిణితో మనం కొన్న చీర రిటర్న్ ఇచ్చి ఆ దండ కొనాలనుకుంటాడు. రోహిణి మనోజ్ ని తిట్టి చీర రిటర్న్ తీసుకోరు వెళ్లి దండ కొను అని చెప్తుంది.
రవి – శ్రుతి
రవి, శృతి కూడా బామ్మ కి నచ్చేలా ఏమి ఇవ్వాలా అని ఆలోచిస్తూ ఇద్దరినీ రకరకాల పేర్లతో పిలుచుకుంటూ సరదాగా మాట్లాడుకుంటారు. చివరికి రవి “బామ్మకు నచ్చిన కేక్ చేస్తే బాగుంటుందా?” అని అడుగుతాడు. శ్రుతి “బామ్మ కి షుగర్ ఉంది కదా షుగర్ లెస్ కేక్ చెయ్యి” అని అంటుంది. రవి దానికే ఒప్పుకుంటాడు.
బాలు – మీనా
బాలు “ఇంట్లో అందరూ బహుమతి గురించి మాట్లాడుకుంటున్నారు, కానీ నేను ఏం చేయాలో అర్థం కావడం లేదు. బంగారు గొలుసు కొందాము అంటే డబ్బు లేకుండా పోయింది. ఇలా అయితే ఆ బహుమతి మనకి దక్కేలా లేదు” అని అంటాడు. మీనా “అమ్మమ్మ ప్రేమ మనకే ఎక్కువ దక్కింది. బహుమతి మనకి రాకపోయినా పర్లేదు” అని సమాధానం ఇస్తుంది.
బాలు బాధతో “అందరికి అది ఒక విలువైన బహుమతి. కానీ నాకు మాత్రం అది ఎప్పటికి దాచుకునే మంచి జ్ఞాపకం” అని అంటాడు. దానికి మీనా “మీరు అందరి కంటే ఎక్కువగా అమ్మమ్మ దగ్గర పెరిగారు కదా అక్కడ మీకు అలాంటి మంచి జ్ఞాపకాలు చాలానే ఉంటాయి ” అని అంటుంది.
బాలు నిట్టూర్చి “నా వల్ల ఖరీదైన బహుమతి ఇవ్వడం సాధ్యం కాదు. ఆ కవరింగ్ నగలు గుర్తొస్తే కోపం వస్తుంది. ఇంట్లో ఉంటే నోరు జారతాను ఏమో . బామ్మ కేక్ కటింగ్ టైమ్‌కి వస్తాను” అని చెబుతూ బయలుదేరతాడు. సుశీలమ్మ “ఇంత హంగామా జరుగుతుంటే ఎక్కడికి?” అని అడుగుతుంది కానీ బాలు ఆగకుండా వెళ్తాడు. సత్యం కూడా ఆపలేడు.
గిఫ్ట్ కోసం కామాక్షికి ఫోన్ చేసిన ప్రభావతి
తర్వాత ప్రభావతి కామాక్షికి కాల్ చేస్తుంది. ప్రభావతి వెంటనే “మా అత్తయ్య వచ్చారు. ఆవిడ పుట్టినరోజు. అందుకే ఆమెకి నచ్చిన బహుమతి ఇచ్చిన వాళ్ళకి ఎదో మంచి బహుమతి ఇస్తుంది అంట. అది ఎలా అయినా నేనే తీసుకోవాలి. బాలు మీనా లకి దక్కనివ్వకూడదు” అని చెబుతుంది. కామాక్షి “మరి ఏం కొంటున్నావ్ అంత గొప్పగా ” అని అడుగుతుంది.
ప్రభావతి “నా దగ్గర డబ్బులు లేవు. అందుకే మీ ఇంట్లో ఖాళీగా కొన్ని సామాన్లు ఉన్నాయి కదా. నీ దగ్గర రెండు టీవీలు ఉన్నాయి కదా, ఒకటి వాడడం లేదు అన్నావు. అదే తీసుకురా. నేను ప్యాక్ చేసి మా అత్తగారికి బహుమతిగా ఇస్తాను” అని చెప్తుంది. కామాక్షి ఆశ్చర్యంగా “టీవీనా?” అని అడుగుతుంది. ప్రభావతి “అవిడకి నచ్చుతుంది. రిటర్న్ గిఫ్ట్ వచ్చిన తర్వాత సగం నీకు ఇస్తాను” అని చెబుతుంది. కామాక్షి చివరికి ఒప్పుకుంటుంది.
అంతటితో ఈ ఎపిసోడ్ ముగుస్తుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
