ఇంటింటి రామాయణం Nov 5th, 2025 బుధవారం ఎపిసోడ్ : డబ్బు కోసం పల్లవి తిప్పలు …. మీనాక్షికి పల్లవి చక్రధర్ కూతురు అని తెలుస్తుందా … ???
డబ్బు కోసం పల్లవి తిప్పలు
ఎపిసోడ్ ఆరంభంలో పల్లవి తన స్నేహితురాలు రమ్యను కలవడానికి వెళ్తుంది. ఆమె కాస్త ఆలోచిస్తూ రమ్య దగ్గర చిన్న సహాయం కోరుతుంది. పల్లవి, రమ్యను చూసి తన ఆర్థిక పరిస్థితి కాస్త ఇబ్బందిగా ఉందని, కొంత అమౌంట్ అడ్జస్ట్ చేయగలవా అని అడుగుతుంది. రమ్య, పల్లవిని ఆశ్చర్యంగా చూస్తూ నువ్వు పెద్ద వ్యాపారవేత్త కూతురు కదా, మీ నాన్న పెద్ద బిజినెస్‌మెన్, మీ మామయ్య కూడా చాలా రిచ్, అలాంటి నువ్వు నా దగ్గర డబ్బు అడగడం విచిత్రంగా ఉందని చెబుతుంది. ఆమె వారినే అడగొచ్చుకదా అని సూచిస్తుంది.
పల్లవి, రమ్యని చూసి వారిని అడిగే పరిస్థితి ఉంటే నీ దగ్గరకు వస్తానా అని సమాధానం ఇస్తుంది.
రమ్య, పల్లవిని వ్యంగ్యంగా చూస్తూ నిన్నటి వరకూ నీ గొప్పలు చెప్పుకున్నావ్ కదా, నీ భర్త కరెంట్ డిపార్ట్మెంట్‌లో పని చేస్తున్నప్పుడు నీ పొజిషన్ ఏంటో అర్థం అయ్యిందని చెబుతుంది. ఆమె, నీ సీన్ రివర్స్ అయిపోయిందని అందరికీ తెలుసని, అయినా నీకు డబ్బు ఇస్తే తిరిగి ఇస్తావ్ అనే నమ్మకం ఉండాలి కదా అని అంటుంది.
పల్లవి, రమ్యని ఆశ్చర్యంగా చూసి ఆలా మాట్లాడతావ్ ఏంటి అని అడిగినప్పుడు రమ్య, లేనప్పుడు లేదని చెప్పకుండా ఇలా నటిస్తే ఇలాగే అవుతుందని చెబుతుంది. ఆమె పల్లవితో నిన్ను నమ్మలేకపోతున్నానని, నీ అబద్ధాలు, అహంకారం చూసి ఆశ్చర్యంగా ఉందని చెబుతుంది. రమ్య, ముందుగా నీ ఆలోచన మార్చుకో, నీ మంచి కోరుకునే స్నేహితురాలిగా చెబుతున్నానని సలహా ఇస్తుంది.
పల్లవి, రమ్య వైపు చూసి ఇక ఆపు నీ ఉచిత సలహాలు రమ్య, నిన్ను అడగడం నా బుద్ధి తక్కువ అని కోపంగా చెబుతుంది. అని చెప్పి పల్లవి అక్కడినుంచి వెళ్లిపోతుంది. రమ్య వెళ్తున్న పల్లవిని చూసి పొజిషన్ పోయినా పొగరు మాత్రం తగ్గలేదని అనుకుంటుంది.
పల్లవి, చక్రధర్ ల మధ్య తగవు
పల్లవి రోడ్డుపై నడుచుకుంటూ వెళ్తుండగా చక్రధర్ తన కారులో కూర్చుని మీనాక్షి, అవని, భరత్‌లతో ఉన్న ఫోటోని చూస్తూ ఉంటాడు. పల్లవి చూసి డాడ్ ఇక్కడ ఏమి చేస్తున్నారో అని అనుకుంటుంది. చక్రధర్, కారు అద్దంలో నుంచి పల్లవిని గమనించి ఆ ఫోటోని వెంటనే కింద పడేస్తాడు. పల్లవి దగ్గరికి వెళ్లి చక్రధర్ వైపు చూసి తన పరిస్థితి గురించి చెబుతుంది — డాడ్, నా పరిస్థితి ఎలా అయిందో చూశారా, నన్ను రోడ్డుపై పడేశారు, నాకు డబ్బులు ఇవ్వలేదు అని బాధతో అంటుంది.
