ఇల్లు ఇల్లాలు పిల్లలు Nov 22nd, 2025 శనివారం ఎపిసోడ్: శ్రీవల్లికి అడ్డంగా దొరికిన నర్మద, సాగర్ …!!! విశ్వ మాయలో పూర్తిగా పడిపోయిన అమూల్య …!!!
ఎపిసోడ్ ప్రారంభంలో సాగర్ వీఆర్వో పరీక్షలో ఫెయిల్ అయ్యాడన్న విషయం తెలుసుకున్న శ్రీవల్లి సాక్ష్యం కోసం ఎవరూ లేని సమయం చూసి నర్మద గదిలోకి జాగ్రత్తగా వెళ్లి గది అంత వెతికి పరీక్ష హాల్ టికెట్‌ను దొరికించుకుంటుంది. అది చూసిన వెంటనే ఫోన్ తీసుకుని భాగ్యానికి కాల్ చేసి, “మీరు ఏం చేస్తారో నాకు తెలీదు కానీ క్షణాల్లో మీరు మా ఇంటికి రావాలి” అని చెప్తుంది. వాళ్లు కొంచం కంగారుగా “ఎందుకు ఏమైంది” అని అడుగుతారు.
శ్రీవల్లి సంతోషంగా “ఆ నర్మదని మామయ్యగారి ముందు ఇరికించే సువర్ణావకాశం వచ్చింది” అంటూ ఉత్సాహంగా చెప్తుంది. అది విన్న వెంటనే భాగ్యం, ఇడ్లీలు కూడా ఎలాంటి ప్రశ్నలు వేయకుండా హడావిడిగా బయల్దేరిపోతారు. శ్రీవల్లి “మామయ్యగారు ఆ నర్మదను గౌరవం నిలబెట్టే కాగడా అని ఓ పొగిడేస్తున్నారు. కానీ సాగర్ ని మామయ్యగారికి ఎదురు వెళ్లే కొడుకుగా తయారు చేస్తుంది అని తెలీదు పాపం. రేపు చెప్తా ఆ నర్మద పని” అని సంతోషంగా అనుకుంటుంది.
అదే సమయంలో అమూల్యని వశం చేసుకోవాలన్న ఆలోచనతో విశ్వ తన ప్లాన్‌ను మెల్లగా ముందుకు తోసుకుంటూ మేడపై నిలబడి సైగలతో ఆమెను గోడ దగ్గరికి రమ్మని పిలుస్తుంటాడు. అమూల్య “నిన్ను ఎవరైనా చూస్తే పెద్ద సమస్య అవుతుంది బావా. ప్లీజ్ వెళ్ళిపో” అని భయపడుతుంది, కానీ విశ్వ ప్రాధేయపడటంతో చివరకు సరే అంటుంది. విశ్వ కొత్త చీరను తీసుకొచ్చి “రేపు నోము కదా. నీకోసం తీసుకున్నాను. పూజలో ఇది కట్టుకోవాలి నువ్వు” అని అంటూ విశ్వ చీరను గోడ దగ్గర నుండి విసిరేస్తాడు.
అదే సమయంలో ధీరజ్ అక్కడికి రావడంతో అమూల్య విశ్వ ఇద్దరు దాక్కుంటారు. దారిలో ఉన్న చీరను తీసుకున్న ధీరజ్ “ఏంటి ఇది కొత్త చీరలా ఉంది ఇక్కడ ఎందుకు ఉంది” అని ఆలోచిస్తుండగా అమూల్య కొంచం భయంతో బయటికి వచ్చి “అది నాదే. నా ఫ్రెండ్ ఇచ్చిన గిఫ్ట్ బాగ్ లో నుండి జారిపోయింది అనుకుంట. నేను చూసుకోలేదు” అని చెప్పడంతో ధీరజ్ అది ఇచ్చేసి లోపలి వెళ్తాడు. అది అంత దూరం నుండి చూస్తున్న విశ్వ ఓ స్మైల్‌తో “అమూల్య పడిపోయింది. ఇంకా పెళ్లికి పావులు కలపాలి. పెళ్లి అయ్యాక ఆ రామరాజుకి చుక్కలు చూపించాలి” అని అనుకుంటాడు.
