గుండె నిండా గుడి గంటలు Nov 3rd, 2025 సోమవారం ఎపిసోడ్ : బయటపడనున్న మీన బంగారం రహస్యం … భయంతో వణుకుతున్న ప్రభావతి, మనోజ్ …!!!!
తాజా ఎపిసోడ్‌లో మీనా బంగారు నగలను నాలుగు లక్షలకు అమ్మిన మనోజ్, అందులో మూడు లక్షలు ఫర్నీచర్ డీలర్‌కి ఇచ్చి, ఒక లక్ష రూపాయలు ఇంటికి తీసుకొస్తాడు. “ఫర్నీచర్ వ్యాపారంలో ఒక లక్ష లాభం వచ్చింది” అని రోహిణీకి చెబుతాడు. ఈ వార్తతో రోహిణీ ఆనందంతో పొంగిపోతుంది. తన భర్తను ఆకాశానికి ఎత్తేస్తూ, “ఇలా లాభాలు వస్తే మనం ఎక్కడికో ఎదుగుతాం” అంటూ గర్వంగా చెబుతుంది. ఇంట్లో అందరికీ తన భర్త టాలెంట్ ని నిరూపించాలనే తపనతో ఉంటుంది.
ఇక ఇంతలో ప్రభావతి, బాలూ, సత్యం, రవి, శృతి — అందరూ కలిసి భోజనం చేస్తుంటారు. మీనా వారికి వడ్డిస్తూ ఉంటుంది. బాలు ఇంకా ఇతర కుటుంబ సభ్యులు ప్రభావతి వంట గురించి సరదాగా కామెంట్ చేస్తూ నవ్వుతూ ఉంటారు.అదే సమయంలో రోహిణీ తన ఆనందాన్ని దాచుకోలేక, అక్కడే అందరి ముందూ పొగడ్తలు మొదలుపెడుతుంది. “మనోజ్ ని మీరు అంత కలిసి ఎపుడు ఎందుకు పనికిరాని వాడు అని సంపాదించడం చేత కాదు అని, గుడి దగ్గర అడుక్కునేవాడు అని , పార్కులో నిద్రపోయేవాడు అని అనేవారు కదా కానీ ఇపుడు అదే మనోజ్ తన తెలివితేటలతో నాలుగు లక్షలతో బిజినెస్ చేసి ఒక లక్ష లాభం తెచ్చాడు” అని చెబుతుంది. బాలూ తన సరదా శైలిలో “పార్లర్ దగ్గర పల్లీలు తినేవాడన్న మాట కూడా చెప్పు మరి!” అని వ్యంగ్యంగా అంటాడు — అందరూ నవ్వుల్లో మునిగిపోతారు.
ఇంకా గర్వంగా రోహిణీ “ఇప్పుడు మన దగ్గర మొత్తం నాలుగు లక్షలున్నాయి” అని చెబుతుంది. దాంతో మీనా అమాయకంగా అడుగుతుంది — “ఒక లక్ష లాభం వచ్చిందంటే మొత్తం ఐదు లక్షలు ఉండాలి కదా?” అని. ప్రభావతి ఒక్కసారిగా షాక్ అయి గుండె పట్టుకుని “అంటే ఇంకో లక్ష ఉందా?” అని అడుగుతుంది. మనోజ్ వెంటనే తేరుకుని “లేదు” అని చూపిస్తూ, “మొత్తం నాలుగు లక్షలే — ఆ లాభం కూడా వాటిలో కలిసిపోయింది” అని వివరిస్తాడు. దానికి — మీనా అయోమయంగా చూస్తుంది, రోహిణీ ఆ తడబాటుని చూసి అవమానంగా ఫీల్ అవుతుంది, ప్రభావతి భయంతో ఉండిపోతుంది. అంతలో బాలు మనోజ్ తీసుకు వెళ్లిన 40 లక్షల గురించి గుర్తు చేస్తాడు. రోహిణి అవి తొందర్లోనే ఇస్తాము మీరు గుర్తు చేసే పని లేదు అని విసురుగా చెప్తుంది.
