గుండె నిండా గుడి గంటలు Nov 14th, 2025 శుక్రవారం ఎపిసోడ్: బామ్మకి మర్చిపోలేని గిఫ్ట్ ఇచ్చిన బాలు … !!! రిటర్న్ గిఫ్ట్ లో ఏముందో … ???
ఎపిసోడ్ ప్రారంభంలో సుశీలమ్మ ఇంట్లో పుట్టినరోజు వేడుకల కోసం అందరూ ఎదురు చూస్తుంటారు. ఇంట్లో అంతా కేక్ కట్ చేయమని బామ్మని అడుగుతారు కానీ సుశీలమ్మ మాత్రం బాలు రాకుండా కేక్ కట్ చేయను అని గట్టిగ చెప్తుంది. అంతలో ప్రభావతి, మనోజ్ బాలు గురించి తక్కువ చేసి మాట్లాడతారు. ఎక్కడో తాగేసి ఉంటాడు అని తెల్లారాక తూలుతూ వస్తాడు అని ఎగతాళిగా మాట్లాడతారు. దానికి మీనా కోపంగా “ఇంకా ఆపండి. ఆయన ఎక్కడికి వెళ్ళాడో ఎందుకోసం వెళ్ళాడో ఎవరు ఎం చేసారో నేను చెప్తే ” అని మతాల మధ్యలో ఆగిపోతుంది. అది చూసి ప్రభావతి, మనోజ్ కొంచం భయంగా చూస్తారు నగల విషయం బయట పడుతుంది ఏమో అని.
బాలు ఇంకా ఇంటికి రాలేదని, అతని రాక ఆలస్యమవడంతో ప్రభావతి, మనోజ్ ఇద్దరూ “వాడు రాకపోతే ఏంటి? కేక్ కట్ చేయండి” అని బామ్మను ఒత్తిడి చేస్తారు. సుశీలమ్మ మాత్రం కొంచెం ఆందోళనతో “బాలు ఎక్కడికి వెళ్లాడు? ఫోన్ కూడా స్విచ్ ఆఫ్ అవుతోంది, ఏం జరిగిందో?” అని మీనాను అడుగుతుంది. మీనా ఏమీ చెప్పకముందే రవి మధ్యలోకి వచ్చి, “బామ్మ, మీరు అనవసరంగా టెన్షన్ పడొద్దు. అన్నయ్య కూడా మా లాగానే ఏదైనా గిఫ్ట్ కొనడానికి వెళ్లి ఉంటాడు. కాసేపు వేచి చూద్దాం” అని చెప్తాడు.
కానీ మనోజ్ మాత్రం ఎగతాళిగా “కొంటాడు కొంటాడు… ఏదో ఫుట్‌పాత్ మీద దొరికినవాటిని బేరం చేస్తూ ఉంటాడు” అని బాలుని హేళన చేస్తాడు. ఆ మాట మీనా తట్టుకోలేదు. కోపంతో “మీరు అత్తగారింటి సొమ్ముతో వ్యాపారం చేస్తున్నారు, మీరు కూడా మాట్లాడుతున్నారా? ఏ రోజైనా భార్యకు ఒక మూర మల్లెపూలు అయినా తెచ్చారా?” అని తేలిగ్గా అడుగుతుంది.
దాంతో రోహిణి మధ్యలోకి వచ్చి “మా ఆయనను ఎందుకు లాగుతున్నావు?” అని అడుగుతుంది. మీనా వెంటనే “ఇది మా విషయం, మీ ఆయన మా ఆయనను ఎందుకు లాగుతున్నాడు?” అని గట్టిగా సమాధానం ఇస్తుంది.
ఆ సమయంలో శృతి కూడా మీనాకు మద్దతుగా నిలిచి, “ఎవరైనా తమ భర్తను తిడుతుంటే, ఆంటీలా సైలెంట్‌గా ఉంటారా?” అని సెటైర్ వేస్తుంది. సమయం గడుస్తున్నా బాలు రాకపోవడంతో సత్యం మీనాను “బాలుకి ఫోన్ చేశావా?” అని అడుగుతాడు. మీనా సమాధానమిస్తూ, “ఫోన్ చేశాను మామయ్య, కానీ ఫోన్ స్విచ్ ఆఫ్ వస్తోంది.” అని అంటుంది.
