ఇల్లు ఇల్లాలు పిల్లలు Nov 17th, 2025 సోమవారం ఎపిసోడ్: విశ్వ గురించి ఆలోచనలో పడిన అమూల్య … !!! ధీరజ్ ప్రేమని పోలీస్ చేయాలి అనుకున్న విషయం గురించి తెలుసుకున్న రామరాజు… !!!
ఎపిసోడ్ మొదట్లో అమూల్య రోడ్డుపై నడుచుకుంటూ వెళ్తుంటే విశ్వ ఆమె ముందు నిలబడుతాడు.
అతను తన గుండెల్లో ఉన్న మాటలన్నీ బయటపెడుతూ అమూల్యని నేరుగా చూస్తూ మాట్లాడుతాడు. విశ్వ అమూల్యకి చెబుతూ “ఒకప్పుడు నీ కుటుంబం అంటే నాకిష్టం ఉండేది కాదు. పగ, ద్వేషం, ప్రతీకారం మాత్రమే ఉండేవి. అవన్నీ నిజమే. కానీ ఇప్పుడు నా మనసులో ఉన్నది ఒక్కటే. నువ్వు. నేను నిన్ను నిజంగా, మనస్ఫూర్తిగా ప్రేమిస్తున్నాను అమూల్య.”
అతను ఇంకా చెప్తూ “నీ కుటుంబంపై పగ లేదు నాకు ఇప్పుడు. నీమీద ఉన్న ప్రేమ తప్ప ఇంకేమీ లేదు. మన రెండు కుటుంబాలు కలిస్తే బాగుంటుంది అని కోరుకుంటున్నా. నమ్మకపోతే ఏం చేయమన్నా చేస్తాను. నువ్వు చచ్చిపోమన్నా సిద్ధమే.” అని అంటాడు.
అతను తన జేబులోంచి ఒక లవ్‌ సింబల్ చైన్ తీసి “నా ప్రేమలో అవకతవక లేదు, కుట్ర లేదు. ఈ చైన్ నా ప్రేమకి గుర్తు. దీన్ని నువ్వు తీసుకుంటే నా ప్రేమని అంగీకరించినట్టే” అని అంటాడు. అమూల్య మొదట కోపంగా ఉన్నా, విశ్వ మాటలు వింటూ కొంత మెత్తపడినట్టు అనిపిస్తుంది. విశ్వ చేతిలో ఉన్న చైన్‌ని తీసుకుని, చిన్న స్మైల్ ఇస్తుంది. ఆ స్మైల్ చూడగానే విశ్వ ఆనందంతో “థ్యాంక్యూ అమూల్యా. నువ్వు నా ప్రేమని అంగీకరించావ్” అని పొంగిపోతాడు.
అయితే వెంటనే అమూల్య ఎక్స్‌ప్రెషన్ మారిపోయి, ఆ చైన్‌ని నేలకేసి విసిరేస్తుంది. విశ్వ వెంటనే “చైన్‌ని విసిరిపారేశావ్. కానీ నాకు నీ మీద ఉన్న ప్రేమని మాత్రం విసరలేవు. నువ్వు తిట్టినా, కొట్టినా నా గుండె నీ కోసమే కొట్టుకుంటుంది. నీ మనసులో నాపై ప్రేమ ఉంది అమూల్య. లేకపోతే ఇంతకాలం నా గురించి ఇంట్లో చెప్పకుండా ఉండేదానివి కాదు” అని చెబుతాడు.
అతను చివరగా “పాతికేళ్లుగా మన కుటుంబాలు శత్రువులుగా ఉంటున్నాయి. మన ప్రేమ వారధి అవుతుంది అమూల్య” అని చెప్పి అక్కడినుండి వెళ్లిపోతాడు. అమూల్య మాత్రం ఆ మాటలన్నీ మనసులో తిరగేసుకుంటూ అక్కడే నిలబడిపోతుంది. విశ్వ దూరంగా వెళ్లి మళ్లీ తిరిగి వచ్చి, దూరం నుంచి ఆమెను గమనిస్తుంటాడు. అమూల్య కొంతసేపు ఆలోచించి, నేలపై పడిన చైన్‌ని తీసుకుంటుంది. అదే చూస్తున్న విశ్వ సంతోషంతో గెలిచేసాను అన్నట్టు ఫీల్ అవుతాడు.