ప్రభావతి తేరుకుని బయటికి గర్వంగా తన కొడుకుని కౌగిలించుకుని “నా కొడుకు ఇప్పుడు గొప్పవాడయ్యాడు” అని చెబుతుంది. కానీ ఆమె మనసులో మాత్రం ఒక భయం — ఈ నగలు అమ్మిన విషయం బయటపడితే పరిస్థితి ఏంటో అని. తర్వాత ప్రభావతి మనోజ్‌ను పక్కకు లాగి మందలిస్తుంది — “మీనా నగలు అమ్మితే వచ్చిన డబ్బు అని తెలిసిపోతే మనల్ని చంపేస్తారు!” అంటూ తల పట్టుకుని బాధపడుతుంది. కోపంతో మనోజ్‌కి చిన్నగా కొడుతోంది కూడా.
మరుసటి రోజు ప్రభావతి మీనా తనకి కాఫీ ఇవ్వలేదు అని అరుస్తుంది. మీనా ప్రభావతితో కాఫీ రెడీ అయింది కానీ మీరు రాలేదు అత్తయ్య అని చెప్తుంది. అయితే పిలవాలి కదా అని ప్రభావతి అంటుంది. బాలు వచ్చి వంట చేసేది కాకుండా అందరిని పిలుస్తూ ఉండాలి అని గట్టిగ విజిల్ వేస్తాడు. మీనాకి కూడా ఇంకా నుండి వంట ఐన వెంటనే ఇలానే విజిల్ వెయ్యి అని విజిల్ ఇస్తాడు. అందరు వచ్చి ఏంటి ఈ గోల అని అరవడంతో బాలు అందరికి గట్టిగ సమాధానం చెప్తాడు.
అప్పుడే సుశీలమ్మ నుండి కాల్ వస్తుంది. సత్యం స్పీకర్‌లో పెట్టి మాట్లాడుతారు. సుశీలమ్మ ఉత్సాహంగా “ఒక ముఖ్యమైన విషయం చెప్పాలనుకున్నా” అని అంటుంది. సత్యం నవ్వుతూ “నీ 75వ పుట్టినరోజే కదా! నాకు గుర్తుంది అమ్మ” అని చెబుతాడు. సుశీలమ్మ నవ్వుతూ, “అందుకే అందరినీ నా దగ్గరికి ఆహ్వానించాలనుకున్నా” అని చెబుతుంది. కానీ అందరు వారి వారి పనులు కారణంగా రాలేమని చెప్పడంతో సత్యం, బాలు సుశీలమ్మనే ఇక్కడికి రమ్మని అంటారు. చివరికి సుశీలమ్మ ఒప్పుకుని “సరే, నేనే వస్తా” అని చెబుతుంది.
ప్రభావతికి మాత్రం మనసులో — “అయ్యో, ఆమె ఇక్కడికి వస్తే నాకు మానస్శాంతి ఉండదు” అని అనుకుంటుంది. కానీ బయటకు మాత్రం బలవంతంగా “రండి అత్తయ్యగారు” అని పిలుస్తుంది.
అంతటితో ఈ ఎపిసోడ్ ముగుస్తుంది.
మరుసటి ఎపిసోడ్ ప్రోమోలో బాలూ, మీనా ఇద్దరూ సుశీలమ్మకు పుట్టినరోజు బహుమతిగా బంగారు చైన్ కొనాలి అని మాట్లాడుకుంటూ ఉంటారు. మీనా ప్రభావతి దగ్గర ఉన్న తన నగలు తాకట్టు పెట్టి ఆ డబ్బుతో సుశీలమ్మకి గిఫ్ట్ ఇవ్వమని బాలుతో చెప్తుంది. అదే సమయంలో మనోజ్ ఆ మాట వింటాడు — వారు మాట్లాడుతున్న నగలు, తాను అమ్మేసినవే అని గ్రహిస్తాడు. వెంటనే ప్రభావతి వద్దకు పరుగెత్తి చెప్పేస్తాడు. ప్రభావతి భయంతో “ఎలాగైనా ఆ నగలు తిరిగి తెప్పించు!” అని చెబుతుంది. కానీ మనోజ్ నిస్సహాయంగా “వారు చెప్పారమ్మా, ఆ నగలు కరిగిపోయాయి” అని చెబుతాడు. ప్రభావతి భయంతో వణికిపోతోంది.
Source inspiration: Original story from “గుండె నిండా గుడి గంటలు” (JioHotstar). This is a personal written recap and interpretation.
