ఇల్లు ఇల్లాలు పిల్లలు Nov 7th, 2025 శుక్రవారం ఎపిసోడ్: లంచం తీసుకుంటూ దొరికిపోయిన నర్మద … !!! సంతోషంతో చిందులు వేసిన శ్రీవల్లి …. !!!
నర్మద ఉదయాన్నే వేదవతిని కలవడానికి కిచెన్‌లోకి వెళ్తుంది. వేదవతి మాత్రం మౌనం పాటిస్తూ ఏమీ మాట్లాడదు. నర్మద నవ్వుతూ “మీరు సీరియస్‌గా ఉన్నప్పుడు మీ అందం ఇంకా పెరిగిపోతుంది అత్తయ్యా” అని వేదవతిని కూల్ చేయడానికి ప్రయత్నిస్తుంది. ఎంత సేపటికి వేదావతి మాట్లాడకుండా సీరియస్ గా ఉంటుంది.
కొంతసేపు ఎదురు చూసిన నర్మద కోపంగా “మీరు మాట్లాడకపోతే నేను కూడా మీతో మాట్లాడను” అని వెళ్లిపోతుంది. కానీ తానే తిరిగి వచ్చి మృదువుగా “ప్లీజ్ అత్తయ్యా మాట్లాడండి. మీరు నవ్వుతూ ప్రేమగా మాట్లాడకపోతే నాకు ఆ రోజు ఏదో ఒక చేదు జరుగుతుంది. మీరు మంచిగా మాట్లాడి నవ్వుతు పంపిస్తే నేను కూడా ఆఫీస్ లో హ్యాపీగా పని చేసుకుంటాను. ప్లీజ్ నవ్వుతూ మాట్లాడండి” అని వేడుకుంటుంది.
వేదవతి మాత్రం ఆమెను పట్టించుకోదు. నర్మద తన మనసులోని బాధను చూపుతూ “నేను మీ అక్కవాళ్లకు ఎదురు వెళ్తున్నానని మీరు నాతో మాట్లాడటం లేదు. కానీ అది నా బాధ్యత. ఒకరోజు మీరు అర్థం చేసుకుంటారు” అని చెప్పి ఆఫీస్‌కి బయలుదేరుతుంది. వేదవతి “ వాళ్లతో విరోధం పెట్టుకుంటే నువ్వే నష్టపోతావు. వాళ్ళు పంతానికి వస్తే నిన్ను ఏమైనా చేస్తారు అని నేను భయపడుతున్న. నీకు నా కోపమే కనిపిస్తుంది కానీ నా బాధ చూడటం లేదు నువ్వు ” అని మనసులో అనుకుంటుంది.
నర్మద సబ్రిజిస్ట్రార్ ఆఫీస్‌లో తన పనుల్లో నిమగ్నమై ఉంటుంది. ఈ సమయంలో ఒక వ్యక్తి ఫోన్‌లో ఎవరితోనో మాట్లాడుతూ “సార్, మీరు చెప్పినట్లుగానే సబ్ రిజిస్ట్రార్ ఆఫీస్ కి వచ్చాను. పని పూర్తి చేసి మీకు కాల్ చేస్తాను” అని చెబుతాడు. తర్వాత నేరుగా నర్మద దగ్గరికి వెళ్లి ఒక ఫైల్ ఇస్తూ “మేడమ్, నా పొలం రిజిస్ట్రేషన్ చేయించాలి. దయచేసి సంతకం చేయండి” అని చెబుతాడు.
ఫైల్‌ని పరిశీలించిన నర్మద “ఈ డాక్యుమెంట్స్‌లో సర్వే నంబర్లు సరిగా లేవు. ఈ భూమి ఇప్పటికే వేరొకరి పేరుతో రిజిస్టర్ అయింది అని రికార్డ్స్ లో ఉంది. కాబట్టి నేను సంతకం పెట్టలేను” అని సమాధానం ఇస్తుంది.
అతను “మేడమ్, అన్ని సరిగానే ఉన్నాయి చివరి పేజీ ఒకసారి చూడండి, అప్పుడు అంతా అర్థం అవుతుంది” అని చెబుతాడు. నర్మద ఆ పేజీ తెరిచిన వెంటనే దాని కింద నోట్ల కట్టలు కనిపిస్తాయి. దాన్ని చూసి ఆమె ఆశ్చర్యపోతుంది. వెంటనే ఆ వ్యక్తిని గట్టిగా “ఏంటి ఇది? నాకు లంచం ఇవ్వాలనుకుంటున్నావా?” అని ప్రశ్నిస్తుంది. అంతలోనే అవినీతి నిరోధక శాఖ అధికారులు, పోలీసులు, మీడియా ఒక్కసారిగా ఆఫీస్‌లోకి వస్తారు.
