ఇంటింటి రామాయణం Nov 7th, 2025 శుక్రవారం ఎపిసోడ్: చక్రధర్ పేరు విన్న మీనాక్షి షాక్ …. !!! మీనాక్షి రాక గురించి తెలుసుకున్న చక్రధర్ … !!!
పల్లవి తన మాటల్లో “నేను ది గ్రేట్ బిజినెస్‌మేన్ చక్రధర్ కూతుర్ని” అని చెబుతుంది. ఆ మాట విన్న వెంటనే మీనాక్షి ఆలోచనలో పడుతుంది. తనను చంపాలని ప్రయత్నించిన చక్రధర్ ఇతడేనా? తన భర్త చక్రధర్, పల్లవి తండ్రి చక్రధర్ ఇద్దరూ ఒకరేనా? అన్న సందేహాలు ఆమె మనసులో తిరుగుతాయి.
ఆ ఆలోచనలతో మీనాక్షి ఆదోళనగా ఉంటుంది. ఆ సమయంలో అవని గమనించి అడుగుతుంది – “ఏంటమ్మా, ఏదో ఆలోచిస్తున్నావ్ అనిపిస్తోంది. ఏమైంది? నువ్వు మా దగ్గరకి వచ్చేశావ్ కదా, ఇప్పుడు ఇంకా ప్రశాంతంగా ఉండు అమ్మా” అని అంటుంది.
మీనాక్షి మెల్లగా స్పందిస్తూ, “ఇందాక పల్లవి వాళ్ల నాన్న పేరు చక్రధర్ అని చెప్పింది కదా, ఎవరా చక్రధర్?” అని ప్రశ్నిస్తుంది. దానికి అవని సమాధానం ఇస్తూ, “ఆయన పేరుకు పెద్ద మనిషే, కానీ గర్వం, అహంకారం ఎక్కువ. క్యారెక్టర్ కూడా అంత మంచిది కాదు. అయితే ఆయన భార్య మాత్రం చాలా మంచి మనిషి. పల్లవిదీ, ఆమె నాన్నదీ మంచి బుద్ధి కాదు. నా జీవితం ఇలా మారడానికి కారణం వాళ్లిద్దరే” అని చెబుతుంది. తర్వాత విషయం మార్చే ప్రయత్నంలో “వాళ్ల గురించి వదిలేయ్ అమ్మా, నీకు టిఫిన్ పెట్టి నేను ఆఫీసుకు వెళ్తాను” అని అవని చెబుతుంది. మీనాక్షి “సరే” అని మౌనంగా అంగీకరిస్తుంది.
అయితే అవని మనసులో సందేహం కలుగుతుంది — “పల్లవి తండ్రి ఎవరు అని కాకుండా చక్రధర్ ఎవరో అని ప్రత్యేకంగా అడగడం ఎందుకు? చక్రధర్ అనే పేరుతో అమ్మకి ఏదైనా పరిచయం ఉందా?” అని ఆలోచిస్తుంది. అవని మళ్లీ మీనాక్షి దగ్గరకి వెళ్లి, “చక్రధర్ ఎవరని అడిగావ్ కదా, ఇతనే” అని చెబుతూ తన ఫోన్‌లో చక్రధర్ ఫొటో చూపిస్తుంది.
మీనాక్షి ఆ ఫోటో చూసిన వెంటనే షాక్ అవుతుంది. ఒక్కసారిగా కళ్లు తిరిగి కిందపడిపోతుంది. అవని కంగారుగా “అమ్మా! ఏమైందమ్మా?” అని పిలుస్తుంది. ఆమెను లేపేందుకు ప్రయత్నిస్తుంది కానీ స్పందన ఉండదు. ఈ సమయంలో అవని అత్త మామలు అక్కడికి వస్తారు, వారందరూ కూడా కంగారుగా చూస్తారు.
ఇంట్లో అక్షయ, కమల్, శ్రీకర్ ఎవరు లేకపోవడంతో అవని ఒకటే ఆటోలో మీనాక్షిని ఆసుపత్రికి తీసుకువెళ్తుంది.
