ఇంటింటి రామాయణం Nov 4th, 2025 మంగళవారం ఎపిసోడ్ : కన్నతల్లిని కలుసుకున్న అవని… ఆనందంలో అవని కుటుంబం …!!!
💥 చక్రధర్ కుట్ర – ప్రమాదం నుంచి అక్షయ్ ని కాపాడిన మీనాక్షిని
తన కొడుకు, కూతురిని వెతుక్కుంటూ వచ్చిన మొదటి భార్య మీనాక్షిని చంపేయాలని చక్రధర్ ప్లాన్ చేస్తాడు. అదే సమయంలో అనుకోకుండా ప్రమాదంలో ఉన్న అక్షయ్ ని మీనాక్షి కాపాడుతుంది.తనని కాపాడి గాయపడిన మీనాక్షిని ఇంటికి తీసుకువస్తాడు.
ఇంటికి రాగానే అక్షయ్ ఆమెకు చెబుతాడు — “మీరు ఇక్కడే కూర్చోండి, నేను లోపలికి వెళ్లి మా వాళ్లతో మాట్లాడి వస్తాను.” ఈ సమయంలో అవనికు తెలియకుండానే ఒక అనుభూతి కలుగుతుంది — “నాకెవరో ఎంతో అవసరమైన వారు వచ్చినట్టుగా అనిపిస్తోంది,” అని తనలో అనుకుంటుంది.
🙏 కృతజ్ఞత చెప్పాలన్న అవని ప్రయత్నం
అవని అక్షయ్‌ను ఇంత త్వరగా ఎలా వచ్చారు? ఆఫీసుకి వెళ్తానన్నారు కదా? అని అడుగుతుంది.
అక్షయ్ నాకు యాక్సిడెంట్ అవ్వబోతుండగా, ఒక పెద్దావిడ నన్ను కాపాడింది అని చెప్తాడు. అవని వెంటనే అంత పెద్ద ప్రమాదం నుంచి మీరు బయటపడ్డారంటే, ఆ అమ్మ ఒక దేవత రూపంలో వచ్చిందేమో అని అంటుంది. దానికి అక్షయ్ అంటాడు — “ఆమె నన్ను కాపాడే ప్రయత్నంలో గాయపడ్డారు. అందుకే ఆమెను ఇంటికి తీసుకొచ్చాను. కొన్నాళ్లు మనతోనే ఉంటుంది.”
అవని “మీరు చాలా మంచిపని చేశారు. మనం వెళ్లి ఆవిడకు థాంక్స్ చెప్పాలి” అని అంటుంది. అక్షయ్ కూడా అంగీకరిస్తాడు. వారు బయటకు వెళ్లడానికి సిద్ధమవుతారు. మీనాక్షికి కూడా అపుడే తన కన్నపేగు ఎక్కడో దగ్గరలోనే ఉన్నట్టుగా అనిపిస్తుంది.
😲 ఇంట్లో షాక్ – ప్రమాదం విషయం విన్న కుటుంబం
అవని, అక్షయ్ ఇంట్లోకి వస్తారు. కుటుంబ సభ్యులు ఆశ్చర్యపడి అడుగుతారు — “ఏమైంది? ప్రమాదమా?”
అవని జరిగినది మొత్తం చెబుతుంది. వింటూనే అందరూ షాక్ అవుతారు. “ఏమైంది? గాయాలు తగిలాయా?” అని ఒక్కొక్కరూ ఆందోళన చెందుతారు. అక్షయ్ చెబుతాడు — “నన్ను ఒక పెద్దావిడ కాపాడింది. ఆమెను మన ఇంటికి తీసుకొచ్చాను. కొన్నాళ్లు ఇక్కడే ఉంటుంది.” అని.
🗣️ శ్రియ – అవని మధ్య వాగ్వాదం
రాజేంద్ర ప్రసాద్ అక్షయ్ తో “నీ ప్రాణాలను కాపాడిన ఆవిడకి మనం కృతజ్ఞతలు చెప్పాలి. ఆమెను బయట ఉంచడం సరికాదు.” అని అంటాడు. అవని ఆమెను లోపలికి తీసుకురావాలనుకుంటుంది, కానీ సరిగా అదే సమయం లో శ్రియ అడ్డుకుంటుంది. శ్రియ “ఇపుడు ఆవిడను ఇంట్లో పెట్టుకోవడం అవసరమా? ఇది ధర్మసత్రం కాదు. ఎవరు పడితే వాళ్లను ఇంట్లో ఉంచలేం. ఈ చిన్న ఇంట్లో మనకే దిక్కులేదు ” అని అంటుంది. అవని కోపంగా “ఆవిడ నా భర్త ప్రాణాలను కాపాడింది. అంతపెద్ద సాయం చేసిన వాళ్లను కాళ్లు కడిగి నీళ్లు నెత్తిన చల్లుకోవాలి ” అని అంటుంది. కమల్, అక్షయ్‌లు కూడా ఆమెపై విరుచుకుపడతారు — “నువ్వు మనిషివేనా? మానవత్వం లేకుండా మాట్లాడుతున్నావు!” అని అంటారు.
