ఇల్లు ఇల్లాలు పిల్లలు Nov 19th, 2025 బుధవారం ఎపిసోడ్: నమ్మక ద్రోహం చేసావంటూ కూతురిని నిందించిన సేనాపతి …!!! ప్రేమ బాధ పోగొట్టిన కుటుంబ సభ్యులు …!!!
ఎపిసోడ్ ప్రారంభంలో సేనాపతి ప్రేమని పిలిచి బాధపడుతూ “కన్న తండ్రిని అరెస్టు చేయించేంత గొప్ప ఎత్తుకు ఎదుగుతావని నేను ఊహించలేదమ్మా. నిన్ను నా అదృష్ట దేవత అనుకున్నాను. కానీ ఈ రోజు తెలిసింది నాకు పుట్టిన నువ్వే నా పాలిట యమదూత అని!” అని అంటాడు.
ప్రేమ నిశ్చలంగా నిలబడుతుంది. సేనాపతి కోపం, బాధతో “ఆరు నెలలుగా లేచిపోయి పెళ్లి చేసుకున్నప్పటి నుంచి ఒకసారి కూడా నన్ను, నీ తల్లిని, నీ కుటుంబాన్ని చూడటానికి ఏనాడూ రాలేదు నువ్వు. కానీ ఆ అమ్మాయి కోసం అర్ధరాత్రి మా ఇంటికి వచ్చావ్. నా రూమ్ లోకి దొంగలా ప్రవేశించి నా ఫోన్‌ నుంచి బ్యాంక్ డీటెయిల్స్ తీసుకెళ్ళిపోయావ్. అదే నీకు తప్పుగా అనిపించలేదా?” అని అడుగుతాడు.
ప్రేమ చివరకు మాట్లాడుతూ “తప్పని తెలుసు నాన్నా కానీ చేయడం తప్పలేదు. ఏ తప్పూ చేయని నర్మదక్క జాబ్ పోగొట్టి జైలుకు పంపించాలని చూశారు మీరు. అది మరింత తప్పు కదా నాన్న? అది పాపం కూడా కదా!” అని అంటుంది. సేనాపతి వెంటనే గట్టిగా “పెద్ద మాటలు మాట్లాడుతున్నావు! నువ్వు నాకు చేసింది ఏమిటి? నేను నీకు మంచి సంబంధం తెచ్చి అంగరంగ వైభవంగా పెళ్లి చేయాలి అనుకున్నాను. కానీ పెళ్లికి ముందు రోజు నువ్వు పారిపోయావు. అది తప్పు కాదా?” అని నిలదీస్తాడు.
అతని స్వరం ఇంకా తీవ్రత పెంచుతూ “మా ఇంట్లో పని చేస్తూ మా చెల్లెల్ని ఎత్తుకెళ్లాడు. మేము అనుభవించిన గుండెకోత నీకు అర్థం కాదు. ఐదారు నెలల పరిచయం ఉన్న వారి కోసం 20 ఏళ్లు పెంచిన తండ్రిని నువ్వు అరెస్టు చేయించావు! నువ్వు చేసిన పని ఏ కూతురు చేయనిది! నిన్ను కన్న నేరానికి నువ్వే నాకు గొప్ప పాఠం నేర్పావు. ఇలాంటి నమ్మకద్రోహి నా కడుపున పుట్టిందని సిగ్గేస్తోంది.”
ఈ మాటలు ప్రేమ గుండెను గుచ్చేస్తాయి. ఆమె ఆగలేక ఎడుస్తూ అక్కడి నుంచి ఇంట్లోకి వెళ్తుంది.
అందరూ ఇంట్లోకి వచ్చి ప్రేమను ఓదార్చేందుకు ప్రయత్నిస్తారు. అమూల్య, వేదవతి, చందు, ధీరజ్, సాగర్ అందరూ ఏమి చేస్తే ప్రేమ నవ్వుతుందో అని ఆలోచిస్తుంటారు. కాని ప్రేమ మాత్రం ఆగకుండా ఏడుస్తూనే ఉంటుంది. ఇదంతా చూస్తూ వల్లి మాత్రం లోపల లోపల ఉప్పొంగిపోతుంది. ప్రేమ ఏడుస్తుండటం చూసి ప్రేమని ఎవరు నవ్వించలేకున్నారు కాబట్టి ఇపూడి తాను నవ్విస్తే ప్రేమ తనతో మంచి అవుతుంది అని వల్లి ప్లాన్ చేస్తుంది.