ఇంతలో శ్రీకర్, శ్రేయ షాపింగ్ నుండి ఇంటికి బయలుదేరుతూ ఉండగా ఒక వ్యక్తి వచ్చి తన కేసు వాదించి గెలిపించినందుకు శ్రీకర్ కి థాంక్స్ చెప్పి ఫీజుగా 2 లక్షలు ఇస్తాడు. శ్రీకర్ కూడా థాంక్స్ చెప్తాడు. ఆ వ్యక్తి వెళ్ళగానే శ్రేయ ఈ డబ్బుతో ఏం చేస్తావు అని అడుగుతుంది. శ్రీకర్ అవని వదిన లాగా నేను కూడా ఇంట్లో అందరికి ఏమైనా గిఫ్ట్స్ కొంటాను అంటాడు. శ్రేయ కోపంతో మీ అన్నయ్య కోసం అప్పు తెచ్చి ఇచ్చారు కానీ నీకు ఏమైనా ఇచ్చారా ఇలా అందరికి ఖర్చు పెట్టడానికి అని కోప్పడుతుంది. ఈ డబ్బుతో ఏం చేయాలో నాకు తెలుసు అని ఆ డబ్బు తాను తీసుకుంటుంది.
ఇక మరోవైపు పల్లవి, రాజేశ్వరి ఇస్తాను అన్న సాయం కోసం ఇంటికి వెళ్తుంది. అక్కడ చక్రధర్ ఆమెను చూసి “ఇలా వచ్చావేంటి? మీ ఇంట్లో వాళ్ళ గురించి చెప్పడానికి వచ్చావా?” అని అడుగుతాడు. పల్లవి శాంతంగా “అక్కడ విషయాలు మీకు ఏం చెప్పొద్దూ అన్నారు కదా నేను ఎందుకు చెప్తాను. నేను అమ్మని కలవడానికి వచ్చాను” అని చెబుతుంది.
చక్రధర్ “మన కూతురు పెళ్లయినప్పటి నుంచి నీ కోసం ఎపుడు రాలేదు. ఇప్పుడు నిన్ను కలవడానికి వచ్చిందంటే ఆశ్చర్యంగా ఉంది. నువ్వే రమ్మన్నావా లేక తానే వచ్చిందా?” అని ప్రశ్నిస్తాడు.
రాజేశ్వరి జోక్యం చేసుకుంటూ “తల్లీ కూతుళ్లు ఒకరిని ఒకరు కలవకూడదా? అది ఏమైనా నేరమా? ఖర్చుల కోసం డబ్బుల్లేవని చెప్పగానే నా మనసు తట్టుకోలేదు కదా, అందుకే రమ్మన్నాను” అని చెబుతుంది. చక్రధర్ “హో, అమ్మ అవసరం లేదు కానీ అమ్మ ఇచ్చే డబ్బులు మాత్రం కావాలన్నమాటా?” అని వ్యంగ్యంగా చెబుతాడు.
పల్లవి మనసులో ఉన్న బాధను బయటపెడుతూ “ఆ ఇంట్లో ఉండటం ఎంత కష్టంగా ఉందో మీకు ఏం తెలుసు. అక్కడ అంత గందరగోళంగా ఉంది ” అని అంటుంది. దానికి రాజేశ్వరి అక్కడ నువ్వు ఇబ్బంది పెట్టడమే తప్ప నిన్ను ఏడిపించే వాళ్ళు ఎవరు ఉండరు అని అంటుంది. పల్లవి చిరాగ్గా ” నన్ను మనిషిగా గుర్తుంచేవాళ్లు ఎవరు లేరు ఆ ఇంట్లో. అందరూ అవనికే మద్దతుగా ఉంటారు. నిన్నటి వరకు దానిని అనాథ అని అనుకున్నాం, కానీ అది అనాథ కాదు. దానికి తల్లి ఉంది. ఉన్న వాళ్ళు సరిపోలేదు అని ఇపుడు ఆ మీనాక్షి కూడా మా ఇంట్లోనే ఉంది” అని చెబుతుంది.
ఆ మాట విన్న చక్రధర్ ఒక్కసారిగా దిగ్బ్రాంతికి గురవుతాడు. చేతిలో పట్టుకున్న కాఫీ కప్పు కిందపడిపోతుంది. చక్రధర్ ఆశ్చర్యంగా “ఏంటీ, మీనాక్షి మీ ఇంటికి వచ్చిందా?” అని అడుగుతాడు. పల్లవి, రాజేశ్వరి ఇద్దరూ ఆశ్చర్యంగా “ఏంటి ఆవిడ మీకు తెలిసినట్టుగా అడుగుతున్నారు?” అని అనుమానంగా అడుగుతారు.
చక్రధర్ తన మాటలను సర్దుకునే ప్రయత్నంలో “అవని అనాథ అని అనుకున్నాం కదా, ఇప్పుడు అమ్మ అని పిలుస్తోందని ఆశ్చర్యంగా అనిపించింది” అని చెప్పి ,”ఇపుడు అక్కడ అంత ఎలా ఉంది ” అని పల్లవిని అడుగుతాడు. దానికి పల్లవి “నన్ను అక్కడ విషయాలు ఏం చెప్పొద్దు అన్నారు కదా. మీరు అడిగిన చెప్పాల్సిన అవసరం నాకు లేదు” అని సమాధానం ఇస్తుంది.