ప్రభావతి మధ్యలో చొరవ చూపి “అప్పు పుట్టక ఎక్కడో కూర్చొని ఉంటాడు” అని తేలికగా అంటుంది. మీనా మాత్రం ఆపుకోలేక “మీ పెద్ద కొడుకులా గుడి ముందు అడుక్కోవడానికి అయితే వెల్లరులే” అని చురుకుగా సమాధానం ఇస్తుంది.
సుశీలమ్మ ఇప్పుడు కొంచెం భయంతో “ఇంతవరకు బాలు రాకపోవడం కాస్త ఆశ్చర్యంగా ఉంది” అని ఆందోళనగా అంటుంది. వెంటనే మీనా ఆమెను సమాధానపరుస్తూ, “మీరు అనవసరంగా టెన్షన్ పడకండి బామ్మగారు, బాలు ఎక్కడికైనా వెళ్లినా క్షేమంగానే వస్తాడు” అని చెప్తుంది.
అంతలో మనోజ్ మళ్లీ మధ్యలో కలగజేసుకుని “బామ్మ, బాలు వచ్చేంతవరకూ మా గిఫ్ట్ అయినా తీసుకోండి” అని ఒత్తిడి చేస్తాడు. బామ్మ బలవంతంగా అంగీకరిస్తుంది.
మనోజ్ ముందుగా వచ్చి పగడాల హారాన్ని బామ్మకు అందిస్తాడు. “ఇది నా గిఫ్ట్” అని చెప్తాడు. బామ్మ దానికి ఆచం అలాంటిదే పోయింది నది అనడంతో కామాక్షి ఇది కూడా నువ్వే మింగేసావా అని సెటైర్ వేస్తుంది మనోజ్ మీద. ఆ తర్వాత రవి ముందుకు వచ్చి, “నేను మీ కోసం స్పెషల్‌గా ఈ కేక్ తయారు చేశాను, తర్వాత నా బేకరీలో ఈ కేక్‌ను ప్రారంభించబోతున్నాను” అని చెప్తాడు. బామ్మ చిరునవ్వుతో చూస్తుంది.
తర్వాత శృతి బహుమతిగా స్మార్ట్‌ఫోన్ ఇస్తుంది. బామ్మ కొంచెం భయంగా “నాకది వాడటం రాదు” అన్నప్పుడు, శృతి “నేర్పిస్తాను అమ్మమ్మ, కంగారు పడకండి” అని నవ్వుతూ చెప్తుంది. ప్రభావతి కూడా తన బహుమతిని చూపిస్తూ, “అత్తయ్య, నేను మీ కోసం పెద్ద టీవీ తీసుకున్నాను” అని చెప్పి ఇస్తూ ఫోటో తీయమని అడుగుతుంది.
తర్వాత పార్వతి బామ్మ కోసం చీర గిఫ్ట్‌గా తీసుకొచ్చి సుమతితో ఇప్పిస్తుంది. ప్రభావతి దానిని తేలికగా తీసుకుంటూ “ఇది 200 లా, 300లా?” అని ఎగతాళి చేస్తుంది. బామ్మ మాత్రం నాకు బాగా నచ్చింది అని చెప్తుంది. రోహిణిని చూసి కామాక్షి “నువ్వేం గిఫ్ట్ తీసుకురాలేదా?” అని అడుగుతుంది. ఆమె “నేను బామ్మకు మేకప్ చేశా” అని అనడంతో కామాక్షి ” అది అందరికంటే బెటర్ — ఖర్చులేని గిఫ్ట్” అని నవ్వుతూ అంటుంది.
ఇంతలో పార్వతి, సుమతి లేటవడంతో “ఇంకా మేము వెళ్తాము” అని చెప్పి వెళ్లిపోతారు. ప్రభావతి ఇప్పుడు మళ్లీ “ఇప్పుడైనా కేక్ కట్ చేయండి, అందరికీ ఆకలిగా ఉంది” అని ఒత్తిడి చేస్తుంది. కానీ సుశీలమ్మ మాత్రం “నా మనవడు వచ్చే వరకు నేను కేక్ కట్ చేయను. కావాలంటే మీరే తినండి” అని స్పష్టంగా చెప్తుంది.
