ఇల్లు ఇల్లాలు పిల్లలు Nov 4th, 2025 మంగళవారం ఎపిసోడ్ : విశ్వ ప్రపోజల్‌ కలకలం – రామరాజు ఇంటి సెంటిమెంట్స్‌, నర్మద సీజ్ యాక్షన్
విశ్వ ప్రపోజల్‌పై అమూల్య ఆగ్రహం
ఈ ఎపిసోడ్ ప్రారంభంలో, గత భాగంలో విశ్వ అమూల్యకు ప్రేమగా ప్రపోజ్ చేసిన సంఘటన కొనసాగుతుంది. అమూల్య తీవ్ర ఆగ్రహంతో ప్రేమ గీమా అని పిచ్చి వేషాలు వేస్తే చంపేస్తా అని అంటుంది.. “మా అన్నయ్య బుద్ధి చెప్పినా నువ్వు మారలేదా, నాతో మాట్లాడటానికి నీకు ఎంత ధైర్యం?” అని అంటుంది. విశ్వ లేదు అమూల్యా, నేను నిన్ను నిజంగా ప్రేమిస్తున్నాను అని చెబుతాడు.
దాంతో అమూల్య మరింత ఆగ్రహంతో విశ్వ మాటలు పట్టించుకోకుండా “నీ నోట్లో నుంచి ఆ మాట మళ్లీ వస్తే చంపేస్తా” అని హెచ్చరిస్తుంది. విశ్వ ఆమెకి అర్థం అయ్యేలా చెప్పాలి అని ప్రయత్నించినా, అమూల్య “నీ మనసులో ఏదో దురుద్దేశం ఉందని నాకు ముందే తెలుసు. ఇప్పుడు అది బయటపడింది. మా నాన్నకి చెప్పి నీ సంగతి తేలుస్తా” అని వెళ్లిపోతుంది.
ఆమె వెళ్లిపోతుంటే శ్రీవల్లి షాక్ అయ్యి అక్కడికి పరుగెత్తుకుంటూ వస్తుంది.
శ్రీవల్లి – విశ్వ వాగ్వాదం
శ్రీవల్లి విశ్వను చూసి “ఒరేయ్ ఎద్దూ, ఇలా చేసి చచ్చావ్ ఏంట్రా” అంటూ తిడుతుంది. విశ్వ తన వాదనలో “నేను ఏమి చేశాను, ఐ లవ్యూ అన్నాను అంతే” అని చెబుతాడు. దాంతో శ్రీవల్లి “నువ్వు ఆ పిల్లతో చనువు పెంచుకున్న తర్వాత చెప్పాల్సింది, ఇప్పుడే చెప్పి పెద్ద తప్పు చేశావ్. ఆ పిల్ల ఇప్పుడు ఆవేశంగా వాళ్ళ నాన్నకి చెబితే నా కాపురం కూలిపోయినట్టే” అని అంటుంది.
తాను సమస్యలో పడిపోతానని అర్థం చేసుకున్న శ్రీవల్లి, “ఈరోజుతో నా పని అయిపోయినట్టే” అని ఆందోళన చెందుతూ అమూల్య వెనుక పరుగెత్తుతుంది.
ధీరజ్, ప్రేమ ల మధ్య బలపడుతున్న స్నేహం
ధీరజ్, ప్రేమ ముందురోజు సవాల్ చేసుకున్నట్టు పరుగు పందెంలో పాల్గొంటారు. చెప్పినట్టుగానే ప్రేమ ధీరజ్ ని ఓడిస్తుంది. ధీరజ్ అడగగా గ్రౌండ్ అంత ఒక నిమిషంలోనే పరిగెత్తి తన సత్తా చూపిస్తుంది. రన్నింగ్ షూస్ ఉంటే ఇంకా తొందరగా రేస్ ని ఇంకా ముందే పూర్తి చేసేదాన్ని అని చెప్తుంది. తన పరుగుని చూసి ధీరజ్ ప్రేమని పోలీస్ జాబ్ కోసం ప్రయత్నం చేయమని అడుగుతాడు. అది ఇంట్లో తెలిస్తే చాలా సమస్యలు వస్తాయని, ముందు కూడా తన వల్ల చాలా సమస్యలు వచ్చాయి కదా ఇపుడు మళ్లీ పోలీస్ జాబ్ అంటే మామయ్య అసలు ఒప్పుకోరు అని సమాధానం ఇస్తుంది ప్రేమ. ధీరజ్ మాత్రం మనసులో ప్రేమని ఎలా అయినా పోలీస్ ని చేయాలని అనుకుంటాడు.
