గుండె నిండా గుడి గంటలు Nov 19th, 2025 బుధవారం ఎపిసోడ్: మనోజ్ ని పిచ్చి తిట్లు తిట్టినా ప్రభావతి … !!! నిజం బయట పెట్టడానికి బాలు, మీనా, శృతి, రవి ల ప్లాన్… !!!
ఎపిసోడ్ ప్రారంభంలో ప్రభావతి ఎలాంటి తప్పూ చేయలేదు అన్నట్టుగా ప్రవర్తిస్తూ, ఇంట్లో ఉన్న నకిలీ నగల విషయంపై సమాధానం చెప్పకుండా, మీనా మీదే నిందలు వేసేలా మాట్లాడుతూ “మీనానే తనకు నకిలీ నగలు ఇచ్చి ఉండొచ్చు. బంగారు నగలు పుట్టింటిలో ఇచ్చి ఉంటుంది” అని చెబుతుండటంతో మీనాకు కోపం కట్టలు తెచ్చుకుంటుంది. అప్పుడు మీనా కోపంగా ఆమెను చూస్తూ, “మీకు ఒక కూతురు ఉంది. మీకు మనస్సాక్షి అనేది ఉంటుంది. అత్తగారు అని మర్యాద ఇస్తున్న. నా పుట్టింటి మీద నిందలు వేసే హక్కు మీకు ఎవరు ఇచ్చారు” అని గట్టిగా చెప్తుంది.
అప్పుడు ప్రభావతి కూడా కేకేస్తూ “ఏంటి ఎక్కువగా మాట్లాడుతున్నావ్… మీ ఇంట్లో నీ తమ్ముడు దొంగ కాదా? ఆ నగలు నువ్వే మార్చేసి ఉంటావు” అని మళ్లీ మీనానే నిందిస్తుంది. దీంతో మీనా మండిపడి “మా ఇంటి వాళ్ల గురించి అనవసరం గా మాట్లడకండి. మీ పెద్ద కొడుకు దొంగ కాదా? మీ పెద్ద కోడలు దొంగ కాదా? ఎన్నిసార్లు ఇంట్లో మోసాలు చేశారో మాకు తెలీదా?” అని కౌంటర్ ఇస్తుంది. అంతలో రోహిణి మీనా గురించి మాట్లాడుతూ నిజంగా పూల మాలలు కట్టి కార్ కొనిచ్చిందో లేదంటే బంగారం అమ్మేసి ఇచ్చిందో ఎవరికీ తెలుసు అని అంటుంది.
దానికి బాలు కోపంగా రోహిణితో ” నువ్వు కూడా మాట్లాడుతున్నావా పార్లరమ్మ. నువ్వు మా అందరికి తెలికుండా మా ఇంటి పత్రాలు తీసుకుని పార్లర్ పెట్టావు. మళ్లీ అదే అమ్మేసి ఫ్రాంచైజ్ అని కథలు చెప్పావు. కానీ మీనా నిజంగా 5౦౦ మాలలు కట్టి నాకు కార్ కొని ఇచ్చింది. ఇంక కొంత అప్పు కూడా అయింది దానికి ఇంక వడ్డీ కూడా కడుతుంది” అని అంటాడు. శృతి కూడా మీనా, బాలు కి సపోర్ట్ చేస్తూ “అపుడు నువ్వు మలేసియాలో ఉన్నావా రోహిణి” అని వ్యంగ్యంగా అడుగుతుంది.
దాంతో ప్రభావతి మాట మార్చి సుశీలమ్మ వైపు నిందను తిప్పుతూ, “మా అత్తగారు ఇచ్చినప్పుడే నీకు నకిలీ నగలు ఇవ్వవచ్చు లేదా ఆమె మోసపోయి ఉండొచ్చు” అని అంటుంది. ఇదంతా వింటున్న సత్యం ఒక్కసారిగా కోపంతో “ఏం మాట్లాడుతున్నావ్? అన్నం తింటున్నావా? గడ్డి తింటున్నావా?” అని అంటాడు. ప్రభావతి వెంటనే “లేదు లేదు మీ అమ్మ మోసం చేసిందని కాదు ఆమె మోసపోయి ఉండొచ్చు కదా తెలియక అవే నగలు మీనాకి ఇచ్చి ఉండొచ్చు కదా” అని మాట మార్చేస్తుంది.