చక్రధర్ పల్లవిని చూసి తాను ఆమెకు డబ్బు ఇవ్వకపోవడానికి కారణం చెప్పానని, ఆమె తన మాట వినకపోతే తాను ఆమె మాట ఎందుకు వినాలి అని చెబుతాడు. తాను కూడా ఆమె లాగే పట్టుదలగలవాడినని, ఆమెకు ఎంత పట్టుదల ఉందో తనకూ అంతే ఉందని చెబుతాడు.
పల్లవి, చక్రధర్ వైపు కోపంగా చూసి నాకూ టైమ్ వస్తుంది డాడ్, ఇప్పుడు మీరు నన్ను నిలదీస్తున్నారు కదా, ఒకరోజు నేనూ మిమ్మల్ని నిలదీస్తాను, అప్పుడు చెబుతాను మీ సంగతి అని చెప్పి పల్లవి ఆవేశంగా అక్కడినుంచి వెళ్ళిపోతుంది. చక్రధర్ తనలోనే మీనాక్షి కనిపించక టెన్షన్ పడుతుంటే, ఇప్పుడు ఇది మరో సమస్య అని అనుకుంటాడు. ఆమెను తీసుకెళ్లిన వాడిని పట్టుకుంటే మీనాక్షి ఎక్కడుందో తెలిసిపోతుందనే భావనలో ఉంటాడు.
అవని కుటుంబంతో ఆనందంలో మీనాక్షి
మరోవైపు మీనాక్షి అవని కుటుంబంతో కలిసిపోతుంది. ఇంట్లో అందరూ ఆనందంగా ఉంటారు. మీనాక్షి అందరినీ చూసి ఎంతోకాలం తరువాత ఇంత హాయిగా ఉన్నానని చెబుతుంది. అవని భోజనం తీసుకుని వచ్చి అమ్మా, నేను మీకు తినిపిస్తానని చెబుతుంది. ఆరాధ్య ఉత్సాహంగా అమ్మమ్మ, నేను తినిపిస్తానని అంటుంది. మీనాక్షి, వారిద్దరినీ చూసి మీ చేతి ముద్ద నాకు ఎంతో ఇష్టమని నవ్వుతూ చెబుతుంది.
ఇంట్లో వారంతా కలిసి భోజనం చేస్తూ ఆనందంగా గడుపుతారు. అవని నవ్వుతూ ఇది నిజమైన ఆనందం కదా అని అంటుంది. శ్రియ వారిని చూసి ఈ ఇంట్లో ఏమి ఉన్నా లేకపోయినా ఈ పనికిమాలిన ప్రేమలు మాత్రం తక్కువ కావని వ్యంగ్యంగా అంటుంది. శ్రీకర్ ఆమెతో ఎందుకీ ప్రతిదీ నెగిటివ్‌గా ఆలోచిస్తావ్ అని అడుగుతాడు. శ్రియ పాజిటివ్‌గా ఆలోచించడానికి ఏముంది అని సమాధానం ఇస్తుంది.
భరత్ పెళ్లి విషయాన్ని తెలుసుకున్న మీనాక్షి
అవని, మీనాక్షిని చూసి అమ్మా, ఒక విషయం చెప్పాలి అని, తమ్ముడికి పెళ్లైపోయింది అని చెబుతుంది.
మీనాక్షి ఆశ్చర్యంగా ఆమెను చూసి ఏంటీ, నాకు ఒక్క మాట కూడా చెప్పకుండా పెళ్లి చేసుకున్నాడా అని అడుగుతుంది. అవని అది పెద్దలు చేసిన పెళ్లి కాదు, ముహూర్తాలు చూసి చేసిందే కాదు, అనుకోకుండా అయిపోయిందని చెబుతుంది. ఆమెకు తన కోడలు ఎవరో కూడా చెబుతూ మా అత్తయ్య మామయ్యల కూతురు, అంటే నా సొంత ఆడపడుచు అని చెప్తుంది. మీనాక్షి సంతోషంగా నవ్వుతూ అంటే నా కోడలు నీకు బంధువే కదా అని అంటుంది.
ఇంతలో భరత్ తన భార్య ప్రణతితో అక్కడికి వస్తాడు. మీనాక్షి వారిని చూసి చాలా రోజుల తరువాత నిన్ను చూశానురా భరత్ అని చెబుతుంది. భరత్ తన తల్లిని చూసి అమ్మా, ఎలా ఉన్నారు అని అడుగుతాడు. మీనాక్షి తన కొడుకును కౌగిలించుకుని నా కొడుకును ఇలా చూడటం నా అదృష్టం అని చెబుతుంది. భరత్, మీనాక్షికి ఈమె నా భార్య అని చెబుతాడు. మీనాక్షి సంతోషంగా నాకు అర్ధం అయింది అని చెప్తుంది. భరత్, ప్రణతి ఇద్దరూ ఆమె కాళ్లకు దండం పెట్టి మేము మీకు తెలియకుండా పెళ్లి చేసుకున్నామని క్షమించమని అంటారు. మీనాక్షి వారిని లేపుతూ అవని అంతా చెప్పిందని, తాను అర్థం చేసుకోగలనని చెబుతుంది.
