ఇంటింటి రామాయణం Nov 10th, 2025 సోమవారం ఎపిసోడ్: నిజం తెలుసుకుని తండ్రితో సవాల్ చేసిన అవని …. !!!!
ఎపిసోడ్ మొదట హాస్పిటల్ సన్నివేశంతో ప్రారంభమవుతుంది. తల్లిని చంపబోతున్న చక్రధర్ ని పక్కకు తోసేసి అక్కడే ఉన్న సెలైన్ స్టాండ్ తీసుకుని కొట్టబోతుండగా మీనాక్షి శ్వాస తీసుకుంటూ కన్నీళ్లతో “ఇప్పటికైనా తెలుసుకోవాల్సిన సమయం వచ్చింది అవనీ…” అంటూ, చక్రధర్ వైపు చూపిస్తుంది. “ఈ మనిషి నీ తండ్రి… నా భర్త” అని చెబుతుంది. అవని ఒక్కసారిగా షాక్ అవుతుంది. “ఏమిటి అమ్మా, ఇతనా నా తండ్రి?” అంటూ సెలైన్ స్టాండ్ కిందపడేసి వెనక్కి వెళ్తుంది. “ఇతనే నీ తండ్రి అవనీ” అని మీనాక్షి నిశ్శబ్దంగా చెప్పగా, అవని “ఇలాంటివాడా నా తండ్రి? నా తల్లిని బాధపెట్టిన వాడు ఇతడేనా?” అని ఆవేదనగా అడుగుతుంది.
అవని కోపంతో “నువ్వు నా తండ్రివి అనే విషయం ముందే తెలిసి కూడా చెప్పలేదా? నీలో మనసు, మానవత్వం లేవు. మా అమ్మ నీ పేరే వినగానే భయపడేది, ఎందుకంటే నువ్వు ఏదైనా చేస్తావని ఆమెకు తెలుసు. ఇప్పుడు నాకు కూడా తెలుస్తోంది… నీ వల్ల మాకు ఎన్ని బాధలొచ్చాయో” అని చెబుతుంది.
చక్రధర్ మాత్రం నిర్లక్ష్యంగా “నేను ఎలాంటి వాడినో మీ అమ్మకు తెలుసు, ఇప్పుడు నీకు కూడా తెలిసింది. ఈ నిజం బయటపడితే మీరే ప్రమాదంలో పడతారు” అని హెచ్చరిస్తాడు. దానికి అవని “నీలాంటి వాడి బెదిరింపులకు భయపడను. నువ్వు నా తండ్రివని నేనే చెప్పను. కానీ నువ్వే నీ నోటితో చెప్పాలి — మా అమ్మ నీ భార్య అని, నేను నీ కూతురిని అని” అని గట్టిగా చెబుతుంది.
తర్వాత అవని చెబుతుంది, “మా అమ్మ నీ గురించి చెప్పకపోవడం భయంతో కాదు, జాగ్రత్తతో. నేను అర్థం చేసుకున్నాను. కానీ నువ్వు మా అమ్మను చంపాలనుకున్నది ఈ వీడియోలో రికార్డ్ అయింది. మా అమ్మ నీ పేరు విని భయపడుతుంది అని ఎందుకు అయిన మంచిది అని నేను సీక్రెట్‌గా వీడియో ఆన్ చేసి పెట్టా. నువ్వు ఏదైనా చేస్తే ఈ వీడియో పోలీసులకు చూపించి జైలులో వేస్తాను. ఇప్పుడే చేయగలను కానీ చేయను. ఎందుకంటే నువ్వే నీ నోటితో నిజం చెప్పాలి. నీ నోటితో చెప్పించే వరకు నిన్ను వదిలేస్తున్నాను” అని హెచ్చరిస్తుంది.
