గుండె నిండా గుడి గంటలు Nov 17th, 2025 సోమవారం ఎపిసోడ్: స్నేహితురాళ్ళతో పాత జ్ఞాపకాలు నెమరు వేసుకున్న సుశీలమ్మ … !!!
ఎపిసోడ్ మొదట్లో బాలు, బామ్మ సుశీలమ్మ కోసం పెద్ద సర్ప్రైజ్ ప్లాన్ చేస్తాడు. బామ్మ పుట్టినరోజు సందర్భంగా తన చిన్ననాటి స్నేహితులందరినీ ఒక చోటికి తీసుకొస్తాడు. సుశీలమ్మ వారిని చూసిన వెంటనే కళ్లలో నీళ్లు తిరుగుతాయి. చిన్ననాటి జ్ఞాపకాలు గుర్తుకు వస్తాయి. అంతలో ఆమె స్నేహితురాలు సత్యవతి నవ్వుతూ “నేను కూడా నీకో సర్ప్రైజ్ తెచ్చా. రా గోపాలం!” అని పిలుస్తుంది. బాలు వెళ్లి బయట ఉన్న గోపాలంని తీసుకు వస్తాడు.
గోపాలం ఇంతకాలం సుశీలమ్మను వన్‌సైడ్‌గా ప్రేమించిన వ్యక్తి. సుశీలమ్మ అతన్ని చూసి పాపం సిగ్గుతో తలదించుకుంటుంది. “సుశీల. బాగున్నావా?” అని అడిగితే ఆమె చిన్నపిల్లలా సిగ్గుతో “బాగున్నా” అంటూ సమాధానం ఇస్తుంది. వీరిద్దరి కలిసి మాట్లాడటం చూసి సత్యవతి సరదాగా, “వారిని ఇలాగే వదిలేస్తే. పార్క్‌కి వెళ్లి పాటలు కూడా పాడేసుకుంటారు!” అని అంటూ అందర్నీ నవ్విస్తుంది.
శృతి ఉత్సాహంగా “బామ్మా. మీ లవ్ స్టోరీ చెప్పండి!” అని అడుగుతుంది. అప్పుడు గోపాలం తన పాత కథ చెబుతాడు. తాను చిన్నప్పుడు సుశీలను ఇష్టపడ్డానని. ఒక రోజు ఆమె బ్యాగ్‌లో లవ్ లెటర్ పెట్టానని. కానీ ఆ లేఖ పొరపాటుతో సత్యవతి పుస్తకంలో పడడంతో అమ్మానాన్నలు సత్యవతినే తనకు ఇచ్చి పెళ్లిచేసారని చెబుతాడు.
సత్యవతి కూడా నవ్వుతూ “మా శోభనం రోజు ఇతను చెప్పాడు. నిజంగా ప్రేమించింది సుశీలనే అని!అందుకే పదేళ్లు మా శోభనం జరగలేదు!” అని చెబుతుంది. ఇంట్లో నవ్వుల జల్లు కురుస్తుంది. కామాక్షి సరదాగా అడుగుతుంది “మీ భర్త ప్రేమించిన అమ్మాయి దగ్గరకు తీసుకు వచ్చారు కదా భయం వేయలేదా?” అని. సత్యవతి సరదాగా నవ్వుతో “ఈ వయసులో డ్యుయెట్లు పాడుకుంటాడా ఏంటి? నాకు ఏ భయాలూ లేవమ్మా! ప్రతి మనిషికి చిన్ననాటి ప్రేమ ఉంటుంది. అది ఇప్పటికి అయినా చెప్తే వాళ్ళకి సంతోషమే కదా” అని అంటుంది. అందరు నవ్వుతారు. పాత జ్ఞాపకాల్ని గుర్తు చేసుకుంటూ ముచ్చటగా గడుపుతారు.
అంత ఆనందం చూసి అంతలోనే సుశీలమ్మ ఎమోషనల్ అయిపోయి “మనం ఇలా కలుస్తాము అని అసలు అనుకోలేదు. నా మనవడు నా బాల్యాన్ని తెచ్చి దోసిట్లో పోసాడు. నాకు చాల సంతోషంగా ఉంది.” అని అంటుంది. సత్యవతి కూడా “అవును మనం ఇలా నీ పండగకి కలుసుకుని అన్ని నెమరువేసుకోవడం ఎంతో సంతోషంగా ఉంది ” అని అంటుంది. మిగిలిన వారు కూడా వాళ్ళ సంతోషాన్ని బయట పెడతారు. అంతలో బాలు వాళ్ళ చిన్ననాటి తిను బండారాలు తీసుకొచ్చి ఇస్తాడు. అందరు ఆనందపడతారు.
