ఇల్లు ఇల్లాలు పిల్లలు Nov 3rd, 2025 సోమవారం ఎపిసోడ్ : అమూల్య కి ప్రపోజ్ చేసిన విశ్వ….!!!!
ఈరోజు ఎపిసోడ్ సాగర, నర్మదా మధ్య సరదా సంభాషణతో మొదలవుతుంది. నర్మద సాగర్ తో పరిగెత్తి పరిగెత్తి కాళ్ళు నొప్పిగా ఉన్నాయి అని కాళ్ళు పట్టమని అడుగుతుంది. సాగర్ అలానే చేస్తాడు. నర్మద అదేంటి భార్య కాళ్ళు పడతావా అని అడిగితే నా కిరీటం ఏమి పడిపోదు, నా కుటుంబం కోసం కష్టపడే నా భార్య కాళ్ళు పట్టుకోవడం తన మీద నా ప్రేమని చూపించడమే అని కృష్ణుడు ని ఉదాహరణగా చెప్తాడు.
ఇక మరోవైపు, ఇంట్లో శ్రీవల్లి అద్దం ముందు నిలబడి తన అందాన్ని పొగుడుకుంటూ ఉంటుంది. “నేనెంత అందంగా ఉన్నానో, చింతపండేసి తోమిన ఇత్తడి బిందెలా మెరిసిపోతున్నాను” అని తనని తాను పొగుడుకుంటుంది. అలా మాట్లాడుకుంటూ ఉండగా వెనుకనుంచి చందు వచ్చి కౌగిలించుకుంటాడు. ఒక్కసారిగా సిగ్గుపడిపోతూ “ఎప్పుడూ లేనిది ఈ కొత్త సరసం ఏంటి ?” అంటూ నవ్వేస్తుంది. చందు ఆమె అందాన్ని పొగుడుతుంటే, చాలా అందంగా ఉన్నావు అని అంటాడు. ఆమె సరదాగా “అంటే ఇంతకాలం నేను అందంగా లేనా?” అని ఆటపట్టిస్తుంది.
తర్వాత శ్రీవల్లి కొంచెం భావోద్వేగంగా, “నువ్వు నా వైపు ప్రేమగా చూస్తేనే కదా నా అందం కనిపించేది. నేనే ప్రేమగా నీ దగ్గరికి వస్తే కానీ నన్ను ఒక పురుగులా చూస్తావ్, కొంచం కూడా నన్ను పట్టించుకోవడం లేదు” అంటూ చందు మీద కోపం చూపిస్తుంది. ఇన్ని రోజులు మా వాళ్ళు 10 లక్షలు ఇవ్వలేదు అని నన్ను ఒక శత్రువుల చూసావు, నేను ఏమైనా ఇచ్చిన కూడా తీసుకోలేదు అని అరుస్తుంది. చందు నువ్వు ఇంకా మారవు అనుకుంటూ అక్కడ నుండి వెళ్లిపోతాడు. దాంతో శ్రీవల్లి అద్దం ముందు తనను తాను తిట్టుకుంటూ, “ఛీ నీ బతుకు చెడా! ఇలాంటి ఛాన్స్ మళ్లీ ఎప్పుడొస్తుందో!” అంటూ పశ్చాత్తాపపడుతుంది.
మరుసటి రోజు ఉదయం ప్రేమ లేచి రెడీ అవుతుంది. నిద్రపోతున్న ధీరజ్ మొహం మీద నీళ్లు చల్లి నిద్ర లేపుతుంది. ఎందుకు లేపావు అని అరిచిన ధీరజ్ కి ముందు రోజు వాళ్ళు చేసుకున్న సవాల్ గుర్తు చేస్తుంది. మర్చిపోయావా అని వెటకారం చేస్తున్న ప్రేమ కి రాత్రి లేటుగా పడుకున్న లేదు అంటే నే కంటే ముందే లేచే వాడిని అని అంటాడు ధీరజ్. ధీరజ్ కూడా లేచి రెడీ అవడం తో ఇద్దరు కలిసి బయటికి వెళ్తారు. అదే సమయంలో హాల్ లో నిద్రపోతున్న తిరుపతి కాలు తొక్కుతాడు రామరాజు. దానితో గట్టిగ ఏడుస్తూ నిద్రలేచిన తిరుపతి తనకి వచ్చిన కల గురించి రామరాజు తో చెప్తాడు.