ఇక ప్రేమ ఉదయం చేసిన జాగింగ్ కారణంగా కాళ్ళ నొప్పులతో బాధపడుతుంటుంది. అపుడే ధీరజ్ జ్యూస్ తీసుకుని వస్తాడు. తాగమని ప్రేమతో చెప్తాడు. ప్రేమ వెటకారంగా “నువ్వు నా కోసం తెచ్చావు అంటే డౌట్ గా ఉంది. నీ మైండ్ బాగానే పని చేస్తుందా” అని ఆటపట్టిస్తుంది. ధీరజ్ “నువ్వు పోలీస్ అవ్వాలి అంటే మంచి ఫుడ్ తినాలి కదా అందుకే ఎనర్జీ కోసం తెచ్చాను. అది నా బాధ్యత ” అని అంటాడు. ఆ బాధ్యత అనే మాట వినగానే ప్రేమ కోపంగా “ఎన్ని సార్లు చెప్పాలి నీకు. భార్య భర్తలు అంటే ప్రేమ, ఆప్యాతలు ఉండాలి కానీ బాధ్యత కాదు. నువ్వు అలా అంటుంటే హాస్టల్ వార్డెన్ స్టూడెంట్స్ తో చెప్తున్నట్టు ఉంది” అని అంటుంది. ధీరజ్ నువ్వు ఎన్ని చెప్పిన ఇది నా బాధ్యతే అంటూ జ్యూస్ అక్కడ పెట్టేసి వెళ్తుండగా ప్రేమ కాళ్ళ నొప్పులతో బాధ పడటం చూస్తాడు. అది చూసి ప్రేమ కాళ్ళు పట్టి తన నొప్పి పోయేలా చేస్తాడు. ప్రేమ ధీరజ్ ని చూసి పొంగిపోతుంది.
ఇక శ్రీవల్లి తన తల్లిదండ్రులు కోసం వెయిట్ చేస్తుంటుంది. వాళ్ళు రాగానే హాల్ టికెట్‌ను భాగ్యం, ఇడ్లీకి చూపిస్తూ “మీరు వెంటనే ఇది తీసుకు వెళ్లి ఇది సాగర్ ఏ పరీక్ష రాశాడో, ఎందుకు రాశాడో అని దాని వివరాలు అన్నీ కనుక్కుని పొద్దున్నకి నాకు చెప్పాలి” అని చెప్తుంది. ఇడ్లీ మేము ఏం చదువుకోలేదు కదా మేము ఎలా తెలుసుకుంటాము అని అడగడంతో వల్ల వీధిలో ఉండే ఒక చదువుకున్న అబ్బాయి గురించి చెప్పి అతని సహాయం తీసుకోమని తిట్టి చెప్తుంది. వాళ్లు సరే అని అక్కడ నుండి వెళ్తారు. వాళ్లు వెళ్ళగానే మరుసటి రోజు నర్మదని ఎలా ఇరికించబోతుందో ఆలోచించుకుని సంతోషపడితుంది శ్రీవల్లి.
మరుసటి రోజు ఉదయం శ్రీవల్లి పాయసం చేసి అది తీసుకుని ఎగురుకుంటూ హాల్ లోకి వచ్చి అందరిని కేకలేసి పిలుస్తుంది. అందరు అక్కడికి వచ్చి ఏంటి విశేషం ఎందుకు అరుస్తున్నావు అంటూ అడుగుతారు. శ్రీవల్లి శుభవార్త అంటూ అందరికి పాయసం ఇస్తుంది. అందరు ఆత్రంగా ఎదురు చూస్తుండగా శ్రీవల్లి సాగర్, నర్మద ని రానివ్వండి వల్లే అసలు అయిన సూత్రధారులు అని అంటుంది. సాగర్, నర్మద రాగానే వాళ్ళని చూసి నవ్వుతు మీరు చెప్పండి అని అంటుంది. వాళ్ళు అయోమయంగా చూస్తుంటారు.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “ఇల్లు ఇల్లాలు పిల్లలు” (JioHotstar). This is a personal written recap and interpretation.