ఈ మాటలకు బాలు రగిలిపోతాడు. “ఇంకా రెండురోజుల్లో అసలు నిజాన్ని బయట పెడతాను మా అమ్మ మీద ఒట్టు” అని శపథం చేస్తూ అక్కడ్నుంచి బయటకు వెళ్లిపోతాడు. తర్వాత మనోజ్ తన తల్లి దగ్గరకు వెళ్లి “ఇంత పెద్ద సమస్య నుంచి బయటపడేలా చేసినందుకు థాంక్స్ అమ్మ” అంటాడు. ప్రభావతి మాత్రం కోపంగా “నీవల్ల నా ప్రాణాలు పోతున్నాయిరా. సమస్యను మీనావైపు, మీ బామ్మ వైపు తిప్పేశాను కాబట్టి ఇప్పటికి మనం బయటపడ్డాం. లేదంటే పరిస్థితి భయంకరంగా ఉండేది” అని గద్దిస్తుంది.
ప్రభావతి ఇంకా ఆగకుండా మనోజ్‌ను తిట్టుతూ “జీవితాంతం నన్ను ఇబ్బంది పెట్టడానికి నువ్వు పుట్టావు. ఏ మంచి పని చేశావు? నీ వల్లే నాకు జీవితాంతం టెన్షన్. నిన్ను కొట్టాలా, తిట్టాలా కూడా నాకు అర్థం కావడం లేదు. నువ్వు చేస్తున్న ప్రతీ పని నా మీదకి చుడుతున్నావు” అని ఏడుస్తుంది. “నా జీవితంలో ఎన్నో అబద్ధాలు ఆడాను అన్నీ నీ వల్లే. ఏదో ఒక రోజు నీ వల్ల గుండె ఆగిపోతుంది” అంటూ మరింత కోపంగా తిడుతుంది. కానీ మనోజ్ మాత్రం పట్టించుకోకుండా “అమ్మా, నువ్వు నా ఫేవరెట్ అమ్మ. నువ్వే నన్ను కాపాడతావు” అని బుజ్జగించడానికి ప్రయత్నిస్తాడు.
కాని ప్రభావతి అసలు విషయానికి వస్తూ “మనోజ్, అసలు విషయం బయటపడితే మన పరువు పోతుంది. ఎవరికి ముఖం చూపించుకోలేము. ఆ కవరింగ్ నగలను వెంటనే మార్చెయ్యి” అని వేడుకుంటుంది. కానీ మనోజ్ మాత్రం “ఇంక అవసరం ఏముంది అమ్మ. వాళ్ళ మీద తోసేసావు కదా”‘ అంటాడు. కానీ ప్రభావతి మాత్రం “బాలు గాడు ఊరుకొడురా. వాడి సంగతి నీకు తెలీదా. ఎలా అయినా నిజం బయట పెడతాడు” అని హెచ్చరిస్తుంది.
ఇంకా మరోవైపు — మీనా వంటింట్లో కోపంతో అన్ని సామాన్లు విసురుతూ ఉంటుంది. బాలు వచ్చి కూల్ చేయడానికి ప్రయత్నిస్తాడు కానీ మీనా అతడినే తిడుతూ, “కవరింగ్ నగలు సంగతి తెలిసినప్పుడు అంతలా రెచ్చిపోయారు. కానీ నిజం బయటపెట్టే సమయంలో నువ్వు మాత్రం ఎందుకు సైలెంట్ గా ఉన్నారు” అని కోపంగా అంటుంది. అప్పుడు బాలు “నీ కోపం న్యాయమే. ఆ నగలు మనోజ్, మా అమ్మ తీసినవేనని నాకు తెలుసు” అని చెబుతాడు. మీనా “మరి ఎందుకు మాట్లాడలేదు?” అని ప్రశ్నిస్తే — బాలు “సాక్ష్యాలు లేవు కదా. సమయం కోసం వేచిచూస్తున్నాను” అని చెప్తాడు.
