ఇల్లు ఇల్లాలు పిల్లలు Nov 15th, 2025 శనివారం ఎపిసోడ్: ప్రేమ, ధీరజ్ ల మధ్య చిగురిస్తున్న ప్రేమ … !!! అమూల్య ని ఎమోషనల్ గా ట్రాప్ చేస్తున్న విశ్వ … !!!
ఎపిసోడ్ ప్రారంభంలో ప్రేమ కాలేజీకి బస్‌ కోసం ఎదురు చూస్తుంటుంది. అప్పుడే ధీరజ్ కారు ఆపి, ప్రేమను ఎక్కించుకుని బయటకు తీసుకెళ్తాడు. ఎక్కడికి తీసుకెళ్తున్నావని అడిగితే, సర్‌ప్రైజ్ ఉందని చెబుతూ ఏమీ చెప్పడు. ప్రేమ మాత్రం ధీరజ్‌తో ఇలా ఎక్కడికైనా వెళ్లడం చాలా ఇష్టంగా, ఆనందంగా ఫీల్ అవుతుంది.
ఇంకా మరోవైపు, శ్రీవల్లి మాత్రం తనే సెట్ చేసిన “ప్రేమ రాయబారం” ఎక్కడ బయటపడతుందోనని టెన్షన్‌లో ఉంటుంది. అదే సమయంలో అమూల్య బయటికి రెడీ అవుతోంది. ఇదే సరైన టైమ్ అని అనుకుని, ఆమె దగ్గరకు వెళ్లి పొగడ్తలతో మొదలు పెడుతుంది.
అమూల్య రాశి ఫలం అద్భుతమని, సీతాఫలంలా మధురమని, అదృష్టం నువ్వు వెళ్లే దారిలో ముందే పరిగెత్తుకుంటూ వస్తోందని, ఈ రోజు జరిగే ప్రతిదీ నీకు మంచే చేస్తుందని దేవుడే దారి వేసాడని చెబుతుంది. “ఈ రోజు ఎవరు ఏం చెప్పినా పాజిటివ్‌గా తీసుకో” అంటూ ముందుగానే అమూల్య మెదడులో ఒక రాయి వేస్తుంది.
అమూల్య వెంటనే నవ్వుతూ “వదినా, మీరు చదివింది ఏ రాశి?” అని అడుగుతుంది. వల్లి “మీన రాశి” అంటుంది. అమూల్య పేపర్ తీసుకుని చెక్ చేస్తే అది “కన్య రాశి” అని తెలిసిపోతుంది. వల్లికి ఒక్కసారిగా గ్రహణం పట్టినట్టు తన ప్లాన్ బెడిసి కొట్టిందని అర్ధం అయ్యి వెంటనే మాటలను మేనేజ్ చేస్తూ, “నీ రాశి మారి ఉండొచ్చు కానీ నీ అదృష్టం మాత్రం మారదు” అంటూ సమాధానం ఇస్తుంది.
అమూల్య కాలేజీ టైమ్ అయిందని లేచి వెళ్లబోతుంది. శ్రీవల్లి ఆమెను కూర్చోబెట్టి మరోసారి తన అసలు పనిలోకి దిగుతుంది. “ఆ డైనోసార్ విశ్వ మళ్లీ నీ వెనక పడుతున్నాడా?” అని అడుగుతుంది. అమూల్య స్పష్టంగా “లేదు” అంటుంది. వల్లీ వెంటనే పాత విషయాన్ని తెరపైకి తెస్తుంది “విశ్వ నీకు ప్రపోజ్ చేశాడు కదా? పెళ్లి అయితే రెండు కుటుంబాలు కలుస్తాయని నేను చెప్పాను కదా… ఆ విషయం గురించి ఏం ఆలోచించావ్?” అని అడుగుతుంది.
అమూల్య ఒక్కసారిగా కోపంతో “వాడు ఒక రౌడీ వదినా. వాడు ప్రపోజ్ చేస్తే నేను ఆలోచిస్తానా? మళ్లీ నాతో మాట్లాడితే వాడికి మామూలుగా ఉండదు” అని అంటుంది. ఈ మాటలకు శ్రీవల్లీ భయపడిపోయినా బయటకు చూపించదు. నవ్వుతూ కవర్ చేస్తూ “మరి నువ్వు వాడి ప్రపోజ్ విషయాన్ని నీ నాన్నకు ఎందుకు చెప్పలేదు?” అని లోతుగా గుచ్చుతుంది. అమూల్య “నువ్వే చెప్పావ్ కదా వదినా, గొడవలు వస్తాయి అని అందుకే చెప్పలేదు” అని సమాధానం ఇస్తుంది.
