ఇంటింటి రామాయణం Nov 3rd, 2025 సోమవారం ఎపిసోడ్ : అక్షయ్ వల్ల కలవనున్న తల్లీ కూతుళ్లు … నిజం బయటపడుతుందా?
మీనాక్షి తన కూతురు అవనిని వెతుక్కుంటూ నగరానికి వచ్చిందని తెలిసిన చక్రధర్, భయంతో కంగారుపడతాడు. మీనాక్షి అవనిని కలిస్తే, తానే ఆమె మొదటి భార్య అని, అవని తనకూ మీనాక్షికీ పుట్టిన కూతురని చెప్పేస్తుందేమో అన్న ఆలోచన అతన్ని భయపెడుతుంది. అందుకే ఆమెను చంపేయాలనే దురాలోచనతో సుపారీ కూడా ఇస్తాడు.
ఇక ఈ సమయంలో మరోవైపు ఉద్యోగం కోసం చాలా రోజులుగా ప్రయత్నిస్తున్న అక్షయ్‌కి చివరకు జాబ్ దొరుకుతుంది. ఆనందంతో ఫోన్‌లో తన స్నేహితుడితో మాట్లాడుతూ రోడ్డుపై నడుస్తుంటాడు. కానీ రోడ్డు మీద దృష్టి లేకుండా ఫోన్‌లో మాట్లాడుతుండగా వెనుకనుంచి ఒక వాహనం వేగంగా వస్తుంది. అక్షయ్‌కు తెలియకుండానే ఆ వాహనం అతన్ని ఢీ కొట్టబోతుండగా, అటుగా వెళ్తున్న మీనాక్షి పరిగెత్తుకుంటూ వచ్చి అతన్ని పక్కకు లాగేస్తుంది.
అక్షయ్ ని రక్షిస్తుంది కానీ మీనాక్షి కిందపడిపోవడం వల్ల తలకు గాయం అవుతుంది. ఆమె తల నుండి రక్తం కారుతుండగా, అక్షయ్ భయపడి “అయ్యో! మీ తలకి గట్టిగా తగిలింది. పదండి హాస్పిటల్‌కి తీసుకెళ్తాను” అంటాడు. కానీ మీనాక్షి మాత్రం “ఏం పర్లేదు బాబు” అని మృదువుగా అంటుంది. అయితే అక్షయ్ పట్టువదలకుండా, “మీరు నా ప్రాణాలను కాపాడారు. మిమ్మల్ని ఇలానే వదిలి ఎలా వెళ్తాను” అని ఆమెను ఆటోలో ఎక్కించి హాస్పిటల్ వైపు బయలుదేరుతాడు.
ఇంతలో చక్రధర్ పంపిన సుపారీ గ్యాంగ్‌లోని ఒక రౌడీ వీళ్లిద్దరినీ చూస్తాడు. వెంటనే వారి ఫోటో తీస్తాడు — ఇది చక్రధర్‌కి మీనాక్షి ఎక్కడుందో చెప్పడానికి సాక్ష్యం అవుతుంది.
హాస్పిటల్‌కి వెళ్తూ అక్షయ్ ఆమెతో మాట్లాడుతాడు — “ట్రీట్‌మెంట్ అయ్యాక మీ ఇంటి దగ్గర దింపేస్తాను, మీ ఇల్లు ఎక్కడమ్మా?” అని అడుగుతాడు. దాంతో మీనాక్షి మనసు ముక్కలవుతుంది. “నాకు ఇల్లు లేదు బాబూ… ఇది నా ఊరు కాదు. నా కూతురు, కొడుకు ఈ నగరంలోనే ఉంటారు కానీ ఎక్కడున్నారో తెలియదు. వాళ్ల అడ్రస్‌కి వెళ్ళినా తాళాలు వేసి ఉన్నాయి. వాళ్లకి నేను ఇక్కడ ఉన్నానని కూడా తెలియదు. ఫోన్ నెంబర్ కూడా లేదు. రెండు రోజులుగా ఊరంతా వెతుకుతున్నాను కానీ ఎక్కడా కనిపించడం లేదు” అని బాధతో చెబుతుంది.
ఇక మరోవైపు అవని ఇంట్లో ఆరాధ్య తన ఫ్యామిలీ ట్రీ గురించి మాట్లాడుతూ “అమ్మమ్మ, తాతయ్య పేర్లు రాయకపోవడంతో స్కూల్‌లో అందరూ నన్ను ఎగతాళి చేస్తారు. అందుకే స్కూల్‌కి వెళ్లను” అని బాధపడుతుంది. పల్లవి “ఎవరైనా అడిగితే వాళ్లు చనిపోయారని చెప్పేయ్” అని నిర్లక్ష్యంగా అంటుంది. ఈ మాట అవనికి కోపం తెప్పిస్తుంది. “అలా పిచ్చిగా మాట్లాడకు పల్లవి!” అని ఆమెని అరుస్తుంది.
