గుండె నిండా గుడి గంటలు Nov 20th, 2025 గురువారం ఎపిసోడ్: ఫెయిల్ అయిన బాలు ప్లాన్ …!!! డిస్కౌంట్ సేల్ లో దొరికిన మనోజ్ …!!!
ఎపిసోడ్ ప్రారంభంలో రోహిణి తన తల్లితో ఫోన్‌లో మాట్లాడుతుంది. చింటూ తనను మిస్ అవుతున్నాడని సుగుణమ్మ ప్రేమతో చెబుతుంది. కానీ రోహిణి కంగారుగా, “అమ్మా చింటూతో అనవసరంగా నాకు కాల్ చేయించొద్దు. మనోజ్‌కి తెలిసిపోతే నాకు ఇక్కడ చాలా కష్టం అవుతుంది” అంటూ హెచ్చరిస్తుంది. వెంటనే ఆమె తల్లి బాధగా, “నీలాగా చింటూ మమకారం చంపుకోలేడు అమ్మా. మరో వారంలో వాడి పుట్టినరోజు ఉంది. వీలైతే రా” అని ఆహ్వానిస్తుంది. రోహిణి మాత్రం, “వచ్చేలా ఉంటే వస్తా. లేదంటే డబ్బులు పంపిస్తాను” అంటుంది. దాంతో సుగుణమ్మ కోపంతో, “ఎవరికి కావాలి నీ డబ్బు. చింటుకి నీ ప్రేమే కావాలి. వీలైతే రా. లేకపోతే వదిలేయ్” అని అంటూ ఫోన్ కట్ చేస్తుంది. రోహిణి అసహనంతో ఏదో ఆలోచిస్తూ ఉంటుంది.
ఇక మరోవైపు, బాలు శృతి సహాయంతో మనోజ్‌పై ప్లాన్ వేసి నిజం బయటకు తీయాలని ప్రయత్నిస్తాడు. శృతి కవరింగ్ జ్యువెలరీ షాప్ నుండి కాల్ చేస్తున్నట్లు నటిస్తూ, “సర్ మీరు మా షాప్‌లో కవరింగ్ నగలు కొనుగోలు చేశారు. మీకు ప్రత్యేక ఆఫర్లు ఉన్నాయి” అని చెబుతుంది. ప్రారంభంలో మనోజ్ టెంప్ట్ అవుతాడు కానీ వెంటనే అనుమానం పెరుగుతుంది. “అసలే ఇలాంటి వాటిలో చాలా సార్లు మోసపోయాను నేను. ఇప్పుడు వీళ్ళు నిజంగా నేను కొన్న షాప్ వాళ్ళా లేదంటే ఎవరైనా మోసం చేస్తున్నారా. ఒక వేళ షాప్ వాళ్ళు కాకపోతే నేను ఇరుక్కుంటాను” అనుకుంటూ శృతితో “నేను ఏ నగలు కొనలేదు! ఇంకా ఒకసారి ఇలాంటి స్కామ్ కాల్ వస్తే పోలీసులకు కంప్లైంట్ చేస్తా!” అని హెచ్చరిస్తూ ఫోన్ కట్ చేస్తాడు.
ప్లాన్ పని చేయకపోవడంతో బాలు కోపంతో, “అయినా వాడు మాట్లాడిన తీరు చూస్తే నగలు మనోజ్ మాయం చేసాడని కచ్చితంగా తెలుస్తుంది” అని అంటాడు. “ఎలాగైనా ఈ దొంగతనాన్ని బయట పెట్టాలి” అని బాలు నిర్ణయానికి వస్తాడు. మీనా, శృతి లు కూడా బాలు నిర్ణయంతో ఏకీభవిస్తారు. ఇంకా రవి శృతికి చెప్పి బాలు, మీనా బయల్దేరతారు.