రామరాజు – వేదవతి సన్నివేశం
ఇక రామరాజు ధాన్యం కొనుగోలు పనిలో భాగంగా రామచంద్రాపురం వెళ్ళడానికి సిద్ధమవుతాడు. అతను తిరుపతిని పిలిచి “నేను లేనప్పుడు నువ్వు, నడుపోడు ఇద్దరూ మిల్లుని చూసుకోండి” అని చెబుతాడు. తిరుపతి “ప్రతిరోజూ చూసుకుంటున్నాము కదా, కొత్తగా చెబుతున్నారు” అని వెక్కిరిస్తాడు. రామరాజు “నేను లేకుంటే మిల్లుని మీరు చూసుకోలేరు” అని చెబుతాడు. తిరుపతి “అంత డౌట్ అయితే మిల్లుని కూడా తీసుకెళ్లిపోండి” అని వ్యంగ్యంగా అంటాడు.
వేదవతి మాత్రం రామరాజు వెళ్ళబోతున్నాడని ఏడవడం మొదలుపెడుతుంది. రామరాజు “రెండు రోజుల్లో వచ్చేస్తాను, నువ్వు నవ్వుతూ పంపించాలి” అని ఓదారుస్తాడు. తిరుపతి ఆ సన్నివేశాన్ని చూసి “మీ బ్లాక్ అండ్ వైట్ ప్రేమలు చూసి నాకు మెంటల్ వచ్చేట్టుంది” అని నవ్వుకుంటాడు. రామరాజు “నీకు భార్యా భర్తల బంధం తెలియదు” అని చెబుతాడు. వేదవతి రామరాజును కౌగిలించుకుని “జాగ్రత్తగా వెళ్ళండి” అంటుంది.
అమూల్య – శ్రీవల్లి మధ్య సంభాషణ
అమూల్య ఆవేశంగా ఇంటికి వెళ్లి రామరాజుకి చెప్పేందుకు బయలుదేరుతుంటే, మార్గమధ్యంలో శ్రీవల్లి ఆమెను అడ్డుకుని “ఏం చెప్పబోతున్నావు?” అని అడుగుతుంది. అమూల్య “విశ్వ నాకు ప్రపోజ్ చేశాడు. వాడికెంత ధైర్యం. నాన్నకి చెప్పి వాడి అంతు తేలుస్తా” అని చెబుతుంది.
శ్రీవల్లి “అంటే ఎవరిదైనా ప్రాణం పోయినా పర్వాలేదా?” అని అడుగుతుంది. అమూల్య ఆశ్చర్యంతో “ప్రాణం పోవడం ఏంటి, ఎందుకు పోతుంది?” అని అడిగితే, శ్రీవల్లి “విశ్వ విషయం నీ నాన్నకి చెబితే పెద్ద సమస్య వస్తుంది. మన కుటుంబాల మధ్య గొడవ పెరుగుతుంది. అందుకే ఆ విషయం మీ నాన్నకి చెప్పొద్దు” అని సర్ది చెప్తుంది.
శ్రీవల్లి చెప్పిన మాటలపై అమూల్య కొంత ఆలోచనలో పడుతుంది, కానీ ఇంకా కోపంతో ఉంటుంది.
భద్రావతి , సేనాపతి ల ప్రాపర్టీ సీజ్ చేసిన నర్మద
ఇక మరో వైపు నర్మద భద్రావతి 20 ఎకరాలు, సేనాపతి 10 ఎకరాలు అక్రమంగా కబ్జా చేశారని తెలుసుకుంటుంది. ఆమెపోలీసులు ఇంకా ఇతర అధికారులతో కలిసి ఆ ప్రాంతానికి వెళ్ళి ప్రాపర్టీ ని సీజ్ చేయండి అని ఆదేశిస్తుంది. భద్రావతి ఆవేశంగా “ఇది మా స్థలం, నువ్వు ఎలా సీజ్ చేస్తావ్?” అని ప్రశ్నిస్తుంది. నర్మద “ఇందులో కొంత గవర్నమెంట్ భూమి ఉంది. గవర్నమెంట్ స్థలంలో పర్మిషన్ లేకుండా కన్‌స్ట్రక్షన్ చేస్తున్నారు. మేము నోటీసులు పంపాం, మీరు స్పందించలేదు. అందుకే చట్టం ప్రకారం యాక్షన్ తీసుకున్నాం” అని సమాధానం ఇస్తుంది.
సేనాపతి “ఇది నువ్వు మీ మామయ్యతో కలసి ప్లాన్ చేసిన కుట్ర” అని ఆరోపిస్తాడు. దాంతో నర్మద “నేను ప్రభుత్వ అధికారిని. నా బాధ్యతగా చేస్తున్న పని ఇది. ఇందులో ఫ్యామిలీ విషయాలు తీసుకు రాకండి” అని స్పష్టం చేస్తుంది. సేనాపతి ఆగ్రహంతో నర్మదపైకి దూసుకెళ్తాడు. ఆమె వెంటనే “మిస్టర్ సేనాపతి!” అని చిటికె వేయగానే, పోలీసులు వెంటనే అతన్ని చుట్టుముట్టుతారు.
ఇంతటితో ఈ ఎపిసోడ్ ముగుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
