గుండె నిండా గుడి గంటలు నవంబర్ 26, 2025 బుధవారం ఎపిసోడ్: మౌనికని పుట్టింటికి దూరం చేస్తున్న సంజు …!!! మనోజ్ అబద్ధం గురించి తెలుసుకున్న బాలు …!!!
ఎపిసోడ్ ప్రారంభంలో మౌనికని సంజూ తిట్టి కొట్టబోతుండగా బాలు కోపం అదుపులో పెట్టుకోలేక సంజుని బాగా కొడతాడు. ఇంట్లో వాళ్ళు అందరు వారి గొడవ ఆపడానికి ప్రయత్నించిన కూడా ఆగకపోవడంతో మౌనిక బాలు మీద చెయ్యి చేసుకుంటుంది. “ఇది నాకు, నా భర్తకు సంబంధించిన విషయం. ఆయనను కొట్టడానికి నువ్వెవరు?” అని ఆమె బాలుని ప్రశ్నిస్తుంది. అందరు అది చూసి షాక్ అవుతారు. ప్రభావతి, సత్యం సంజుని క్షమాపణ అడుగుతారు. సంజూ “ఇంకోసారి ఇది రిపీట్ అయితే మా నాన్న వచ్చి మీ సంగతి తేలుస్తారు” అంటూ మౌనికని అక్కడి నుంచి లాక్కుని వెళ్తాడు. మౌనిక మాటలు తలుచుకుని బాలు బాధపడతాడు.
ఇటు ఇంట్లో బాలు మీద అసంతృప్తి పెరిగిపోయి ప్రభావతి అతన్ని నిలదీస్తూ, “అల్లుడిపై చేయి చేసుకోవడమేంటి బాలు? భార్యాభర్తల మధ్య చిన్నపాటి గొడవలు సహజమే” అని మందలిస్తుంది. రవి, మనోజ్, రోహిణి కూడా ఆమెకే సపోర్ట్ చేస్తారు. అందరి మాటలు విన్న బాలు నిశ్శబ్దంగా ఉన్నా, శృతి మాత్రం “బాలు చేసినది తప్పే కాదు, ఆ సంజు ఎలాంటివాడో మనకి తెలుసు కదా అందుకే మనం పెళ్లి ఆపడానికి చాలా ప్రయత్నించాము కదా. అయినా మౌనికని అంతలా అవమానిస్తుంటే చూస్తూ ఊరుకోవాలా” అని బాలుకి మద్దతుగా మాట్లాడుతుంది. మీనా మాత్రం అందరి ముందూ ఏమీ మాట్లాడకపోయినా, లోపల మౌనిక భరించే కష్టాలన్నీ తనకి తెలుసు కాబట్టి తాను నిజం దాచిపెట్టడం సరైనదో కాదో అనే స్పష్టత లేక తల్లడిల్లుతోంది.
అంతలో రోహిణి, మనోజ్ బాలుని తప్పు పడుతుంటే మీనా మాట్లాడుతూ ఎప్పుడూ ఒక్కసారి కూడా మౌనిక ఎలా ఉందో అడగలేదు భాద్యతగా తన కష్ట సుఖాల గురించి పట్టించుకోలేదు, ఇప్పుడు నా భర్తని మాత్రం తప్పు పడుతున్నారు. మీరు ఎవరైనా మౌనిక సంతోషంగా ఉందో లేదో అడిగారా అని ప్రశ్నిస్తుంది. అందరు ఒక్క నిమిషం కంగారుపడుతూ మీనని నీకు ఏమైనా తెలుసా మౌనిక నీకు ఏమైనా చెప్పిందా అని అడుగుతారు. మీనా మీరే మౌనికని అడిగి తెలుసుకోండి అని మాట దాటేస్తుంది. ప్రభావతి సత్యంని బాలుకి బుద్ధి చెప్పమని అడగడంతో సత్యం ఒక అన్నగా వాడు మౌనికకి అన్ని చేసాడు. పెళ్లి ఖర్చులు, పెళ్ళికి బంగారం అన్ని వాడే చేసాడు. ఇవాళ కూడా అన్నగా తట్టుకోలేక చెయ్యి చేసుకున్నాడు. అది నేను తప్పు అనలేను కానీ ఇంటి అల్లుడు మీద చెయ్యి చేసుకుంటే అది మౌనికకి ఇబ్బంది అవుతుంది, భార్య భర్తల మధ్య గొడవలు సాధారణం ఎవరు జోక్యం చేసుకోకపోవడమే మంచిది అనేసి అక్కడ నుండి వెళ్ళిపోతాడు.