వారు నర్మద చేతిలో ఉన్న నోట్ల కట్టలు చూసి “మాకు సమాచారం వచ్చింది. మీరు లంచం తీసుకుంటూ దొరికిపోయారు” అని చెబుతారు. నర్మద ఆశ్చర్యంతో “సార్, ఇది తప్పు. నేను లంచం తీసుకోలేదు. ఇతను నన్ను ఇరికించాడు” అని వివరిస్తూ అతనిని నిలదీయడానికి ప్రయత్నిస్తుంది. అపుడు వాళ్ళు మీరు అలా బెదిరించకూడదు అని అంటారు.
ఆ వ్యక్తి మాత్రం “మేడమ్ అబద్దం చెప్తున్నారు, సంతకం పెట్టడానికి లంచం అడిగారు. నేను ఇవ్వగానే పట్టుబడ్డారని ప్లేట్ మారుస్తున్నారు” అని చెబుతాడు. నర్మద కోపంగా “అబద్దాలు చెబుతున్నావు” అని చెప్పగా, ఆఫీసర్ “మీరు ఇలా బెదిరించడం కూడా నేరమే అని చెప్పాము కదా. సాక్ష్యాలు ఉన్నాయి. వీడియో ఫుటేజ్ కూడా ఉంది. ఏమైనా ఉంటే మా ఆఫీస్ కి వచ్చి మాట్లాడండి” అని హెచ్చరిస్తాడు.
తరువాత అవినీతి నిరోధక శాఖ అధికారులు నర్మదను సస్పెండ్ చేస్తున్నట్లు ప్రకటించి, “తరువాత రిమాండ్‌లోకి తీసుకుంటాం” అని చెప్పి అక్కడి నుంచి వెళ్తారు. నర్మద ఒక్కసారిగా కూర్చుని, తనపై జరిగిన అన్యాయం గురించి బాధపడుతుంది.
ఇక రామరాజు ఇంట్లో ఆనంద్‌రావు, భాగ్యం కలిసి తింటూ, పాటలు పాడుకుంటూ ఎంజాయ్ చేస్తుంటారు. శ్రీవల్లి కూడా అక్కడికి వచ్చి “గారెల బుట్టలో పడ్డట్టున్నారు మీరు, ఎంత ఎంజాయ్ చేస్తున్నారు” అని సరదాగా చెబుతుంది.
అంతలో టీవీలో బ్రేకింగ్ న్యూస్ వస్తుంది — “లంచం తీసుకుంటూ పట్టుబడ్డ సబ్రిజిస్ట్రార్ నర్మద” అని.
ఆ వార్తను చూసి శ్రీవల్లి, భాగ్యం, ఇడ్లీబాబాయ్ ముగ్గురు ఆనందంతో నిండిపోతారు. “ఇప్పుడే ఆ నర్మద పని అయిపోయింది” అని సంబరపడుతారు.
శ్రీవల్లి వెంటనే ఇంట్లో అందరినీ పిలుస్తుంది. వేదవతి “ఇంత హడావుడీ ఎందుకమ్మా?” అని అడుగుతుంది. అందరూ టీవీ చూస్తే నర్మద పేరు వార్తల్లో కనిపిస్తుంది. వేదవతి ఒక్కసారిగా షాక్ అవుతుంది. శ్రీవల్లి “చూడండి, మన నర్మద లంచం తీసుకుంది” అని చెబుతుంది.
వెంటనే వేదవతి, ఇంకా ఇంట్లో అందరు కోపంతో “ఏం మాట్లాడుతున్నావ్!” అని గట్టిగా అరుస్తారు. శ్రీవల్లి “మీరు అంతా నర్మద ని బాగా నమ్ముతున్నారు అనుకుంట అందుకే న మీద అరుస్తున్నారు. కానీ నిజం కాకపోతే టీవీ లో ఎందుకు వస్తుంది ” అని అంటుంది . దానికి ప్రేమ “నర్మద అక్క ఎలాంటిదో మనకి తెలియదా. అక్క ఇలా అసలు చేయదు. ఏదో జరిగి ఉంటుంది” అని బలంగా అంటుంది. ధీరజ్, సాగర్ కూడా అంగీకరిస్తారు. శ్రీవల్లి మాత్రం “మనవాళ్ళ మీద మనకి అలా నమ్మకం ఉంటుంది కానీ నిజం అయితేనే కదా ఇలాంటి వార్త బయటికి వస్తుంది ” అని దెప్పిపొడుస్తుంది. వేదవతి వాళ్ళ ఇద్దరినీ సైలెంట్ గా ఉండమని చెప్పి ధీరజ్ ని రామరాజుకి ఫోన్ చేయమని చెబుతుంది కానీ ఫోన్ కలవదు.