ఇంతలో తలుపు వైపు నుంచి బాలు వస్తాడు. అతను చిరునవ్వుతో “మీనా, నేను తెచ్చే గిఫ్ట్ ఎవరూ ఊహించనిది. అందుకే ఈ క్షణం గుర్తుండిపోయేలా వీడియో తీయి” అని చెప్తాడు. మీనా వెంటనే కెమెరా తీసి రికార్డింగ్ ప్రారంభిస్తుంది.
అందరూ “ఏమై ఉంటుంది ఈ గిఫ్ట్?” అని ఆశగా ఎదురు చూస్తుంటారు. బాలు ముందుగా బామ్మ చిన్ననాటి స్నేహితురాలు సుబ్బలక్ష్మిని (సుబ్బులు) తీసుకు వస్తాడు. ఆమెను చూసిన సుశీలమ్మ కళ్ళల్లో ఆనందభాష్పాలు వస్తాయి. ఇద్దరూ ఒకరికొకరు కౌగిలించుకుంటారు.
ఆ సర్ప్రైజ్‌తో ఆగకుండా బాలు మరో స్నేహితురాలు రాజ్యలక్ష్మిని (రాజీ) కూడా తీసుకువస్తాడు. బామ్మ ఆశ్చర్యంతో “రాజీ! నువ్వా?” అని అంటుంది. ఆమెను చూసి సంతోషంతో గదంతా చప్పుళ్లు వినిపిస్తాయి. బాలు చివరగా బామ్మ మరో చిన్ననాటి స్నేహితురాలు సత్యవతిని (సత్య) కూడా తీసుకొస్తాడు. ఆమెను చూసి బామ్మ మళ్లీ ఆ చిన్ననాటి జ్ఞాపకాల్లోకి వెళ్లిపోయింది. ముగ్గురు చిన్నపుడు విషయాలు మాట్లాడుకుంటారు.
బామ్మ ఆశ్చర్యంగా “ఇంతా నీకు ఎలా తెలుసు?” అని అడుగుతుంది. బాలు చిరునవ్వుతో “మీనా చెప్పింది. ఉదయం మీరు చెప్పిన కోరికను ఆమె నాకు చెప్పింది. నేను దాన్ని నెరవేర్చాను” అని అంటాడు. బామ్మ ఎంతో ఆనందంగా ఉన్నప్పటికీ, సత్యవతి ఆ వేడుకకు మరో పెద్ద ట్విస్ట్ ఇస్తుంది. ఆమెతో పాటు బామ్మ పాత కాలం ప్రేమ గాథలో ఉన్న సత్యవతి భర్త గోపాలం అనే వ్యక్తిని కూడా తీసుకువచ్చాను అని చెప్తుంది.
గోపాలం చిన్నప్పుడు సుశీలమ్మని ఇష్టపడేవాడు, కానీ ఆ ప్రేమ ఎప్పుడూ వ్యక్తం చేయకుండా వాళ్ల వెంటే తిరుగుతూ ఉండటం వాళ్ల సత్యవతి తననే ఇష్టపడుతున్నాడు అనుకుంటుంది. ఆ విషయాలు అన్ని మాటాడుకుంటూ నవ్వుతు ఉంటారు అందరు. అలా బామ్మ ఒకప్పుడు ఉన్న ప్రేమకథ కూడా అందరికీ తెలియడంతో వాళ్ళు కూడా ఆశ్చర్యపోతారు. బామ్మ మీనా, బాలు లను తన కోరిక తీర్చినందుకు మెచ్చుకుంటుంది.
అంతటితో ఈ ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో సుశీలమ్మ 75వ పుట్టినరోజు వేడుకలు ఆనందంగా ముగుస్తాయి. బాలు అందరి ముందూ తన బామ్మకు మరచిపోలేని బహుమతి ఇచ్చి బామ్మని సంతోష పెట్టాడు అని రిటర్న్ గిఫ్ట్ బాలు, మీనాలకే ఇస్తుంది .
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
