ఇంటింటి రామాయణం Nov 11th, 2025 మంగళవారం ఎపిసోడ్: పుట్టింటికి వెళ్లి సీన్ చేసిన పల్లవి … !!!
ఎపిసోడ్ ప్రారంభంలో అవని చాలా భావోద్వేగానికి గురవుతుంది. తన తల్లి విషయంలో అండగా నిలబడ్డందుకు, తన తల్లిని ఇక్కడే ఉండమని చెప్పినందుకు అక్షయ్‌కు కృతజ్ఞత చెబుతుంది. అక్షయ్ మాత్రం ఆమె మనసు నెమ్మదింపజేస్తూ”నువ్వు నా కుటుంబం కోసం ఎంతో చేస్తున్నావు. మా అమ్మ ని మీ అమ్మ లా చూసుకుంటున్నావు. నా చెల్లెలి కోసం కూడా చాల చేసావు. మరి నేను కూడా నీ కుటుంబం కోసం ఏమైనా చేయాలి కదా” అని అంటాడు. అతని మాటలు వినగానే అవని కళ్లల్లో నీళ్లు తిరుగుతాయి. ప్రేమగా అక్షయ్ వైపు వాలి తలను అతని భుజం మీద ఉంచి “మీరు ఏం చేయకపోయినా మీరు ఎపుడు నాకు గొప్పే అండి” అని చెప్తుంది.
ఇక మరోవైపు, పల్లవి మాత్రం తనకు జరిగిన అవమానం గుర్తుచేసుకుని కోపంతో రగిలిపోతుంది. మీనాక్షి తనపై చేయి చేసుకుందని, దానికి తగిన ప్రతీకారం తీర్చుకోవాలి అని నిర్ణయించుకుంటుంది. రేపు ఉదయం తన తల్లిదండ్రులను పిలిపించి, మీనాక్షికి వారితోనే బుద్ధి చెప్పిస్తా అని అనుకుంటుంది. తల్లి ద్వారా ఆమెను దెబ్బ తీయించాలని, తండ్రి ద్వారా ఆమెను అవమానించాలని పల్లవి తనలో తానుగా ప్రణాళిక వేసుకుని కళ్ళు మూసుకొని పడుకుంటుంది. ఆలా పడుకోగానే మునుపు తను అవనిని అవమానించినందుకు కమల్ తనకి గది నుండి బయటికి పంపించి రాత్రి అంత బయట పడుకోమని వేసిన శిక్ష గుర్తొస్తుంది.
ఎలానో ఇపుడు కూడా అదే చేస్తాడు అని చాప దిండు తీసుకుని బయటికి వెళ్తుండగా అదే సమయంలో కమల్ గదిలోకి వస్తాడు. బయటికి వెళ్లడానికి కారణం తెలుసుకుని ఎపుడు ఒకే శిక్ష వేయను అని ఇవాళ చేసిన దానికి శిక్షగా పల్లవిని రాత్రంతా మేల్కొని ఉండాలని ఆదేశిస్తాడు. కొద్దిసేపటికి పల్లవి అలసటతో కునుకు తీస్తే, కమల్ నీళ్లు తెచ్చి ఆమె ముఖంపై పోస్తాడు. పల్లవి భయంతో లేచి కూర్చుంటుంది. కమల్ హెచ్చరిస్తాడు — రాత్రంతా నిద్రపోకూడదని, మళ్లీ పడుకుంటే నీళ్లు కొట్టడమే కాదు, కళ్లే పీకేస్తానని. పల్లవి భయంతో మెలుకువగా కూర్చుంటుంది.
ఉదయం కావస్తుంది. అక్షయ్ నిద్రలో ఉండగా అవని లేచి వెళ్తుండగా అక్షయ్ సరదాగా ఆమె చేతిని పట్టుకుంటాడు. అవని సిగ్గుపడుతూ వదలమంటుంది. కానీ అక్షయ్ నవ్వుతూ, “నువ్వే నా కలల్లోకి వచ్చావ్ కాబట్టి, వదిలేయడం ఎందుకు?” అనే భావంతో ఆమెను దగ్గరకి లాక్కుంటాడు. అవని, అక్షయ్ ఏకాంతంగా ఇద్దరూ దగ్గరవుతున్న సమయంలో, అవని కూతురు ఆరాధ్య అమ్మని పిలుస్తుంది. అక్షయ్ ఒక్కసారిగా ఆగిపోతాడు. అవని త్వరగా దూరమై, కిచెన్ వైపు పరుగెత్తుతుంది. అక్షయ్ నవ్వుకుంటూ సైలెంట్ అవుతాడు.
