ఇల్లు ఇల్లాలు పిల్లలు Nov 10th, 2025 సోమవారం ఎపిసోడ్: నిజం నిరూపించుకుని నిర్దోషిగా బయటపడిన నర్మద … !!!
ఎపిసోడ్ ప్రారంభంలో ప్రేమ ధీరజ్‌పై కోపంగా అలిగి తన పుట్టింటికి వెళ్లిపోతుంది. ధీరజ్ ఆమె వెళ్లిపోవడం చూసి ఆశ్చర్యపోతాడు. మొదట ప్రేమ అలా వెళ్లిపోవడం సరదాగా బెదిరించడమేనని అనుకుంటాడు, కానీ ఆమె నిజంగానే వెళ్లిపోయిందని అర్ధం అయ్యి కంగారుపడిపోతాడు. “ఇప్పుడు ఇంట్లో అందరూ నన్ను అడిగితే ఏం చెప్పాలి?” అని ఆలోచిస్తూ బయట నిలబడి ప్రేమకు ఫోన్ చేస్తాడు.
ఫోన్ ఎత్తిన ప్రేమ “నేను రాను, నీ మీద అలిగి పుట్టింటికి వచ్చేశా” అని చెబుతుంది. ధీరజ్, “నువ్వు అక్కడ ఉంటే ఎవరైనా చూస్తే పెద్ద గొడవ అవుతుంది, రావే” అని వేడుకుంటాడు. ప్రేమ “సారీ చెబితే వస్తా” అని అంటుంది. ధీరజ్ వెంటనే “సారీ” అని చెబుతాడు. ప్రేమ “మంచి అబ్బాయి” అని నవ్వుకుంటూ కొద్దిసేపటికే ఆమె తిరిగి వస్తుంది.
ప్రేమ ఇంటికి వచ్చిన వెంటనే ధీరజ్ “ఏంటి, ఇది అంతా ఓవర్ యాక్షన్ కదా?” అని అడుగుతాడు. ప్రేమ “నన్ను తిడుతున్నావా? మళ్లీ తిరిగి వెళ్తాను” అని అంటుంది. ధీరజ్ “సరే సారీ, లోపలికి రా” అని ఆమెను లోపలికి తీసుకెళ్తాడు. కాసేపు ఇద్దరు గిల్లి కజ్జాలు పెట్టుకుంటారు. ఈ సన్నివేశాన్ని చూసి భాగ్యం, “మనమేం గుడ్లగూబలా వీళ్లని చూస్తూ ఉండాలా?” అని ఇడ్లీబాబాయ్‌తో అంటుంది.
ఇడ్లీబాబాయ్ “అమ్మాయి ఎప్పుడూ ఆ ఇంటికి వెళ్లదు, కానీ ఇప్పుడు వెళ్ళింది అంటే ఏదో ప్లాన్ ఉన్నట్టుంది” అని అనుమానం వ్యక్తం చేస్తాడు. భాగ్యం మాత్రం “అంతేం లేదు, నువ్వు అనవసరంగా అనుకుంటున్నావు” అని ఆపేస్తుంది.
తర్వాత రోజు ఉదయం భద్రావతి, సేనాపతి ఇద్దరూ టీవీలో నర్మద గురించి వచ్చే వార్తలు చూస్తుంటారు. ఏసీబీ అధికారులు నర్మదను లంచం తీసుకున్న ఆరోపణలతో అదుపులోకి తీసుకున్నారని వార్తలు వస్తాయి. వారిద్దరూ సంతోషంగా నవ్వుకుంటూ “ఇప్పుడు ఆ నర్మద చాప్టర్ క్లోజ్ అయిపోయింది” అని అంటారు. సేనాపతి “మనం కొట్టిన దెబ్బకి ఆ పిల్లది ఔట్ అయింది, కాసేపట్లో రిమాండ్‌కి తీసుకెళ్తారు” అని చెబుతాడు. భద్రావతి “లంచం తీసుకుంటూ పట్టుబడింది, ఆమెను దేవుడు కూడా కాపాడలేడు. ఉద్యోగం పోయింది, జైలుకీ వెళ్తుంది” అని అంటుంది.
వేదవతి ఇంట్లో అయితే అంతా దిగులుగా ఉంటారు. వేదవతి మనసు బాధతో నిండిపోయి ఉంటుంది. భాగ్యం వచ్చి ఆమెకు ధైర్యం చెబుతుంది. “బాధపడొద్దు వదినా, టైమ్ బాగోలేకపోతే జున్ను తిన్నా పన్ను విరుగుతుంది అంటారు. మన చేతుల్లో ఏముంది? నర్మద లంచం తీసుకుంటుంది అని మనం అనుకున్నామా” అని అంటుంది. వేదవతి “మీరు ఇంతక మించి ఒక మాట కూడా మాట్లాడొద్దు. నా కోడలు ఏంటో నాకు తెలుసు. నర్మద లంచం తీసుకునే మనిషి కాదు. ఆమె వెనుక ఏదో కుట్ర జరిగిందనిపిస్తోంది” అని చెబుతుంది.