మీనా ఇంకా కోపంతో “ఎలాంటి సంబంధం లేని మా అమ్మని ఇందులోకి లాగారు” అని అంటుంది. బాలు వెంటనే “షీలా డార్లింగ్ ని కూడా దోషిని చేసింది మా అమ్మ” అని అనడంతో మీనా “మీ అమ్మ గారు ఎవరిని అయినా అనేస్తారు” అని అంటుంది. బాలు మాత్రం కోపంగా “అసలు విషయం బయటపెడతాను” అని “మనోజ్ ఆ కవరింగ్ ఆభరణాలు ఏదో ఒక షాపు నుంచి కొని ఉంటాడు కదా. ఆ షాపు వాళ్లు మాట్లాడుతున్నట్టుగా ఫోన్ చేస్తే మనోజ్ నిజం చెబుతాడు” అని ప్లాన్ చెప్తాడు. “మరి మాట్లాడేది ఎవరు?” అని మీనా అడిగితే “మన డబ్బింగ్ చెప్పే శృతి ఉంది కదా!” అని బాలు అంటాడు.
వెంటనే బాలు శృతికి ఫోన్ చేసి రెస్టారెంట్‌కి రమ్మంటాడు. అలా బాలు, మీనా, శృతి, రవి అందరు నకిలీ నగల విషయం గురించి ఒక టేబుల్ దగ్గర కూర్చొని చర్చిస్తారు. బాలు తన పూర్తి ప్లాన్ చెబుతాడు “షాపు వాళ్లు అన్నట్టు మాట్లాడి మనోజ్‌ని బైటపెడదాము” అని. శృతి కూడా “సరే, నేను మాట్లాడుతాను. దొంగని కనిపెట్టడం నాకు కూడా ఇష్టమే” అని ఒప్పుకుంటుంది. రవి మాత్రం “ప్లాన్ ఎక్కడో తేడా కొడుతోంది ఏమో” అని భయపడుతూ అంటాడు. శృతి అతనిని అడ్డుకొని “మనం ఏమి తప్పు చేయడం లేదు. ఊరికే భయపడకు. ముందు నేను మాట్లాడటం ప్రాక్టీస్ చేస్తా” అని అంటుంది.
ఇదే సమయంలో రోహిణి మనోజ్ షాప్‌కి వెళ్తుంది. అక్కడ మనోజ్ కస్టమర్లను పట్టించుకోకుండా పడుకున్నట్టు కనిపిస్తాడు. రోహిణి కోపంతో అతడి తల మీద ఒక దెబ్బ కొడుతుంది. ఒక్కసారిగా నిద్ర లేచిన మనోజ్ “నాకు ఆ లక్షల సంగతి తెలియదు. నేను ఏ తప్పూ చేయలేదు. ఆ నగల గురించి నాకు ఎం తెలీదు” అని అరిచేస్తాడు. రోహిణి “ఏంటి ఇది? ఏం చేస్తున్నావు? ఆ నగలతో నీకేం సంబంధం?” అని అడుగుతుంది. మనోజ్ వెంటనే “అంటే ఇంట్లో నా మీద తోసేశారు కదా. అదే ఆలోచిస్తూ ఉంటే కలలో కూడా అదే వచ్చింది” అని కవర్ చేస్తాడు.
అంతలో రోహిణికి తన కొడుకు చింటూ ఫోన్ చేస్తాడు కలలో అమ్మ కనిపించిందని, త్వరగా రావాలని అంటాడు. రోహిణి “త్వరలో వస్తాను బాబు” అని చెప్తూ, తన తల్లికి “ఎప్పుడు పడితే అప్పుడు పిల్లవాడితో ఫోన్ చేయించొద్దు. నా పరిస్థితి అర్థం చేసుకోండి” అని వార్నింగ్ ఇస్తుంది.
అంతటితో ఈ ఎపిసోడ్ ముగుస్తుంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