ఇక మరో వైపు చక్రధర్ ఆసుపత్రిలో జరిగిన సంఘటనలను గుర్తుచేసుకుంటూ ఉంటాడు. అప్పుడు పల్లవి కోపంతో అక్కడికి చేరుతుంది. తలుపు తోసుకుని లోపలికి వస్తుంది. చేతిలో ఉన్న వస్తువులను నేల మీద విసిరేస్తూ, మీనాక్షి తనను కొట్టిందని చెబుతుంది. చక్రధర్ మరియు రాజేశ్వరి షాక్ అవుతారు. పల్లవి ఆగ్రహంగా “నా మీద చేయి చేసిందంటే ఆమెకు ఎవరు హక్కు ఇచ్చారు?” అని అరిచేస్తుంది.
పల్లవి తనవైపు నుంచి సమర్థించుకుంటూ చెబుతుంది — “నేను ఆమె భర్త గురించి అడిగాను అంతే. తన భర్త తనని వదిలేసాడు అనో లేదంటే చాచాడు అనో చెప్పి ఉంటే నేను ఏం అనను కదా. అలానే వాడు ఈ చచ్చు వెధవ అని చెప్పొచ్చు కదా. అలా ఏం చెప్పలేదు అంటే అది అక్రమ సంతానమే కదా” అని అంటుంది.
చక్రధర్ మాత్రం మనసులో భయంతో వణుకుతాడు. నిజం బయటపడిపోతుందేమోనని ఆలోచిస్తూ, “అది పెద్ద విషయం కాదు, వదిలేయమ్మా” అని సర్ది చెప్పడానికే ప్రయత్నిస్తాడు. కానీ పల్లవి ఆ మాటకు మరింత ఆగ్రహపడుతుంది. “నన్ను కొట్టడం మీకు చిన్న విషయమా? అంతక ముందు ఆ ఇంట్లో నన్ను ఎవరైనా చిన్న మాట అంటే కూడా ఊరుకునేవారు కాదు కదా” అని అడుగుతుంది.
రాజేశ్వరి కూడా కోపంతో “మన కూతుర్ని ఎవరో కొట్టడం చిన్న విషయం ఎలా అవుతుంది? వెళ్దాం, అడిగి తెలుసుకుందాం” అని చెబుతుంది. చక్రధర్ మాత్రం లోపల కంగారుతో “నాకిప్పుడు అర్జెంట్ పని ఉంది, మీరు వెళ్ళండి” అని తప్పించుకోవడానికి ప్రయత్నిస్తాడు.
కానీ రాజేశ్వరి వదలదు. “మీ పనులకంటే మన కూతురు గౌరవం ముఖ్యం” అని చెబుతూ అతన్ని లాక్కుని తీసుకు వెళ్తుంది. పల్లవి కూడా తల్లిని ప్రోత్సహిస్తూ “వాళ్లే ఎవరో నన్ను కొట్టారు. ఇప్పుడు మీరు అక్కడికి రావాలి. లేకపోతే నేనే వాళ్లని ఇక్కడికి పిలుస్తాను” అని అంటుంది.
చక్రధర్ గుండెల్లో భయం పెరుగుతుంది. మీనాక్షిని ఎదుర్కొంటే తన గుట్టు బయట పడుతుందేమోనని అనుకుంటాడు. అయినప్పటికీ రాజేశ్వరి బలవంతంగా అతన్ని పట్టుకుని అవని ఇంటికి తీసుకు వెళ్తుంది. లోపలి వెళ్లే ముందు కూడా ఆడవాళ్ళ గొడవలు మీరు మీరు చూసుకుంటే బాగుంటుంది నాకు అర్జెంటు కాల్ ఉంది నేను వెళ్ళాలి అని చెప్తున్నా కూడా పల్లవి, రాజేశ్వరి వినకుండా లోపలికి తీసుకు వెళ్తారు.
ఇంతలో మీనాక్షి పల్లవిని కొట్టినందుకు బాధ పడుతుంటే మీరు మంచి పనే చేసారు బాధ పడొద్దు అని ఇంట్లో అందరు చెప్తారు. అవని ఆఫీస్‌కి బయలుదేరుతుండగా, పల్లవి చక్రధర్, రాజేశ్వరి ఇద్దరితో కలిసి అక్కడికి చేరుతుంది. చక్రధర్ అంతా గమనిస్తూ మరింత ఉత్కంఠతో ఉంటాడు.
అంతటితో ఈ ఎపిసోడ్ అయిపోతుంది.
మరుసటి రోజు ఎపిసోడ్ ప్రోమో లో చక్రధర్ మీనాక్షిని రహస్యంగా కలుస్తాడు. ఆమెకు కొంత డబ్బు ఇచ్చి ఎవరికీ చెప్పకుండా అక్కడ నుండి వెళ్లిపొమ్మని చెప్తాడు. అదే సమయంలో అవని అక్కడికి వచ్చి ఇంకో 500 ఆ డబ్బు మీద పెట్టి వెళ్లిపొమ్మని చెప్తుంది. ఆటోలో వెళ్తున్న పల్లవి ఆ దృశ్యం చూస్తుంది. చక్రధర్ మరియు మీనాక్షి మధ్య ఉన్న సంబంధం మీద అనుమానంతో ఇంటికి వెళ్లి చక్రధర్ ని అడుగుతుంది
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