ఇక మరో వైపు రామరాజు, గురుమూర్తిని కలుసుకోవటానికి వెళ్తాడు. గురుమూర్తి అతన్ని చూసి కూర్చోమని చెప్తాడు. రామరాజు గురుమూర్తిని ఎందుకు ఇలా వచ్చావు అని అడగ్గా, దానికి గురుమూర్తి “రామచంద్రపురం వెళ్లి మీ బియ్యం తీసుకున్నాను, దానికి డబ్బులు ఇవ్వడానికి వచ్చాను,”
అని చెబుతాడు.
రామరాజు మళ్లీ ఇవ్వొచ్చు కదా ఇపుడే ఎందుకు అని అంటే లేదు నాకు నిద్ర పట్టదు అప్పు ఉంటె అని గురుమూర్తి చెప్తాడు. రామరాజు “డబ్బు విషయంలో నువ్వు చాలా శ్రద్ధగా ఉంటావ్ గురుమూర్తి” అని అంటాడు. ఇంక గురుమూర్తి పిల్లల గురించి అడగగా రామరాజు “పెద్దోడు ఉద్యోగం చేసుకుంటున్నాడు. రెండో వాడు నాతో పటు మిల్లులో పని చేస్తున్నాడు. మూడో వాడి గురించే నా దిగులు. వాడు ఎపుడు బాధ్యత తెలుసుకుంటాడో” అని అంటాడు.అపుడు గురుమూర్తి ఒక క్యాబ్ డ్రైవర్ గా ఉన్న ధీరజ్ గురించి మాట్లాడుతూ “పొద్దున్న క్యాబ్ డ్రైవర్ ఒకతను చాల మంచివాడు. బాద్యత తెలిసినవాడు. కష్టపడి పని చేస్తున్నాడు” అని పొగుడుతాడు.
వాళ్లిద్దరు మాట్లాడుతున్నప్పుడు, ధీరజ్ క్యాబ్‌తో వచ్చి బయట ఆగుతాడు. గురుమూర్తి కారులో వదిలిన బ్యాగ్‌ను తీసుకొని రావటానికి ధీరజ్ లోపలికి వస్తాడు. ధీరజ్ ను చూసిన రామరాజు షాక్ అవుతాడు. గురుమూర్తి వారిద్దరినీ పరిచయం చేస్తూ “నేను చెప్పిన కుర్రాడు ఇతనే. భార్య కోసం ఎంత బాధ్యతగా కష్టపడుతున్నాడో చెప్పాను కదా ఇతడే” అని అంటాడు.
ధీరజ్ బ్యాగ్ ఇచ్చి “సార్, మీరు కారులో మర్చిపోయారు కాబట్టి ఇచ్చి వెల్దాము అని వచ్చాను” అని చెప్తాడు. గురుమూర్తి బ్యాగ్ తెరిచి “ఇందులో ఐదు లక్షలు ఉన్నాయి! పెద్ద మనిషివయ్యా నువ్వు. బాధ్యతగలవాడివే కాదు నిజాయితీగలవాడివి కూడా” అని చెబుతాడు.
తర్వాత గురుమూర్తి పొరపాటున రామరాజుని ముందే ధీరజ్ గురించి అన్నీ బయటపెడుతాడు “ఈ అబ్బాయి తన భార్యను పోలీస్ ఆఫీసర్ చేయడానికి, వారి నాన్న దగ్గర రూపాయి కూడా తీసుకోక,
కారు నడిపి కష్టపడుతున్నాడు. వాళ్ల నాన్న అసలు పెద్ద హిట్లర్ లాంటివాడు, పిల్లలను టార్చర్ చేస్తాడట. బొమ్మరిల్లు ఫాదర్ లా అన్ని తాను చెప్పినట్టే చేయాలి అంటాడు అంట” అని చెబుతాడు.