వల్లీ ఇదే ఛాన్స్ అనుకుని “అంటే… నీ మనసులో ఎక్కడో పెళ్లి విషయం కాస్త అయినా ఆలోచన వచ్చిందనేదే కదా?” అని అతి తెలివిగా అమూల్య మనసు అటు దారి మళ్లించడానికి ప్రయత్నిస్తుంది. అమూల్య మాత్రం తన మనసులో విశ్వ గురించి ఏమి లేదని అంటుంది. వల్లి వినదు “నీ మనసులో ఎక్కడో ఒక మూలలో ఇష్టం మొదలయ్యింది” అంటూ పారేసుతుంది. అమూల్య అక్కడి నుంచి వెళ్లిపోయినా, వల్లి మాత్రం “నా ప్లాన్ వర్కౌట్ అవుతుందేమో” అని లోలోపల ఆనందపడుతుంది.
అదే సమయానికి ధీరజ్ ప్రేమను ఒక షూస్ షాప్‌కి తీసుకెళ్తాడు. ప్రేమకి మంచి రన్నింగ్ షూ కొనిపెట్టాలని అనుకుంటాడు. ప్రేమ “నాకు ఎందుకు షూ?” అని అడిగితే “నీకొచ్చే పోలీస్ ఫిజికల్ టెస్టుల్లో పాస్ అవ్వాలి కదా… రన్నింగ్ ప్రాక్టీస్ చేయాలి. దాంతో షూ కావాలి. నీ కల నెరవేరాలి అది నా బాధ్యత” అని ధీరజ్ చెబుతాడు. “బాధ్యత” అన్న మాట ప్రేమకు కొంచెం హర్ట్ అవుతుంది. కానీ ప్రేమను ఎంతో కేర్ చేస్తున్నాడు అన్న భావనతో ఒప్పుకుంటుంది.
షూస్ వేసే అబ్బాయి ప్రేమ పాదాన్ని పట్టుకుని సైజ్ కొలుస్తుంటే, ధీరజ్ ముఖంలో జెలసీ చీకటి మబ్బులు లా తిరుగుతాయి. దాన్ని గమనించిన ప్రేమ కావాలనే షూస్ అబ్బాయితో మాట్లాడుతూ అతనితోనే షూస్ వేయించుకుంటున్నట్టు నటిస్తుంది. చివరికి ధీరజ్ చూసి “నేను వేస్తా… మీరు వెళ్ళండి” అని అతడ్ని ఆపేస్తాడు.
తర్వాత, ప్రేమ పాదాన్ని జాగ్రత్తగా తన చేతుల్లోకి తీసుకుని ధీరజ్ స్వయంగా షూ వేస్తాడు. ప్రేమ లోలోపల మురిసిపోతుంది. ఆ సీన్స్ అందంగా ఉంటాయి. షూ తీసుకుని వారు మళ్లీ కారులో బయలుదేరుతారు. అప్పుడే ప్రేమకు కారులో ఒక బ్యాగ్ కనిపిస్తుంది. ఎవరిదని అడిగితే “ఒక పెద్దాయన మర్చిపోయారు” అని చెబుతాడు ధీరజ్. ప్రేమ కార్ దిగుతూ అది ఇచ్చేయమని చెబుతుంది. ధీరజ్ వెనక్కి తిరిగి వెళ్లిపోతాడు.
అమూల్య కాలేజీకి నడిచి వెళ్తుంటే విశ్వ బైక్ మీద వచ్చి ఆమెను ఆపేస్తాడు. “ఒక్క నిమిషం మాట్లాడాలి” అంటాడు. అమూల్య ఫైర్ అయి “నేను నీతో ఎందుకు మాట్లాడాలి? నా వెంట పడొద్దు. ఇంట్లో చెబితే నీ పరిస్థితి ఏంటో తెలుసా?” అంటూ గట్టిగా వార్నింగ్ ఇస్తుంది. విశ్వ ఒక్కసారిగా జాలి భరితమైన స్వరంతో “అమూల్య, నీ ఇంట్లో చెప్పేయ్. వాళ్లు నన్ను చంపేస్తే చంపేయని. కానీ నేను నిన్ను ప్రేమిస్తున్నాను అనేది నిజం. నీకు నన్ను ద్వేషించడానికి ఎన్నో కారణాలు ఉన్నాయి. కానీ నేను నిన్ను ప్రేమించడానికి ఒకే కారణం నీ మంచితనం. పాత కోపాలు నిజమే… మీకుటుంబంపై రేవెంజ్ ఆలోచన నిజమే…కానీ ఇప్పుడు నా మనసులో నీ మీద ప్రేమ తప్ప ఇంకేమీ లేదు” అని చెబుతాడు.
అతడి స్వరం, మాటలు, వల్లి ముందే వేసిన “ప్రేమ రాయి” ఇవన్నీ కలసి అమూల్య మనసులో ఏదో కదిలిస్తాయి. ఆమె ముఖంలో మార్పు కనిపిస్తుంది. అమూల్య తనలో తాను అలా అయోమయంలో నిలబడిపోతుంది.
ఇంటి దగ్గర శ్రీవల్లి మాత్రం “నా మాటలకు అమూల్య దారిలోకి వచ్చింది… ఇక నెమ్మదిగా ప్రేమ పటాలు ఎక్కించాలి” అని సంతోషంగా అనుకుంటుంది.
ఇంతటితో ఈ ఎపిసోడ్ ముగుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
