ఇల్లు ఇల్లాలు పిల్లలు Oct 30th 2025 గురువారం ఎపిసోడ్ : ధీరజ్ ని కాపాడాలని ప్రమాదంలో పడిన అత్త కోడళ్ళు !!! కాపాడిన వల్లి …!!!
ధీరజ్‌ని కిడ్నాప్ కేసు నుండి బయట పడేయడానికి నర్మద, వేదవతి, ప్రేమ — ముగ్గురూ అసలు శోభను ఎత్తుకెళ్లిన నిజమైన కిడ్నాపర్స్ని వెతకాలని బయల్దేరతారు. ప్రేమ ఆలోచిస్తూ అంటుంది — మనం శోభ ఎక్కడ ఉందో ఎలా తెలుసుకుంటాం అని.
ఇదే సమయంలో శోభను నిజంగా ఎత్తుకెళ్లిన అజయ్, కిరణ్ అనే ఇద్దరు దొంగలు దగ్గర్లోని ఓ ఇంట్లో దాక్కుంటారు. అజయ్, ఇంట్లో శోభతో ఉంటూ, కిరణ్‌కి చెబుతాడు — బయట కాపలా వేయి, పోలీసులు వస్తే వెంటనే చెప్పు, వాళ్లు మన కోసం వెతుకుతుంటారు అని. కిరణ్ బయట సిగరెట్ తాగుతూ ఉండగా, వేదావతి అతన్ని గమనిస్తుంది. ఆ వ్యక్తిని అడిగి ఏదైనా ఇన్ఫర్మేషన్ తెలుసుకుందామా అని అంటుంది.
నర్మద, ప్రేమ ఆపేస్తారు. అతనే దొంగ అయితే ప్రాబ్లెమ్ అవుతుంది, మనం శోభను వెతుకుతున్నామని ఎవరికీ తెలియకూడదు అని చెబుతారు. కానీ వేదవతి నేను ఎవరినైనా చూసి వారు మంచివారో చెడ్డవారో చెప్పగలనని అంటుంది. వాళ్ల మాటలు పట్టించుకోకుండా ధైర్యంగా కిరణ్ దగ్గరకి వెళ్లి, “మీది ఏ ఏరియా?” అని అడుగుతుంది. కిరణ్ అనుమానంగా “మీరు ఇక్కడ ఏం చేస్తున్నారు?” అని అడుగుతాడు. వేదవతి చెబుతుంది — ఇద్దరు వెధవలు ఒక అమ్మాయిని కిడ్నాప్ చేసి ఈ ఇక్కడికి తీసుకు వచ్చారు ఇక్కడే ఎక్కడో దాక్కున్నారు, నువ్వు వాళ్ళని చూశావా అని.
కిరణ్ చుట్టూ చూస్తూ టెన్షన్ పడుతాడు. అది చూసి నర్మద, ప్రేమకు అనుమానం వస్తుంది. కానీ వేదవతి ప్రశ్నలు అడుగుతూనే ఉంటుంది. కిరణ్ నటిస్తూ “చూసాను, వాళ్లు ఎక్కడ ఉన్నారో చూపిస్తా” అంటాడు. వేదావతి ఉత్సాహంగా అందరినీ తనతో రమ్మని అంటుంది. నర్మద అనుమానం ఉన్నా వేదవతి మాట వింటుంది. కిరణ్ వాళ్లను దగ్గర్లోని ఇంటికి తీసుకెళ్లి లోపలికి పంపి తలుపు వేసేస్తాడు. తర్వాత నవ్వుకుంటూ బయటకి వెళ్లిపోతాడు. అప్పుడే నర్మద, ప్రేమకి అతడే కిడ్నాపర్ అని అర్థమవుతుంది. వేదవతి భయంతో ఏడవడం మొదలుపెడుతుంది.