అతను చెప్పిన ప్రతీ మాట రామరాజు మనసుకి దెబ్బ తగిలినట్టుగా నొప్పి పడుతుంది. ధీరజ్ మాత్రం
“సార్, మీరు మీ విషయాలు మాట్లాడుకోండి నేను వెళ్లిపోతా” అని తప్పించుకుంటాడు. గురుమూర్తి ధీరజ్ కు డబ్బులు ఇవ్వడానికి ప్రయత్నిస్తాడు, కానీ ధీరజ్ “నాకిది వద్దు సార్… నేను కష్టపడి సంపాదిస్తా” అని తిరస్కరిస్తాడు. తర్వాత గురుమూర్తి రామరాజుతో “ఈ అబ్బాయిని తీసుకెళ్లి నీ చిన్న కొడుక్కి చూపు. అతను కాస్తైనా బాధ్యత నేర్చుకుంటాడు” అని అంటాడు.
రామరాజు ఏమి స్పందించాలో తెలియక అక్కడి నుంచి వెళ్తాడు.
రామరాజు ఇంటికి వచ్చాక, ధీరజ్ ని పిలిచి గురుమూర్తి చెప్పింది నిజమేనా అని అడుగుతాడు. అవును ప్రేమ ని పోలీస్ ని చేయాలి అనుకుంటున్నా అని అంటాడు. ఇంట్లో అందరు షాక్ అవుతారు ప్రేమతో సహా. రామరాజు ధీరజ్‌ను కేకలేస్తూ “ప్రేమను పోలీస్ ని చేస్తావా? పోలీస్ ట్రైనింగ్ లో జాయిన్ చేస్తావా? జాగింగ్‌కి తీసుకెళ్తావా? మీ నాన్న ఉన్నాడు కదా. ఏ కామన్‌ సెన్స్ లేకుండా నువ్వే డిసిషన్స్ తీసుకుంటావా? ఇది ఉమ్మడి కుటుంబం కదా? సొంత నిర్ణయాలు ఏంటి? ” అని మండిపడుతాడు.
ధీరజ్ శాంతంగా “నాన్న, ప్రేమ పోలీస్ కావడం ఆమె కల. ఆమె కల నెరవేర్చడం నా బాధ్యత… అందుకే జాగింగ్‌కి తీసుకెళ్తున్నా” అని అంటాడు. రామరాజు కోపంగా “ఇంట్లో పెద్దగా నేను ఉన్నాను. నిర్ణయం తీసుకునే ముందు నన్ను అడగలేవా?” అని ప్రశ్నిస్తాడు.
ధీరజ్ చాలా గౌరవంతో “మీకు చెప్పకూడదు అని కాదు నాన్న. చిన్న విషయం అనుకుని, ప్రేమ చదువు అయ్యాక అకాడమీలో జాయిన్ చేసే అపుడు మిమ్మల్ని అడుగుదాము అనుకున్నా” అని అంటాడు. నర్మదా కూడా ప్రేమని మీరు తండ్రిలా చూసుకుంటారు కదా మామయ్య తన గురించి ఆలోచించండి అని అంటుంది. ఇదే సమయం అనుకుని వల్లి గొడవ పెద్దది చేయాలి అనుకుంటుంది. అదే సమయం అని “ఈ ఇంట్లో ఎవరు జాబ్ చేసిన పర్లేదు కానీ ప్రేమ చేయకూడదు. చేస్తే వాళ్ళ ఇంట్లో వాళ్ళు ఎన్ని మాటలు అంటారో మర్చిపోయారా? ఆరోజు డాన్స్ క్లాసెస్ చెప్తుంది అని తెలియగానే వాళ్ళ నాన్న మామయ్య గారి షర్ట్ చింపేసి మరి కోడలు సొమ్ము తింటున్నారు అనలేదా” అని రామరాజు ని రెచ్చగొడుతుంది.
ఈ మాటలు వినగానే ధీరజ్ సైలెంట్ అవుతాడు. రామరాజు కూడా లోలోపల కలగాపులగమైపోతాడు. అంతటితో ఈ ఎపిసోడ్ ముగిసిపోతుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