😔 మీనాక్షి మనస్తాపం
ఈ సంభాషణ మొత్తాన్ని మీనాక్షి బయట విని బాధపడుతుంది. తన వల్ల ఎవరికీ ఇబ్బంది కలగకూడదనే భావనతో ఆమె అక్కడినుంచి వెళ్లిపోతుంది. పార్వతి అవనికి “వెళ్లి ఆమెను తీసుకురా.” అని చెప్తుంది.
అవని వెళ్తుంది, కానీ అప్పటికే మీనాక్షి కనిపించదు.
💫 తల్లి–కూతురు కలయిక
అవని బయట వెతికి వెళ్లిపోతున్నా మీనాక్షిని చూసి “ఆగండి అమ్మా!” అంటూ మీనాక్షి భుజంపై చేయి వేస్తుంది. ఆ స్పర్శ తగిలిన క్షణం మీనాక్షి గుండె కదిలిపోతుంది. ఇద్దరూ ఒకరినొకరు చూసుకుంటారు. అవని ఆశ్చర్యంతో, కన్నీళ్లతో “అమ్మా!” అంటూ మీనాక్షిని కౌగిలించుకుంటుంది. అవని ఏడుస్తూ చెబుతుంది “నిన్ను చూడాలని తమ్ముడు, నేనూ వచ్చాం. కానీ ఇంటికి తాళం వేసి ఉంది. ఎక్కడికి వెళ్లావో ఎవరికీ తెలియదు.”
మీనాక్షి చెబుతుంది “నేను మీ కోసమే వచ్చాను. మీ ఇంటికి వెళ్ళినా తాళం వేసి ఉంది. మీ ఫోన్ నంబర్ కూడా పోయింది. ఎక్కడ ఉన్నారో తెలియలేదు.” అని . అవని చెప్పుతుంది “నువ్వు కాపాడింది ఎవరో కాదు అమ్మా, నా భర్తనే. ఆయన పేరు అక్షయ్.” దాంతో మీనాక్షి ఆనందంతో ఉప్పొంగిపోతుంది.
👩👧 అవని తన తల్లిని ఇంటికి తీసుకువస్తుంది
అవని “రా అమ్మా, ఇంటికి వెళ్దాం.” అని అడుగుతుంది. మీనాక్షి నిరాకరిస్తుంది “నీకు భారం కాలేను.” అని. అవని ప్రేమగా “ఏ ఇంట్లో అయినా అందరి మనసులు ఒక్కలా ఉండవు. వాళ్ల కోసం మన బంధాలను వదులుకోలేం.” అని చెప్పి తన చేయి పట్టుకుని ఇంటికి తీసుకువస్తుంది. ఇంట్లో అందరూ షాక్ అవుతారు. “ఈమె ఎవరో తెలుసా? మా అమ్మ!” అని అవని చెబుతుంది. అలానే ఇంట్లో అందరిని ఒక్కొక్కరిగా పరిచయం చేస్తుంది. అందరు అవని తల్లి వచ్చింది అని సంతోషిస్తారు. అయితే ఆ సమయంలో పల్లవి ఇంట్లో ఉండదు.
😮 అక్షయ్‌కి సర్ప్రైజ్ – అత్త పరిచయం
అవని “ఇదిగో, ఆయనే నీ అల్లుడు.” అని అక్షయ్ ని పరిచయం చేస్తుంది. అక్షయ్ ఆశ్చర్యపోతాడు — “నా ప్రాణాలను కాపాడినది నా అత్తగారేనా!” అంటూ కృతజ్ఞతలు చెబుతాడు. మీనాక్షి చెబుతుంది — “దేవుడే నన్ను ఇక్కడికి తీసుకువచ్చాడు.” అని. అవని ఆమెను ఇంట్లోకి తీసుకువస్తుంది.
ఇంతలో ఆరాధ్య వస్తుంది. మీనాక్షి ఆమెను చూసి “ఈ పిల్లను ఎక్కడో చూశాననుకుంటున్నా” అని గుర్తు తెచ్చుకుంటుంది. అవని “ఈమె నీ మనవరాలు.” అని చెప్తుంది. ఆరాధ్య కూడా గుర్తు పట్టి తాను మా స్కూల్ దగ్గర ఉండే అమ్మమ్మ. అని చెప్తుంది. మీనాక్షి ఆరాధ్యను ముద్దు చేస్తూ కౌగిలించుకుంటుంది.
📞 భరత్‌కి సమాచారం
మీనాక్షి భరత్ గురించి అడుగుతుంది. అవని భరత్ వాళ్ళు వేరే ఇంట్లో ఉంటారు అని చెప్తుంది. పిలిస్తే వస్తాడు అని భరత్ కి కాల్ చేసి విషయం చెప్తుంది. భరత్ సంతోషంతో వెంటనే వస్తున్నా అక్క అంటూ ఫోన్ పెట్టేస్తాడు.
ఇంతలో పల్లవి తన ఫ్రెండ్ ఇంట్లో కొత్త ప్లానింగ్‌తో కనిపిస్తుంది .
అంతటితో ఆ ఎపిసోడ్ ముగుస్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