వేదవతి సాగర్‌కి “నర్మదకి ఫోన్ చెయ్, ఏమైందో తెలుసుకో” అని చెబుతుంది. కానీ నర్మద ఫోన్ కూడా అందుబాటులో ఉండదు. అందరూ ఆందోళన చెందుతారు. ధీరజ్, సాగర్ ఇద్దరు బయటికి వెళ్తారు.
తరువాత శ్రీవల్లి, భాగ్యం, ఇడ్లీబాబాయ్ ముగ్గురు బయటికి వచ్చి ఆనందంతో చిందులు తొక్కుతారు. శ్రీవల్లి “ఇన్నాళ్లు తనకు గవెర్నమెంట్ ఉద్యోగం ఉద్యోగం ఉంది అని విర్రవీగింది. ఇప్పుడు అదే ఉద్యోగం ఆమెను పడగొట్టింది. ఇక ఆ నర్మద నా ముందు తల దించుకుని తిరగాల్సిందే” అని చెబుతుంది.
టీవిలో న్యూస్ చూసిన భద్రావతి, సేనాపతులు ఒకరినొకరు చూసుకుని నవ్వుకుంటారు. సేనాపతి “మనతో పెట్టుకుంటే ఇలాగే జరుగుతుంది. మనపై తిరుగుబాటు చేస్తే జీవితాంతం గుర్తుండే దెబ్బ కొడతాం” అని చెబుతాడు. భద్రావతి “నిజమే. ఏ గవర్నమెంట్ ఉద్యోగి అయినా మన ముందు చేతులు కట్టుకుని ఉండాల్సిందే. కానీ నర్మద మాత్రం ఎదిరించింది. దానికి ఫలితం ఇప్పుడు చూస్తోంది. మన పేరు వింటే ఇక నుంచి వణుకుతుంది” అని అంటుంది.
సేనాపతి “ఇక రామరాజు అవమానంతో తల వంచుకుంటాడు. ఆ ఫ్యామిలీకి మనం ఇచ్చిన దెబ్బ మరచిపోలేరు. ఇపుడు ఆ రామరాజు మొహం చూడాలి ” అని అంటాడు. దానికి భద్రావతి “ముందు నాకు నర్మద మొహం చూడాలి అని ఉంది. నన్ను తన ఆఫీస్ కి రప్పించింది. మన ప్రాపర్టీస్ సీజ్ చేయించింది. అధికారం ఉంది అని ఆడ పులి లా ప్రవర్తించింది. ఇపుడు అవమానంతో తల దించుకుని ఉంటుంది” అని అంటుంది.
ఆఫీస్ నుంచి ఇంటికి బయలుదేరిన నర్మద, తన మనసులో బాధతో రోడ్డుపై ఒంటరిగా నడుస్తూ వస్తుంది. “నేను న్యాయం కోసం పోరాడాను, కానీ న్యాయం నాకు దొరకలేదా?” అని తనలో తాను ఆలోచిస్తూ వస్తుంది.
ఇంతలో ఆమె ఇంటి ముందే సేనాపతి, భద్రావతి కూర్చొని ఉంటారు. నర్మదను చూసి సేనాపతి “లంచం తీసుకుంటూ దొరికిపోయిన అధికారికి స్వాగతం ” అని ఎగతాళి చేస్తాడు. భద్రావతి “నిన్న మన ప్రాపర్టీ సీజ్ చేసింది కదా, ఇప్పుడు తలదించుకుని వస్తుంది. లేడీ సింహం నుండి అవినీతి తిమింగలం అయిపోయింది” అని అంటుంది.
నర్మద నిశ్శబ్దంగా వింటూ ఉంటుంది.
అంతటితో ఈ ఎపిసోడ్ అయిపోతుంది.
మరుసటి రోజు ఎపిసోడ్ ప్రోమోలో ప్రేమ, ధీరజ్ గొడవపడటంతో ప్రేమ తన అత్తింటి నుండి పుట్టింటికి వెళ్ళిపోతుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