చక్రధర్ ఒక్క మాట మాట్లాడకుండా చూస్తూ ఉండిపోతాడు. అవని “మా అమ్మకు నువ్వు చూపించిన నరకం, ఇప్పుడు నీకే చూపిస్తా” అని చెబుతుంది. మీనాక్షిని పట్టుకుని అక్కడి నుంచి తీసుకువెళ్తుంది.
ఇద్దరూ ఇంటికి చేరుకుంటారు. ఆ సమయంలో బయట పల్లవి కూర్చొని ఉంటుంది. ఆమెను చూసి మీనాక్షి మరియు అవని కొద్దిసేపు ఆగి చూస్తారు. పల్లవి, “ఏంటి అలా చూస్తున్నారు?” అని అడుగుతుంది. మీనాక్షి స్నేహంగా “చూడాలనిపించింది, చూస్తున్నాను” అని చెబుతుంది. పల్లవి ఆశ్చర్యంతో “ఏమో, కొత్తగా చూస్తున్నారు” అని అంటుంది. దానికి మీనాక్షి “అదంతా ఇవాళే తెలిసింది అమ్మా” అని చెబుతుంది. “ఏం తెలిసింది?” అని పల్లవి అడగగానే, మీనాక్షి “అది నువ్వూ నేనూ…” అని చెప్పబోతుండగా అవని అడ్డుకుంటుంది.
ఆ సమయానికి శ్రియ అక్కడికి వచ్చి “ఇప్పుడు మీ అమ్మ గారికి బాగుంది కదా, కళ్లుతిరిగి పడిపోయింది కాబట్టి సరిపోయింది, పెద్ద సమస్యేం కాలేదు” అని అంటుంది. “ఇలా ఆసుపత్రికి తిప్పడం కంటే ఆమెను వాళ్ల ఊరికి పంపిస్తే బాగుండేది కదా” అని పల్లవి అంటుంది. దాంతో అవని కోపంతో “మీ అమ్మానాన్నలు అనారోగ్యంగా ఉన్నప్పుడు కూడా ఇలాగే మాట్లాడుతావా?” అని ప్రశ్నిస్తుంది.
పల్లవి నిర్లక్ష్యంగా “నేను మీ అమ్మ గురించి మాట్లాడుతున్నాను. జరగరానిది జరిగితే మాకెందుకు ఆ బాధ” అని అంటుంది. కమల్ ఆపుతూ “ఇంకో మాట మాట్లాడితే మంచిది కాదు. అత్తయ్య పరాయి మనిషి కాదు” అని అంటాడు. పార్వతి కూడా “చెత్త వాగుడు వాగి చెంప దెబ్బ తినేసుకుని మధ్యలో మమ్మల్ని లాగకు” అని మందలిస్తుంది.
మీనాక్షి ఆపుతూ “పల్లవీ, అవనితో ఇలా గొడవ పడకు. అవని నీ అక్కలాంటిది” అని చెబుతుంది. దానికి పల్లవి “అవని నా తోడికోడలు. ఆమెను అక్క అని పిలవాలి అంటారు కానీ మీ కూతురు నాకు అక్క ఎలా అవుతుంది?” అని అంటుంది.
అవని మనసులో “మా నాన్న నీ నాన్న అని ఇప్పుడే తెలిసింది. నీకు కూడా తెలిసుంటే నేను నీ సొంత అక్కనే అని నీకర్థమయ్యేది” అని అనుకుంటుంది. కానీ స్పష్టంగా “నేను నీ సొంత అక్కనే” అని చెబుతుంది.
అప్పుడు పల్లవి తిరిగి “నా తండ్రి చక్రధర్ అని నేను గర్వంగా చెప్తాను. నీ తండ్రి ఎవరో చెప్పే ధైర్యం నీకు ఉందా? నీ తల్లి తన భర్త ఎవరో చెప్పగలదా? నీ తండ్రి ఉన్నాడా లేడా అనేది కూడా తెలియదు. అలాంటి దాని కూతురు అక్రమ సంతానం కాదా?” అని అవమానకరంగా మాట్లాడుతుంది.