ఇంట్లో లాయర్ చెబుతాడు — ధీరజ్‌కి బెయిల్ రావడం కష్టం అని. రామరాజు బాధతో ఏడుస్తూ, తన కొడుకు నిరపరాధి అని చెబుతాడు. చందు సలహా ఇస్తాడు — MLAకి ఫోన్ చేద్దాం అని, కానీ MLA గానీ, విఠల్ రావుగానీ ఫోన్‌కి స్పందించరు. నిరాశతో రామరాజు దేవుణ్ణి ప్రార్థిస్తూ తన కొడుకును కాపాడమని కోరుతాడు.
ఇదే సమయంలో నర్మద, ప్రేమ వేదవతి మీద అరుస్తారు — ఆమె వల్లే ఈ పరిస్థితి వచ్చిందని. అప్పుడు అక్కడికి శ్రీవల్లి వస్తుంది. వేదవతి కాపాడుతూ “ఆమెపై ఎందుకు అరిస్తున్నారు?” అని అడుగుతుంది. వేదవతి చెబుతుంది — వీళ్ళు నా మీద ఎలా అరుస్తున్నారో చూడు అని. దానికి శ్రీవల్లి వ్యంగ్యంగా అంటుంది — నువ్వు వాళ్ళ టీమ్‌ కదా అలానే అనుభవించండి , అయినా పాపం ఇపుడు మిమ్మల్ని ఎవరు కాపాడతారో ఎవరైనా వస్తారో లేదో చూడాలి అని.
నర్మద కోపంగా చెబుతుంది — అంత తెలివి ఉంటే ఈ తలుపు తెరిచి చూపించు అని. శ్రీవల్లి చిరాకుతో కానీ ధైర్యంగా తాళం పగులగొట్టి వాళ్లను బయటకు తీస్తుంది. ఆమె సమయానికి రాకపోతే వాళ్ల పరిస్థితి దారుణంగా ఉండేదని అందరూ అర్థం చేసుకుంటారు.
వేదవతి సంతోషంతో శ్రీవల్లిని పొగుడుతుంది. కానీ నర్మద చల్లగా “నిన్ను లోపలే వదిలేసి పాఠం నేర్పాల్సింది” అంటుంది. వేదవతి అంటుంది శ్రీవల్లి తనపై ప్రేమతో వచ్చిందని. ప్రేమ చెబుతుంది — కాదు, ఆమె మా మీద డౌట్తో మన వెంట వచ్చింది, ఎప్పుడూ ఏదో గందరగోళం సృష్టించడానికి అని. అయినా సరే ఈసారి ఆమె వల్లే మనం బయటపడగలిగాం అని నర్మద అంటుంది.
తనకు విలువ ఇవ్వకపోవడంతో శ్రీవల్లి చెబుతుంది — ఒక రోజు తన మంచితనం అందరికీ తెలుస్తుంది అని. అలాగే అందరం కలిసి శోభను వెతుకుదాం అని చెప్తుంది. మనకి హెల్ప్ చేసింది కాబట్టి తాను కూడా మన టీం అని అంటుంది వేదవతి. నలుగురు ఒక్కో దారిలో వెళ్లి శోభ కోసం వెతుకుతూ ఉంటారు. అంతలో ప్రేమ ఏడుస్తుంది. నర్మద, వేదవతి ఓదారుస్తారు. శ్రీవల్లి అడుగుతుంది ఏంటి మోటర్ ఆన్ చేసావ్ ఇపుడు వరకు బాగానే ఉన్నావ్ కదా అని . ప్రేమ కన్నీళ్లు పెట్టుకుంటూ కాసేపులో ధీరజ్‌ను కోర్టుకు తీసుకెళ్తారు కదా అంటే అతనికి జైలు శిక్ష పడుతుందేమోనని భయపడుతుంది. అలా అనకే అంటూ వేదవతి కూడా కళ్ళ నీళ్లు పెట్టుకుంటుంది. అంతటితో ఎపిసోడ్ ముగుస్తుంది — నలుగురు కలిసి ఇంకా శోభను వెతుకుతూనే ఉంటారు. తర్వాతి ఎపిసోడ్‌లో కనిపెడతారా లేదా అనేది తెలుస్తుంది.
