ఇంటింటి రామాయణం Oct 31st, 2025 శుక్రవారం ఎపిసోడ్ : తల్లి కోసం అవని ఆరాటం… అవని ప్రయత్నం ఫలిస్తుందా… !!!!
ఎపిసోడ్ ఆరంభంలో ఆరాధ్య స్కూల్ లో చెప్పిన ఫామిలీ ట్రీ డ్రా చేసి ఇంట్లో వాళ్ళకి చూపిస్తుంది. పల్లవి అది చూసి శ్రీయ పిన్ని వాళ్ళ అమ్మ నాన్న ఇంకా మా అమ్మ నాన్న పేర్లు రాసావు కానీ మీ అమ్మ వాళ్ళ అమ్మ నాన్న పేర్లు రాయలేదు ఏంటి అని అడుగుతుంది. దానికి ఆరాధ్య నాకు తెలీదు అందుకే రాయలేదు అని చెప్తుంది.
అపుడు పల్లవి కావాలని “మీ అమ్మ అడగకపోయినా నీకు చెప్పాలి కదా? అలా చెప్పలేదు అంటే, అవని అక్కకి తల్లిదండ్రులు లేరన్నట్టే కదా” అని అవనిని బాధపెడుతుంది. అక్షయ్, కమల్ ఇద్దరూ పల్లవిని మందలిస్తారు. ఇంట్లో అందరూ అవనికి అండగా నిలుస్తారు.
తర్వాత అవని తన గదిలో బాధపడుతూ ఉంటుంది. ఆరాధ్యకు తన తల్లిదండ్రుల విషయం చెప్పలేకపోతున్నందుకు బాధపడుతుంది. అక్షయ్ ఆరాధ్యతో — “మీ అమ్మకు తల్లిదండ్రులు ఉన్నారు, కానీ పరిస్థితుల వల్ల ఆమె చెప్పలేకపోతుంది” అని చెబుతాడు. అక్షయ్ అవనితో మీ అమ్మ ఉంది అని నీకు తెలుసు కదా ఎక్కడ ఉందో వెళ్లి తీసుకురా మనతోనే ఉంటుంది అని అంటాడు. తర్వాత భరత్‌తో అవని మాట్లాడుతుంది. ఆమె “నాకు అమ్మను చాలాకాలంగా చూడాలనుంది కానీ పరిస్థితుల వల్ల వెళ్లలేకపోతున్నా” అని చెబుతుంది. భరత్ “రేపు వెళ్దాం” అని అంగీకరిస్తాడు.
మరుసటి రోజు ఇద్దరూ అమ్మ కోసం ఆమె ఇంటికి వెళ్తారు. కానీ తలుపు తాళం వేసి ఉంటుంది.
పక్కింటి వాళ్లను అడిగితే, “తలుపు మూడు రోజులుగా లాక్ ఉంది, ఆమె ఎక్కడికి వెళ్లిందో తెలియదు” అని చెబుతారు. అవని, “అమ్మ మన కోసం వెళ్లి ఉంటుందేమో” అని ఆందోళన చెందుతుంది.
భరత్ ఆమెను ధైర్యం చెబుతూ, “ఏం కాదు, అమ్మ త్వరలో మనకు దొరుకుతుంది” అని చెబుతాడు.
తరువాత సీన్‌లో చక్రధర్ తన ఫ్రెండ్తో మాట్లాడుతుంటే ఆయన చేతిపై పచ్చబొట్టు కనిపిస్తుంది. అతను “నా మొదటి భార్య మీనాక్షి గురించిన పచ్చబొట్టు ఇది. ఆ జ్ఞాపకాలు ఇప్పటికీ చెరిగిపోవు. ఆమె గురించి గుర్తొస్తే నాకు చాలా కోపం వస్తుంది” అని చెబుతాడు. కొద్దిసేపటికి “ఆమెను చంపితేనే మనశ్శాంతి వస్తుంది” అని చెబుతూ కోపంతో ప్రవర్తిస్తాడు. అపుడు తన ఫ్రెండ్ “నేను ఆమె కొడుకుని కిడ్నాప్ చేసాను, కానీ రౌడీల నిర్లక్ష్యం వల్ల వారు తప్పించుకున్నారు” అని ఒప్పుకుంటాడు. అపుడు చక్రధర్ “ఇలాంటి జ్ఞాపకాలు నీ కోపాన్ని పెంచుతున్నాయి, ఆలోచన మార్చుకో” అని సూచిస్తాడు. కానీ అతను మాత్రం “మీనాక్షి మళ్లీ వస్తే ఈసారి తప్పించుకోలేదు” అని చెబుతాడు.
ఇంతలో ఇంట్లో మరో సీన్‌లో అక్షయ్ సంతోషంగా తన తల్లిదండ్రుల దగ్గరకు వచ్చి “నాకు ఉద్యోగం వచ్చింది” అని చెబుతాడు. కుటుంబం మొత్తం ఆనందిస్తుంది. రాజేంద్రప్రసాద్ “ఇన్ని రోజులు నువ్వు టెన్షన్‌లో ఉన్నావు, ఇప్పుడు దేవుడు మనతో ఉన్నాడు” అని చెప్తాడు.
అయితే శ్రీయ వ్యంగ్యంగా “మార్కెటింగ్ సూపర్‌వైజర్ అంటే పెద్ద పని కాదు. షాపులకి వెళ్లి ఆర్డర్లు తీసుకోవడమే” అని చెబుతుంది. అవని దానికి కోపంగా “పని చిన్నదో పెద్దదో కాదు, గౌరవమే ముఖ్యం” అని చెబుతుంది. అంతలో కమల్ “మీ ఆయన ఏం సుప్రీమ్ కోర్ట్ జడ్జి కాదుగా అంతా గొప్ప లాయర్ అయితే ఇంటి ముందు క్లైంట్స్ క్యూ లేదు ఏంటి ” అని అంటాడు. అవని శ్రేయ పల్లవి లతో “మీరు సహాయం అడిగినప్పుడు మాత్రమే మా గురించి తక్కువగా మాట్లాడే హక్కు ఉంది, అలాంటి అవసరం మాకు ఎప్పటికి రాదు” అని సమాధానమిస్తుంది.
తర్వాత సీన్‌లో మీనాక్షి ఒక ఇంటి దగ్గరకి వచ్చి “ఇది రాజేంద్రప్రసాద్ ఇల్లు కదా? నా కూతురు ఇక్కడ ఉంటుంది” అని చెబుతుంది.
మరుసటి ఎపిసోడ్ ప్రోమో లో చక్రధర్ మీనాక్షి భరత్ అవని ఉన్న ఫోటోని చూసి “మీనాక్షికి ఈ ఫోటో దొరికిందా? అవనీని కలవడానికి వచ్చిందా? లేక భరత్, అవని ల తండ్రి ఎవరో చెప్పడానికి వచ్చిందా?” అనే సందేహంతో ఎపిసోడ్ ముగుస్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