దాంతో ఇంట్లో చిన్న గొడవ మొదలవుతుంది. ఇంట్లో అందరు నోరు అదుపులో పెట్టుకోమని, అవతల వాళ్ళని బాధ పెట్టకుండా మాట్లాడటం నేర్చుకోమని పల్లవిని మందలిస్తారు. పల్లవి “నేనేం తప్పు చెప్పాను? అవని అక్క ఎప్పుడూ తన తల్లిదండ్రుల గురించి చెప్పదు. వాళ్లు లేరని అనుకున్నా తప్పేంటి?” అని ఎదురుతిరుగుతుంది. శ్రియ కూడా ఇందులో జోక్యం చేసుకోవడంతో అవని కన్నీళ్లు పెట్టుకుంటుంది. ఇంట్లో అందరు ఎవనిని ఓదారుస్తారు. “మా అమ్మ ఇక్కడ ఉంటే, ఈ మాటలు వినాల్సిన అవసరం ఉండేది కాదు. ఎక్కడున్నావ్ అమ్మా, నా దగ్గరకి రా” అంటూ అవని ఆవేదనగా ఏడుస్తుంది.
ఇక ఆ సమయానికే చక్రధర్ ఇంట్లో మరో సీన్‌ జరుగుతుంది. అతను మీనాక్షిని వెతుకుతున్న రౌడీతో మాట్లాడుతుండగా, రౌడీ అతనికి మీనాక్షి–అక్షయ్ కలిసి ఉన్న ఫోటో చూపిస్తాడు. ఆ ఫోటోలో అక్షయ్ ముఖం స్పష్టంగా కనిపించకపోవడంతో చక్రధర్ కోపంగా “మొహం కనిపించేలా తీయలేవా!” అని రౌడీని తిట్టేస్తాడు.
అదే సమయంలో చక్రధర్ రెండో భార్య రాజేశ్వరి ఈ మాటలన్నీ విని ఆశ్చర్యపడుతుంది. “మీనాక్షి ఎవరు? ఎందుకు ఆమెను వెతకమంటున్నారు?” అని అడుగుతుంది. చక్రధర్ తడబడి “అదేం లేదు, మా ఫ్రెండ్ సిస్టర్. ఆమె మెంటల్‌గా సరిగా లేరు, అందుకే సహాయం చేస్తున్నా” అని అబద్ధం చెబుతాడు. కానీ రాజేశ్వరి నమ్మదు. “మీరు చెప్పేది నిజం కాదు. మీరు ఏదో దాచేస్తున్నారు” అని గట్టిగా అంటుంది. కానీ తనని కసిరి మాట్లాడకుండా చేస్తాడు చక్రధర్.
చక్రధర్ ఇంతలో రెండో సమస్యలో పడతాడు — ఒకవైపు మీనాక్షి విషయం బయటపడుతుందేమో అనే భయం, మరోవైపు రాజేశ్వరి అనుమానం. “ఇంతకీ మీనాక్షి ఎక్కడుందీ? ఆమెను ఎవరు తీసుకెళ్లారు?” అని తల పట్టుకుంటాడు.
ఇక కథ చివర్లో అక్షయ్ మీనాక్షిని తన ఇంటికి తీసుకువస్తాడు. “ఇదే మా ఇల్లు అమ్మా. మీ కూతురు, కొడుకు కనిపించే వరకూ మీరు మా దగ్గరే ఉండండి. మీరు నా ప్రాణాలను కాపాడారు — ఇది నా చిన్న సాయం అనుకోండి” అని అక్షయ్ చెబుతాడు. మీనాక్షి కన్నీళ్లు పెట్టుకుంటూ “నాకు కూడా ఎక్కడికి వెళ్లాలో తెలియదు బాబూ… సరే, నీ ఇంట్లోనే ఉంటాను” అంటుంది.
ఇంట్లో అడుగు పెట్టబోతున్నప్పుడు అవని హృదయం ఒక్కసారిగా కదిలిపోతుంది. తన కుటుంబ సభ్యులు ఎవరో తనకి దగ్గరలో ఉన్నారన్న భావన ఆమె మనసులో కలుగుతుంది.
ఈ సీన్‌తో ఎపిసోడ్ ముగుస్తుంది.
మరుసటి రోజు ఎపిసోడ్ ప్రోమోలో అక్షయ్ తనని ఒక మనిషి కాపాడారు అని ఆవిడ కొన్ని రోజులు మన ఇంట్లోనే ఉంటుంది అని అందరితో చెప్తాడు. అదే సమయంలో ఇంట్లో నుండి వెళ్తున్న మీనాక్షి వెనుక అవని వెళ్తుంది. అవని పిలవగానే మీనాక్షి వెనక్కి తిరిగి అవనిని చూస్తుంది.
ఇక అవనికి తన తండ్రి చక్రధర్ అని తెలుస్తుందో లేదో చూడాలి.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation
