ఇంటింటి రామాయణం Oct 30th, 2025 గురువారం ఎపిసోడ్ : పల్లవికి బుద్ధి చెప్పిన కమల్… !!! ఇంటింటి రామాయణం లో సంక్రాంతి కుటుంబం…!!!
పల్లవి సీన్‌తో ఎపిసోడ్ మొదలవుతుంది. పల్లవి తన స్నేహితురాలి ముందు బాగా గొప్పగా మాట్లాడుతుంది. “మా భర్త కంపెనీ సీఈవో… ఈ కారు కూడా నాదే” అని బిల్డప్ ఇస్తుంది. ఆమె స్నేహితురాలు ఆశ్చర్యంగా వింటూ ఉంటుంది. అదే సమయంలో కమల్ అక్కడికి వస్తాడు. పల్లవిని చూసి, “హే, నువ్వింకా ఇక్కడే ఉన్నావా?” అని అడుగుతాడు. పల్లవికి తలా కొట్టేసినట్టు అవుతుంది. కమల్ ఆ స్నేహితురాలి ముందు, “నేను పల్లవి భర్తనే. నేను ఎలక్ట్రీషియన్. నిజాయితీగా పని చేస్తున్నాను” అని స్పష్టంగా చెబుతాడు. పల్లవి చెప్పిన “నా భర్త విదేశీ కంపెనీ ఆఫీసర్” అన్న మాటలు అన్నీ అబద్ధం అవుతాయి. పల్లవి సిగ్గుతో తలదించుకుంటుంది. స్నేహితురాలి ముందు పల్లవిని “ఈ కారు నీది కాదు” అని నిజం చెప్పి తన బైక్ ఎక్కించుకుని ఇంటికి తీసుకు వస్తాడు .
ఇంటికొచ్చిన వెంటనే పల్లవి ఆవేశంతో వస్తువులు విసురుతుంది. కోపంతో “నీ వల్ల నా స్నేహితురాలి ముందు అవమానం పడ్డాను. నేను వ్యాపారవేత్త కోడలిని అని చెప్పాను, కానీ నువ్వు అందరి ముందు నీచపు పనులు చేస్తున్నట్టు చెప్పావు. నాకు సిగ్గు వేసింది” అని ఏడుస్తూ చెబుతుంది.
అవని, అక్షయ్ కూడా అక్కడే ఉంటారు. అవని ప్రశాంతంగా “నీ భర్త రౌడీగా ఉన్నా సిగ్గుపడాలి, కానీ నిజాయితీగా చేసే పనికి సిగ్గు పడాల్సిన అవసరం లేదు. కమల్ గౌరవంగా పని చేస్తున్నాడు. అతనిని అవమానించకు” అని చెబుతుంది.
పల్లవి తిరిగి, “నీ భర్త లాగే నా భర్త కూడా ఏమీ చేయకుండా కూర్చుంటే, నేను కూడా హ్యాపీగా ఉండేదాన్ని. నాకు అలాంటి అవకాశం రాలేదు” అని కడుపుమంటగా అంటుంది.
అవని చిరునవ్వుతో “నాకు నీలాంటి ఫాల్స్ ప్రెస్టీజ్ లేదు. నా భర్త నీ భర్తలాగే పని చేసినా నేను గర్వంగా చెబుతాను. భర్త చేసే పనిని చూసి కాదు, అతని మంచితనాన్ని గౌరవించాలి” అని సమాధానమిస్తుంది.
పల్లవి మాత్రం “నొప్పి తనకు రాకుండా నీతులు చెబుతావ్” అని చెబుతూ వెళ్లిపోతుంది.
అవని, కమల్ వైపు తిరిగి “కన్నయ్యా, నువ్వు సరైన పనే చేస్తున్నావు. ఎవరేం అనుకున్నా పట్టించుకోకు” అంటుంది. కమల్ చిరునవ్వుతో “నేను ఎందుకు ఫీల్ అవ్వాలి వదినా, ఫీల్ అయ్యే వాళ్ల గురించి కూడా నేను పట్టించుకోను” అని చెబుతాడు.
అక్కడే అక్షయ్ కూడా “నేను కూడా ఏదైనా పని పట్టాలి. ఇంట్లో కూర్చోవడం సరైంది కాదు” అని ఆలోచిస్తాడు.
ఇక రాత్రి అవ్వగానే అవని అందరినీ పిలుస్తుంది — “రండి రండి, భోజనం చేద్దాం” అని. అందరూ ఆశ్చర్యంగా “ఏం వంట చేశావ్?” అని అడుగుతారు. అప్పుడు బామ్మగారు వచ్చి “ఈరోజు నేను మీ అందరికీ నా చేత్తో ఆవకాయ ముద్దలు పెడతాను” అంటారు.
పల్లవి, శ్రియ మొదట అసహనంగా “అమ్మమ్మా, ఇలాంటివి మాకు ఇష్టం లేదు” అని మొహం మాడ్చేస్తారు. కానీ అవని, కమల్, అక్షయ్ అందరూ ఆనందంగా కూర్చుంటారు. బామ్మ గారు పెద్ద గిన్నెలో అన్నం, నెయ్యి, ఆవకాయ వేసి కలిపి ముద్దలు పెడుతారు. “ఇప్పటి కాలంలో అందరూ వేర్వేరు గదుల్లో తింటున్నారు, అందుకే ప్రేమలు తగ్గాయి” అని అంటారు.
కమల్ మొదటి ముద్ద తింటాడు — “అహా, అమృతం” అని అంటాడు. అందరూ తింటూ నవ్వుతూ ఉంటారు. పల్లవి మొదట “నాకు వద్దు” అని అంటుంది కానీ కమల్ ఆమె నోట్లో ముద్ద పెట్టి తినిపిస్తాడు. ఆమె మనసులో “ఇంత రుచిగా ఉంటుందని ఊహించలేదు” అని అనుకుంటుంది.
శ్రియ, శ్రీకర్‌లకు కూడా అవని, కమల్ బలవంతంగా తినిపిస్తారు. వారూ ఆనందంగా తింటారు. ఇంట్లో అందరూ ఒకే చోట కూర్చుని నవ్వుకుంటూ తినడం చూస్తే చక్కగా ఉంటుంది. బామ్మ “ఇలాంటివి మన ఇంట్లో తరచూ జరగాలి” అని అంటారు. అవని “వారానికి కనీసం రెండు రోజులు చేయాలి” అంటుంది. కమల్ “రోజూ చేద్దాం” అంటాడు. బామ్మ నవ్వుతూ “రోజూ తింటే చస్తావ్ రా సన్నాసీ” అని అంటుంది.
ఆ తరువాత అవని కూతురు ఫ్యామిలీ ట్రీ రాసి తీసుకొస్తుంది. అందరూ ఆనందంగా చూస్తారు. కానీ పల్లవి గమనించి “ఇందులో అవని తల్లిదండ్రుల పేర్లు లేవే?” అని అడుగుతుంది. అవని కూతురు “నాకు అమ్మ తల్లిదండ్రులు ఎవరో తెలియదు, అందుకే రాయలేదు” అని చెబుతుంది. అవని ఆ మాట విని కంటతడి పెడుతుంది. అందరూ మౌనంగా అవని వైపు చూస్తారు. ఈ సీన్ తో ఎపిసోడ్ ఇక్కడ ముగుస్తుంది.