తర్వాత సుశీలమ్మ కేక్ కట్ చేస్తుంది. తన కొడుకు సత్యం అని పిలుస్తూ ప్రారంభిస్తుంది. ఇది చూసి ప్రభావతి కొంచెం బాధపడుతుంది. తనను పిలవలేదని ఫీల్ అవుతుంది. సుశీలమ్మ అది గమనించి, వెంటనే ప్రేమగా చెబుతుంది “నా కోడలు ప్రభావతి గుణవంతురాలు. భరతనాట్యం టీచర్. మా అందరినీ ఒకే తాటిలో నడిపించే శక్తి ఉంది ఆమెకి! ఆమె వల్లనే మా ఇల్లు ఇపుడు ఇలా కళకళలాడుతుంది” అని. ప్రభావతి ఆ మాటలకు మంచులా కరుగుతుంది. సుశీలమ్మ వెళ్ళి ప్రభావతిని కౌగిలించుకుంటుంది.
సత్యవతి బలవంతం చేయడంతో సుశీలమ్మ గోపాలానికి కేక్ తినిపిస్తుంది. గోపాలం సంతోషంతో కళ్లు నిండి “ఈ జన్మకు ఇది చాలు” అంటాడు. అందరూ నవ్వుతూ బామ్మకు కేక్ తినిపిస్తూ పండగలా చేసుకుంటారు. సుశీలమ్మ గర్వంతో చెబుతుంది “నా 75 సంవత్సరాలు ఇంత ఆనందంగా గడవడానికి కారణం నా కుటుంబం. నా మనవళ్లు మనవరాళ్లు నా కోసం ఇది అంత ఏర్పాటు చేసారు. వారు అంటే నాకు గర్వం” అని వారు ఇచ్చిన గిఫ్టులు గురించి వాళ్ళు చేసే పనులు గురించి గొప్పగా చెప్తుంది.
ఈ సంతోషం చూసిన సుశీలమ్మ స్నేహితురాలు ఎమోషనల్ అవుతుంది. “నువ్వు చాలా అదృష్టవంతురాలు. మేడి ముచ్చటైన కుటుంబం. మాకు కూడా పిల్లలు ఉన్నారు. కానీ మా పుట్టినరోజున వేడుక చేయడం కాదు కనీసం ఫోన్ కూడా చేయరు” అని బాధ పడుతుంది. సుశీలమ్మ ఆమె చేయి పట్టుకుని ఓదారుస్తుంది.
ప్రభావతి వెంటనే “అత్తయ్య, అందరు మీకు గిఫ్ట్స్ ఇచ్చారు కదా. మీ మనసుకి నచ్చిన గిఫ్ట్ ఇస్తే రిటర్న్ గిఫ్ట్ అన్నారు కదా. మరి రిటర్న్ గిఫ్ట్ ఎవరికిస్తున్నారు?” అని అడుగుతుంది. సుశీలమ్మ చిరునవ్వుతో “బాలు!” అని ప్రకటిస్తుంది. మనోజ్, ప్రభావతి ముఖాలు మారిపోతాయి. బాలు ఆశ్చర్యపోతూ నేను నీకు ఎం గిఫ్ట్ ఇవ్వలేదు కదా అని అంటాడు.
అప్పుడు సుశీలమ్మ “నా బాల్యాన్ని నాకు తిరిగి ఇచ్చావ్ రా. స్నేహితుల్ని కలిపావు. ఈ బహుమతి ఏ డబ్బుకి దొరకదు. ఎంత ఐశ్వర్యం ఉన్న కూడా ఇలాంటి ఆనందం దొరకదు” అని చెబుతూ తనకు వారసత్వంగా వచ్చిన బంగారు గొలుసును బాలు మెడలో వేస్తుంది. మనోజ్, ప్రభావతి రోహిణి అసూయతో కుళ్ళుకుంటారు. రవి, శృతి, సత్యం, కామాక్షి సంతోషిస్తారు.
ఇంతటితో ఈ ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో పుట్టినరోజు జరుపులు ముగిసిన తర్వాత బాలు ఒక్కసారిగా రెచ్చిపోతాడు. తను మీనాకు ఇచ్చిన బంగారు నగలు ప్రభావతి – మనోజ్ కలిసి గిల్టు నగలుగా మార్చి,
తిరిగి ఆమెకు కవరింగ్ గోల్డ్ ఇచ్చారని సాక్ష్యాలతో బయటపెడతాడు. ప్రభావతి నటించడానికి ప్రయత్నించినా మీనా అన్నింటినీ అంగీకరిస్తుంది. “మాకు ముందే విషయం తెలిసినా కానీ బామ్మా పుట్టినరోజు చెడిపోతుందేమో అని మేము మౌనంగా ఉన్నాం,” అని మీనా చెప్పడంతో ఇంట్లో వాళ్లంతా షాక్ అవుతారు. సత్యం గట్టిగా ప్రభావతిని ప్రశ్నిస్తాడు.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