ఆ మాట విన్న మీనాక్షి తట్టుకోలేక పల్లవిని చెంప దెబ్బతో కొడుతుంది. పల్లవి షాక్ అవుతుంది. కమల్ “మంచి పని చేసారు” అని అంటాడు. అందరూ ఆశ్చర్యంగా చూస్తారు. పల్లవి “నేను మీ కోడలు. నన్ను ఇలా కొట్టడం కరెక్టా?” అని అరిచి, “మీరు సినిమా చూస్తున్నారా?” అని కోపంగా అడుగుతుంది.
కమల్ సీరియస్‌గా “నువ్వు ఇలా మాట్లాడితే ఇదే ఫలితం. అత్తయ్య మంచి మనిషి కాబట్టి ఒక చెంప దెబ్బతో వదిలేశారు. వేరెవరైనా అయితే నాలుక చీరేవారు” అని అంటుంది. అక్షయ్ కూడా “నీ తల్లిని వెళ్లి ఇలానే అడుగు వాళ్ళు కూడా అలాగే కొడతారు” అని అంటాడు. ఇంకా ఇంట్లో అందరు తలో మాట అని పల్లవికి బుద్ధి చెప్తారు.
పల్లవి అవమానంతో బయటకి వెళ్లిపోతుంది. అపుడే అక్కడికి శ్రేయ వచ్చి ఎవరో మనకి సంబంధం లేని వాళ్ళు కూడా వచ్చి నిన్ను కొట్టారు. అయిన మన ఇంట్లో ఎవరు నీకు సపోర్ట్ చేయలేదు. అదే ఈ కాలో చెయ్యో విరిచేసి అంతే కదా. అదే నాకు ఇలా అయితే నేను మా వాళ్ళని తీసుకు వచ్చి రచ్చ రచ్చ చేసేదాన్ని. నువ్వు ఎందుకు అలానే ఉన్నవో నాకు అర్ధం కావడం లేదు అని పల్లవిని రెచ్చగొడుతుంది. దానికి పల్లవి కోపంగా నేను ఏంటో రేపు చూపిస్తాను. మా వాళ్ళని తీసుకు వచ్చి ఆ మీనాక్షి నా కాళ్ళు పట్టుకునేలా చేసుకుంటాను అని అంటుంది.
అవని గదిలో పల్లవి మాటలు గుర్తు చేసుకుని బాధ పడుతూ ఉంటుంది. అపుడే అక్షయ్ గదిలోకి వస్తాడు. అవని అక్షయ్ తో కళ్ళలో నీళ్లతో “థాంక్స్ అండి. మీరు న గురించి న పరిస్థితి గురించి అర్ధం చేసుకున్నారు. నాకూ మా అమ్మకి సపోర్ట్ చేశారు. నాకు అది చాలు” అని అంటుంది.
అంతటితో ఈ ఎపిసోడ్ అయిపోతుంది.
మరుసటి రోజు ఎపిసోడ్ ప్రోమోలో పల్లవి తన తల్లిదండ్రులతో కలిసి ఇంటికి వస్తుంది. “మీనాక్షి నన్ను కొట్టింది, మీరు దీనికి న్యాయం చేయాలి” అని అంటుంది. రాజేశ్వరి ముందుకు వచ్చి మీనాక్షి ని క్షమించమని అడుగుతుంది. పల్లవిని కూడా క్షమాపణ అడగమని చెప్తుంది. చక్రధర్ కూడా బయటికి నటిస్తూ “మీనాక్షి భర్త గురించి ఇలా మాట్లాడటం సరికాదు, పెద్దవాళ్ళతో ఆలా మాట్లాడటం తప్పు. నువ్వు క్షమాపణ చెప్పకపోతే నేను ఇపుడు అందరి ముందు నిన్ను కొడతాను” అని అంటాడు. పల్లవి షాక్ అయ్యి మీనాక్షికి సారీ చెప్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