విశ్వ తన ప్రతీకారం కోసం ప్రేమ అనే ముసుగులో అమూల్యను మోసం చేయాలని పథకం వేసుకున్నాడు. “ప్రేమ పేరుతో నమ్మించి పెళ్లి చేసుకుని రామరాజుకి గుండెకోత మిగిల్చాలి” అని అనుకున్న విశ్వ, ఈ ప్లాన్ కోసం శ్రీవల్లిని కూడా ఉపయోగించుకుంటాడు. శ్రీవల్లి పది లక్షల రూపాయలకు బేరం కుదుర్చుకుని, అమూల్యను గుడికి తీసుకెళ్లే ఏర్పాట్లు చేస్తుంది. అమూల్యకు మాత్రం తనకి పరీక్షల్లో మంచి మార్కులు కోసం దేవుడికి పూజ చేయడానికి వెళ్తున్నట్టు చెప్పుతుంది.
గుడిలోకి వచ్చిన అమూల్య ముందుకు, అకస్మాత్తుగా విశ్వ వచ్చేస్తాడు. ఆమె ఒక్కసారిగా షాక్ అవుతుంది. విశ్వ ఆమెతో ప్రేమగా మాట్లాడుతూ, “నేను నీకు పరాయి వాడిని కాదు అమూల్యా, మన కుటుంబాల మధ్య గొడవల వల్లనే నన్ను ద్వేషిస్తున్నావు కానీ నేను చెడ్డవాడిని కాదు. నేను అంతక ముందు మీ కుటుంబం మీద పగతో ఉన్నాను కానీ ఇపుడు మన కుటుంబాలు కలిసి ఉండాలి అని కోరుకుంటున్న ” అని చెబుతాడు. ఆ తరువాత తన మనసులో ఉన్న భావాలను బయటపెట్టి, దేవుడి సాక్షిగా “ఐ లవ్ యూ అమూల్యా” అని చెప్పేస్తాడు.
శ్రీవల్లి దూరం నుంచీ ఇవన్నీ చూస్తూ “అయ్యో!” అంటూ తల బాదుకుంటుంది. ఇపుడు ఎం జరుగుతుందో అని భయపడుతుంది. ఆమెకు విశ్వ నిజమైన ఉద్దేశ్యం తెలియదు — అతను ప్రతీకారం కోసం ప్రేమ నాటకం ఆడుతున్నాడని.
అది విని అమూల్య షాక్‌కి గురవుతుంది. ఒక్కసారిగా కోపంతో విశ్వని చెడ మడ తిడుతుంది. “లవ్వూ గివ్వూ అంటావా? పిచ్చి పట్టిందా నీకు? ఇలాంటివి మాట్లాడితే చంపేస్తా!” అని తీవ్రంగా హెచ్చరిస్తుంది. విశ్వ మాత్రం, “నేను నిజంగా నిన్ను ప్రేమిస్తున్నా అమూల్యా” అంటూ మనస్ఫూర్తిగా ప్రేమను వ్యక్తం చేస్తాడు. కానీ ఈ ప్రేమ వెనుక ఉన్నది పగ అని అమూల్యకి తెలీదు కదా.
అంతటితో ఈ ఎపిసోడ్ ముగుస్తుంది.
రేపటి ఎపిసోడ్ ప్రోమోలో ధీరజ్, ప్రేమ మధ్య పరుగు పందెం జరుగుతుంది. అందులో ప్రేమ గెలుస్తుంది. ధీరజ్ పోలీస్ జాబ్ కోసం చేయమని చెప్పగా ప్రేమ ఈ విషయం ఇంట్లో తెలిస్తే అంతే అని అంటుంది. ఇద్దరి మధ్య సరదాగా గడుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