చక్రధర్ విషయాన్ని తప్పించేందుకు “మన అమ్మాయికి ఖర్చుల కోసం రాజ్యం, ఓ లక్ష రూపాయలు లాకర్ లో ఉన్నాయి తీసుకురా” అని చెబుతాడు.
రాజేశ్వరి అనుమానంగా చక్రధర్ ని చూస్తూ వెళ్తుంది. రాజేశ్వరి వెళ్ళగానే పల్లవితో “ఆరోజు ఎదో కోపంలో ఉండి అలా మాట్లాడాను, నీకు ఏం ఇబ్బంది ఉన్న నాతో చెప్పు ” అని వెంటనే “అక్కడ ఇఔఉడ్ పరిస్థితి ఎలా ఉంది. ఆ మీనాక్షి మేథో ఏమైనా చెప్పిందా” అని అడుగుతాడు. ఆవిడకి నేను ఎవరో తెలియదుగా నాతో ఏం చెప్తుంది అంటుంది పల్లవి. అసలు ఎలా వచ్చింది అని అడుగుతాడు చక్రధర్. పల్లవి సమాధానంగా ” అక్షయ్ బావగారి తీసుకు వచ్చారు. అవని చాలా సంతోషంగా ఉంది. అందుకే కావాలి అని వాళ్ళ నాన్న గురించి అడిగాను. ఎంత గుచి గుచి అడిగిన ఆ మీనాక్షి ఏం చెప్పలేదు. ఎంత అడిగిన చెప్పలేదు అంటే వాడు ఎలాంటివాడో” అని తిడుతుంది.
చక్రధర్ వెంటనే “మనకి ఎందుకు లే వాళ్ళ నాన్న గురించి” అని అంటాడు. మనసులో తన గురించి ఎవరికీ తెలీదు అని ఊపిరి పీల్చుకుంటాడు. అంతలో రాజేశ్వరి పల్లవికి డబ్బులు తెచ్చి ఇస్తుంది. పల్లవి థాంక్స్ చెప్పి వెళ్తుంది.
రాజేశ్వరి అనుమానంతో చక్రధర్‌ను అడుగుతుంది – “పల్లవి మీనాక్షి పేరుచెప్పగానే మీరు అంత షాక్ అవ్వడం ఎందుకు? మొన్న కూడా ఆమె పేరును చెప్పగానే మీరు టెన్షన్ పడ్డారు. ఇప్పుడు మళ్లీ చెమటలు పట్టాయి. అంటే మీకు ఆ మీనాక్షి బాగా తెలిసిన ఆమెలా ఉంది కదా? ” అని అనుమానంగా అడుగుతుంది.
చక్రధర్ కోపంగా “ఏం మాట్లాడుతున్నావ్?” అని అంటాడు. రాజేశ్వరి “ఇప్పుడు కూడా మీనాక్షి పేరు చెబితే ఇంత ఆందోళన పడుతున్నారు. అంటే ఏదో సంబంధం ఉన్నట్టుంది” అని వెళ్తుంది. చక్రధర్ మనసులో “ఇప్పుడే ఇన్ని అనుమానాలు వస్తున్నాయి. అదే ఆమె నా మొదటి భార్య అని తెలిస్తే ఏమవుతుందో. ఎవరికి నిజం తెలియక ముందే ఆ మీనాక్షిని చంపేయాలి ” అని అనుకుంటాడు.
ఇక ఆసుపత్రిలో, డాక్టర్ అవనితో మాట్లాడుతుంది. “మీ అమ్మా ఏది విషయం గురించి తీవ్రంగా ఆలోచించడం వల్ల మూర్ఛపోయింది. కానీ ప్రాణాలకు ప్రమాదం లేదు. ఇంజక్షన్ చేస్తాను కాసేపట్లో సృహలోకి వస్తారు,” అని చెబుతుంది. అవని కాస్త ఊపిరి పీలుస్తుంది. అత్త మామలు ఫోన్ చేయడంతో విషయం చెప్తుంది.
అంతటితో ఈ ఎపిసోడ్ అయిపోతుంది.
మరుసటి రోజు ఎపిసోడ్ ప్రోమోలో చక్రధర్ మీనాక్షిని చంపే ప్రయత్నం చేస్తాడు. అయితే ఆ సమయానికి అక్కడికి చేరుకున్న అవని ఆమెను కాపాడుతుంది. అప్పుడు మీనాక్షి కన్నీరు పెట్టుకుంటూ “ఈ దుర్మార్గుడే నీ తండ్రి” అని అవనికి చెబుతుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