ఇంట్లో అందరిని పిలిచి ఎలా నవ్వించాలో తనకి తెలుసు అని చెప్పి అందరికి ప్లాన్ చెప్తుంది. నర్మద మాత్రం నేను చేయను ఇది అని పక్కన ఉంది చూస్తూ ఉంటుంది. వల్లి ప్లాన్ ప్రకారం అందరు ఒకరి తర్వాత ఒకరు పాట పడుతూ డాన్స్ చేస్తూ ప్రేమని నవ్వించడానికి ప్రయత్నిస్తారు. కానీ ఎవరి ప్రయత్నం కూడా ఫలించదు. చివరికి వల్లి కూడా ప్రయత్నించి చేతులెత్తేస్తుంది. నర్మద దగ్గరికి వెళ్లి మా వల్ల కాదు ఇంకా నువ్వే నవ్వించుకో మీ ప్రియమైన చెల్లిని అని వల్లి అంటుంది.
అప్పుడే నర్మద ప్రేమ దగ్గరకు వచ్చి, మెల్లగా ఆమె చెవిలో ఏదో చెప్పుతుంది. వెంటనే ప్రేమ పడి పడి నవ్వుతుంది. ఏమైందా అని అందరు అడగడంతో అందరికి చెవిలో చెప్తుంది. అందరు నవ్వుతారు. అది ఏమిటంటే “ఇందాక సాగర్, చందు, ధీరజ్ కలిసి చేసిన డ్యాన్స్ చేసారు కదా. అపుడు వాళ్ల ప్యాంట్లు జారిపోయాయి” అని చెప్పిందని తిరుపతి బయటపెడుతాడు. అది విన్న ముగ్గురూ సిగ్గుతో పక్కకి వెళ్లిపోతారు. ప్రేమ ఇంకా మిగిలిన వాళ్ళు మాత్రం నవ్వుతూనే ఉంటారు.
మారుసటి రోజు ఉదయం తెల్లవారగానే నర్మద లేచి సాగర్‌ను నిద్రలేపుతూ “ఈరోజు పరీక్ష ఫలితాలు వస్తాయి. ముందుగా గుడికి వెళ్లి పూజ చేయాలి. లేచి రా సాగర్!” అని అంటుంది. సాగర్ తన స్టైల్ లో ప్రేమతో, అల్లరి మాటలు చెబుతూ మళ్లీ నిద్రపోవడానికి చూస్తుంటాడు. నర్మద మాత్రం అతన్ని ఎలాగోలా లేపి బాత్రూమ్‌కి పంపిస్తుంది.
ఇక మరోవైపు ప్రేమ నిద్రలో ఉండగా ధీరజ్ “ప్రేమా లే ఇంకా! రన్నింగ్ ప్రాక్టీస్‌కు వెళ్లాలి” అంటూ నిద్ర లేపుతాడు. ప్రేమ లేచి “జాగింగ్ వద్దు ఎం వద్దు. మామయ్యకి తెలిస్తే మళ్లీ గొడవ అవుతుంది” అని భయపడుతుంది. కానీ ధీరజ్ వినకుండా “లేదు వెళ్లాల్సిందే. అవి అన్ని నేను చూసుకుంటాను” అని అంటాడు. ఇంకా తప్పక చివరకు లేచి సిద్ధం అవుతుంది. ఇద్దరూ బయటకు వస్తారు.
ఇక సాగర్–నర్మద గుడికి బయలుదేరే సమయంలో ఇంటిముందు వల్లి ముగ్గు వేస్తూ ఎదురుపడుతుంది.
ముగ్గు వేస్తున్న వల్లిని చూసి నర్మద-సాగర్ ఇంకా ధీరజ్-ప్రేమ కనిపించకుండా దాక్కుంటారు.
అంతటితో ఈ ఎపిసోడ్ ముగుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