ఇక ఇంటికి వచ్చిన వెంటనే సంజూ మౌనికని మాటలతో బాధ పెడుతూ కొడతాడు. అంతలో నీలకంఠం వచ్చి “మమ్మల్ని అవమానించే వారి దగ్గరకు నువ్వెందుకు వెళ్తున్నావు? అది నీ అన్న కావచ్చు, నాన్న కావచ్చు. మా గౌరవం దెబ్బతీసే చోటికి పోకూడదు,” అని సూటిగా చెబుతాడు. సంజూ కూడా, “మళ్లీ నీ పుట్టింట్లో అడుగు పెట్టితే మంచిది కాదు,” అని హెచ్చరిస్తూ కోపంతో, “లేదు వెళ్తాను అంటే ఇప్పుడే ఈ తాళిబొట్టు తీసేసి వెళ్లిపో,” అని చెప్పి ఆమె బ్యాగ్ సర్ది తీసుకొస్తాడు. కానీ మౌనిక సంజుని ప్రాధేయపడుతూ “మీరు తిట్టినా, కొట్టినా నేను ఎక్కడికీ వెళ్లను. ఇదే నా ఇల్లు, మీరే నా వాళ్ళు” అని ఏడుస్తూ చెప్తుంది. సంజూ “సరే కానీ ఇకపై మీ వాళ్లతో ఫోన్ కూడా మాట్లాడకూడదు,” అని చివరి మాటగా చెబుతాడు.
మౌనిక ఏడుస్తూ లోపలికి వెళ్ళిపోతుంది. నీలకంఠం సంజుతో “నీ భార్యని వదిలేయడానికి మంచి అవకాశం వచ్చింది కదరా. ఎందుకు వదిలేసావ్?” అని అడుగుతాడు. సంజు మాట్లాడుతూ “లేదు నాన్న. ఇప్పుడు దీన్ని వదిలేస్తే ఏడ్చి సైలెంట్ అయిపోతారు కానీ ఆ బాలుగాడు నా కాళ్ళ మీద పడడు. వాడికి బుద్ధి చెప్పాలి అంటే మౌనిక ఇక్కడే ఉండాలి. వాళ్ళతో పూర్తిగా దూరంగా ఉంచాలి. ఎలా ఉందో తెలియక మాట్లాడే అవకాశం లేక వాడు నరకం చూడాలి. అప్పుడు వాడు వచ్చి నా కాళ్ళ మీద పడతాడు” అంటూ తన ప్లాన్ గురించి చెప్పి వెళ్ళిపోతాడు.
ఇంట్లో మాత్రం సత్యం మౌనిక సంగతి ఆలోచిస్తూ బాధపడుతూ ఉంటాడు. అతని మీనా మాటలు గుర్తు చేసుకుంటూ మనసులో, “నా కూతురు సంతోషంగా లేదేమో,” అన్న అనుమానంతో ఆలోచిస్తుంటాడు. ప్రభావతి వచ్చి తనకి కూడా భయంగా ఉంది అని అతన్ని ఫోన్ చేయమని ఒత్తిడి చేస్తుంది. మౌనిక ఫోన్ మోగగానే సంజూ కోపంతో ఫోన్ తీసుకోవాలని ప్రయత్నించినా, మౌనిక, “ఇప్పుడు నేను మాట్లాడకపోతే బాలు అన్నయ్య ఇంటికి వస్తాడు వస్తే ఏం చేస్తాడో మీకు తెలుసు,” అని చెప్పడంతో అతను ఒప్పుకోవాల్సి వస్తుంది.
ఫోన్‌లో మౌనిక మాత్రం నటిస్తూ, “నేను బాగానే ఉన్నాను. మా ఆయనకి కోపం అన్నయ్య మీదనే కానీ నా మీద కాదు. ఆయన నన్ను బాగా చూసుకుంటారు,” అని అబద్ధం చెబుతుంది. దాంతో ప్రభావతి, “అందుకే నేను చెప్పేది బాలుకి దూరంగా ఉండు వాడు చేసే పనులు అందరిని బాధ పెట్టెలనే ఉంటాయి. నువ్వు నీ కాపురం జాగ్రత్తగా చూసుకో,” అని సలహా ఇస్తుండగా, సత్యం ఫోన్ లాక్కుని “కూతురితో మాట్లాడే మాటలేనా ఇవి?” అని మందలిస్తాడు. సంజు మౌనికతో మీ అమ్మగారికి కూడా తెలుసు ఆ బాలు ఎలాంటివాడో అందుకే వాడిని కలవొద్దు అనేసి వెళ్ళిపోతాడు.
ఇక బాలు బాధపడుతుండగా మీనా అతన్ని ఓదారుస్తుంది.
అంతటితో ఈ ఎపిసోడ్ ముగుస్తుంది.
మరుసటిరోజు ఎపిసోడ్ ప్రోమోలో బాలు 4 లక్షలు అప్పుగా తెచ్చినట్టుగా చెప్పిన మనోజ్ అబద్ధం గురించి తెలుసుకోవడానికి తన ఫ్రెండ్ని కాలుస్తాడు. అతను డబ్బు ఇవ్వలేదని చెప్పడంతో బాలు షాక్ అయిపోతాడు. వెంటనే మీనాను కలిసి, “మనోజ్ నీ నగలు అమ్మి డబ్బు తెచ్చాడు,” అని అంటాడు. మనోజ్ నిజస్వరూపాన్ని బయటపెట్టాలని నిర్ణయం తీసుకున్న బాలు ఇంటికి కొత్త ప్లాన్‌తో బయలుదేరుతాడు.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