ఇంకో వైపు మనోజ్, తన తల్లి ప్రభావతికి కవరింగ్ నగల షాప్ నుండి వచ్చిన కాల్ విషయం చెబుతాడు. ప్రభావతి వెంటనే భయపడుతూ, “ఇది ఖచ్చితంగా బాలు పనే. వాడు నిన్ను పట్టుకోవాలి అని బాగా గట్టిగా ప్రయత్నిస్తున్నాడురా” అంటుంది. వెంటనే మనోజ్‌ను హెచ్చరిస్తూ, “బంగారం వెంటనే తీసుకురా. లేదంటే లాస్ట్ టైంలో నీ నాన్న డబ్బులు తీసుకున్నప్పుడు ఎలా కొట్టాడో గుర్తుందా? ఇప్పుడు వాడి భార్య నగలు తాకావ్. ఊరందరి ముందు కొడతాడు. రోహిణికీ తెలిసిపోతే నువ్వు అంతే” అని బెదిరిస్తుంది. మనోజ్ భయంతో ఒణుక్కుంటూ, “అమ్మా నన్ను భయపెట్టకు. ఇప్పుడు నేను ఏం చేయాలి?” అని అడుగుతాడు.
ప్రభావతి “డబ్బులు ఎలాగైనా అరేంజ్ చేసి నగలు కొనిపెట్టు. కనీసం నగలు తిరిగి వచ్చాయి అని వాళ్ళు మనల్ని వదిలేస్తారు” అని సలహా ఇస్తుంది. మనోజ్ “బిజినెస్ సరిగ్గా జరగడం లేదు అమ్మ, ఈదిన అమ్మిన కూడా రోహిణి వెంటనే లెక్కలు అడుగుతుంది అమ్మ. షాప్ నుండి డబ్బు తీసుకు రావడం చాలా కష్టం” అన్ని అంటాడు. ప్రభావతి మాత్రం, “సమస్యలు కాకుండా పరిష్కారాలు ఆలోచించు. లేట్ చేయకు. ఈ విషయంలో నీతో చేతులు కలిపాను అని మీ నాన్నకి తెలిస్తే నన్ను చంపేస్తారురా” అని భయపడుతూ మనోజ్ మీద ఒత్తిడి చేస్తుంది. మనోజ్ భయంతో కుదేలై, ఈ సమస్య నుంచి ఎలా బయటపడాలో ఆలోచిస్తూ తల పట్టుకుంటాడు.
బాలు, మీనా ఇంటికి వెళ్తుండగా బాలుకి సడన్‌గా ఓ ఆలోచన వస్తుంది. మనోజ్ తల్లి ప్రభావతి ప్రతి విషయం కామాక్షి అత్తయ్యతో పంచుకుంటుందని, కాబట్టి బాలు మీనాతో కలిసి కామాక్షిని మాటలలో పెట్టి నిజం బయట తీయాలని అనుకుంటాడు. అనుకున్నట్టుగానే బాలు–మీనాలు తమ ప్లాన్ ప్రకారం కామాక్షి ఇంటికి వెళ్తారు. పండ్లు ఇచ్చి కుశల ప్రశ్నలు వేసి, ఆమెను నెమ్మదిగా మాటల్లో పెడతారు. మాటా మధ్యలో రెండు మూడు సార్లు కామాక్షి అసలు విషయం బయట పెట్టబోతూ ఆగిపోతుంది.
కామాక్షి మాటల్లో తడబాటు చూసి, “ఖచ్చితంగా ఆ నగల విషయం ఆమెకి తెలిసి ఉంటుంది” అని బాలు నిర్దారించుకుంటాడు. వెంటనే సెంటిమెంట్ కార్డు వాడుతూ మీనాతో “అత్తయ్య చిన్నప్పుడు అమ్మ నన్ను ఎప్పుడైనా మందలిస్తే, మీరు నా వైపే ఉండేవారు. అందుకే నాకు మీరు అంటే చాలా ఇష్టం. మీరే నా బాగు కోరే వాళ్ళు.” అని మాటలు చెప్తాడు.