వల్లీ, భాగ్యం “మనకు నర్మద మంచిదే అని తెలుసు కానీ పోలీసులు సాక్ష్యాలకే ప్రాధాన్యం ఇస్తారు, మంచితనం చూసే వదిలేయరు కదా” అని అంటారు. శ్రీవల్లి “నర్మద అరెస్టయిందనే ఆలోచనతోనే నా గుండె పగిలిపోతుంది” అని పైకి బాధపడుతున్నట్టు చెబుతుంది. ప్రేమ ఆమెను ఆపుతూ “అక్కా, నర్మద అక్క నిర్దోషిగా బయటకు వస్తుంది. తన మీద పడిన నింద ఎవరి వల్ల అనేది కూడా బయటకు తీస్తుంది” అని ధైర్యం చెబుతుంది.
ఇక భద్రావతి తన తమ్ముడు సేనాపతితో మాట్లాడుతూ “నర్మద నిర్దోషిగా బయటకు ఎలా వస్తుంది? ఆమెను ఈ కేసులో ఇరికించిందే మనం కదా. ఎవరికీ తెలీదు, దేవుడికీ కూడా” అని చెబుతుంది. సేనాపతి “నిన్న మన ఆస్తి సీజ్ చేసింది. ఇవాళ ఆ రామరాజు మీద ఉన్న పగ తీర్చుకోవడానికి నర్మద రూపంలో మనకి మంచి అవకాశం దొరికింది” అని సమాధానమిస్తాడు.
ఇక వేరే సన్నివేశంలో, ఏసీబీ అధికారులు నర్మదను విచారణ కోసం పిలుస్తారు. ఆమెను బలమైన ఆధారాలపై లంచం కేసులో అరెస్టు చేస్తున్నామని చెబుతారు. “మీరు నేరాన్ని అంగీకరిస్తూ సంతకం చేయండి” అని అంటారు. నర్మద “నేను సంతకం పెట్టను సార్. ఎందుకంటే నేను లంచం తీసుకోలేదు. తప్పు చేయలేదు” అని ధైర్యంగా చెబుతుంది.
అధికారులు “మీరు తీసుకున్న నోట్లపై ఉన్న నంబర్లు, ఇతని అకౌంట్‌ నుండి డ్రా చేసిన నోట్ల నంబర్లు ఒకేలా ఉన్నాయి. మీరు తప్పించుకోలేరు” అని అంటారు. నర్మద ప్రశాంతంగా “అంత మొత్తం డబ్బు ఇతని అకౌంట్‌లోకి ఎక్కడి నుంచి వచ్చిందో చూశారా? అది తెలుసుకుంటే అసలు నేరస్థుడు ఎవరో మీరే కనుగొంటారు” అని చెబుతుంది.
తర్వాత ఆమె 6 నెలల బ్యాంక్ స్టేట్‌మెంట్ చూపిస్తుంది. “ఇతని అకౌంట్‌లో గత ఆరు నెలల్లో 20 వేల రూపాయల కంటే ఎక్కువ లేవు. కానీ నన్ను కలవడానికి గంట ముందు రెండు లక్షలు వచ్చాయి. ఇవి ఎవరి అకౌంట్‌ నుంచి వచ్చాయో చూడండి” అని చెబుతుంది. అధికారి ఆ వివరాలు చూసి “సేనాపతి” అని చెబుతాడు.
అది విని నర్మద “ఇప్పుడు మీరు అర్థం చేసుకున్నారనుకుంటా సార్. ఈ సేనాపతి, భద్రావతిలు కలిసి ప్రభుత్వ భూమిని కబ్జా చేశారు. నేను వాటిని సీజ్ చేశాను. దానికి ప్రతీకారం తీర్చుకోవడానికి నన్ను ఇరికించారు. ఇతనికి డబ్బులు ఇచ్చి నన్ను పావుగా వాడుకున్నారు” అని చెబుతుంది. అధికారులు సత్యాన్ని గ్రహించి “సారీ మేడమ్, మీరు వెళ్లొచ్చు” అని వదిలేస్తారు.
నర్మద నిర్దోషిగా బయటకు వచ్చిన వార్త టీవీల్లో బ్రేకింగ్‌గా వస్తుంది. భద్రావతి, సేనాపతిలు షాక్ అవుతారు. వేదవతి “నా కోడలు కడిగిన ముత్యంలా తిరిగి వచ్చింది” అని ఆనందపడుతుంది. శ్రీవల్లి, భాగ్యం తప్ప ప్రేమ ఇంకా మిగిలిన అంతా సంతోషంగా ఉంటారు. శ్రీవల్లి, భాగ్యం బాధతో డీలా పడతారు.
ఇంతటితో ఈరోజు ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో ఇంతలో సేనాపతి ముఖం నిస్తేజంగా మారుతుంది. టీవీలో “సేనాపతిని పోలీసులు అరెస్ట్ చేశారు” అనే ఫ్లాష్ వస్తుంది. నర్మద టైమ్‌కి అక్కడికి చేరి “ఇప్పుడైనా న్యాయం జరిగిందని చూస్తున్నారు కదా” అని చెబుతుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