భరత్ తల్లిని తనతో తీసుకెళ్లాలనుకోవడం
తరువాత భరత్, మీనాక్షిని చూసి అమ్మా, మీరు అక్క దగ్గర ఎందుకు ఉండటం,అసలే ఇక్కడ చాలా మంది ఉంటున్నారు ఇంత చిన్న ఇంట్లో, నాతో రండి అని అంటాడు. అవని వెంటనే అమ్మ ఎక్కడ ఉంటే ఏంటి, మాతో ఉంటే మాకు ఆనందమే కదా అని అంటుంది. అలానే భరత్ తో ఏ తల్లికైనా కొడుకు దగ్గర ఉండాలని ఉంటుంది కానీ నువ్వు ఉద్యోగం కోసం ప్రయత్నిస్తున్నావ్ కదా, కాస్త సెటిల్ అయిన తర్వాత తీసుకెళ్లు అని చెబుతుంది.
అప్పుడు అక్షయ్ ముందుకు వచ్చి మీ అమ్మగారిని మీ కంటే నేను బాగా చూసుకుంటాను, ఎందుకంటే ఆమె నా ప్రాణాలను కాపాడారని చెబుతాడు. భరత్ గౌరవంగా సరే బావగారూ, నేను ఉద్యోగం చేసుకుని సెటిల్ అయ్యాక అమ్మని తీసుకెళ్తాను అని చెబుతాడు.
పల్లవికి మీనాక్షిని పరిచయం చేసిన ఆరాధ్య
తరువాత పల్లవి ఇంటికి వస్తుంది. ఆరాధ్య చేతిలో ఫ్యామిలీ ట్రీ పట్టుకుని ఎదురు వస్తుంది. ఆరాధ్య, పల్లవిని చూసి మా అమ్మకి అమ్మ ఎవరో తెలియదని చెప్పావ్ కదా, ఇదిగో మా అమ్మమ్మ మీనాక్షి అని చూపిస్తుంది. పల్లవి వ్యంగ్యంగా హా పేరుకి ఏముందిలే, మనిషి ఉండాలి కదా అని అంటుంది. ఆరాధ్య వెంటనే పేరే కాదు, అమ్మమ్మ కూడా ఉంది, రా చూపిస్తాను అని చెబుతుంది.
ఆరాధ్య, పల్లవిని మీనాక్షి దగ్గరకు తీసుకెళ్తుంది. పల్లవి మీనాక్షిని చూసి షాక్ అవుతుంది. అక్షయ్ వచ్చి అవని అనాథ అని మాట్లాడావ్ కదా, ఇప్పుడేం అంటావ్ అని అడుగుతాడు. అవని కూడా ఏ మా అమ్మని చూసి మెదడు పని చేయడం లేదా , మాట రావడం లేదా అని అడుగుతుంది.
పల్లవి, నా మెదడు బాగానే పని చేస్తుంది అని చెబుతుంది, మీకు అమ్మ ఉన్నప్పుడు నాన్న కూడా ఉండాలి కదా అని అంటుంది. అవని ఆశ్చర్యపడి అంటే ఏంటి అని అడుగుతుంటే, పల్లవి మీ అమ్మ గురించి ఎంత గొప్పగా చెప్తున్నారు కానీ మీ నాన్న ఎవరో చెప్పాలి కదా అని అంటుంది. ఆమె, మీ నాన్న ఎక్కడ, ఆయన వస్తారా, రారా, అసలు ఉన్నారా అని వరుసగా ప్రశ్నలు వేస్తుంది.
మీనాక్షి ఆ ప్రశ్నలతో దిగ్భ్రాంతిగా నిలబడిపోతుంది. ఇంట్లో అందరూ నిశ్శబ్దంగా ఉంటారు.
ఆ సన్నివేశంతో ఎపిసోడ్ ముగుస్తుంది.
రేపటి ఎపిసోడ్‌లో మీనాక్షి పల్లవే చక్రధర్ కూతురు అని తెలుసుకుంటుంది — ఆ సన్నివేశం కథకు పెద్ద మలుపు ఇవ్వబోతుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