మాటల్లో ముంచెత్తడంతో మీనాక్షి కరగిపోతుంది. బాలు సున్నితంగా, “అత్తయ్య… ఆ కవరింగ్ నగల విషయం ఏంటి?” అని అడగగానే, నిజం చెప్పాలని కామాక్షి చెయ్యి ఎత్తుతుంది. “ఆ నగలు నీ అమ్మ…” అని చెప్పబోతుండగానే ప్రభావతి అకస్మాత్తుగా రూమ్‌లోకి ప్రవేశిస్తుంది.
బాలు–మీనాలని చూసి ప్రభావతి నిలువునా షాక్ అయ్యి కంగారు పడుతూ, “ఏంటి మీరు ఇక్కడ ఉన్నారు?” అని అడుగుతుంది. మీనా విషయం దాచేస్తూ, “దారిలో పండ్లు కొనాం. అత్తయ్యకు ఇచ్చి వెళ్దాం అని వచ్చాం” అని చెప్తుంది. ప్రభావతి మాత్రం అనుమానంగా, “ఆమెకు కొనడం రాదా? పేషెంటా? ఎందుకు వచ్చారు?” అని అడుగుతుంది. మీనా గొడవ పెరుగుతుందని వెంటనే బాలు‌ని తీసుకుని బయటకు వెళ్తుంది. బయటికి వెళ్లే ముందు బాలు మెల్లగా, “అత్తయ్య… ఆ విషయం మర్చిపోవద్దు” అని చెప్పి వస్తాడు.
ప్రభావతి వెంటనే, “ఏ విషయం?” అని అడుగుతుంది. కామాక్షి భయంతో అన్నీ చెప్తూ “వాళ్లు కవరింగ్ నగల గురించే అడిగారు. ఇంకొంచెం లేట్ అయితే నేను అసలు విషయం చెప్పేసేదాన్ని!” అని అంటుంది. అదే విన్న ప్రభావతి భయంతో వణుకుతుంది. “ఒక్క నిమిషం లేట్ అయితే. మా బాగోతం బయటపడేది! ఇంకా నుండి వీళ్ళతో జాగ్రత్తగా ఉండాలి” అని టెన్షన్ పడుతుంది.
ఇక బయట బాలు, “ప్లాన్ మిస్ అయింది. ఒక్క నిమిషం ఆలస్యమైనా నిజం బయటపడేది” అని బాధపడతాడు. మీనా అతనిని ధైర్యపరుస్తూ, “ఏం కాదండి. నిజం ఎదో ఒకరోజు బయటపడుతుంది” అని అంటుంది. అప్పుడే బాలు ఫోన్ మోగుతుంది. రాజేష్ ఫోన్ చేసి, “మన స్టాండ్ దగ్గర మెగా సేల్ పెట్టారు! ఫర్నిచర్ 50% డిస్కౌంట్! నేను బీరువా కొనాలనుకుంటున్నా. మీ మనోజ్ షాప్ లో డిస్కౌంట్ ఇవ్వడం లేదుగా అందుకే ఇక్కడ కొంటాను. నువ్వు వచ్చి చూసి మంచిది ఎదో చెప్పాలి” అని కోరతాడు. మొదట బాలు రాలేనని చెబుతున్నా, మీనా ప్రోత్సహించడంతో రాజేష్‌తో కలిసి షాపింగ్‌కి వెళ్తాడు.
అంతటితో ఈ ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో షాపింగ్‌కి వెళ్లినప్పుడు, అక్కడే అసలు విషయం తెలిసి పోతుంది. మనోజ్ బిజినెస్‌లో 4 లక్షలు మోసపోయాడని, ఆ నష్టాన్ని కవర్ చేసుకోవడానికి మీనాకు తెలియకుండా ఆమె నగలు అమ్మేశాడని విషయం బయటపడుతుంది. ఈ నిజం విన్న సత్యం కోపంతో మనోజ్‌పై చేయి చేసుకుంటాడు.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
